Lûm 7:6 - Mundani

⁶ Mbɨ̧ nàà ka tsi nkùùle awa afɨ̀Ꞌ yaa, nkàà nê baa li mpfə ndùùlà àghɨ yu a li mbà̧aã awa mbɨ̀Ꞌɨ̀ bɔtefȩ la. Baà tsiꞋa ngɨ̀à wuê àghɨa alu̧ fi wu Fo Mbɔ̧ɔ̧mà nàa nyɨ̀Ꞌta awa la nàa nkɨa la. Baà ka tsi ndzə ànəa alu̧ nyaꞋ wu bɔ li shɨ a èbem àkata mbɨ̧ la.

Lûm 7:6 Iomraidhean Croise

Lûm 1:9

Mbɔ̧ɔ̧mà wu mâ ŋa am nènkèm abua tò a mànstsɔta Ntu̧ Ntsɔ̧̀ waã tò la, è koê nê ànəa e ndàꞋà la wu nkûŋ nê, màa ngɨ̀ e me tsàꞋte atò àfɨ̀Ꞌ àgeme e me làꞋà ànəa yɨ̧ abua tò,

Lûm 12:2

Bɨ̀ ka me fɨŋe bòt ngɔ̀ŋ ngɨ̀à èghɨ bɔ̀ɔ ngɨ̀à la, ka tsiꞋ mèmɨ̀ɨ̀te fi mɨ̧ kubte mènəè mɨ̧. Bɨ ghɨ̀ ale, ko bɨa me ghɨ̀ àghɨa Mbɔ̧ɔ̧mà nàa nkɔ̀ŋkà la, è wù àghɨa è wu àyea ntsɔ̧̀ la, nè àyea àa mbɔ̀ atò la, mè nè àyea a lâ nkùꞋu a mbì tò la.

Lûm 6:11

Bɨ̀ nɨ àwɨ̧ mɨ̧̂ mbɨ̀Ꞌɨ̀ bèmpfəà ane màngɨa kàbɔ̀ŋ, mè nɨ àwɨ̧ mbɨ̀Ꞌɨ̀ bòt yu̧ a màngɨa àghɨa Mbɔ̧ɔ̧mà kɨa la, ndɨ̀ wu bɨ̀ tsiꞋi àghɨ yeamɔꞋ nè Yesò Klistò la.

Lûm 6:19

E ngua nɨa èghɨ ngɔ̀ŋ ka fɨ̀Ꞌnà mènəè maa, ndɨ̀ wu bɨ̀ bela ndzèa mènəè mbɨ̀Ꞌɨ̀ bɔbȩ la. Bɨ̀ le yaã ŋa wɨ̧ mbɨ̀Ꞌɨ̀ èbùꞋ abua kàbɔ̀ŋ, me ghɨ̌ èbɨꞋte èghɨ nè mènəè kàbɔ̀ŋ, è wu ale bɨ̀ ŋa awɨ̧ mbɨ̀Ꞌɨ̀ èbùꞋ a èlɨ mbɔŋ a màngɨa èghɨ bu àà mbɔ̀ a Mbɔ̧ɔ̧mà la, mè me tseke mbɨ̀Ꞌɨ̀ bòt Mbɔ̧ɔ̧mà e bɔ ndɨ bɔ̀ɔ me tseke la.

Lûm 6:2

BetsiꞋa à ka wu ale! Bàa wu bàà tsiꞋi mbɨ̀Ꞌɨ̀ bèmpfəà tè kàbɔ̀ŋ kà tsi mbɔ̀ mètàŋ a ègwet la la, bàa ghɨ̀ na e mě me ghɨa kàbɔ̀ŋ à?

Lûm 6:22

Ka àfɨ̀Ꞌ yaa Mbɔ̧ɔ̧mà tsì àwɨ̧ a èbem kàbɔ̀ŋ, bɨ tsiꞋi èbùꞋ tò la, àbȩ̀ yɨ̧ wu àghɨ yu a ghɨ̂ bɨ tsiꞋa ngɨ̀à wuê èghɨ bu àa mbɔ̀ Mbɔ̧ɔ̧mà, àa ghɨ̌ bɨa li bɔ mèmpème kàlìà la.

Lûm 6:4

Ale, bɔ li ntu awa baa tò ba nɔ̂, afɨꞋa bɔ zì awa a èdzî la ale, a wu nê ba li mpfə baa tò ba. A li ngu anè mbɨ̀Ꞌɨ̀ ba tsiꞋi e mě me tseke ane mèntsèke fi, wuê mbɨ̀Ꞌɨ̀ Yesò Klistò li njù̧ù̧me ane ènɨ̧ Tǎt wa Mbɔ̧ɔ̧mà la.

Lûm 7:1

Bɔnyɨ bɔ̧, e ngua ndàꞋà abua bòt bu bɔ ko ànəa mbɨ̧ nàa shua la. Bɨ lâ nko nê mbɨ̧ nàà nkùùla wòt wuê àfɨꞋa ŋut bele yû̧ la.

Lûm 7:2

A wua shua nê, mbɨ̧ nàà nkùùla àvi a lob lu̧ vi wuê mbɨ̀Ꞌɨ̀ lu̧ tò bele yû̧ la, ka lu̧ tò è pfə, àghɨa àa baãaã atò la à ka tsi ngu.

Lûm 7:4

Bɔnyɨ bɔ̧, eyaa bê ngu ndɨ àa ane yɨ̧ la. Yesò Klistò li mpfəè ale, a wu nè bɨ pfə ayɨ̧ mɨ̧̂ ane ànəa mbɨ̧ mbɨ̀Ꞌɨ̀ bɨ̀a tsiꞋi bòt wòt tsa. Ŋut wu wòt wu Mbɔ̧ɔ̧mà li njù̧ù̧me atò, mbɨ̀Ꞌɨ̀ e ghɨ̌ bɨa tsiꞋi bòt bɔ̀ɔ ntsèka ngɨ̀à àghɨa àa mbɔ̀ a Mbɔ̧ɔ̧mà la.

2 Kɔlìn 3:6

Tà ghɨ̀ àwa ba kùꞋù èbe bàa me làꞋà ànəa mènkàꞋa kèkweelè fi tò la. Ànəa mènkàꞋa mbɔŋ ntsě a màndzəa mènəè mbɨ̧ bɔ shɨ a si la, wu màndzəa mènəè Fo Mbɔ̧ɔ̧mà nàa shua la. Mènəè mbɨ̧ bɔ shɨ a si la nàà ngɨ̀à bòt e pfəꞋtà, ka mènəè Fo Mbɔ̧ɔ̧mà me ŋa mèmpème.

2 Kɔlìn 5:17

Ale, wòt nàa ntsìꞋa àghɨ yeamɔꞋ nè Yesò Klistò, tà tsiꞋi wòt fi. Mènəè nyǎꞋ tà li ngua ngɨ̀à la è tsê, mènəè tàa ngɨ̀à la tsiꞋi me fi.

Gàlashìà 3:13

Yesò Klistò li nɨ̀ àtsəa zi nchùꞋ ètsə ba a èbem ndɔ̀ mbɨ̧tsə, ndɨ̀ wu tà li ntsìꞋi ŋeꞋe ndɔ̀ ngaa zìambɔŋ àdziꞋa ya la. Aa anè nkàà nê Àkata Mbɔ̧ɔ̧mà a laꞋnê, “Ànyem a wu àtsəa waa waa tà tɨŋne a ègwet àyɨt la.”

Gàlashìà 6:15

Kò bɔ naŋe wòt kò bɔ bakà naŋe leꞋ, ko àyu ntsě ànəê. NdàꞋ àyea è wu ànəê la wu ndɨ wòt nàa tsiꞋi wòt fi la.

Efesɔ̀s 4:24

Bɨ̀ bɔ mè ntsìꞋi bòt fi Mbɔ̧ɔ̧mà ghɨ̀ àwɔb nê bɔ̀ wu mbɨꞋɨ̀ zia, me kùŋè alu̧ nkûŋ, è wû ndɨŋndɨ̀ŋ nè màmbɔ mèntɨ̧ɨ̧ kèfə la.

Filìpȩ 3:3

Bàa ka bà wu ngule bòt Mbɔ̧ɔ̧mà la. Aa anè nkàà nê wu Fo Mbɔ̧ɔ̧mà ka è ŋa awa mètàŋ ba me tsàꞋte atò la, ba mè ngua ngùꞋtà àwa ndɨ̀ wu ba Yesò Klistò ba è tsiꞋi mbɨꞋɨ̀ àghɨ yeamɔꞋ la. Mèntɨ̧ɨ̧ ma ntsě ane èghɨ bu bɔbȩ àa ngɨa ane mɔb ne mètàŋ la.

Kɔ̀losìà 3:10

Bɨ tsiꞋi bòt fi. Mbɔ̧ɔ̧mà wu tà ghɨ̀ àwɨ̧ ale la nàà ntsèka àfɨ̀Ꞌ àgème ngɨ̀à a èlɨ bɨ̀a tsiꞋi mbɨꞋɨ̀ zìambɔŋ, mbɨ̀Ꞌɨ̀ eko avi te paa la.