Lûm 6:9 - Mundani

⁹ Baa ko nê ndɨ̀ wuê Mbɔ̧ɔ̧mà li njù̧ù̧me Yesò Klistò a èbem èvə la, tà ka li tsi e mě epfə a. Èvə è ka tsi mbɔ̀ mètàŋ a ègwet tò.

Lûm 6:9 Iomraidhean Croise

Lûm 5:14

Bòt e li ngua mpfəèꞋta ebùꞋu ane Adàm eghǎ dzə ka wuê àfɨꞋa Mbɔ̧ɔ̧mà li ŋa mbɨ̧ abua Musì la. Bɔ li mpfəèꞋte fɔɔle ne bòt bu kàbɔ̀ŋ wɔb li è kà wu mbɨ̀Ꞌɨ̀ wu Adàm li ngɨ̀ la. Adàm li ngà ane abà ako ngu mbɨ̀Ꞌɨ̀ wòt wu nga ekɨꞋɨ la.

Lûm 6:10

Tà li mpfə ale, a wu nê tà bê mpfə ngò̧ yemɔ̀Ꞌ nkàà kàbɔ̀ŋ. Mè njù̧ù̧me ale nko nê ye tsiꞋa ntsèka e me ŋa kènuke wuê abua Mbɔ̧ɔ̧mà.

Lûm 6:14

Bɨ te ntsě èbùꞋ abua kàbɔ̀ŋ, ndɨ̀ wu è te ntsě mbɨ̧ ka nàa mbà̧aã awɨ̧ la. Àghɨa mbà̧aã awɨ̧ àfɨ̀Ꞌ yaa la tsiꞋi ntsɔ̧̀ Mbɔ̧ɔ̧mà.

Lûm 6:4

Ale, bɔ li ntu awa baa tò ba nɔ̂, afɨꞋa bɔ zì awa a èdzî la ale, a wu nê ba li mpfə baa tò ba. A li ngu anè mbɨ̀Ꞌɨ̀ ba tsiꞋi e mě me tseke ane mèntsèke fi, wuê mbɨ̀Ꞌɨ̀ Yesò Klistò li njù̧ù̧me ane ènɨ̧ Tǎt wa Mbɔ̧ɔ̧mà la.

Ebùlù 7:16

Tà me wu ntsìà mèpɨ̧̀ Mbɔ̧ɔ̧mà ale, è kà wu mbɨ̧ nàà ndàꞋà ànəa àndǎ̧ ntsìà mèpɨ̧̀ la ka è ghɨ̂ tà wu ale la. Wu mètàŋ mèmpème mu kà wu li lìa tà bɔ la, ka è ghɨ̀ atò ane ntsìà mèpɨ̧̀ Mbɔ̧ɔ̧mà la.

Ebùlù 7:25

Ale, betsiꞋa Yesò ko ngɨ̀ bòt bu tà ghɨ̂ bɔ kɨꞋɨ abua Mbɔ̧ɔ̧mà la, e peme nènkèm nkàà nê, tàà ntsèka ndɨ̀à ànəa yɔb a mbì Mbɔ̧ɔ̧mà àli àgème.

Ètsə 1:18

mè ngu wòt wu tà wu yu̧ la. E ndi mpfə, ka nè àfɨ̀Ꞌ yaa e ntsiꞋi yu̧ kà wu li e tsi pfə. Mâ bɔ nkȩ̀ȩ̀te èvə nè ète àdziꞋa àlaꞋ a bèmpfəà.