Lûm 6:21 - Mundani

²¹ Àbȩ̀ yu bɨ̀ le wua mbɔ a màngɨa èghɨ bu bɨ tsiꞋa mbɔ àtsəa kɔꞋɔ adù̧ àfɨ̀Ꞌ yaa la wu ghàà? Èghɨ mbɔŋ aa ŋa èvə.

Lûm 6:21 Iomraidhean Croise

Lûm 1:32

Bɔ batè nko ànəa Mbɔ̧ɔ̧mà shu la nê bɔ bɔ̂ ndɨ bɔ̀ɔ bùŋe bòt bɔ̀ɔ ngɨ̀à èwuu èghɨ mbɔŋ la, ka bɔ̀ wua ngɨ̀à wuê ndàꞋà bùà, bɔ me wùꞋta fɔ̀ɔ̀la bòt bu bɔ̀ɔ ngɨ̀à èwuu èghɨ mbɔŋ la mɨ̧̂.

Lûm 5:12

Kàbɔ̀ŋ lè kɨꞋɨ̀ a ngɔ̀ŋ nkàà wòt wemɔ̀Ꞌ, èvə e mè nkɨ̀Ꞌɨ̀ nkàà kàbɔ̀ŋ tò. Àyea a ghɨ̀ èvə e liꞋi waa waa nkàà ndɨ bòt bàgème e ghɨa kàbɔ̀ŋ la.

Lûm 6:16

Bɨ bakà ko nê wòt nàa ngɨ̀ tà ŋa avi abua wòt mbɨ̀Ꞌɨ̀ àbùꞋ, a màndzəa tò, tà tsìꞋi àbùꞋ a ŋut wu tàa ndzəa tò la à? Tàa ngɨ̀ tà tsìꞋi àbùꞋ a màngɨa kàbɔ̀ŋ, kàbɔ̀ŋ wu nàa ghɨ̌ taa pfə la, kò àyea àa ndzəa Mbɔ̧ɔ̧mà, àa ghɨ̌ taa tsiꞋi wòt tà tɨ̧ɨ̧ ndɨŋndɨ̀ŋ e mbì Mbɔ̧ɔ̧mà la leꞋ.

Lûm 6:23

Àbȩ̀ a kàbɔ̀ŋ wu èvə, ka àghɨa Mbɔ̧ɔ̧mà nàa ŋa mbɨ̀Ꞌɨ̀ tà kɔ̀ŋkè la wu mèmpème kàlìà, ndɨ̀ wu bàà tsiꞋi àghɨ yeamɔꞋ nè Yesò Klistò Lefɨ̀Ꞌ wa la.

Lûm 7:5

È li ngu afɨꞋa bàa ntsèka mbɨ̀Ꞌɨ̀ mbɨ̧te ènyit ta tèa nkɨà la, mbɨ̧ lɔ̀kte a kàbɔ̀ŋ wu a mbɨ̧̀ ènyit ya la, tè èghɨ bàa ngɨ̀à la e nɨ èvə nɨŋ nkɨ̀Ꞌɨ̂ adù̧ ya.

Lûm 8:13

Wòt me tseke mbɨ̀Ꞌɨ̀ mbɨ̧̀ ènyit kɨa la, ko tàa pfə. Ka wòt nɨa mètàŋ Fo Mbɔ̧ɔ̧mà ndììma èghɨ kàbɔ̀ŋ bu mbɨ̧̀ ènyit tò nàa nkɨà la, ko taa bɔ mèmpème.

Lûm 8:6

Wòt me mɨ̀ɨ̀tè wuê ànəa èghɨ mbɨ̧̀ ènyit nàa nkɨà la, ko tàa pfə. È we tàa mɨ̀ɨ̀tà ànəa èghɨ bu Fo Mbɔ̧ɔ̧mà nàa nkɨà la, naa bɔ mèmpème nè àlàŋkà èntɨ̧ɨ̧.

2 Kɔlìn 4:2

Ba tu̧u̧ mènəè àtsəa kɔꞋɔ mu bɔ̀ɔ ngɨa a ntsèm la. Ba tu̧u̧ e ghɨ mènəè nè àfɨte adù̧, bà ka mê ngu enəèꞋə èngǎ̧ Mbɔ̧ɔ̧mà. Ka Mbɔ̧ɔ̧mà ko nê baa ndâ ndzààtà mènəè nkûŋ tò maà ndàꞋà ane ndɨ waa waa nàa ko àghɨa bà wu yùà la.

2 Kɔlìn 7:11

Bɨ̀ lâ ndzè àghɨa ànəê yaa a saa awɨ̧, àbu a Mbɔ̧ɔ̧mà àa adù̧ la, a ghɨ ane yɨ̧ la. Bɨ li ngɨ̀ ntsɔ̧̀ a mànkubta mèntɨ̧ɨ̧ mɨ̧, mè ntso ane àghɨa bòt e ghɨ̀ la. A li ngɨ̀ bɨ lâ me kɨ eye am, mè me kɨ etàŋe ànəê am, mè ndɔ̀Ꞌ me kɨ enɔ̀ŋe ngoꞋ àtsəa wòt tà ghɨ a kàbɔ̀ŋ la. Bɨ nyɨꞋte ane balu̧ bàgème nê àbu ayɨ̧ a ntsě ane ànəa mbɔŋ.

Filìpȩ 3:19

Bɔɔ li nyɔ, nkàà bɔ nɨ èghɨ mbɨ̧te ènyit tɔb tèa nkɔ̀ŋkà la ngɨ̀ e tsiꞋi mbɨ̀Ꞌɨ̀ mbɔ̧ɔ̧mà. Bɔɔ ngɨ̀à tè ngù̧a nkùꞋ tɔb ane àghɨa ètsə bɔb e wu me kɔꞋɔ adù̧ la. Bèŋût aà nkwàꞋtà wuê èghɨ ngɔ̀ŋ yaa.

Ebùlù 10:29

Tè a wu ewu anè ane bòt baa, ko bɨ mɨɨtè nê, àa wu na ane wòt wu tà waa Waã Mbɔ̧ɔ̧mà la à? Àa wu na nè wòt wa tà nɨ̀ àlo̧ yu bɔ nɨŋ ngɨ̀ mènkàꞋa kèkweelè mu è shùa kàbɔ̀ŋ tò la, mbɨ̀Ꞌɨ̀ è ntsě àghɨ, mè ndaꞋa kàbɔ̀ŋ adù̧ Fo Mbɔ̧ɔ̧mà yu nàa nyɨ̀Ꞌta a ntsɔ̧̀ Mbɔ̧ɔ̧mà la à? Bɨ̀ la nkwàꞋtè èwuu ngoꞋ ŋut wu nàa eye la!

Ebùlù 6:8

Ka è wu nê, èghɨ ntsəa adù̧ la tsiꞋi njiŋtsə bɔ̂ mèfəèꞋ ko si mbɔŋ tsiꞋi àku, ntsìꞋi è ye betsiꞋa Mbɔ̧ɔ̧mà tsò̧ a me lìa bɔ tò̧ la.

Jimsì 1:15

Àghɨa ngaa a ghɨ̀ à lu̧u̧ a èntɨ̧ɨ̧ tò, è tsìꞋi dzəâ kàbɔ̀ŋ. ÀfɨꞋa kàbɔ̀ŋ ngaa ghe la, è nɨ̀ èvə nɨŋ nkɨ̀Ꞌɨ̂.

Jimsì 5:20

bɨ ko nê, wòt tɨŋe wòt ntsia tò a èbem mènəè kàbɔ̀ŋ, tà ko nê ye ghɨ̂ ŋut peme èvə. Àyea mbɔŋ a mè ngɨ̀ Mbɔ̧ɔ̧mà waꞋa mènəè kàbɔ̀ŋ wòt nyaŋ.

1 Pità 4:17

ÀfɨꞋa Mbɔ̧ɔ̧mà naa saꞋa bòt la a kuêꞋ, tà bɔ̂ ngua nga ebùꞋu ane bòt bi. Tè tà wu ebùꞋu ane ya ko àa li ewu na ane bòt bu bɔ ntu̧ ebɨ̧ɨ̧ne Ntu̧ Ntsɔ̧̀ yu è dzə abua Mbɔ̧ɔ̧mà la à?

1 Jɔ̌n 2:28

Bɔ̧ bɔ̧, mbɨ̀Ꞌɨ̀ àa la, bɨ̀ wu àghɨ yeamɔꞋ nè tò, mbɨ̀Ꞌɨ̀ tà li tà mea tà kɨꞋɨ, mèntɨ̧ɨ̧ ma me kweele, bà ka bɔ àtsəa kɔꞋɔ etɨ̧ɨ̧ a mbì tò.

Ètsə 16:6

Bòt baa e li mbùŋè bòt bê nè bèndàꞋàtɔŋ bê, à ŋa àlo̧ bɔ nu. Bɔ wua ndzèa ngoꞋ è kùꞋu ane àfàꞋ àyɔb la.”

Ètsə 20:14

Bɔ ghɨ̀ ale, màꞋà èvə nè àlaꞋ a bèmpfəà a èbem èwet ko àa mbɨ̀Ꞌɨ̀ èlemè nkòòla nè èkem adù̧ la. Èlemè waa èwet àa nkòòla adù̧ la wu èvə lu wòt nàa mpfəa mè mpfəa la.