Lûm 6:16 - Mundani

¹⁶ Bɨ bakà ko nê wòt nàa ngɨ̀ tà ŋa avi abua wòt mbɨ̀Ꞌɨ̀ àbùꞋ, a màndzəa tò, tà tsìꞋi àbùꞋ a ŋut wu tàa ndzəa tò la à? Tàa ngɨ̀ tà tsìꞋi àbùꞋ a màngɨa kàbɔ̀ŋ, kàbɔ̀ŋ wu nàa ghɨ̌ taa pfə la, kò àyea àa ndzəa Mbɔ̧ɔ̧mà, àa ghɨ̌ taa tsiꞋi wòt tà tɨ̧ɨ̧ ndɨŋndɨ̀ŋ e mbì Mbɔ̧ɔ̧mà la leꞋ.

Lûm 6:16 Iomraidhean Croise

Matìù 20:4

shu abua yɔb nê ‘Bɨ̀ ghǎ a mbȩ me faꞋa mɨ̧̂ ko maa ŋa wɨ̧ àghɨa a kuꞋu ane àfàꞋ àyɨ̧ la.’ Mbɨ̀Ꞌɨ̀ tà làꞋ ale la bɔ bê ndɔ̀Ꞌ me ghǎ.

Matìù 6:24

“BetsiꞋa wòt kà ko fàꞋ abua bètǎt àfàꞋ babe, nkàà nê tà bakà wua mpààbà wekǒ, nkɔ̀ŋkà wekǒ, ko taa me zə wekǒ ngwàa wekǒ. BetsiꞋa wòt kà me kùŋe a Mbɔ̧ɔ̧mà mè nkùŋà èkab.

Jɔ̌n 8:34

Yesò tsɔꞋɔ èngǎ̧ wɔb nê, “KwàꞋ ane nkûŋ tsiꞋ è shua wɨ̧ nê, wòt ègème tàa ngɨa kàbɔ̀ŋ la, wu àbùꞋ a èghɨ kàbɔ̀ŋ bu èntɨ̧ɨ̧ tò àa nkɨà la.

Lûm 11:2

Mbɔ̧ɔ̧mà bakà waꞋa bòt bi bu tà li mbèle àfɨꞋa tsa ndà la. Bɨ bakà ko ànəa Àkata Mbɔ̧ɔ̧mà a shu ane ànəa Èlȩjà li ndàꞋ ane ànəa kàbɔ̀ŋ bòt Izəèlȩê abua Mbɔ̧ɔ̧mà la à?

Lûm 12:1

Ale, bɔnyɨ bɔ̧, màa shù̧ù̧ta wɨ̧ nê ndɨ̀ wu Mbɔ̧ɔ̧mà ku tèsȩ tɨ̧ la, bɨ̀ ŋa awɨ̧ abua Mbɔ̧ɔ̧mà mbɨ̀Ꞌɨ̀ nkɔ̀Ꞌ èpɨ̧̀, àghɨa èpɨ̧̀ à wu yu̧, bɔ ŋa abua Mbɔ̧ɔ̧mà nènkèm àa mbɔ̌ atò la. Eyaa lâ ngu èlɨ wòt bɔ ndɨ tàa me wùꞋte a Mbɔ̧ɔ̧mà la.

Lûm 6:17

Mâ kɔ̀ŋke a Mbɔ̧ɔ̧mà nê, bɨ̀a wu bɨ̀ le yaã ngu èbùꞋ a màngɨa kàbɔ̀ŋ la, e li mbɨ̧̀ɨ̧̀ne mènəè nkûŋ mu bɔ li nyɨ̀Ꞌte awɨ̧ la nè èntɨ̧ɨ̧ wɨ̧ wemɔꞋ.

1 Kɔlìn 3:16

Bɨ bakà ko nê bɨ wu lob Mbɔ̧ɔ̧mà, Fo tò nàa ntsèka ane yɨ̧ la à?

1 Kɔlìn 5:6

È ntsě ànəa ntsɔ̧̀ bɨa me ŋeꞋe tèkwȩ tɨ̧ a ègwet. Bɨ bakà ko laꞋ nê betsiꞋa adziꞋi yis ghɨ̀ apfəèꞋ fàlawà kɔꞋ ndû̧ èpfəêꞋ?

1 Kɔlìn 6:2

Kò bɨ bakà ko laꞋ nê bòt Mbɔ̧ɔ̧mà aa li saꞋa bòt ngɔ̀ŋ yaa le è? Tè bɨ wu li saꞋa bòt ngɔ̀ŋ, ko bɨ bakà kuꞋu èbe bɨ̀a saꞋa mènəè tèchɨɨle la à?

1 Kɔlìn 6:3

Tè bɨ bakà ko laꞋ nê baa li saꞋa bɔntu̧ Mbɔ̧ɔ̧mà? A wu e wu ale ko ba bɔ ndɨ bàa me ko mbà̧aã mènəè nàa ndzea bòt àli àgème la.

1 Kɔlìn 6:9

Bɨ bakà ko laꞋ nê bòt mènəè kàbɔ̀ŋ è ka li bɔ àdziꞋ a kèfɔ̧̀ Mbɔ̧ɔ̧mà a? Bɨ̀ ka fɨ̀te awɨ̧ bɨ̀ambɔŋ. Bòt bu bɔ̀ɔ njɨ̀a ngò̧ò̧tètsə la, nè è bu bɔ̀ɔ nkùkta bènàmbəa la, nè è bu bɔ̀ɔ njɨ̀a àbȩ la, nè mbâ̧ tu tèa mpàꞋta te ko la, è ka li bɔ àdziꞋ a kèfɔ̧̀ Mbɔ̧ɔ̧mà a.

1 Kɔlìn 9:13

Bɨ bakà ko nê bòt bu bɔ̀ɔ faꞋa a èbem lob nɨŋ Mbɔ̧ɔ̧mà la aa mbɔ̌ èghɨjɨ bɔb a èbem lob mbɔŋ, è bu bɔ̀ɔ faꞋa àdziꞋa bɔ̀ɔ ŋǎ èghɨ abua Mbɔ̧ɔ̧mà la e mè me bɔ èghab wɔb ane èghɨ mbɔŋ?

1 Kɔlìn 9:24

Bɨ bakà ko laꞋ nê bɔ̀ɔ ngɨ̀ bɔ̀ gha ane àlùùlà, waa waa me lùùla, ka è bɔ̂ ngu wuê wòt wemɔ̀Ꞌ tà jɨ bɔ tsɔꞋɔ atò la? Ale, luula mbɨ̀Ꞌɨ̀ jɨ bɔɔ tsɔꞋɔ awê.

2 Pità 2:19

BènyɨꞋtà fɨte bàa àa ngɨ̀ bɔ kàꞋà bòt nê bɔ ko ane wɔb ne èyì ndɨ bɔ̀ɔ me tseke ntsɔ̧̀ la, mbɔ̂ mbèle ayɔb èbùꞋ a èbem kàbɔ̀ŋ. Aa ale nkàà nê, àghɨ aa ngɨ̀ a bɔ mètàŋ a ègwet wòt, ŋut tsiꞋi àbùꞋ àghɨa mbɔŋ.