Lûm 6:14 - Mundani

¹⁴ Bɨ te ntsě èbùꞋ abua kàbɔ̀ŋ, ndɨ̀ wu è te ntsě mbɨ̧ ka nàa mbà̧aã awɨ̧ la. Àghɨa mbà̧aã awɨ̧ àfɨ̀Ꞌ yaa la tsiꞋi ntsɔ̧̀ Mbɔ̧ɔ̧mà.

Lûm 6:14 Iomraidhean Croise

Matìù 1:21

Taa bi wambâ̧ bɨa tsì èlen tò nê Yesò, nkàà nê taa li tsǐ bòt bi a èbem mènəè kàbɔ̀ŋ mɔb e ghɨ̌ bɔɔ peme.”

Jɔ̌n 1:14

Èngǎ̧ wu e li ntsìꞋi wɔ̀bȩ̂, nkɨ̀Ꞌɨ̂ ntsèke ayɔɔ bòt, me nyɨꞋte èwuu ntsɔ̧̀ Mbɔ̧ɔ̧mà bɔ ane bòt la, mè nyɨ̀Ꞌta nkûŋ ane àghɨa Mbɔ̧ɔ̧mà wû yùà la. Ba ye ènɨ̧ tò. Eyaa wu ènɨ̧ wu Tǎt tò Mbɔ̧ɔ̧mà li ŋǎ abua tò mbɨ̀Ꞌɨ̀ ngule waã tà dzə abua tò la.

Jɔ̌n 1:17

È wu nè ànəê mbɨ̧te Mbɔ̧ɔ̧mà ko Mbɔ̧ɔ̧mà li ndzi a tèkitebu Musì ka tà ŋǎ abua bɔbȩ, è me wu èkɔŋ nè nkûŋ, ta tsaa a Yesò Klistò ka tà kɨ̀Ꞌɨ̂ nyɨ̀Ꞌte awa.

Jɔ̌n 8:36

Ale, Waã Mbɔ̧ɔ̧mà nàŋa ndzà wê sàŋ, à ko nê, à chɨɨme mpem.

Lûm 11:6

È wû ntsɔ̧̀ tò ka tà nɨŋ ndà àwɔb la, ko è te ntsě ànəa àfaꞋa ntsɔ̧̀. Tà li ngɨ̀ ale ngua ndàà àwɔb nkàà àfaꞋa ntsɔ̧̀ àyɔb, ko ntsɔ̧̀ tò wu te ntsě ntsɔ̧̀.

Lûm 4:16

Mbɔ̧ɔ̧mà li ngɨ̀ ale mbɨ̀Ꞌɨ̀ wòt zì èntɨ̧ɨ̧ vi ane Mbɔ̧ɔ̧mà ka tà bɔ̀ àghɨa tà li nkàꞋ la, mbɨ̀Ꞌɨ̀ mě nyɨꞋte nê tàa nɨa a ntsɔ̧̀ vi ka ŋa àghɨa tà kàꞋà la abua wòt ègème tà dzə àndǎ̧ Abàlàghâm la. Àyaa a ntsě wuê abua bòt bu bɔ̀ɔ nɔ̀ŋà mbɨ̧ la, a wu abua bòt bu bɔ zi mèntɨ̧ɨ̧ mɔb ane Mbɔ̧ɔ̧mà la mɨ̧̂, mbɨ̀Ꞌɨ̀ Abàlàghâm li ndzì è vi la. Abàlàghâm wu tǎt bòt Mbɔ̧ɔ̧mà bàgème,

Lûm 5:17

È wu nê kàbɔ̀ŋ wòt wemɔ̀Ꞌ li ngɨ̀ èvə e kɨꞋɨ adù̧ wòt ègème, ko àghɨ yu wekǒ nè wòt li ngɨ̀ la, a tsè àyea mbɔŋ nyaŋ. Tà li ngɨ̀ nê bòt bu bàgème tà nyɨꞋte a ntsɔ̧̀ vi ànyaꞋne abua yɔb, bɔ mè ntsìꞋi mbɨ̀Ꞌɨ̀ bòt bɔ tɨ̧ɨ̧ ndɨŋndɨ̀ŋ a mbì tò la, è bɔ mèmpème kàlìà, me ntsè àghɨ àgème, nkàà àghɨa Yesò Klistò è ghɨ̀ la.

Lûm 5:18

Mbɨ̀Ꞌɨ̀ kàbɔ̀ŋ wòt wemɔ̀Ꞌ li nɔ̀ŋè ndɔ̀ Mbɔ̧ɔ̧mà àtsəa bòt bàgème la, wu wuê èlɨ ntsɔ̧̀ wu wòt wemɔ̀Ꞌ è ghɨ̀ la, è ghɨ̂ bòt bàgème e bɔ lu̧ e ghǎ tsààbà, e mě bɔ mèmpème kàlìà la.

Lûm 6:12

È wu ale, bɨ̀ ka tsi mbɨ̧̀ɨ̧̀ne kàbɔ̀ŋ bɔ mètàŋ a ègwet mbɨ̧ tɨ̧ tu tè bele fì la, e ghɨ̌ bɨa me ghɨ̀ èbɨꞋte èghɨ bu mbɨ̧te ènyit tɨ̧ tèa nkɨà la.

Lûm 6:15

Tè àa wu naa? Tè baa me ghɨ̀ wuê a kàbɔ̀ŋ ndɨ̀ wu è te ntsě ànəa mbɨ̧, è tsìꞋi wuê ànəa ntsɔ̧̀ Mbɔ̧ɔ̧mà la? BetsiꞋa à ka wu ale!

Lûm 8:12

È wu ale, bɔnyɨ bɔ̧, àghɨa ko aà və baà bɔ ndɨ bàa ghɨ̀ la, ka è kà wu nê bàà me tseke mbɨ̀Ꞌɨ̀ mbɨ̧te ènyit ta tèa nkɨà nê bàà me ghɨ̀ la.

Lûm 8:2

Mbɨ̧ Fo Mbɔ̧ɔ̧mà yu nàa ngɨ̀à wòt bɔ̌ mèntsèke fi, ndɨ̀ wu tà tsìꞋi àghɨ yeamɔꞋ nè Yesò Klistò la, è tsì mbɨ̧ yu a ègwet laã nàa ngɨ̀à e ngɨa kàbɔ̀ŋ, è mè nɨa èvə nkɨ̀Ꞌa adù̧ yaã la.

Gàlashìà 3:23

Àfɨ̀Ꞌ yu ba li mbɔ̌ ndɨ bàa zì mèntɨ̧ɨ̧ ma ane Yesò la a li mbèle kà zìꞋ nkɨ̀Ꞌɨ̂, ba wu a èten mbɨ̧tsə bɔ kȩ̀ awa mbɨ̀Ꞌɨ̀ bòt tèfȩ la. A li mbɔ̌ ndɨ àa wu ale te eghǎ wu àfɨꞋa Mbɔ̧ɔ̧mà naa ghaꞋte àghɨ aya ndɨ bàa zì mèntɨ̧ɨ̧ ma ane Yesò la.

Gàlashìà 4:21

Bɨ̀ tsiꞋ è mbiite awɨ̧ wu bɨ̀a nùà nkɨ ewu wuê a èten mbɨ̧tsə la, bɨà kà zə ànəa mbɨ̧te mbɔŋ te shuà la à?

Gàlashìà 5:18

Ka è wu nê bɨa ngɨ̀à àghɨa Fo Mbɔ̧ɔ̧mà nàa nkɨà la, ko bɨ te ntsě a èten mbɨ̧tsə.

Tȩtɔ̀s 2:14

Tà li ŋà àtsəa zi mbɨ̀Ꞌɨ̀ enɨ echùꞋù ètsə ba ane mènəè kàbɔ̀ŋ ma, e mě ghɨ̌ baa tsiꞋi bòt tò bɔ bɔ mèntɨ̧ɨ̧ kèfə, baa ndzìà àtsə ngɨ̀à wuê mènəè ntsɔ̧̀ la.

Ebùlù 8:10

Eyaa wu mènkàꞋa kèkweelè mu màa ghɨ̀ ba bòt Izəèlȩê la. Mmɔ̌ Tǎt wɨ̧ Mbɔ̧ɔ̧mà e ngua shua nê, àfɨꞋa mbɔŋ aa li nkùꞋ, e ndzì mbɨ̧ taã a ètsə bɔb, mè ndzì tua a mèntɨ̧ɨ̧ mɔb. Maa li wu Mbɔ̧ɔ̧mà wɔb, bɔɔ wu bòt bɔ̧.