Lûm 6:13 - Mundani

¹³ Bɨ̀ ka sa èdziꞋ ènyit bɨ̧ abua kàbɔ̀ŋ, e ghɨ̀ bɨ me ghɨ èbɨꞋte èghɨ. Bɨ̀ ŋa wɨ̧ wuê abua Mbɔ̧ɔ̧mà, mbɨ̀Ꞌɨ̀ bòt bɔ dzəè a èbem èvə ntsiꞋi a èbem mèmpème la, mè ŋa mbɨ̧̀ tɨ̧ nènkèm abua Mbɔ̧ɔ̧mà mbɨ̀Ꞌɨ̀ tea me ghɨ̀ èghɨ àa mbɔ̀ la.

Lûm 6:13 Iomraidhean Croise

Lûk 15:24

Na waã am waa lè lɔ̂Ꞌ mpfə, ka nè àfɨ̀Ꞌ yaa tà yu̧u̧mè, tà lè lɔ̂Ꞌ nyɔ̂, ka nè àfɨ̀Ꞌ yaa mâ ye atò.” Tà làꞋ ale, bɔ bùꞋ me wùꞋtè àwɔb.

Lûk 15:32

Ka ba ghɨ̂ mbɔ̌ ndɨ bàa wùꞋtè àwa la. Wanyɨ wè lè lɔ̂Ꞌ mpfə, ka nè àfɨ̀Ꞌ yaa tà yu̧u̧mè, nyɔ̂ ka mâ ye atò.’ ”

Jɔ̌n 5:24

“Ane nkûŋ, tsiꞋ è shua wɨ̧ nê, wòt tà zə èngǎ̧ am, ndzì èntɨ̧ɨ̧ vi ane wòt wu tà tsàà am la, è bɔ mèmpème kàlìà. Tà ka tsi ekwene èsaꞋa. Tà peme èvə, tè ntsìꞋi nyi a èbem mèmpème.

Lûm 1:29

Ale, mèntɨ̧ɨ̧ mɔb lu̧u̧ ne tèwuute èbɨꞋte ènəê ègème, kàbɔ̀ŋ nè mànkɨa nè èghɨ bòt tsa e wu tsiꞋi bɔb, mè nè màmɨɨta wuê a kàbɔ̀ŋ ane bòt ko. Mèntɨ̧ɨ̧ mɔb è lu̧u̧ ne ghòꞋnà, bɔ mè ngu bèlɨ̧̀, me tseka nùà bòt, fɨ̀ta bòt, mɨ̀ɨ̀tà wua kàbɔ̀ŋ ane bòt, ndàꞋa kàbɔ̀ŋ ane tèlente bòt.

Lûm 12:1

Ale, bɔnyɨ bɔ̧, màa shù̧ù̧ta wɨ̧ nê ndɨ̀ wu Mbɔ̧ɔ̧mà ku tèsȩ tɨ̧ la, bɨ̀ ŋa awɨ̧ abua Mbɔ̧ɔ̧mà mbɨ̀Ꞌɨ̀ nkɔ̀Ꞌ èpɨ̧̀, àghɨa èpɨ̧̀ à wu yu̧, bɔ ŋa abua Mbɔ̧ɔ̧mà nènkèm àa mbɔ̌ atò la. Eyaa lâ ngu èlɨ wòt bɔ ndɨ tàa me wùꞋte a Mbɔ̧ɔ̧mà la.

Lûm 6:11

Bɨ̀ nɨ àwɨ̧ mɨ̧̂ mbɨ̀Ꞌɨ̀ bèmpfəà ane màngɨa kàbɔ̀ŋ, mè nɨ àwɨ̧ mbɨ̀Ꞌɨ̀ bòt yu̧ a màngɨa àghɨa Mbɔ̧ɔ̧mà kɨa la, ndɨ̀ wu bɨ̀ tsiꞋi àghɨ yeamɔꞋ nè Yesò Klistò la.

Lûm 6:16

Bɨ bakà ko nê wòt nàa ngɨ̀ tà ŋa avi abua wòt mbɨ̀Ꞌɨ̀ àbùꞋ, a màndzəa tò, tà tsìꞋi àbùꞋ a ŋut wu tàa ndzəa tò la à? Tàa ngɨ̀ tà tsìꞋi àbùꞋ a màngɨa kàbɔ̀ŋ, kàbɔ̀ŋ wu nàa ghɨ̌ taa pfə la, kò àyea àa ndzəa Mbɔ̧ɔ̧mà, àa ghɨ̌ taa tsiꞋi wòt tà tɨ̧ɨ̧ ndɨŋndɨ̀ŋ e mbì Mbɔ̧ɔ̧mà la leꞋ.

Lûm 6:19

E ngua nɨa èghɨ ngɔ̀ŋ ka fɨ̀Ꞌnà mènəè maa, ndɨ̀ wu bɨ̀ bela ndzèa mènəè mbɨ̀Ꞌɨ̀ bɔbȩ la. Bɨ̀ le yaã ŋa wɨ̧ mbɨ̀Ꞌɨ̀ èbùꞋ abua kàbɔ̀ŋ, me ghɨ̌ èbɨꞋte èghɨ nè mènəè kàbɔ̀ŋ, è wu ale bɨ̀ ŋa awɨ̧ mbɨ̀Ꞌɨ̀ èbùꞋ a èlɨ mbɔŋ a màngɨa èghɨ bu àà mbɔ̀ a Mbɔ̧ɔ̧mà la, mè me tseke mbɨ̀Ꞌɨ̀ bòt Mbɔ̧ɔ̧mà e bɔ ndɨ bɔ̀ɔ me tseke la.

Lûm 7:23

Ka e mbɔ̂ me ye mbɨ̧ ko tsa a mbɨ̧̀ yaã nàa nùà nê è ka ngɨ̀ àghɨa mbɨ̧ yu èntɨ̧ɨ̧ am la nàa nkɔ̀ŋkà e ghɨ̀ la. Mbɨ̧ mbɔŋ a mbɨ̧̀ yaã la è ghɨ̌ e ntsiꞋi àbùꞋ abua kàbɔ̀ŋ wu ane yaã la.

Lûm 7:5

È li ngu afɨꞋa bàa ntsèka mbɨ̀Ꞌɨ̀ mbɨ̧te ènyit ta tèa nkɨà la, mbɨ̧ lɔ̀kte a kàbɔ̀ŋ wu a mbɨ̧̀ ènyit ya la, tè èghɨ bàa ngɨ̀à la e nɨ èvə nɨŋ nkɨ̀Ꞌɨ̂ adù̧ ya.

1 Kɔlìn 6:15

Bɨ bakà ko laꞋ nê mbɨ̧te ènyit tɨ̧ wu èdziꞋi ènyit Yesò Klistò? Tè aa nè ngu nê maa nɨ àdziꞋa ènyit a Yesò e ghɨ̌ naa tsiꞋi àdziꞋa ènyit a ghȩ̀ȩ̀nè ghȩȩne? ChaꞋ, à ka mbê ngu ale.

1 Kɔlìn 6:20

Tà li njù̧ù̧ awɨ̧ yu̧. Ale, bɨ̀ me nɨ mbɨ̧te ènyit tɨ̧ nɨa nkùkta Mbɔ̧ɔ̧mà.

1 Kɔlìn 6:9

Bɨ bakà ko laꞋ nê bòt mènəè kàbɔ̀ŋ è ka li bɔ àdziꞋ a kèfɔ̧̀ Mbɔ̧ɔ̧mà a? Bɨ̀ ka fɨ̀te awɨ̧ bɨ̀ambɔŋ. Bòt bu bɔ̀ɔ njɨ̀a ngò̧ò̧tètsə la, nè è bu bɔ̀ɔ nkùkta bènàmbəa la, nè è bu bɔ̀ɔ njɨ̀a àbȩ la, nè mbâ̧ tu tèa mpàꞋta te ko la, è ka li bɔ àdziꞋ a kèfɔ̧̀ Mbɔ̧ɔ̧mà a.

2 Kɔlìn 10:4

Èghɨ bàa nɨa nùà èbet wa la ntsě è bu bɔbȩ àa nɨa nùà èbet la. Ka wu èghɨ èbet bu e bɔ mètàŋ Mbɔ̧ɔ̧mà bàa nɨa ntsòkà èdziꞋi bɔmbù̧ Mbɔ̧ɔ̧mà àa ndò̧ò̧tà la.

2 Kɔlìn 5:14

Èkɔŋ wu Yesò Klistò bɔ ane ya la àà ŋwètà wa ba ghɨ̀à àghɨa baa ngɨ̀à la. Mbɨ̀Ꞌɨ̀ ba ye àfɨ̀Ꞌ yaa nê wòt wemɔ̀Ꞌ li mpfə ane ànəa bòt bàgème la, a tsiꞋi nê waa waa li mpfə.

2 Kɔlìn 5:15

Tà li mpfə ane ànəa bòt bàgème, mbɨ̀Ꞌɨ̀ bòt bu tà ŋa awɔb mèmpème la è ka tsi me ghɨ̀ àghɨa àa mbɔ̀ wɔb la a. Bɔɔ tsiꞋi me ghɨ̀ àghɨa àa mbɔ̀ wòt wu tà li mpfə ambo yɔb Mbɔ̧ɔ̧mà yù̧ù̧me atò la.

2 Kɔlìn 8:5

Bɔ li ngɨ̀ tè ntsè àghɨa ba li ngua mɨ̀ɨ̀tà nê bɔɔ ghɨ̀ la. Bɔ li mbɨ̀ ndzì àwɔb a èten Yesò, mè ndzì àwɔb a èten la mɨ̧̂, mbɨ̀Ꞌɨ̀ Mbɔ̧ɔ̧mà kɨa la.

Efesɔ̀s 2:5

tè ngɨ̀ awa wu ba li ngu bòt bɔ pfəꞋte a mbì tò la, ba tsiꞋi bòt yu̧ ba Yesò Klistò ba. Ba pem nkàà a ntsɔ̧̀ Mbɔ̧ɔ̧mà wu tà nyɨꞋte abua ya la.

Efesɔ̀s 5:14

nkàà nê, àghɨ àa ngɨ̀ à wu a èbem èkaꞋà àghɨa mbɔŋ a tsiꞋi mbɨ̀Ꞌɨ̀ èkaꞋà mɨ̧̂. Eyaa wu lə bɔ̀ɔ shua nê, “Àwɔ̀ wu ndia la, lɔ̀Ꞌɔ a si a èbem èvə! Ko Yesò Klistò naa ghɨ̌ èkaꞋà aa beꞋe a ègwet lè.”

Filìpȩ 1:20

Maa nchɨ̀ɨ̀mâ nkɨ̀a, mè mbɔ ntɨ̀ nê, è nka bê lɔ̀Ꞌɔ ebɔ àtsəa kɔꞋɔ ane ànəa Yesò a. Ka maa lɔ̀kè èlen Yesò Klistò etsaa ègwet àfɨ̀Ꞌ yaa mbɨ̀Ꞌɨ̀ màa ndzìà ngɨ̀à la, kà bɔ̀a. E màà ngu bele wuê a sitsǎꞋ ŋàa, kò mpfə leꞋ, ko maa me lɔ̀kè wuê èlen tò.

Kɔ̀losìà 2:13

È lè wu àfɨ̀Ꞌ àko, bɨ wu mbɨ̀Ꞌɨ̀ bòt bɔ pfəꞋte la a mbì Mbɔ̧ɔ̧mà ndɨ̀ wu bɨ̀ le wua ngɨa kàbɔ̀ŋ, mè ngu bòt kà ko a Mbɔ̧ɔ̧mà, bɨ̀ ka ko mbɨ̧te Musì la. Ka Mbɔ̧ɔ̧mà è yu̧u̧me àwɨ̧ àfɨ̀Ꞌ yaa, ŋà wɨ̧ mèmpème bɨ Yesò Klistò ba. Mbɔ̧ɔ̧mà li ngwaꞋa mènəè kàbɔ̀ŋ ma bǎgème.

Kɔ̀losìà 3:5

Ale, bɨ̀ waꞋa èghɨ sitsǎꞋ bu ègème mbɨ̧te ènyit tɨ̧ tèa nkɨà la. Èghɨ mbɔŋ wu mànkuŋa bèzi kò mbâ̧tsə leꞋ ane balu̧ bàgème, nè mèmɨ̀ɨ̀te kàbɔ̀ŋ, nè mànkɨa nê ye wu me nɨ nɨ, na àyaa à wua nyɨ̀Ꞌta nê wòt kɔ̀ŋke èghɨ mbɔŋ tè e tsiꞋi mbɨ̀Ꞌɨ̀ a mbɔ̧ɔ̧mà tò la.

2 Tèsàlonikà 2:12

Àfɨta mbɔŋ aa ghɨ ndɔ̀ Mbɔ̧ɔ̧mà naa nɔ̀ŋke àtsəa yɔb wu bàgème bɔ̀ɔ nkɔ̀ŋkà e me ghɨ a kàbɔ̀ŋ, mbɔ̂ ntù̧u̧ ebɨ̧ɨ̧ne èngǎ̧ nkûŋ la.

2 Tɔ̀màtià 2:15

È wu awê, à nyɔ̀Ꞌtè fàꞋà ndɨ Mbɔ̧ɔ̧mà nàa bɨ̧ɨ̧ne la. FàꞋà mbɨ̀Ꞌɨ̀ wɔ̀fàꞋ kà wu li elɔ̀Ꞌɔ ebɔ àtsəa kɔꞋɔ ane àfàꞋ àzi, mè fàꞋà mbɨ̀Ꞌɨ̀ wòt tàa nèètà nyɨ̀Ꞌta bòt èngǎ̧ nkûŋ wu e dzəâ abua Mbɔ̧ɔ̧mà la.

Jimsì 4:1

Àghɨ yu àa ngɨ̀à bɨ nùà mèbet mè ndzɔ̀à a kètsìà wɨ̧ la wu ghà à? Ka wu mèmɨ̀ɨ̀te kàbɔ̀ŋ mu nàa ŋǎ wɨ̧ ngoꞋ a èbem mèntɨ̧ɨ̧ mɨ̧ la à?

1 Pità 2:24

Yesò Klistò zìambɔŋ li ŋèꞋe a kàbɔ̀ŋ wa àtsəa zi nɨŋ nga a mbɨ̧̀ mbasa mbɨ̀Ꞌɨ̀ e ghɨ̌ kàbɔ̀ŋ naa bakà tsi mbɔ̀ mètàŋ a ègwet la, baa me tseke mbɨꞋɨ̀ Mbɔ̧ɔ̧mà nàa nkɨà la. Tèfɨŋ tu tà li mbɔŋ la te ghɨ̂ bɨ pem.

1 Pità 4:2

Bɨ ghɨ̀ ale, ko bɨ̀ ka tsi me tseke a sitsǎꞋ ŋàa ngɨ̀à àghɨa mbɨ̧te ènyit tɨ̧ te kɨa la, ko bɨa tsiꞋi me ghɨ̀ àghɨa Mbɔ̧ɔ̧mà nàa nkɨà la.

1 Jɔ̌n 1:9

Ka ba bɨ̧ɨ̧ne mènəè kàbɔ̀ŋ ma a mbì Mbɔ̧ɔ̧mà, ko taa ghɨ̀ mbɨꞋɨ̀ tà li nkàꞋ la, e ghɨ̀ àghɨa a kùꞋù la, e waꞋà bèkàbɔ̀ŋ ba, e mě shùù awa ane èbɨꞋte ènəê ègème ba li mè ghɨ̀ la.