Lûm 6:12 - Mundani

¹² È wu ale, bɨ̀ ka tsi mbɨ̧̀ɨ̧̀ne kàbɔ̀ŋ bɔ mètàŋ a ègwet mbɨ̧ tɨ̧ tu tè bele fì la, e ghɨ̌ bɨa me ghɨ̀ èbɨꞋte èghɨ bu mbɨ̧te ènyit tɨ̧ tèa nkɨà la.

Lûm 6:12 Iomraidhean Croise

Lûm 13:14

Ka bɨ̀ wèà àwɨ̧ nè mààlà Yesò Klistò Lefɨ̀Ꞌ, bɨ̀ ka me mɨ̀ɨ̀tè èghɨ mbɨ̧̀ ènyit, e me ghɨ̀ àghɨa è kɨa la.

Lûm 2:8

Ka è me wu bòt bu bɔ̀ɔ nkɨà nê àghɨ àgème a wu wu ayɔb la, mè ntu̧u̧ bɨ̧ɨ̧ne ànəa nkûŋ yu a dzə abua Mbɔ̧ɔ̧mà la, me ghɨ̀ wuê mènəè kàbɔ̀ŋ la, ko Mbɔ̧ɔ̧mà naa nyɨꞋte ntsǒ zi, enɔ̀ŋe ngoꞋ kèkweelè a ègwet lɔb.

Lûm 5:21

Ale, mbɨ̀Ꞌɨ̀ kàbɔ̀ŋ èbɔ mètàŋ ngɨ̀ bòt e me pfəꞋte la, wu wuê ndɨ̀ ntsɔ̧̀ Mbɔ̧ɔ̧mà wu tà nyɨꞋtè abua bòt la, èbɔ mètàŋ mè ngu ghɨ̌ bòt aa tsiꞋi bòt bɔ tɨ̧ɨ̧ ndɨŋndɨ̀ŋ a mbì tò, mè mbɔ̀ mèmpème kàlìà, nkàà àghɨa Yesò Klistò Lefɨ̀Ꞌ wa ghɨ̀ la.

Lûm 6:14

Bɨ te ntsě èbùꞋ abua kàbɔ̀ŋ, ndɨ̀ wu è te ntsě mbɨ̧ ka nàa mbà̧aã awɨ̧ la. Àghɨa mbà̧aã awɨ̧ àfɨ̀Ꞌ yaa la tsiꞋi ntsɔ̧̀ Mbɔ̧ɔ̧mà.

Lûm 6:16

Bɨ bakà ko nê wòt nàa ngɨ̀ tà ŋa avi abua wòt mbɨ̀Ꞌɨ̀ àbùꞋ, a màndzəa tò, tà tsìꞋi àbùꞋ a ŋut wu tàa ndzəa tò la à? Tàa ngɨ̀ tà tsìꞋi àbùꞋ a màngɨa kàbɔ̀ŋ, kàbɔ̀ŋ wu nàa ghɨ̌ taa pfə la, kò àyea àa ndzəa Mbɔ̧ɔ̧mà, àa ghɨ̌ taa tsiꞋi wòt tà tɨ̧ɨ̧ ndɨŋndɨ̀ŋ e mbì Mbɔ̧ɔ̧mà la leꞋ.

Lûm 8:11

Fo Mbɔ̧ɔ̧mà wu tà li njù̧ù̧me a Yesò la wu ane yɨ̧, ko Mbɔ̧ɔ̧mà wu tà li njù̧ù̧me a Yesò Klistò la, naa li nɨ Fo zi yu nàa ntsèka ane yɨ̧ la, e ghɨ̌ mbɨ̧te ènyit tɨ̧ tu tèa mpfəèa la, tea yu̧u̧me mɨ̧̂.

Lûm 8:13

Wòt me tseke mbɨ̀Ꞌɨ̀ mbɨ̧̀ ènyit kɨa la, ko tàa pfə. Ka wòt nɨa mètàŋ Fo Mbɔ̧ɔ̧mà ndììma èghɨ kàbɔ̀ŋ bu mbɨ̧̀ ènyit tò nàa nkɨà la, ko taa bɔ mèmpème.

2 Kɔlìn 4:11

Èvə aa ntsèka àfɨ̀Ꞌ àgème nəèꞋa a tèdzi ta mbɨ̀Ꞌɨ̀ bà bela a ngɔ̀ŋ la nkàà ànəa Yesò, mbɨ̀Ꞌɨ̀ bòt aa ye Yesò è faꞋa ane mbɨ̧te ènyit ta bàa bɔbȩ.

2 Kɔlìn 5:4

Ane nkûŋ, baa ndâ ndɨ̀à ane mènəè ndzea wa la mbɨ̀Ꞌɨ̀ bà bele a èbem mbɨ̧te ènyit ta tàa tè wu mbɨ̀Ꞌɨ̀ bayò a sitsǎꞋ ŋàà la. Ba ntsea ndɨ̀à nê ba wu e pfəꞋte esǎ mbɨ̧te ènyit taa a sitsǎꞋ ŋàa la. Ba wua ndɨ̀à nkɨà nê Mbɔ̧ɔ̧mà è wèè àwa nè mbɨ̧̀ ènyit yu è dzə a ègwet la, mbɨ̀Ꞌɨ̀ mbɨ̧̀ ènyit yaa nàa mpfəa la naa kubte e tsiꞋi e ye kà wua mpfəa.

Gàlashìà 5:16

TsiꞋ è shua wɨ̧ nê, bɨ̀ me ghɨ̀ mbɨ̀Ꞌɨ̀ Fo Mbɔ̧ɔ̧mà nàa nkɨà la, bɨ̀ ka me ghɨ̀ mbɨꞋɨ̀ mbɨ̧te ènyit tɨ̧ te kɨa la.

Gàlashìà 5:24

Bòt bu bɔ zì mèntɨ̧ɨ̧ mɔb ane Yesò Klistò la e tu̧u̧ e me ghɨ̌ èghɨ bu mbɨ̧te ènyit tèa nkɨà la.

Efesɔ̀s 2:3

Bàa gème e li ngu mbɨ̀Ꞌɨ̀ bɔ̀ɔ̀ba wàa, me tseke mbɨꞋɨ̀ mbɨ̧te ènyit ta tèa nkɨà la mbɨ̀Ꞌɨ̀ bɔbȩ. Ba li ngua ngɨ̀à àghɨ àgème a kɔꞋɔ a ètsə ba la, nè àyea mbɨ̧te ènyit ta tèa nkɨà la mbɨ̀Ꞌɨ̀ bɔbȩ. Ale, ntsǒ Mbɔ̧ɔ̧mà li mbɔ̌ ndɨ nàa nɔ̀ŋke a ètsə ba wuê mbɨ̀Ꞌɨ̀ nàa nɔ̀ŋke àtsəa wɔ̀bȩ̂ ègème la.

Efesɔ̀s 4:22

Ale, bɨ̀ waꞋa mènəè nyǎꞋ mu bɨ̀ le yaã ngua ntsèka ngɨ̀à la. Wu mèntsèke nyǎꞋ màa bɨ li ngua ntsèka la ka è li ngua ntsòkà wɨ̧, fɨ̀ta wɨ̧ bɨ ghɨ̀à mènəè kà kùꞋ la.

1 Tèsàlonikà 4:5

Ko mbɨ̀Ꞌɨ̀ wòt me ghɔ̀Ꞌɔ akwen bèzi mbɨ̀Ꞌɨ̀ mbɨ̧̀ ènyit tò nàa nkɨà la. Bòt kà ko a Mbɔ̧ɔ̧mà ka bɔ̀ɔ ngɨ̀à ale la.

2 Tɔ̀màtià 2:22

Ko mbɨ̀Ꞌɨ̀ à zì àbu ayê a èbem èghɨ kàbɔ̀ŋ bu bɔkèsà àa nkɔ̀ŋkà a màngɨa la. Me ghɨ̀ wuê àghɨa Mbɔ̧ɔ̧mà nàa nkɨà la, ndzìà èntɨ̧ɨ̧ wê ane Yesò, nkɔ̀ŋkà bòt mè ntsèka ane àlàŋkè bɨ bòt bɔ̀ɔ ntsàꞋta Mbɔ̧ɔ̧mà nè èntɨ̧ɨ̧ kèfə, nê tà tɨŋe awɔb la.

Tȩtɔ̀s 2:12

Ntsɔ̧̀ mbɔŋ nàà nyɨ̀Ꞌta nê, bà sà mènəè mu kà wua mbɔ̀ atò la a si, mè ntsì mèntɨ̧ɨ̧ ma ane èbɨꞋte èghɨ ngɔ̀ŋ yaa. Mbɔ̂ bà me baãaã mèntɨ̧ɨ̧ ma ka ngɨ̀à èghɨ, ngɨ̀à mènəè ma tɨ̧a ndɨŋndɨ̀ŋ, mè ngɨ̀à wuê è me nàa mbɔ̀ abua Mbɔ̧ɔ̧mà la mbɨ̀Ꞌɨ̀ bà wu a ngɔ̀ŋ ŋaa la.

Tȩtɔ̀s 3:3

À wu ale nkàà nê bàambɔŋ e li ndzaã ngu èkèghɨ̧̀, me ghɨ̀ àtsəa kekweelè, mè ngɨ̀à mènəè kàbɔ̀ŋ. Ba li ndzaã ngu èbùꞋ èbɨꞋte mènəè, mè me zì mèntɨ̧ɨ̧ ma wuê adù̧ tèwuute èghɨ tèa mbɔ̀ awa la. Ba li ngua ntsèka nkwàꞋtà wuê mènəè kàbɔ̀ŋ mè ngòꞋnà bòt. Bòt ko e li ngua mpààbà awa, ba mèà mpààbà àwɔb mɨ̧̂.

1 Pità 1:14

Bɨ̀ me zə wuê a Mbɔ̧ɔ̧mà mbɨ̀Ꞌɨ̀ bɔ̧ tò, bɨ̀ ka tsi ngɨ̀ mènəè kàbɔ̀ŋ mu mèntɨ̧ɨ̧ mɨ̧ li ndzaã ngua nùà nkɨà àfɨꞋa kà bɨ ko a Mbɔ̧ɔ̧mà la.

1 Pità 2:11

Bèshu̧ bɔ̧, bɨ̀ wu bègɨ̧̀ mè ngu bòt ntsèa ntsě a ngɔ̀ŋ ŋaa la, è wu ale e me shu̧u̧te awɨ̧ nê bɨ̀ ka tsi ngɨ̀ èghɨ mbɨ̧te ènyit tɨ̧ tèa nkɨà la. Èghɨ mbɔŋ wu èghɨ bu àa nùà mèntɨ̧ɨ̧ mɨ̧ la.

Jûd 1:16

Bòt baa aà ntsèka ndèmà a tèbèm tɔb, fèèlà bòt. Bɔɔ ngɨ̀à mènəè wuê mbɨ̀Ꞌɨ̀ mbɨ̧te ènyit tɔb tèa nkɨà la, ngwàbta mètsəê mɔb ngù̧a nkùꞋ tɔb. Bɔɔ fɨ̀ta bòt mɨ̧̂ mbɨꞋɨ ejɨ àbȩ̀ akwen yɔb.

Jûd 1:18

Bɔ li shu abua yɨ̧ nê, “Naa li ngu ane èli bu ngɔ̀ŋ tsìꞋa nkɨ elìà la, bòt ko e bùꞋ me wȩ̀ȩ̀tè ànəê àgème è wù àyea Mbɔ̧ɔ̧mà la, mè nkùŋà wuê èghɨ mèntɨ̧ɨ̧ mɔb nàa nkɨà, è wù èghɨ àa mbɨ̀a Mbɔ̧ɔ̧mà la.”