Lûm 5:15 - Mundani

¹⁵ Ka betsiꞋa bɔ̀ ka fɨꞋnè àghɨ yu Mbɔ̧ɔ̧mà nɨa ntsɔ̧̀ vi ngɨ̀ la ane àghɨ yu Adàm li ngɨ̀ a màmpaata mbɨ̧ la. Wòt wemɔ̀Ꞌ li ngɨa kàbɔ̀ŋ nɨ̀ èvə ekɨꞋɨ adù̧ wòt ègème, ka àghɨa Mbɔ̧ɔ̧mà ghɨ̀ la a taꞋa tsè àyaa. Mbɔ̧ɔ̧mà li ntsè ane wòt wemɔ̀Ꞌ, è wu Yesò Klistò la, nyɨ̀Ꞌte a ntsɔ̧̀ vi ànyaꞋne abua bòt bàgème àku.

Lûm 5:15 Iomraidhean Croise

Matìù 20:28

A bê ngu wuê mbɨ̀Ꞌɨ̀ àa ane Waã Wòt la. Tà lè kaꞋa wua nkɨ̀Ꞌa e ghɨ̌ bòt aa me fàꞋa abua tò. Tà li ngua nkɨ̀Ꞌa e me fàꞋa abua bòt, e lɔ̀Ꞌɔ e ŋà àtsə azi mbɨ̀Ꞌɨ̀ bòt nyaŋ aa peme.”

Matìù 26:28

Eyaa wu àlo̧ am, Mbɔ̧ɔ̧mà wua nɨa nkùùla mènkàꞋa kèkweelè mi la. Àlo̧ am yàa a tsəète a si, mbɨ̀Ꞌɨ̀ Mbɔ̧ɔ̧mà naa waꞋa bèkàbɔ̀ŋ bòt nyaŋ.

Jɔ̌n 3:16

Mbɔ̧ɔ̧mà li nkɔ̀ŋkè bòt ngɔ̀ŋ yaa kwàꞋ ànyaꞋne kwat tè ŋǎ ndàꞋà Waã vi nê waa waa tà zi èntɨ̧ɨ̧ vi ane tò la ka nyɔa, taa bɔ mèmpème kàlìà.

Jɔ̌n 4:10

Yesò bɨ̀ɨ̀lè èngǎ̧ tò nê “À ghɨ̀ ale nko àghɨa Mbɔ̧ɔ̧mà nàa ŋǎ la, mè nko wòt wu shua nê ŋa mèleb yè nu la, ko à biite atò tà tsiꞋi ŋa awê mèleb nàa ŋǎ mèmpème la.”

ÀfaꞋa 15:11

A ntsě ale! Baa zì mèntɨ̧ɨ̧ ma ane Yesò, Mbɔ̧ɔ̧mà ghɨ̀ ba bɔ mèmpème wuê mbɨ̀Ꞌɨ̀ bɔ̀ɔ̀ba, nkàà ntsɔ̧̀ Yesò Lefɨ̀Ꞌ.”

Lûm 5:12

Kàbɔ̀ŋ lè kɨꞋɨ̀ a ngɔ̀ŋ nkàà wòt wemɔ̀Ꞌ, èvə e mè nkɨ̀Ꞌɨ̀ nkàà kàbɔ̀ŋ tò. Àyea a ghɨ̀ èvə e liꞋi waa waa nkàà ndɨ bòt bàgème e ghɨa kàbɔ̀ŋ la.

Lûm 6:23

Àbȩ̀ a kàbɔ̀ŋ wu èvə, ka àghɨa Mbɔ̧ɔ̧mà nàa ŋa mbɨ̀Ꞌɨ̀ tà kɔ̀ŋkè la wu mèmpème kàlìà, ndɨ̀ wu bàà tsiꞋi àghɨ yeamɔꞋ nè Yesò Klistò Lefɨ̀Ꞌ wa la.

2 Kɔlìn 5:14

Èkɔŋ wu Yesò Klistò bɔ ane ya la àà ŋwètà wa ba ghɨ̀à àghɨa baa ngɨ̀à la. Mbɨ̀Ꞌɨ̀ ba ye àfɨ̀Ꞌ yaa nê wòt wemɔ̀Ꞌ li mpfə ane ànəa bòt bàgème la, a tsiꞋi nê waa waa li mpfə.

2 Kɔlìn 9:15

Bà nkɔ̀ŋkà Mbɔ̧ɔ̧mà ane taꞋà àghɨa tà ŋa abua ya betsiꞋa wòt kà ko ndàꞋ ànəa yùà la.

Efesɔ̀s 2:8

Wu ntsɔ̧̀ Mbɔ̧ɔ̧mà wu tà nyɨꞋte abua ya la ka è ghɨ̂ ba pem nkàà mèntɨ̧ɨ̧ ma mu ba zi ane tò la. È kà ghɨ bɨ̀a. È ghɨ̀à Mbɔ̧ɔ̧mà àku abua yɨ̧.

Ebùlù 2:9

Mbɔ̂ baa ndzèa Yesò wu Mbɔ̧ɔ̧mà li shùke atò a si ane àtem àfɨ̀Ꞌ àko tè ntsè bɔntu̧ bi la. Tà bɔ ènɨ̧ àfɨ̀Ꞌ yaa bɔ mè ŋa kènuke abua tò nkàà èlɨ tà li ndze ngoꞋ mpfə la. Mbɔ̧ɔ̧mà li nkɔ̀ŋkè bòt ngɨ̀ Yesò pfə ambo waa waa.

1 Jɔ̌n 2:2

Yesò Klistò waa wu wòt tà ŋa àtsəa zi nɨŋ nchùꞋù ètsə ba ane bèkàbɔ̀ŋ ba la. Tàa kà ghɨ̀ bɔɔ waꞋa wuê bèkàbɔ̀ŋ ba bàa ndziꞋne, tàà ngɨ̀à bɔ waꞋa kàbɔ̀ŋ waa waa mɨ̧̂.

1 Jɔ̌n 5:11

Ànəê yaa Mbɔ̧ɔ̧mà shu la wu nê, tà ŋa awa mèmpème kàlìà. Wòt bɨ̧̀ɨ̧̀nâ ane Waã tò, ka tà bɔ̀ mèmpème mbɔŋ.