Lûm 4:5 - Mundani

⁵ Ka wòt bakà wua ngɨ̀à èfàꞋ nkɨà àbȩ̀, mbɔ̂ ndzì èntɨ̧ɨ̧ vi ane Mbɔ̧ɔ̧mà wu betsiꞋa tà nɨ wòt mènəè kàbɔ̀ŋ mbɨ̀Ꞌɨ̀ wòt tà tɨ̧ɨ̧ ndɨŋndɨ̀ŋ a mbì li la, ko tàa nɨ atò mbɨ̀Ꞌɨ̀ wòt tà tɨ̧ɨ̧ ndɨŋndɨ̀ŋ a mbì li la, nkàà èntɨ̧ɨ̧ wu ŋut zi ane tò la.

Lûm 4:5 Iomraidhean Croise

Ntu̧ Ntsɔ̧̀ MAK 9:23

Yesò bɨ̀ɨ̀lè nê, “À wu bɨ̧ɨ̧ne! Ko àghɨa ko à ntsě àa tsě wòt tà zǐ èntɨ̧ɨ̧ vi ane Mbɔ̧ɔ̧mà la.”

Jɔ̌n 5:24

“Ane nkûŋ, tsiꞋ è shua wɨ̧ nê, wòt tà zə èngǎ̧ am, ndzì èntɨ̧ɨ̧ vi ane wòt wu tà tsàà am la, è bɔ mèmpème kàlìà. Tà ka tsi ekwene èsaꞋa. Tà peme èvə, tè ntsìꞋi nyi a èbem mèmpème.

Jɔ̌n 6:29

Yesò bɨ̀ɨ̀lè nê, “Àghɨa Mbɔ̧ɔ̧mà nàa nkɨà nê bɨ̀ me ghɨ la wu nê, bɨ̀ zì mèntɨ̧ɨ̧ mɨ̧ ane wòt wu ye tsàà la.”

Lûm 10:3

Ndɨ̀ wu bɔ li bɔ̀ ka ko ntsɔ̧̀ ndɨ Mbɔ̧ɔ̧mà nàa nɨa wòt mbɨ̀Ꞌɨ̀ wòt tà tɨ̧ɨ̧ ndɨŋndɨ̀ŋ a mbì li la, mè ntsiꞋi me kɨ wuê wɔb ne alu̧ la, a ghɨ̀ bɔ̀ ka bɨ̧ɨ̧nè ane we ne alu̧ Mbɔ̧ɔ̧mà wu tàa nɨa bòt mbɨ̀Ꞌɨ̀ bòt bɔ tɨ̧ɨ̧ ndɨŋndɨ̀ŋ a mbì li la.

Lûm 3:22

Èlɨ mbɔŋ wu nê bòt àa ngɨ̀ bɔ̀ zì mèntɨ̧ɨ̧ mɔb ane Yesò Klistò, Mbɔ̧ɔ̧mà nɨ awɔb bàgème mbɨ̀Ꞌɨ̀ bòt bɔ tɨ̧ɨ̧ ndɨŋndɨ̀ŋ a mbì li la. Mbɔ̧ɔ̧mà a nɨ bòt bàgème mbɨ̀Ꞌɨ̀ àghɨ yeamɔꞋ,

Lûm 4:24

Bɔ li ngua shɨa abua ya mɨ̧̂, bàa wu bàa li tsiꞋi bòt bɔ̀ tɨ̧ɨ̧ ndɨŋndɨ̀ŋ e mbì Mbɔ̧ɔ̧mà ndɨ̀ wu bàa zì mèntɨ̧ɨ̧ ma ane tò wu tà yu̧u̧me a Tǎt wa Yesò wu

Lûm 4:3

Àkata Mbɔ̧ɔ̧mà, a laꞋnê, “Abàlàghâm li mbɨ̧̀ɨ̧̀ne ànəa Mbɔ̧ɔ̧mà shu la, Mbɔ̧ɔ̧mà nɨa atò mbɨ̀Ꞌɨ̀ wòt ta tɨ̧ɨ̧ ndɨŋndɨ̀ŋ a mbì li la.”

Lûm 4:6

Mbɨ̀Ꞌɨ̀ Fɔ̧̀ Dàbid li ndàꞋ azi mɨ̧̂ la nê, ntsɔ̧̀ wu wòt wu Mbɔ̧ɔ̧mà nɨa tò mbɨ̀Ꞌɨ̀ wòt tà tɨ̧ɨ̧ ndɨŋndɨ̀ŋ a mbì li, kà è wû àfaꞋa ntsɔ̧̀ ŋut ghɨ̀ la:

Filìpȩ 3:9

e mě lâ etsiꞋi àghɨ yeamɔꞋ ba tò. Mmɔ̌ mbɔŋ e mbakà tsi ntɨ̧ɨ̧ ndɨŋndɨ̀ŋ e mbì Mbɔ̧ɔ̧mà nkàà mbɨ̧te Bèjuê tu màa nkùŋà la. Mâ tsiꞋi tɨ̧ɨ̧ ndɨŋndɨ̀ŋ a mbì Mbɔ̧ɔ̧mà àfɨ̀Ꞌ yaa nkàà nê mâ zǐ èntɨ̧ɨ̧ am ane Yesò Klistò.