Lûm 4:3 - Mundani

³ Àkata Mbɔ̧ɔ̧mà, a laꞋnê, “Abàlàghâm li mbɨ̧̀ɨ̧̀ne ànəa Mbɔ̧ɔ̧mà shu la, Mbɔ̧ɔ̧mà nɨa atò mbɨ̀Ꞌɨ̀ wòt ta tɨ̧ɨ̧ ndɨŋndɨ̀ŋ a mbì li la.”

Lûm 4:3 Iomraidhean Croise

Matìù 20:9

“Ale, tà ghɨ a èlɨ mbɔŋ ŋà àkwȩkab yeamɔꞋ, yeamɔꞋ abua bòt bu bɔ ghɨ̂ mbùꞋu àfàꞋ mbɔŋe ane nyèm tetà̧â̧ àfɨꞋa nyèmtèsi la.

Ntu̧ Ntsɔ̧̀ MAK 12:10

Tè bɨ bakà li me tɔ èngà̧ waa a èbem àkata Mbɔ̧ɔ̧mà ezə? ‘Èti lu bèmbɔ̧ɔ̧ lob e li ngwaꞋ nê wu èti kàbɔ̀ŋ la, wu lùà ka e tsiꞋi ngule èti tɔ̀Ꞌɔ̀ lob la.

Lûm 10:11

Èngǎ̧ Mbɔ̧ɔ̧mà e laꞋnê, “Wòt ègème tà zi èntɨ̧ɨ̧ vi ane tò la ka li sà̧à̧tè a.”

Lûm 11:2

Mbɔ̧ɔ̧mà bakà waꞋa bòt bi bu tà li mbèle àfɨꞋa tsa ndà la. Bɨ bakà ko ànəa Àkata Mbɔ̧ɔ̧mà a shu ane ànəa Èlȩjà li ndàꞋ ane ànəa kàbɔ̀ŋ bòt Izəèlȩê abua Mbɔ̧ɔ̧mà la à?

Lûm 4:11

Bɔ li ntsiꞋi nàŋe atò àfɨ̀Ꞌ à, mbɨ̀Ꞌɨ̀ àlȩê enɨ nyɨꞋte nê Mbɔ̧ɔ̧mà nɨ atò mbɨ̀Ꞌɨ̀ wòt tà tɨ̧ɨ̧ ndɨŋndɨ̀ŋ a mbì li la, nkàà nê tà li ndzì èntɨ̧ɨ̧ vi ane Mbɔ̧ɔ̧mà àfɨꞋa bɔ li bɔ̀ ka ziꞋì nàŋe atò la. A li ngu anè mbɨ̀Ꞌɨ̀ Abàlàghâm naa wu tǎt bòt bu bàgème bɔ zi mèntɨ̧ɨ̧ mɔb ane Mbɔ̧ɔ̧mà kà bɔ zìꞋì nàŋa awɔb, Mbɔ̧ɔ̧mà nɨ awɔb mbɨ̀Ꞌɨ̀ bòt bɔ tɨ̧ɨ̧ ndɨŋndɨ̀ŋ a mbì li la.

Lûm 4:5

Ka wòt bakà wua ngɨ̀à èfàꞋ nkɨà àbȩ̀, mbɔ̂ ndzì èntɨ̧ɨ̧ vi ane Mbɔ̧ɔ̧mà wu betsiꞋa tà nɨ wòt mènəè kàbɔ̀ŋ mbɨ̀Ꞌɨ̀ wòt tà tɨ̧ɨ̧ ndɨŋndɨ̀ŋ a mbì li la, ko tàa nɨ atò mbɨ̀Ꞌɨ̀ wòt tà tɨ̧ɨ̧ ndɨŋndɨ̀ŋ a mbì li la, nkàà èntɨ̧ɨ̧ wu ŋut zi ane tò la.

Lûm 4:9

Ntsɔ̧̀ waa nàa anè ngu wuê abua bòt bɔ naŋe awɔb la, kò abua bòt bu kà bɔ naŋe awɔb la mɨ̧̂ à? Ànəa ba shua la wu nê Mbɔ̧ɔ̧mà li nɨ Abàlàghâm mbɨ̀Ꞌɨ̀ wòt tà tɨ̧ɨ̧ ndɨŋndɨ̀ŋ a mbì li la, nkàà ndɨ̀ wu tà li ndzì èntɨ̧ɨ̧ vi ane Mbɔ̧ɔ̧mà la.

Lûm 9:17

Àkata Mbɔ̧ɔ̧mà a li shu abua Felɔ̀ nê, “E ndɨ ŋèꞋe awê a ègwet mbɨ̀Ꞌɨ̀ nɨ àwê nyɨꞋte mètàŋ mɔ̧, e mě ghɨ̌ waa waa a ngɔ̀ŋ naa ko wòt è ngu wùà la.”

Jimsì 2:23

Àyaa a li ngɨ̀ ànəa bɔ li shɨ a èbem Àkata Mbɔ̧ɔ̧mà la a wu nkûŋ nê, “Abàlàghâm li ndzì èntɨ̧ɨ̧ vi ane Mbɔ̧ɔ̧mà tà nɨ̀a tò mbɨ̀Ꞌɨ̀ wòt tàa ngɨ̀à àghɨa yèa nkɨà la,” ale bɔ tsiꞋa ntɔ atò ane shu̧ Mbɔ̧ɔ̧mà.

Jimsì 4:5

Kò bɨ mɨɨtè nê Àkata Mbɔ̧ɔ̧mà a làꞋà mèfà̧ à? A laꞋ nê “Fo yu Mbɔ̧ɔ̧mà zi a mèntɨ̧ɨ̧ ma la nàà kà bê nkɨ laꞋ nê àghɨa ko tsa à nyi a mèntɨ̧ɨ̧ ma.”