Lûm 4:17 - Mundani

¹⁷ mbɨ̀Ꞌɨ̀ bɔ shɨ a èbem Àkata Mbɔ̧ɔ̧mà la nê, “Mâ ghɨ̀ awê nê àa wu tǎt èlaꞋ nyaŋ.” Ale, Abàlàghâm wu tǎt wa a mbì Mbɔ̧ɔ̧mà wu tàa njù̧ù̧me bèmpfəà mè ngɨ̀a èghɨ kà zìꞋì ngu e kɨꞋà ngua mbɨ̀Ꞌɨ̀ tà kàꞋà la.

Lûm 4:17 Iomraidhean Croise

Matìù 3:9

Bɨ̀ ka me ŋeꞋe awɨ̧ a ègwet è shua nê, Abàlàghâm wu tǎt nyaꞋ wɨ̧. TsiꞋ e shua wɨ̧, Mbɔ̧ɔ̧mà è bɔ ètɨ̧̂ egheble àti yaa e ghɨ̌ aa tsiꞋi bòt àndǎ̧ Abàlàghâm.

Jɔ̌n 5:21

KwàꞋ ane ndɨ tǎt nàa ngɨ̀ tà yù̧ù̧me bèmpfəà ngɨ̀ bɔ pem la, wu wuê a èlɨ mbɔŋ Waã nàa ngɨ̀a bòt tà kɔ̀ŋkè la e bɔ mèmpème la.

Jɔ̌n 5:25

Ane nkûŋ, tsiꞋ è shua wɨ̧ nê, àfɨ̀Ꞌ aa nkùꞋà, a bê nkùꞋ tè ndɔ̀Ꞌ, àfɨꞋa bèmpfəà àa zə àtɔŋ Waã Mbɔ̧ɔ̧mà la, mbɔ̂ bòt bɔ zə la, aa peme.

Jɔ̌n 6:63

Fo Mbɔ̧ɔ̧mà ka nàa ngɨ̀a bòt e bɔ mèmpème la, betsiꞋa wɔ̀bȩ̂ ka bɔ mua ane mi ne mètàŋ. Mèngǎ̧ maa e ndaꞋa abua yɨ̧ la dzə abua Fo Mbɔ̧ɔ̧mà, è mè ngu mùà ka nàa ŋǎ mèmpème kàlìà la.

ÀfaꞋa 15:18

Eyaa wu ànəa Mbɔ̧ɔ̧mà li shu mè ngɨ̀ bòt e ko tê àfɨꞋa mbì la.’ ”

Lûm 3:29

Kò wu nê Mbɔ̧ɔ̧mà wu wuê Mbɔ̧ɔ̧mà Bèjuê le è? Tè tà ntsě Mbɔ̧ɔ̧mà bòt kà wu Bèjuê mɨ̧̂? Tà wu Mbɔ̧ɔ̧mà bòt kà wu Bèjuê mɨ̧̂,

Lûm 4:18

Abàlàghâm li ndzì èntɨ̧ɨ̧ vi ane Mbɔ̧ɔ̧mà me chɨ̀Ꞌɨ nê yea ghɨ̌ tsiꞋi tǎt èlaꞋ nyaŋ, kà ye àghɨa tà lɨ̀Ꞌɨ̀ àvi adù̧ la. Wuê mbɨ̀Ꞌɨ̀ Mbɔ̧ɔ̧mà yaŋe kàꞋa tò la nê, “Bòt àndà̧ àyê aa li taꞋa wua ndzà̧aã.”

Lûm 4:2

Mbɔ̧ɔ̧mà li ngɨ̀ ale ngua nɨa Abàlàghâm mbɨ̀Ꞌɨ̀ wòt tà tɨ̧ɨ̧ ndɨŋndɨ̀ŋ a mbì li la, nkàà àfaꞋa ntsɔ̧̀ atò, ko tà li mbɔ̀ lə tàa me wu̧u̧ nkùꞋ zi la, ka tà kà wu ko ghɨ̀ ale, a mbì Mbɔ̧ɔ̧mà.

Lûm 8:11

Fo Mbɔ̧ɔ̧mà wu tà li njù̧ù̧me a Yesò la wu ane yɨ̧, ko Mbɔ̧ɔ̧mà wu tà li njù̧ù̧me a Yesò Klistò la, naa li nɨ Fo zi yu nàa ntsèka ane yɨ̧ la, e ghɨ̌ mbɨ̧te ènyit tɨ̧ tu tèa mpfəèa la, tea yu̧u̧me mɨ̧̂.

Lûm 9:11

Bɔ li bɔ̀ ka batè ndzìꞋi mbi àwɔb, bɔ̀ ka meè ndzìꞋì ngɨ̀ àghɨa ntsɔ̧̀ kò àyea kàbɔ̀ŋ leꞋ, ka mbɨ̀Ꞌɨ̀ aa nyɨꞋte nê Mbɔ̧ɔ̧mà li ndàà waã mbɔŋ ane mènkɔ̀ŋke mi mbɨ̀Ꞌɨ̀ tà li nɔ̀ŋè la,

Lûm 9:26

KwàꞋ adziꞋ yu tà li shu awɔb nê ‘Bɨ ntsě bòt bɔ̧ la’, bɔɔ tɔ awɔb abot ane bɔ̧ Mbɔ̧ɔ̧mà yû̧.”

1 Kɔlìn 1:28

Mbɔ̧ɔ̧mà làà àghɨa bòt ngɔ̀ŋ àa ngwàa, bɔ̀ ka mê ngua ndzea mbɨ̀Ꞌɨ̀ àghɨ la, mbɨ̀Ꞌɨ̀ ghɨ̌ èghɨ bu bòt àa mɨ̀ɨ̀tà nê aa və la aa tsiꞋi èghɨ àku.

1 Kɔlìn 15:45

Àkata Mbɔ̧ɔ̧mà a laꞋnê, “Mbɔ̧ɔ̧mà li ngɨ a Adàm mbì tà tsìꞋi wòt yû̧.” Ka Adàm kwèn tsìꞋi Fo nàa ŋǎ mèmpème la.

1 Tɔ̀màtià 6:13

E ngu nkɨ e mě shu awê àyaa nè ànəê. E ngua shua a mbì Mbɔ̧ɔ̧mà wu tàa ndzìà fo ane èghɨ ègème la, bɔ̂ Yesò wu tà li ntɨ̧ a mbì Pontìùs Pȩlèt ngàꞋte shu wòt ye wu wùà la.

Ebùlù 11:12

Ale, Abàlàghâm wu li mbàte ndèn kwat tè ntsìꞋi mbɨ̀Ꞌɨ̀ wòt tà pfə la, ka àndǎ̧ a li ndzə ane tòà waa wemɔ̀Ꞌ la, a li ndzà̧à̧ tê ngu mbɨ̀Ꞌɨ̀ těnto̧ tu a ègwelebuule la, mè ndzà̧à̧ te ngu mbɨ̀Ꞌɨ̀ těsɔŋ tu a ngèt èdzî betsiꞋa wòt kà ko mpà̧ la.

Ebùlù 11:3

Èntɨ̧ɨ̧ wu ba zi ane Mbɔ̧ɔ̧mà la e ghɨ̂ ba bɨ̧ɨ̧nè nê tà li nɨ èngǎ̧ vi ka nɨŋ ngɨ̀ ngɔ̀ŋ yaa, nko nê ye nɨ àghɨa bɔ̀ɔ ka ye la nɨŋ ngɨ̀ àghɨa bɔ̀ɔ ndzèa la.

Ebùlù 11:7

Èntɨ̧ɨ̧ wu Noà li ndzi ane Mbɔ̧ɔ̧mà la e li ngɨ̀ tà zə ànəa Mbɔ̧ɔ̧mà səèŋkè àtû̧ atò shu ane àghɨa à bele ne mbì kà tà ye la. Tà zə ale, ngɨ̀ ànkànuꞋ bɔ̂ àndà̧ zi a nyi a èbèm mpem. Tà li ngɨ̀ àyaa ale a nyɨ̀Ꞌte nê bòt ngɔ̀ŋ wu bòt kàbɔ̀ŋ. Tà li ngɨ̀ àyaa ale ntsìꞋi wòt ntsɔ̧̀ a mbì Mbɔ̧ɔ̧mà è wu àbȩ̀ a wòt nàa mbɔ̌ nkàà èntɨ̧ɨ̧ wu tà zi ane Mbɔ̧ɔ̧mà la.

1 Pità 2:10

È li ngu àfɨ̀Ꞌ àko bɨ̀ ka wu bòt Mbɔ̧ɔ̧mà, ka nè àfɨ̀Ꞌ yaa bɨ̀ tsiꞋi bòt tò. È li ngu àfɨ̀Ꞌ àko Mbɔ̧ɔ̧mà kà wua nkua tèsȩ tɨ̧, ka nè àfɨ̀Ꞌ yaa tà ku tèsȩ tɨ̧.

2 Pità 3:8

Bèshu̧ bɔ̧, bɨ̀ ka ndèènè ànəê yaa yeamɔꞋ la nê, aa abua Mbɔ̧ɔ̧mà àliabȩ yeamɔꞋ à ka kubte ane èngùꞋebȩ tɔsì. Àliabȩ ngaa yeamɔꞋ la, nè èngùꞋebȩ ngaa tɔsì la abua tò bê ngu wuê àghɨ yeamɔꞋ.