Lûm 4:16 - Mundani

¹⁶ Mbɔ̧ɔ̧mà li ngɨ̀ ale mbɨ̀Ꞌɨ̀ wòt zì èntɨ̧ɨ̧ vi ane Mbɔ̧ɔ̧mà ka tà bɔ̀ àghɨa tà li nkàꞋ la, mbɨ̀Ꞌɨ̀ mě nyɨꞋte nê tàa nɨa a ntsɔ̧̀ vi ka ŋa àghɨa tà kàꞋà la abua wòt ègème tà dzə àndǎ̧ Abàlàghâm la. Àyaa a ntsě wuê abua bòt bu bɔ̀ɔ nɔ̀ŋà mbɨ̧ la, a wu abua bòt bu bɔ zi mèntɨ̧ɨ̧ mɔb ane Mbɔ̧ɔ̧mà la mɨ̧̂, mbɨ̀Ꞌɨ̀ Abàlàghâm li ndzì è vi la. Abàlàghâm wu tǎt bòt Mbɔ̧ɔ̧mà bàgème,

Lûm 4:16 Iomraidhean Croise

Lûk 19:9

Yesò shu abua tò nê, “Mâ kɨꞋɨ a lob yê laane etsì àwê bɨ bòt bê a èbem kàbɔ̀ŋ wɨ̧. Ngu nê, àwɔ̀ Zàkià, à tsiꞋi ngule wòt àndǎ̧ tǎt wa Abàlàghâm mɨ̧̂.

Lûm 15:8

Maà nkɨà bɨa ku̧u̧te nê Yesò Klistò li ntsìꞋi wɔ̀fàꞋ abua Bèjuê ale, nɨŋ nyɨ̀Ꞌte nê Mbɔ̧ɔ̧mà wu wòt nkûŋ ane àghɨa tà li nkàꞋ bètǎt nyaꞋ ba la.

Lûm 3:22

Èlɨ mbɔŋ wu nê bòt àa ngɨ̀ bɔ̀ zì mèntɨ̧ɨ̧ mɔb ane Yesò Klistò, Mbɔ̧ɔ̧mà nɨ awɔb bàgème mbɨ̀Ꞌɨ̀ bòt bɔ tɨ̧ɨ̧ ndɨŋndɨ̀ŋ a mbì li la. Mbɔ̧ɔ̧mà a nɨ bòt bàgème mbɨ̀Ꞌɨ̀ àghɨ yeamɔꞋ,

Lûm 3:30

ndɨ̀ wu Mbɔ̧ɔ̧mà nàa wemɔ̀Ꞌ la. Tàa nɨ wòt ègème tà zi èntɨ̧ɨ̧ vi ane Yesò la mbɨ̀Ꞌɨ̀ wòt tà tɨ̧ɨ̧ ndɨŋndɨ̀ŋ a mbì li la, kò ŋut wu wòt Juê, kò wòt kà wu Juê leꞋ.

Lûm 4:11

Bɔ li ntsiꞋi nàŋe atò àfɨ̀Ꞌ à, mbɨ̀Ꞌɨ̀ àlȩê enɨ nyɨꞋte nê Mbɔ̧ɔ̧mà nɨ atò mbɨ̀Ꞌɨ̀ wòt tà tɨ̧ɨ̧ ndɨŋndɨ̀ŋ a mbì li la, nkàà nê tà li ndzì èntɨ̧ɨ̧ vi ane Mbɔ̧ɔ̧mà àfɨꞋa bɔ li bɔ̀ ka ziꞋì nàŋe atò la. A li ngu anè mbɨ̀Ꞌɨ̀ Abàlàghâm naa wu tǎt bòt bu bàgème bɔ zi mèntɨ̧ɨ̧ mɔb ane Mbɔ̧ɔ̧mà kà bɔ zìꞋì nàŋa awɔb, Mbɔ̧ɔ̧mà nɨ awɔb mbɨ̀Ꞌɨ̀ bòt bɔ tɨ̧ɨ̧ ndɨŋndɨ̀ŋ a mbì li la.

Lûm 5:1

Ndɨ̀ wu Mbɔ̧ɔ̧mà nɨ awa mbɨ̀Ꞌɨ̀ bòt bɔ tɨ̧ɨ̧ ndɨŋndɨ̀ŋ a mbì li nkàà ndɨ̀ wu baa zì mèntɨ̧ɨ̧ ma ane tò la, baa bɔ àlàŋkè nè Mbɔ̧ɔ̧mà nkàà àghɨa Yesò Klistò Lefɨ̀Ꞌ wa ghɨ ane ya la.

Lûm 9:8

Tàà shua ale ngua nyɨ̀Ꞌta nê è ntsě bòt bu bàgème bɔ bi awɔb àndǎ̧ Abàlàghâm la ka wu bɔ̧ Mbɔ̧ɔ̧mà la, wu bòt bu bɔ bi awɔb mbɨ̀Ꞌɨ̀ Mbɔ̧ɔ̧mà li nkàꞋ la, ka bɔ̀ lâ ngu bòt àndǎ̧ Abàlàghâm la.

Gàlashìà 3:14

Yesò Klistò li ngɨ̀ àyaa anè mbɨ̀Ꞌɨ̀ e ghɨ̌ èlɔ̂t wu Mbɔ̧ɔ̧mà li nkaꞋa Abàlàghâm la aa tsě ane tò e kɨꞋɨ abua bòt kà ko a Mbɔ̧ɔ̧mà. A li ngu ane mbɨ̀Ꞌɨ̀ e ghɨ̌ èntɨ̧ɨ̧ wu ba zi ane Yesò la aa ghɨ baa bɔ Fo yu tà li nkàꞋ la.

Gàlashìà 3:16

Mbɔ̧ɔ̧mà li ndɔ̀Ꞌ nkàꞋ mènəè mi abua Abàlàghâm bɔ̂ wòt àndà̧ vi. Èngǎ̧ Mbɔ̧ɔ̧mà e bakà laꞋnê, tà li nkàꞋ mènəè “Abua bɔbȩ”, è wu bòt nyaŋ la, ka e shu wuê nê, “Abua waã wê”, ngua ndàꞋà ànəa wòt wemɔ̀Ꞌ, è wu Yesò Klistò la.

Gàlashìà 3:22

Ka Àkata Mbɔ̧ɔ̧mà a laꞋnê bòt sitsǎꞋ bàgème e wu mbɨ̀Ꞌɨ̀ èbùꞋ abua mènəè kàbɔ̀ŋ. A wu ale mbɨ̀Ꞌɨ̀ bòt bu bɔ zì mèntɨ̧ɨ̧ mɔb ane Yesò Klistò la aa bɔŋ àghɨa Mbɔ̧ɔ̧mà li nkàꞋ nê bɔ bɨ̧ɨ̧ne a Yesò ko bɔɔ bɔ la.

Efesɔ̀s 2:5

tè ngɨ̀ awa wu ba li ngu bòt bɔ pfəꞋte a mbì tò la, ba tsiꞋi bòt yu̧ ba Yesò Klistò ba. Ba pem nkàà a ntsɔ̧̀ Mbɔ̧ɔ̧mà wu tà nyɨꞋte abua ya la.

Efesɔ̀s 2:8

Wu ntsɔ̧̀ Mbɔ̧ɔ̧mà wu tà nyɨꞋte abua ya la ka è ghɨ̂ ba pem nkàà mèntɨ̧ɨ̧ ma mu ba zi ane tò la. È kà ghɨ bɨ̀a. È ghɨ̀à Mbɔ̧ɔ̧mà àku abua yɨ̧.

Tȩtɔ̀s 3:7

mbɨ̀Ꞌɨ̀ Mbɔ̧ɔ̧mà wu naa ku tèsȩ ta, e mě ghɨ̀ mènəè ma naa tɨ̧ɨ̧ ndɨŋndɨ̀ŋ a mbì li. Tà li ngua ngɨ̀à ale mbɨ̀Ꞌɨ̀ baa bɔ mèmpème kàlìà mu ba nɔ̀ŋe ntɨ̀ ya adù̧ la.

2 Pità 1:10

È wu ale a bɔnyɨ bɔ̧, bɨ̀ la nyɔ̀Ꞌtè ngɨ̀ bòt e ye nê wu nkûŋ nê Mbɔ̧ɔ̧mà làà àwɨ̧, nɨ̀ àwɨ̧ ane bòt bi. Bɨ me ghɨ èghɨ bàa, ko èntɨ̧ɨ̧ wɨ̧ è ka li lɔ̀Ꞌɔ edzə ane Mbɔ̧ɔ̧mà a,