Lûm 4:11 - Mundani

¹¹ Bɔ li ntsiꞋi nàŋe atò àfɨ̀Ꞌ à, mbɨ̀Ꞌɨ̀ àlȩê enɨ nyɨꞋte nê Mbɔ̧ɔ̧mà nɨ atò mbɨ̀Ꞌɨ̀ wòt tà tɨ̧ɨ̧ ndɨŋndɨ̀ŋ a mbì li la, nkàà nê tà li ndzì èntɨ̧ɨ̧ vi ane Mbɔ̧ɔ̧mà àfɨꞋa bɔ li bɔ̀ ka ziꞋì nàŋe atò la. A li ngu anè mbɨ̀Ꞌɨ̀ Abàlàghâm naa wu tǎt bòt bu bàgème bɔ zi mèntɨ̧ɨ̧ mɔb ane Mbɔ̧ɔ̧mà kà bɔ zìꞋì nàŋa awɔb, Mbɔ̧ɔ̧mà nɨ awɔb mbɨ̀Ꞌɨ̀ bòt bɔ tɨ̧ɨ̧ ndɨŋndɨ̀ŋ a mbì li la.

Lûm 4:11 Iomraidhean Croise

Matìù 16:16

Simùn Pità bɨ̀ɨ̀lè nê “À wu Fɔ̧̀ wu Mbɔ̧ɔ̧mà yɔꞋ ntsà la, Waã Mbɔ̧ɔ̧mà yû̧.”

Matìù 8:11

TsiꞋ è shua wɨ̧ nê, bòt nyaŋ aa li dzə a bètɔꞋɔ ngɔ̀ŋ ekɨꞋɨ etseke a si bɔ̂ Abàlàghâm ba nè Asàk nè Jàkɔ̂b àdziꞋa èpǎ̧ wu a èbem ngɔ̀ŋ fi a kèfɔ̧̀ Mbɔ̧ɔ̧mà la.

Lûk 19:9

Yesò shu abua tò nê, “Mâ kɨꞋɨ a lob yê laane etsì àwê bɨ bòt bê a èbem kàbɔ̀ŋ wɨ̧. Ngu nê, àwɔ̀ Zàkià, à tsiꞋi ngule wòt àndǎ̧ tǎt wa Abàlàghâm mɨ̧̂.

Jɔ̌n 3:33

Wòt tà bɨ̧ɨ̧ne èngǎ̧ tò la, nɨ àyea mbɔŋ nɨŋ nyɨ̀Ꞌte nê ànəa Mbɔ̧ɔ̧mà shu la wu nkûŋ.

Jɔ̌n 3:36

Wòt tà zǐ èntɨ̧ɨ̧ vi ane Waã Mbɔ̧ɔ̧mà la è bɔ mèmpème kàlìà, è we tà tu̧ ezǐ èntɨ̧ɨ̧ vi ane tò la ka wu li ebɔ mèmpème, mbɔ̂ ntsǒ Mbɔ̧ɔ̧mà kà wu li elìa, è bele àtsəa tò è nɔ̀ŋkè la.

Jɔ̌n 6:35

Yesò shu abua yɔb nê, “E ngu èghɨjɨ bu àa ngɨ̀a bòt e bɔ mèmpème la. Wòt tà kɨꞋɨ̀ ndzì èntɨ̧ɨ̧ vi ane yaã la, ndzìtsə tè ka li tsi eku atò a, àtɔŋ tò à ka tsi ndɔ̀Ꞌ àlia nju̧.

Jɔ̌n 6:40

Àghɨa Tǎt am nàa nkɨà la wu nê, wòt ègème tà ye Waã vi ndzì èntɨ̧ɨ̧ vi ane tò la, naa li ebɔ mèmpème kàlìà, e mè ngu e ghɨ̌ ŋut naa yu̧u̧me àlia ngɔ̀ŋ nàa lìà la.”

Jɔ̌n 6:47

Ane nkûŋ, tsiꞋ è shua wɨ̧ nê wòt tà zǐ èntɨ̧ɨ̧ vi ane yaã la ebɔ mèmpème kàlìà.

Jɔ̌n 8:33

Tà làꞋ ale bɔ bɨ̀ɨ̀lè nê, “Ba wu bòt àndǎ̧ Abàlàghâm, ba bakà li mè wu àbùꞋ a wòt kǒ. Àa shua nê, bɔɔ yàà wa esà ale nko nê, à shua ne ghà à?”

Lûm 10:11

Èngǎ̧ Mbɔ̧ɔ̧mà e laꞋnê, “Wòt ègème tà zi èntɨ̧ɨ̧ vi ane tò la ka li sà̧à̧tè a.”

Lûm 10:4

Yesò Klistò li nkɨ̀Ꞌɨ̂ ale, àfaꞋa mbɨ̧ à ka tsi nguê, mbɨ̀Ꞌɨ̀ naa tsiꞋi wòt ègème tà zi èntɨ̧ɨ̧ vi ane Yesò Klistò la, ka Mbɔ̧ɔ̧mà nàa nɨa tò mbɨ̀Ꞌɨ̀ wòt tà tɨ̧ɨ̧ ndɨŋndɨ̀ŋ a mbì li la.

Lûm 10:6

Ka è wu ànəa wòt nàa zi èntɨ̧ɨ̧ vi ane Yesò ka Mbɔ̧ɔ̧mà naa nɨa tò mbɨ̀Ꞌɨ̀ wòt tà tɨ̧ɨ̧ ndɨŋndɨ̀ŋ a mbì li la, ko “Wòt bakà bɔ ndɨ tàa shu a èntɨ̧ɨ̧ vi nê, ‘Wàa nàa kɔꞋɔ èghǎ ègwet à?’ ” (Ngua shua nê e ghǎ nɨa Yesò Klistò e chu a si leꞋ.)

Lûm 3:22

Èlɨ mbɔŋ wu nê bòt àa ngɨ̀ bɔ̀ zì mèntɨ̧ɨ̧ mɔb ane Yesò Klistò, Mbɔ̧ɔ̧mà nɨ awɔb bàgème mbɨ̀Ꞌɨ̀ bòt bɔ tɨ̧ɨ̧ ndɨŋndɨ̀ŋ a mbì li la. Mbɔ̧ɔ̧mà a nɨ bòt bàgème mbɨ̀Ꞌɨ̀ àghɨ yeamɔꞋ,

Lûm 3:26

Ka àfɨ̀Ꞌ yaa Mbɔ̧ɔ̧mà nyɨꞋte ane èvə Yesò nê yea ngɨ̀à mènəè mi àfɨ̀Ꞌ àgème ndɨŋndɨ̀ŋ, mě nyɨ̀Ꞌte nê wòt yea nɨa mbɨ̀Ꞌɨ̀ wòt tà tɨ̧ɨ̧ ndɨŋndɨ̀ŋ a mbì li la, wu wòt wu tà zi èntɨ̧ɨ̧ vi ane Yesò Klistò la.

Lûm 3:30

ndɨ̀ wu Mbɔ̧ɔ̧mà nàa wemɔ̀Ꞌ la. Tàa nɨ wòt ègème tà zi èntɨ̧ɨ̧ vi ane Yesò la mbɨ̀Ꞌɨ̀ wòt tà tɨ̧ɨ̧ ndɨŋndɨ̀ŋ a mbì li la, kò ŋut wu wòt Juê, kò wòt kà wu Juê leꞋ.

Lûm 4:10

È li ngu a ka àfɨ̀Ꞌ à? AfɨꞋa bɔ nàŋe atò mbɨ̀Ꞌɨ̀ wòt Mbɔ̧ɔ̧mà la, kò àfɨꞋa kà bɔ zìꞋì nàŋe atò à? È li ngu àfɨꞋa kà bɔ zìꞋì nàŋe atò.

Lûm 9:30

Tè bà wu anè e laꞋ nê ghàà? Nê bòt kà wu Bèjuê bu bɔ̀ le kaꞋa wua nùà nkɨà Mbɔ̧ɔ̧mà naa nɨ awɔb mbɨ̀Ꞌɨ̀ bòt bɔɔ tɨ̧ɨ̧ ndɨŋndɨ̀ŋ a mbì li la, e li ntsìꞋi bòt bɔ tɨ̧ɨ̧ ndɨŋndɨ̀ŋ a mbì tò la, nkàà èntɨ̧ɨ̧ wɔb wu bɔ zi ane Yesò la.

Lûm 9:33

Àyaa a wu mbɨ̀Ꞌɨ̀ bɔ shɨ a èbem Àkata Mbɔ̧ɔ̧mà la nê, “Bɨ̀ ye, e ngua nɔ̀ŋa èti a Zayɔ̀n, èti àa ghɨ̌ bòt aa sèmne adù̧ la, èwu àa ghɨ̌ bòt aa kwene la. Wòt tà zi èntɨ̧ɨ̧ vi ane tò la ka bɔ àtsəa kɔꞋɔ.”

Lûm 9:6

Ka la, e ntsèa shua nê tà bakà ghɨ àghɨa èngǎ̧ tò e shu la, nkàà nê è ntsě wòt ègème bɔ bi atò àndǎ̧ bòt Izəèlȩê la, è wu wòt Mbɔ̧ɔ̧mà làà la.

2 Kɔlìn 1:22

Tà zǐ àlȩê a zi ane ya, enɨ nyɨꞋte nê ba wu bòt bi, mè ndzì Fo Kèfə a mèntɨ̧ɨ̧ ma enɨ nyɨꞋte nê baa li ebɔ èghɨ tà nɔ̀ŋe abua ya la.

Gàlashìà 3:22

Ka Àkata Mbɔ̧ɔ̧mà a laꞋnê bòt sitsǎꞋ bàgème e wu mbɨ̀Ꞌɨ̀ èbùꞋ abua mènəè kàbɔ̀ŋ. A wu ale mbɨ̀Ꞌɨ̀ bòt bu bɔ zì mèntɨ̧ɨ̧ mɔb ane Yesò Klistò la aa bɔŋ àghɨa Mbɔ̧ɔ̧mà li nkàꞋ nê bɔ bɨ̧ɨ̧ne a Yesò ko bɔɔ bɔ la.

Gàlashìà 3:29

Ale, bɨ wu anè ngu bòt Yesò Klistò, ko bɨ wu bɔ̧ Abàlàghâm, mbɨ̀Ꞌɨ̀ Mbɔ̧ɔ̧mà li nkàꞋ la.

Gàlashìà 3:7

Bɨ̀ ko na bòt bɔ bɨ̧ɨ̧ne èngǎ̧ Mbɔ̧ɔ̧mà la, ka bɔ̀ wu bɔ̧ Abàlàghâm la.

Gàlashìà 5:5

È wu nè nà ko ba ko nê, Mbɔ̧ɔ̧mà nàà ŋa wa Fo zi ngɨ̀à ba ghɨ̀à àghɨa tàa nkɨà la. Eyaa wu àghɨa bà wua nchɨ̀Ꞌà la, nkàà ntɨ̀ yu ba bɔ ane Yesò Klistò la.

Gàlashìà 6:16

Maà ntsàꞋtà nê Mbɔ̧ɔ̧mà ŋa àlàŋkè, mè nkù tèsȩte bòt bɔ̀ɔ ngɨa èlɨ̀ waa la, fɔ̀ɔ̀lè ne bòt Mbɔ̧ɔ̧mà bàgème.

Efesɔ̀s 1:13

Bɨ̀a mbɔŋ e li ntsìꞋi bòt Mbɔ̧ɔ̧mà mɨ̧̂ àfɨ̀Ꞌ yu bɨ li ndzəâ èngǎ̧ nkûŋ la. Èngǎ̧ mbɔŋ wu Ntu̧ Ntsɔ̧̀ yu è li ngɨ̀ bɨ pem la. Bɨ li ndzə mbɨ̧̀ɨ̧̀ne, Mbɔ̧ɔ̧mà zì àlȩê àzi ane yɨ̧. Àlȩê yaa wu Fo Kèfə yu tà li nkàꞋ bòt bi la.

Efesɔ̀s 4:30

Bɨ̀ ka ngɨ̀ àghɨa àa me saa Fo Kèfə Mbɔ̧ɔ̧mà la. Fo ya wu àlȩê yu Mbɔ̧ɔ̧mà li ndzi ane yɨ̧ nê bɨ wu bòt bi la. Fo mbɔŋ wua nyɨ̀Ꞌta nê àli yu aa li nkɨ̀Ꞌɨ̂ Mbɔ̧ɔ̧mà ghɨ̀ bɨ pem.

Filìpȩ 3:9

e mě lâ etsiꞋi àghɨ yeamɔꞋ ba tò. Mmɔ̌ mbɔŋ e mbakà tsi ntɨ̧ɨ̧ ndɨŋndɨ̀ŋ e mbì Mbɔ̧ɔ̧mà nkàà mbɨ̧te Bèjuê tu màa nkùŋà la. Mâ tsiꞋi tɨ̧ɨ̧ ndɨŋndɨ̀ŋ a mbì Mbɔ̧ɔ̧mà àfɨ̀Ꞌ yaa nkàà nê mâ zǐ èntɨ̧ɨ̧ am ane Yesò Klistò.

Ebùlù 11:7

Èntɨ̧ɨ̧ wu Noà li ndzi ane Mbɔ̧ɔ̧mà la e li ngɨ̀ tà zə ànəa Mbɔ̧ɔ̧mà səèŋkè àtû̧ atò shu ane àghɨa à bele ne mbì kà tà ye la. Tà zə ale, ngɨ̀ ànkànuꞋ bɔ̂ àndà̧ zi a nyi a èbèm mpem. Tà li ngɨ̀ àyaa ale a nyɨ̀Ꞌte nê bòt ngɔ̀ŋ wu bòt kàbɔ̀ŋ. Tà li ngɨ̀ àyaa ale ntsìꞋi wòt ntsɔ̧̀ a mbì Mbɔ̧ɔ̧mà è wu àbȩ̀ a wòt nàa mbɔ̌ nkàà èntɨ̧ɨ̧ wu tà zi ane Mbɔ̧ɔ̧mà la.

2 Pità 1:1

Letà Simùn Pità, wɔ̀fàꞋ nè wantu̧ Yesò Klistò, Abua bòt bu bɔ̀ɔ nkùŋà alu̧ Mbɔ̧ɔ̧mà, è wù alu̧ bàa bɔntu̧ àà nkùŋà la. Wu Yesò Klistò ka tà ghɨ̂ bɨ me kùŋè ale la, nkàà nê tàà ngɨ̀à mènəè wuê mbɨ̀Ꞌɨ̀ Mbɔ̧ɔ̧mà nàa nkɨà la. Wu Mbɔ̧ɔ̧mà bɔ̂ Yesò Klistò Mpemnà wa.

Ètsə 9:4

È shu abua yɔb nê, bɔ̀ kà ntsòkè mèfəèꞋ, kò èyɨt, kò àghɨa ko tsa àa ntsəa a sitsǎꞋ la leꞋ. Bɔ li mbɔ ndɨ bɔ̀ɔ zi àlɔꞋ wuê ane bòt bu kà bɔ àlȩê a Mbɔ̧ɔ̧mà a mèsi mɔb la.