Lûm 3:5 - Mundani

⁵ Mbɨ̀Ꞌɨ̀ àa ale la, tè kàbɔ̀ŋ wa me ghɨ̌ bòt e me ye nê Mbɔ̧ɔ̧mà nàà ndɨŋndɨ̀ŋ, ko bàà laꞋ nê ghàà? Kò bàa laꞋnê Mbɔ̧ɔ̧mà me zi àwa a èbem ngoꞋ, ko tà wua ngɨ̀à àghɨa kà kùꞋ à? (E ndàꞋà àyaa mbɨ̀Ꞌɨ̀ wɔ̀bȩ̂.)

Lûm 3:5 Iomraidhean Croise

Lûm 12:19

Bɔnyɨ bɔ̧, wòt ghɨa kàbɔ̀ŋ ane wòt, tà ka mvəèəè, tà sàŋ Mbɔ̧ɔ̧mà nɨ ntsǒ zi ngɨ̀, wuê mbɨ̀Ꞌɨ̀ Mbɔ̧ɔ̧mà shu bɔ shɨ a èbem Àkata tò la nê, “Wòt tàa vəèəè la wu mmɔ̌. Maa ŋa àbȩ̀ yɔb. Wu Tǎt wa Mbɔ̧ɔ̧mà shua la.”

Lûm 2:5

Ka ndɨ̀ wu a kweele èntɨ̧ɨ̧ wê, ntu̧u̧ kubte la, à wua mpàa nkwèꞋnà ntsǒ Mbɔ̧ɔ̧mà a ègwet lè, mbɨ̀Ꞌɨ̀ è li è wu ane àli yu tàa saꞋa waa waa ndɨŋndɨ̀ŋ la, a bê mbɨ̀ àwê.

Lûm 3:19

Baà ko nê àghɨ àgème bɔ shɨ a èbem mbɨ̧ Musì la a wua ndàꞋa abua bòt bu bɔ ŋa mbɨ̧ mbɔŋ abua yɔb la. Aà anè mbɨ̀Ꞌɨ̀ wòt è ka li bɔ ànəê àko tàà làꞋa ane àli yu bòt bàgème àa tɨ̧ɨ̧ e mbì Mbɔ̧ɔ̧mà tàa saꞋa awɔb la.

Lûm 3:7

Tè mènəè mèfà̧ mɔ̧ wu ghɨ̌ bòt aa yea nkûŋ Mbɔ̧ɔ̧mà, e wùꞋtè atò adù̧, è ghaa ghɨ̂ ka Mbɔ̧ɔ̧mà mè me zì am a èbem ngoꞋ nê e ngu wòt kàbɔ̀ŋ à?

Lûm 4:1

Bàà wu ane laꞋ nê ghàà? Nê Abàlàghâm wu tà wû tǎt nyaꞋ bòt ba la li ndze ànəê yaa zìambɔŋ naa?

Lûm 5:8

Ka Mbɔ̧ɔ̧mà nyɨꞋte èkɔŋ vi abua ya ndɨ̀ wu bà le bele bòt kàbɔ̀ŋ tà ghɨ̀ Yesò Klistò è pfə ambo ya la.

Lûm 6:1

Bà wu anè e laꞋ nê ghàà? Tè bàa me ghɨa kàbɔ̀ŋ ngà wuê nè mbì mbɨ̀Ꞌɨ̀ Mbɔ̧ɔ̧mà naa me nyɨꞋta ntsɔ̧̀ vi abua ya nɨ̀a ngà nè mbì?

Lûm 6:19

E ngua nɨa èghɨ ngɔ̀ŋ ka fɨ̀Ꞌnà mènəè maa, ndɨ̀ wu bɨ̀ bela ndzèa mènəè mbɨ̀Ꞌɨ̀ bɔbȩ la. Bɨ̀ le yaã ŋa wɨ̧ mbɨ̀Ꞌɨ̀ èbùꞋ abua kàbɔ̀ŋ, me ghɨ̌ èbɨꞋte èghɨ nè mènəè kàbɔ̀ŋ, è wu ale bɨ̀ ŋa awɨ̧ mbɨ̀Ꞌɨ̀ èbùꞋ a èlɨ mbɔŋ a màngɨa èghɨ bu àà mbɔ̀ a Mbɔ̧ɔ̧mà la, mè me tseke mbɨ̀Ꞌɨ̀ bòt Mbɔ̧ɔ̧mà e bɔ ndɨ bɔ̀ɔ me tseke la.

Lûm 7:7

Tè e ngua anè shua nê mbɨ̧ wu àghɨa kàbɔ̀ŋ? ChaꞋ, a ntsě ale. Mbɨ̧ ntsě àghɨa kàbɔ̀ŋ. Mbɨ̧ li ngɨ̀ ale è kà wuê, ko e mbakà ko àghɨa kàbɔ̀ŋ wu yùà la. Mbɨ̧ li ngɨ̀ ale è kà shu laꞋnê, “À ka me kɨ nê àghɨa wòt tsa a wu wu a ye”, ko e mbakà ko laꞋ nê mànkɨa nê àghɨa wòt tsa a wu wu a yaã wu kàbɔ̀ŋ.

Lûm 8:31

Bàà wu anè laꞋ nê ghǎ ane ayaa? Mbɔ̧ɔ̧mà wu nè nà, ko wòt wu betsiꞋa tà ghɨ̀ àghɨ ane ya la wu wàà?

Lûm 9:30

Tè bà wu anè e laꞋ nê ghàà? Nê bòt kà wu Bèjuê bu bɔ̀ le kaꞋa wua nùà nkɨà Mbɔ̧ɔ̧mà naa nɨ awɔb mbɨ̀Ꞌɨ̀ bòt bɔɔ tɨ̧ɨ̧ ndɨŋndɨ̀ŋ a mbì li la, e li ntsìꞋi bòt bɔ tɨ̧ɨ̧ ndɨŋndɨ̀ŋ a mbì tò la, nkàà èntɨ̧ɨ̧ wɔb wu bɔ zi ane Yesò la.

1 Kɔlìn 15:32

E ndi ngɨ̀ ale ngua ndzea mènəè wuê ndɨ wɔ̀bȩ̂ nàa ndzea la, ko àbȩ̀ am e me nû nyaãtebàꞋ a Efesɔ̀s wû ghàà? È wu nê bòt aa kà pfə njù̧ù̧mê, ko “Bɨ̀ tsiꞋ bà me jɨa nua ngùꞋtà wa nkàà nê, naa me wu a tetsɔꞋ baa pfəꞋte.”

1 Kɔlìn 9:8

Kò e ndàꞋà ane àtɔŋ bɔbȩ à? Ka wu ndɨ àa èbem mbɨ̧te Musì la à?

2 Kɔlìn 6:4

Ka baa nyɨ̀Ꞌta àghɨa bà wu yùà la mbɨ̀Ꞌɨ̀ bɔfàꞋ Mbɔ̧ɔ̧mà ane balu̧ bàgème. Baa nkùùla mèntɨ̧ɨ̧ ma ane ngoꞋtsə tègème, ka te màà ngu wuê nà leꞋ.

2 Kɔlìn 7:11

Bɨ̀ lâ ndzè àghɨa ànəê yaa a saa awɨ̧, àbu a Mbɔ̧ɔ̧mà àa adù̧ la, a ghɨ ane yɨ̧ la. Bɨ li ngɨ̀ ntsɔ̧̀ a mànkubta mèntɨ̧ɨ̧ mɨ̧, mè ntso ane àghɨa bòt e ghɨ̀ la. A li ngɨ̀ bɨ lâ me kɨ eye am, mè me kɨ etàŋe ànəê am, mè ndɔ̀Ꞌ me kɨ enɔ̀ŋe ngoꞋ àtsəa wòt tà ghɨ a kàbɔ̀ŋ la. Bɨ nyɨꞋte ane balu̧ bàgème nê àbu ayɨ̧ a ntsě ane ànəa mbɔŋ.

Gàlashìà 2:18

Ka e ngu anè mè me kùŋe mènəè mu e ndi ntu̧, (mbɨ̀Ꞌɨ̀ etɨ̧ɨ̧ ndɨŋndɨ̀ŋ e mbì Mbɔ̧ɔ̧mà la), ko e ntsiꞋi wòt tàa mpààtà mbɨ̧te mbɔŋ la.

Gàlashìà 3:15

Bɔnyɨ bɔ̧, tsiꞋ è fɨ̀Ꞌne ànəê yaa ane àghɨa bɨ̀a ndzèa àli àgème la. Bòt babe àa ngɨ̀ bɔ̀ tsia ànəê tè bɔ̀ shɨ a si, wòt kà tsi nko nkùbte.

Ètsə 15:3

Me kɔ̧ɔ̧ ètsəkù̧ wu Musì, wɔ̀fàꞋ Mbɔ̧ɔ̧mà li nkɔ̧ la, nè è wu Wanjɨ̀ wu li nkɔ̧ la shua nê, “Mbɔ̧ɔ̧mà Lefɨ̀Ꞌ Àtsèàngɔ̀ŋ leꞋ, Mènəè mê è ghe mè ntsè bòt. Àwɔ̀ fɔ̧̀ ngɔ̀ŋ leꞋ, mènəè mê wu nkûŋ, mè ngu ndɨŋndɨ̀ŋ.

Ètsə 18:20

Ègwet, wùꞋtè àwê nkàà ndɨ tà kwen la. Bòt Mbɔ̧ɔ̧mà nè bɔntu̧ Mbɔ̧ɔ̧mà, nè bèndàꞋàtɔŋ Mbɔ̧ɔ̧mà leꞋ, bɨ̀ wùꞋtè àwɨ̧, Babilɔ̀n è kwen. Mbɔ̧ɔ̧mà nɔ̀ŋe ngoꞋ a ègwet tò nkàà àghɨa tà li ngɨ̀ ane yɨ̧ la.”