Lûm 3:31 - Mundani

³¹ Tè aà anè ngua shua nê mbɨ̧ yu Mbɔ̧ɔ̧mà ŋa la tsiꞋi àku, ndɨ̀ wu è tsìꞋi àyea màndzia èntɨ̧ɨ̧ ane Yesò la à? A mbê ntsě ale! Àghɨa àa və la wu nê baa nɔ̀ŋà mbɨ̧ mbɨ̀Ꞌɨ̀ ba wu nɔ̀ŋè la.

Lûm 3:31 Iomraidhean Croise

Matìù 15:6

Ale, bɨ gha ambo mènəè ndɨ̧ yɨ̧, ngwaꞋa ànəa Mbɔ̧ɔ̧mà shu nê bɨ̀ me ghɨ̀ la.

Matìù 3:15

Yesò shu abua tò nê, “TsiꞋ à wu anè àfɨ̀Ꞌ yaa, nkàà nê ba nè e bɔ ndɨ bàa ghɨ̌ èghɨ ègème Mbɔ̧ɔ̧mà nàa nkɨà la.” Ale, Jɔ̌n bɨ̧ɨ̧ne.

Matìù 5:17

“Bɨ̀ ka mɨ̀ɨ̀tè nê e nkɨ̀Ꞌa ghɨ̌ bɨa waꞋa mbɨ̧te Musì nè èghɨ bèndàꞋàtɔŋ Mbɔ̧ɔ̧mà e li shu la. È nka kɨꞋa ghɨ̌ bɨa waꞋa èghɨ mbɔŋ, e nkɨ̀Ꞌa ghɨ̌ aa wu nkûŋ.

Matìù 5:20

Ka e ngua shua wɨ̧ nê bɨ bakà ghɨ àghɨa Mbɔ̧ɔ̧mà nàa nkɨà la, te tse bènyɨꞋtà mbɨ̧te Musì nè Bèfalèsiì, ko bɨ̀ ka li nyi a kèfɔ̧̀ Mbɔ̧ɔ̧mà à.

Lûk 20:16

“Ŋut naa kɨꞋɨ ebùŋe bɔfàꞋ bu, èbɔ ŋa èbaꞋ lu abua bɔfàꞋ tsa.” Bòt bu è zə ale nê, “Mbɔ̧ɔ̧mà ka mbɨ̧̀ɨ̧̀ne a wu ale.”

Lûm 10:4

Yesò Klistò li nkɨ̀Ꞌɨ̂ ale, àfaꞋa mbɨ̧ à ka tsi nguê, mbɨ̀Ꞌɨ̀ naa tsiꞋi wòt ègème tà zi èntɨ̧ɨ̧ vi ane Yesò Klistò la, ka Mbɔ̧ɔ̧mà nàa nɨa tò mbɨ̀Ꞌɨ̀ wòt tà tɨ̧ɨ̧ ndɨŋndɨ̀ŋ a mbì li la.

Lûm 2:20

nê ye wu nyɨꞋtà bòt bu kà ko mènəè Mbɔ̧ɔ̧mà la, mè ngu nyɨꞋtà bòt bu bɔ̀ baka zìꞋì nkwèèle ane mènəè Mbɔ̧ɔ̧mà la. Mè ndâ nko àwɔ̀ mbɔŋ nê ndɨ̀ wu à ko mbɨ̧ la, à ko àghɨ àgème, mè nko nkûŋ.

Lûm 3:4

A ntsě ale. Bòt bàgème e màà ngu wuê bòt mèfà̧, ko Mbɔ̧ɔ̧mà naa tɨ̧ɨ̧ wuê ane èngǎ̧ vi, mbɨ̀Ꞌɨ̀ bɔ shɨ a èbem Àkata tò la nê, “Àa ngɨ̀ à laꞋa, bòt è zə bɔ nê ànəa à laꞋà la wu nkûŋ, bɔ̀ mee bɔ̀ bàŋè mènəè mê, bɔ̀ ka bê ndze àlɔꞋ adù̧.”

Lûm 3:6

A mbê ntsě ale. Mbɔ̧ɔ̧mà bakà wua saꞋa mènəè ndɨŋndɨ̀ŋ, ko tàa saꞋa ngɔ̀ŋ naa?

Lûm 4:14

È wu bòt bu bɔ̀ɔ nɔ̀ŋà mbɨ̧ la, ka bɔ̀ɔ̀ bɔ àghɨa Mbɔ̧ɔ̧mà kàꞋ la, ko màndzia èntɨ̧ɨ̧ ane Mbɔ̧ɔ̧mà è tsìꞋi àku, àghɨa tà kàꞋà la è kà tsi ngu àghɨ.

Lûm 7:22

Maà ndâ nkɔ̀ŋkà mbɨ̧ Mbɔ̧ɔ̧mà a èbem èntɨ̧ɨ̧ am.

Lûm 7:25

Mâ kɔ̀ŋke a Mbɔ̧ɔ̧mà nê wu Yesò Klistò Lefɨ̀Ꞌ wa ka betsiꞋa tà ghɨ̀ ba pem la. Ale, ane abà ako màa ngɨ̀ e me kɨ ghɨ àghɨa mbɨ̧ Mbɔ̧ɔ̧mà kɨa la a èntɨ̧ɨ̧ am, ayea ko nè abà e me ghɨ wuê a kàbɔ̀ŋ wu mbɨ̧̀ yaã nàa nkɨà la.

Lûm 8:4

Tà li ngɨ̀ àyaa mbɨ̀Ꞌɨ̀ baa me koa ngɨ̀à èghɨ ntsɔ̧̀ bu ègème mbɨ̧ Mbɔ̧ɔ̧mà nàa shuà nê bà me ghɨ̀ la, ndɨ̀ wu baa tsiꞋa ntsèka mbɨ̀Ꞌɨ̀ Fo Mbɔ̧ɔ̧mà nàa nkɨà la, baa kà tsi ngua ntsèka mbɨ̀Ꞌɨ̀ mbɨ̧te ènyit ta tèa nkɨà la.

1 Kɔlìn 9:21

È ngu ba bòt kà wua nɔ̀ŋà mbɨ̧te Musì, e me tseke mbɨꞋɨ̀ wòt kà wua nɔ̀ŋà mbɨ̧te mbɔŋ. E ntsea shua nê maà kà nɔŋe mbɨ̧ Mbɔ̧ɔ̧mà, ka maà ntsèka mbɨ̀Ꞌɨ̀ mbɨ̧ Yesò Klistò nàa nkɨà la. Màa ngɨ̀à ale mbɨ̀Ꞌɨ̀ ghɨ̌ bòt kà wu Bèjuê baa aa zì mèntɨ̧ɨ̧ mɔb ane Yesò la.

Gàlashìà 2:19

Aa anè nkàà nê è wu mbɨ̀Ꞌɨ̀ mbɨ̧te Musì tèa nkɨà la ko mâ pfə te ndɔ̀Ꞌ, nkàà nê betsiꞋa è nka tɨ̧ɨ̧ ndɨŋndɨ̀ŋ a mbì Mbɔ̧ɔ̧mà nkàà mbɨ̧tsə màa nkùŋà la. A wu anè mbɨ̀Ꞌɨ̀ maa tsiꞋi me lɨ̀ŋkè wuê a Mbɔ̧ɔ̧mà wu tàa nkùa tèsȩ taã la.

Gàlashìà 2:21

E mbakà tu̧u̧ ntsɔ̧̀ wu Mbɔ̧ɔ̧mà nyɨꞋte am nkàà a Yesò Klistò la. Wòt ghɨ̀ ale, ngua ntɨ̧a ndɨŋndɨ̀ŋ a mbì Mbɔ̧ɔ̧mà nkàà na tàa ngɨ̀à mbɨ̀Ꞌɨ̀ mbɨ̧tsə te kɨa la, ko a nyɨꞋtè nê Yesò Klistò li mpfə kwàꞋ àku.