Bìoball air-loidhne

Lûm 3:21 - Mundani

²¹ Mbɔ̧ɔ̧mà lâ nyɨ̀Ꞌte àfɨ̀Ꞌ yaa ndɨ yèa ngɨ̀à ka nɨa wòt nê tà tɨ̧ɨ̧ ndɨŋndɨ̀ŋ a mbì li la. Àyaa a bakà bɔ àghɨa ko àa ghɨ̌ nê mànɔŋa mbɨ̧ la. Ka mbɨ̧ nè àghɨa bèndàꞋàtɔŋ e li shɨŋ la a li nyɨ̀Ꞌte a èlɨ ngaa mɨ̧̂.

Faic an caibideil Dèan lethbhreac

dol air ais ⬆

Lûm 3:21
37 Iomraidhean Croise

Lûk 24:44

ÀfɨꞋa mbɔŋ tà shu abua yɔb nê, “Eyaa wu mènəè mu e ndi ngua shuà wɨ̧ àfɨꞋa e ndi mbèle ba nɨ̧̀ ba la, nê, àghɨ àgème bɔ shɨ ane yaã a èbem àkatè mbɨ̧te Musì, nè mènəè bèndàꞋàtɔŋ Mbɔ̧ɔ̧mà, nè è mu a èbem Àkata Mèkù̧ la, a bɔ ndɨ àa te la.”

Faic an caibideil

Jɔ̌n 1:45

Filìb ghà ndzea Nàtanìà shu abua tò nê, “Ba ye wòt wu Musì li shɨ ànəa tò a èbem àkatè mbɨ̧tsə la, ye wu bèndàꞋàtɔŋ Mbɔ̧ɔ̧mà è lè shɨ ayɔb mɨ̧̂ la. Tà wu Yesò, waã Jòsêb, wòt Nazàlet.”

Faic an caibideil

ÀfaꞋa 10:43

BèndàꞋàtɔŋ nyaꞋ Mbɔ̧ɔ̧mà bàgème è le laꞋa ànəa tò nê, wòt ègème tà zi èntɨ̧ɨ̧ vi ane tò la, Mbɔ̧ɔ̧mà naa waꞋa a kàbɔ̀ŋ ŋut ane mètàŋ èlen Yesò.”

Faic an caibideil

ÀfaꞋa 15:11

A ntsě ale! Baa zì mèntɨ̧ɨ̧ ma ane Yesò, Mbɔ̧ɔ̧mà ghɨ̀ ba bɔ mèmpème wuê mbɨ̀Ꞌɨ̀ bɔ̀ɔ̀ba, nkàà ntsɔ̧̀ Yesò Lefɨ̀Ꞌ.”

Faic an caibideil

ÀfaꞋa 26:22

Ka, ekɨꞋɨ wu laane waa, Mbɔ̧ɔ̧mà nàà ntɨ̀ŋa am. È wu ale, e ngu a si ŋàa eshu àghɨa mâ ye mè nko la abua waa waa, wɔ̀jûŋ nè watèchɨɨle. Mènəè maa e shua la, wu kwàꞋ mènəè mu bèndàꞋàtɔŋ Mbɔ̧ɔ̧mà bɔ̂ Musì ba e li nê naa li ghɨ̀ la.

Faic an caibideil

ÀfaꞋa 28:23

Ale, bɔ̂ Pɔ̂l ba e kàꞋà àlia, tè bòt e kɨꞋɨ kwàꞋ ànyaꞋne ane àlia mbɔŋ àdzìꞋa tàa ntsèka la. Bɔ kɨꞋɨ ale, tà bùꞋ a ntɔtetsɔ̌Ꞌ eghǎ ewu ètsəꞋ me yààte ànəa Kèfɔ̧̀ Mbɔ̧ɔ̧mà, è shua awɔb. Tà ghɨ̀ ale, tà me wȩȩte mènəè kǒ adù̧ mbɨ̧te Musì nè àkatè yu bèndàꞋàtɔŋ Mbɔ̧ɔ̧mà e li shɨŋ la shua awɔb, è nkɨ enyɔ̀Ꞌte e ghɨ̌ bòt ko ane yɔb aa zì mèntɨ̧ɨ̧ mɔb ane Yesò.

Faic an caibideil

Lûm 1:17

Ntu̧ Ntsɔ̧̀ Mbɔ̧ɔ̧mà nàà nyɨ̀Ꞌta ndɨ Mbɔ̧ɔ̧mà nàa nɨa wòt mbɨ̀Ꞌɨ̀ wòt tà tɨ̧ɨ̧ ndɨŋndɨ̀ŋ a mbì li la, è wu wòt wu tà zi èntɨ̧ɨ̧ vi ane waã tò Yesò Klistò tè èlu̧ tsa è ka tsi ngu la. Bɔ shɨ a èbem Àkata Mbɔ̧ɔ̧mà nê, “Wòt tà zi èntɨ̧ɨ̧ vi ane Mbɔ̧ɔ̧mà, tè Mbɔ̧ɔ̧mà nɨa tò mbɨ̀Ꞌɨ̀ wòt tà tɨ̧ɨ̧ ndɨŋndɨ̀ŋ a mbì li la, naa li wu ane àlia nè àlia.”

Faic an caibideil

Lûm 1:2

Mbɔ̧ɔ̧mà li ndzaŋe kàꞋa ànəa Ntu̧ Ntsɔ̧̀ yaa, bèndàꞋàtɔŋ tò e shɨ a èbem Àkata tò.

Faic an caibideil

Lûm 16:26

Nkûŋ mbɔŋ è pùùla ayaã àfɨ̀Ꞌ yaa ane àghɨ a bèndàꞋàtɔŋ Mbɔ̧ɔ̧mà e li shɨŋ la. Mbɔ̧ɔ̧mà wu tà wu ane àlia nè àlia la è shu nê èlaꞋ ègème e ko, mbɨ̀Ꞌɨ̀ bòt bàgème aa bɨ̧ɨ̧ne ànəa tà shu la, e me zə atò.

Faic an caibideil

Lûm 3:28

Baa ko nê wòt nàa ngɨ̀ tà zi èntɨ̧ɨ̧ vi ane Yesò, ka Mbɔ̧ɔ̧mà nɨ atò mbɨ̀Ꞌɨ̀ wòt tà tɨ̧ɨ̧ ndɨŋndɨ̀ŋ a mbì li la, è ntsě a màngɨa èghɨ bu mbɨ̧ nàa shua la.

Faic an caibideil

Lûm 5:19

Wòt wemɔ̀Ꞌ li ntu̧u̧ e ghɨ̀ àghɨa Mbɔ̧ɔ̧mà shu la, a ghɨ̀ bòt nyaŋ e tsiꞋi bòt kàbɔ̀ŋ, wu wuê ndɨ wòt wemɔ̀Ꞌ tà li ngua ndzəèa Mbɔ̧ɔ̧mà la, li ngɨ̀ Mbɔ̧ɔ̧mà nɨ bòt nyaŋ ane bòt bɔ̂ tɨ̧ɨ̧ ndɨŋndɨ̀ŋ a mbì li la.

Faic an caibideil

Lûm 5:21

Ale, mbɨ̀Ꞌɨ̀ kàbɔ̀ŋ èbɔ mètàŋ ngɨ̀ bòt e me pfəꞋte la, wu wuê ndɨ̀ ntsɔ̧̀ Mbɔ̧ɔ̧mà wu tà nyɨꞋtè abua bòt la, èbɔ mètàŋ mè ngu ghɨ̌ bòt aa tsiꞋi bòt bɔ tɨ̧ɨ̧ ndɨŋndɨ̀ŋ a mbì tò, mè mbɔ̀ mèmpème kàlìà, nkàà àghɨa Yesò Klistò Lefɨ̀Ꞌ wa ghɨ̀ la.

Faic an caibideil

Lûm 9:30

Tè bà wu anè e laꞋ nê ghàà? Nê bòt kà wu Bèjuê bu bɔ̀ le kaꞋa wua nùà nkɨà Mbɔ̧ɔ̧mà naa nɨ awɔb mbɨ̀Ꞌɨ̀ bòt bɔɔ tɨ̧ɨ̧ ndɨŋndɨ̀ŋ a mbì li la, e li ntsìꞋi bòt bɔ tɨ̧ɨ̧ ndɨŋndɨ̀ŋ a mbì tò la, nkàà èntɨ̧ɨ̧ wɔb wu bɔ zi ane Yesò la.

Faic an caibideil

1 Kɔlìn 1:30

Wu Mbɔ̧ɔ̧mà ka tà ghɨ̂ ba tsiꞋi àghɨ yeamɔꞋ nè Yesò Klistò la. Yesò Klistò wu mbɨ̀Ꞌɨ̀ èyǐ Mbɔ̧ɔ̧mà abua ya. Tà ghɨ̂ ba tsiꞋi bòt mènəè ntsɔ̧̀ e mbì Mbɔ̧ɔ̧mà, mè ntsìꞋi bòt bɔ ŋa wɔb abua Mbɔ̧ɔ̧mà la. Wu tòa tà tsì àwa a èbem kàbɔ̀ŋ la mɨ̧̂.

Faic an caibideil

2 Kɔlìn 3:9

Ale, àghɨa a li ngua ngɨ̀à bòt e ye awɔb nê bɔ bakà kuꞋu e mbì Mbɔ̧ɔ̧mà la a wu enyɨꞋte mètàŋ Mbɔ̧ɔ̧mà, ko àyea àa ngɨ̀à bòt e kuꞋa a mbì Mbɔ̧ɔ̧mà la aa nyɨꞋte mètàŋ mbɔŋ tè tsě.

Faic an caibideil

2 Kɔlìn 5:21

Mbɔ̧ɔ̧mà li nga ambo ya nɔŋa kàbɔ̀ŋ bɔbȩ a ègwet Yesò Klistò wu tà li tà kà ko a kàbɔ̀ŋ la. Mbɔ̧ɔ̧mà li ngɨ̀ àyaa mbɨ̀Ꞌɨ̀ baa kùꞋù èbe Mbɔ̧ɔ̧mà kɨà la ndɨ̀ wu ba Yesò Klistò ba è tsiꞋi àghɨ yeamɔꞋ la.

Faic an caibideil

Gàlashìà 3:8

Bɔ li ndɔ̀Ꞌ shu a èbem Àkata Mbɔ̧ɔ̧mà nê, Mbɔ̧ɔ̧mà naa li ghɨ̌ bòt kà wu Bèjuê aa tɨ̧ɨ̧ ndɨŋndɨ̀ŋ a mbì li nkàà èntɨ̧ɨ̧ wɔb bɔ zi ane tò la. Ale, tà bèle àfɨꞋa tsa ntsɔ̀tè Ntu̧ Ntsɔ̧̀ zi abua Abàlàghâm nê, “ÈlaꞋ ègème aa li eghǎ ambo yè ebɔ èlɔ̂t.”

Faic an caibideil

Gàlashìà 5:5

È wu nè nà ko ba ko nê, Mbɔ̧ɔ̧mà nàà ŋa wa Fo zi ngɨ̀à ba ghɨ̀à àghɨa tàa nkɨà la. Eyaa wu àghɨa bà wua nchɨ̀Ꞌà la, nkàà ntɨ̀ yu ba bɔ ane Yesò Klistò la.

Faic an caibideil

Filìpȩ 3:9

e mě lâ etsiꞋi àghɨ yeamɔꞋ ba tò. Mmɔ̌ mbɔŋ e mbakà tsi ntɨ̧ɨ̧ ndɨŋndɨ̀ŋ e mbì Mbɔ̧ɔ̧mà nkàà mbɨ̧te Bèjuê tu màa nkùŋà la. Mâ tsiꞋi tɨ̧ɨ̧ ndɨŋndɨ̀ŋ a mbì Mbɔ̧ɔ̧mà àfɨ̀Ꞌ yaa nkàà nê mâ zǐ èntɨ̧ɨ̧ am ane Yesò Klistò.

Faic an caibideil

1 Pità 1:10

BèndàꞋàtɔŋ Mbɔ̧ɔ̧mà be li ndàꞋà ànəa èlɔ̂t waa Mbɔ̧ɔ̧mà nàa li eŋa abua yɨ̧ la. Bɔ li ndâ ntùŋnê nkɨ ndɨ ànəa mèmpème màa àa la.

Faic an caibideil

2 Pità 1:1

Letà Simùn Pità, wɔ̀fàꞋ nè wantu̧ Yesò Klistò, Abua bòt bu bɔ̀ɔ nkùŋà alu̧ Mbɔ̧ɔ̧mà, è wù alu̧ bàa bɔntu̧ àà nkùŋà la. Wu Yesò Klistò ka tà ghɨ̂ bɨ me kùŋè ale la, nkàà nê tàà ngɨ̀à mènəè wuê mbɨ̀Ꞌɨ̀ Mbɔ̧ɔ̧mà nàa nkɨà la. Wu Mbɔ̧ɔ̧mà bɔ̂ Yesò Klistò Mpemnà wa.

Faic an caibideil

Lean sinn:

Ceanglaichean taic

Sanasan

Sanasan