Lûm 3:20 - Mundani

²⁰ Wòt kǒ Mbɔ̧ɔ̧mà nàa nɨ atò mbɨ̀Ꞌɨ̀ wòt tà tɨ̧ɨ̧ ndɨŋndɨ̀ŋ a mbì li nkàà ndɨ ŋut ghɨ̀ àghɨa mbɨ̧ nàa shua la, è ntsě, nkàà nê àghɨa mbɨ̧ nàa ngɨ̀à la wu a mànyɨꞋta wa nê baa ghɨa kàbɔ̀ŋ.

Lûm 3:20 Iomraidhean Croise

ÀfaꞋa 13:39

Bɨ ko nê, waa waa tà zǐ èntɨ̧ɨ̧ vi ane Yesò la, Mbɔ̧ɔ̧mà naa waꞋa a kàbɔ̀ŋ tò, è wù àghɨa mbɨ̧te Musì te li tè ka wu ko e ghɨ̌ la.

Lûm 2:13

È ntsě bòt bu bɔ̀ɔ ndzəa mènəè mu mbɨ̧ Musì nàa shua la ka bɔ̂ kùꞋu e mbì Mbɔ̧ɔ̧mà la, wu bòt bu bɔ̀ɔ ngɨ̀à àghɨa mbɨ̧ mbɔŋ shua la. Wu bɔ̀ɔ̀ba ka bɔ tɨ̧ɨ̧ ndɨŋndɨ̀ŋ a mbì tò la.

Lûm 3:28

Baa ko nê wòt nàa ngɨ̀ tà zi èntɨ̧ɨ̧ vi ane Yesò, ka Mbɔ̧ɔ̧mà nɨ atò mbɨ̀Ꞌɨ̀ wòt tà tɨ̧ɨ̧ ndɨŋndɨ̀ŋ a mbì li la, è ntsě a màngɨa èghɨ bu mbɨ̧ nàa shua la.

Lûm 4:13

Mbɔ̧ɔ̧mà li nkàꞋa Abàlàghâm nè wòt ègème bɔ̀ɔ̀ li bi atò àndǎ̧ tò la, nê ngɔ̀ŋ naa wu yɔb, mbɔ̂ ngɨ̀ mbɨ̀Ꞌɨ̀ tà shu la, ka tà kà wua ngɨ̀à nkàà nê Abàlàghâm li ngua nɔ̀ŋà mbɨ̧. Tà li ngɨ̀ ale nkàà nê Abàlàghâm li ndzì èntɨ̧ɨ̧ vi ane tò, Mbɔ̧ɔ̧mà nɨ atò mbɨ̀Ꞌɨ̀ wòt tà tɨ̧ɨ̧ ndɨŋndɨ̀ŋ a mbì li la.

Lûm 4:15

Wòt nàa ngɨ̀ tà ba ka ghɨ àghɨa mbɨ̧ kɨa la, ntsǒ Mbɔ̧ɔ̧mà nɔ̀ŋkè adù̧ tò, ka wòt kà wua mpààtà mbɨ̧ adzìꞋa kà mbɨ̧ wuê.

Lûm 5:13

Mbɔ̧ɔ̧mà li me laꞋ nê yea ŋa mbɨ̧ abua Musì, kàbɔ̀ŋ bê ndzaŋe wu a sitsǎꞋ, ka betsiꞋa bɔ̀ ka baãaã wòt nê tà ghɨa kàbɔ̀ŋ àdziꞋa kà mbɨ̧ wu.

Lûm 5:20

Mbɔ̧ɔ̧mà li ntsèke tè ŋǎ mbɨ̧ mbɨ̀Ꞌɨ̀ kàbɔ̀ŋ naa kwèꞋne, ka mbɨ̀Ꞌɨ̀ kàbɔ̀ŋ è kwèꞋnè la, ntsɔ̧̀ Mbɔ̧ɔ̧mà paa nkwèꞋne.

Lûm 7:11

Kàbɔ̀ŋ è nɨ èlu̧ a èbem mbɨ̧ è fɨ̀te am, ngɨ̀ e mpfə.

Lûm 9:32

Lə bɔ li bɔ̀ ka bɔŋ la wu nê bɔ li bɔ̀ ka zi mèntɨ̧ɨ̧ mɔb ane Mbɔ̧ɔ̧mà ka me kɨ, bɔ li mɨ̀ɨ̀tè nê aa wu ale nkàà àfaꞋa ntsɔ̧̀ bɔ̀ɔ ngɨ̀à la. Bɔ li sèmnè a ègwet èti lu bòt àa sèmnà adù̧ la.

1 Kɔlìn 15:56

Àghɨa èvə àa nɨa ntea bòt la wu kàbɔ̀ŋ, kàbɔ̀ŋ me nɨ mètàŋ mi ane mbɨ̧.

Gàlashìà 2:16

e ko nê, betsiꞋa wòt kà tɨ̧ɨ̧ ndɨŋndɨ̀ŋ a mbì Mbɔ̧ɔ̧mà nkàà wuê na tàa nkùŋà mbɨ̧te Musì la. Wu èntɨ̧ɨ̧ wu wòt zi ane Yesò Klistò la ka àa ngɨ̀à Mbɔ̧ɔ̧mà nɨ̀a ŋut mbɨ̀Ꞌɨ̀ wòt tà tɨ̧ɨ̧ ndɨŋndɨ̀ŋ a mbì li la. Bàa mbɔŋ e bɨ̧ɨ̧nè ane Yesò Klistò. Ba ghɨ̀ ale, mbɨ̀Ꞌɨ̀ Mbɔ̧ɔ̧mà naa nɨa wa ane bòt bɔ tɨ̧ɨ̧ ndɨŋndɨ̀ŋ a mbì li nkàà èntɨ̧ɨ̧ wu ba zi ane Yesò Klistò la. E ntsě mbɨ̧te Bèjuê wòt nàa nkùŋà la ka betsiꞋa te ghɨa tò ale la, nkàà nê betsiꞋa wòt kà tɨ̧ɨ̧ ndɨŋndɨ̀ŋ e mbì Mbɔ̧ɔ̧mà wuê ambo na tàa nkùŋà mbɨ̧tsə la.

Gàlashìà 2:19

Aa anè nkàà nê è wu mbɨ̀Ꞌɨ̀ mbɨ̧te Musì tèa nkɨà la ko mâ pfə te ndɔ̀Ꞌ, nkàà nê betsiꞋa è nka tɨ̧ɨ̧ ndɨŋndɨ̀ŋ a mbì Mbɔ̧ɔ̧mà nkàà mbɨ̧tsə màa nkùŋà la. A wu anè mbɨ̀Ꞌɨ̀ maa tsiꞋi me lɨ̀ŋkè wuê a Mbɔ̧ɔ̧mà wu tàa nkùa tèsȩ taã la.

Gàlashìà 5:4

Bɨ̀a wu bɨ̀a nyɔ̀Ꞌtà nkɨ etɨ̧ɨ̧ ndɨŋndɨ̀ŋ a mbì Mbɔ̧ɔ̧mà nkàà na bɨ̀a ngɨ̀à mbɨ̀Ꞌɨ̀ mbɨ̧tsə te kɨa la, bɨ tsì àwɨ̧ ane Yesò Klistò. Bɨ tu̧ àghɨa Mbɔ̧ɔ̧mà ŋa abua yɨ̧ àku la.

Ebùlù 7:19

Ngu nê mbɨ̧ Musì li è kà wu ko ghɨ àghɨa a lâ nkùꞋ la. Ba bɔ ntɨ̀ è wu ye ntsɔ̧̀ la àfɨ̀Ꞌ yaa. Wu yùà yu ka nàa nɨa wa nkɨ̀Ꞌa a ngèt Mbɔ̧ɔ̧mà la.