Lûm 2:8 - Mundani

⁸ Ka è me wu bòt bu bɔ̀ɔ nkɨà nê àghɨ àgème a wu wu ayɔb la, mè ntu̧u̧ bɨ̧ɨ̧ne ànəa nkûŋ yu a dzə abua Mbɔ̧ɔ̧mà la, me ghɨ̀ wuê mènəè kàbɔ̀ŋ la, ko Mbɔ̧ɔ̧mà naa nyɨꞋte ntsǒ zi, enɔ̀ŋe ngoꞋ kèkweelè a ègwet lɔb.

Lûm 2:8 Iomraidhean Croise

Lûm 1:18

Mbɔ̧ɔ̧mà è tse a ègwet me nyɨꞋte ndɨ yèa ntsòa ane bòt bàgème bɔ tu̧u̧ zə atò, me ghɨ wuê kàbɔ̀ŋ, tè kàbɔ̀ŋ mbɔŋ kele bòt, bɔ̀ ka tsi nko nkûŋ la.

Lûm 10:16

Ka bɔ̀ɔ àgème e bakà bɨ̧ɨ̧ne ànəa Ntu̧ Ntsɔ̧̀ Mbɔ̧ɔ̧mà e shu la, wuê mbɨ̀Ꞌɨ̀ Àsayà shu la nê, “Tê, wòt wu tà bɨ̧ɨ̧ne ànəa bàa shu la wu wàà?”

Lûm 15:18

Maa me laꞋà wuê ànəa àghɨa Yesò Klistò ètsè ane yaã ngɨ̀ mbɨ̀Ꞌɨ̀ maa ghɨ̌ bòt kà wu Bèjuê aa me zəa Mbɔ̧ɔ̧mà la.

Lûm 6:17

Mâ kɔ̀ŋke a Mbɔ̧ɔ̧mà nê, bɨ̀a wu bɨ̀ le yaã ngu èbùꞋ a màngɨa kàbɔ̀ŋ la, e li mbɨ̧̀ɨ̧̀ne mènəè nkûŋ mu bɔ li nyɨ̀Ꞌte awɨ̧ la nè èntɨ̧ɨ̧ wɨ̧ wemɔꞋ.

Lûm 9:22

A bê ngu mbɨ̀Ꞌɨ̀ àghɨa Mbɔ̧ɔ̧mà ghɨ̀ la. Mbɔ̧ɔ̧mà nàà nkɨ e nyɨ̀Ꞌte ntsǒ zi, ka mbɔ̂ me kɨ nê bòt è ye mètàŋ mi, ale tà me tsèna nkùùla èntɨ̧ɨ̧ vi adù̧ bòt bu ntsǒ tò è nɔ̀ŋkè a ègwet lɔb, bɔ̀ tsiꞋi e be bɔ̀ɔ liime awɔb la.

1 Kɔlìn 11:16

Ka wòt bakà ye ne nà̧ ane ànəê yaa, ko ndàꞋ ànəa màa shu la wu nê, bàa nè bèchɔsì Mbɔ̧ɔ̧mà e bakà bɔ èlɨ̀ ko tsa bàa nɨa ntsàꞋta Mbɔ̧ɔ̧mà la.

2 Kɔlìn 12:20

Maà mbɔ̀ɔ mbɨ̀Ꞌɨ̀ ka e nkɨ̀Ꞌɨ̂, bɨ̀ ka wu ane ndɨ màa mɨ̀ɨ̀tà la, mmɔ̌ mbɔŋ è nka mê ngu ane ndɨ bɨ̀a mɨ̀ɨ̀tà la. Maà mbɔ̀ɔ mbɨ̀Ꞌɨ̀ ka ateko e nkɨ̀Ꞌɨ̂, àyɔ̀ŋ a wuê a kètsìà wɨ̧, nè ghɔ̀Ꞌnà, nè ntɨ̧ɨ̧ bɨ̌, bɨ mè me tseka a mètsəê a mètsəê, mè me làꞋa kàbɔ̀ŋ ane tèlente bòt ko, ngɨ̀à mènàŋ, ŋeꞋa tèkwȩ tɨ̧ a ègwet, mè nəèꞋà mènəè.

Gàlashìà 5:20

mànguꞋta èghɨ tsa kà wu Mbɔ̧ɔ̧mà, nè tèbətsə, nè mpàb, nè àyɔ̀ŋ, nè ghòꞋnà, nè èntɨ̧ɨ̧ bɨ̌, nè èghoꞋ, nè màntsiꞋa ane mètsəê tsa tsa, ndɔ̀Ꞌ nè màngabta etseke tsa tsa.

Filìpȩ 1:17

Bòt ghòꞋnà bu è ka laꞋà èngǎ̧ Yesò Klistò nè èntɨ̧ɨ̧ kèfə. Bɔɔ mɨ̀ɨ̀tà nê betsiꞋa bɔ kwèꞋne ngoꞋ adù̧ yaã mbɨ̀Ꞌɨ̀ è ngu a tèfȩ anè la.

Filìpȩ 2:3

Wòt ka me ghɨ̌ àghɨ nkɨà nê bɔ̀ me ye wuê avi kò shua nè ye ghe leꞋ. Ka waa waa nɨ avi a si a mbì bɔnyɨ bi, mè me nɨ awɔb mbɨ̀Ꞌɨ̀ bòt bɔ tsè àvi la.

2 Tèsàlonikà 1:8

Tà kɨꞋa e ghɨ̌ bòt bu ka nɔ̀ŋe àdziꞋ abua Mbɔ̧ɔ̧mà a èbem mèntɨ̧ɨ̧ mɔb la aa ye ngoꞋ nkàà mènəè kàbɔ̀ŋ mɔb, nè èbu bɔ̀ɔ ka ghɨ mbɨ̀Ꞌɨ̀ Ntu̧ Ntsɔ̧̀ Yesò Lefɨ̀Ꞌ wa wu tà wu Tǎt wa la nàa shua la.

Tȩtɔ̀s 3:9

È me wu awê, ko mâ laꞋnê ka ndzì ètsəê wê ane mèngǎ̧ èkèghɨ̧̀. Bòt e me kààne ànəê adù̧ èseele tèlente bètǎt nyaꞋ ba, à ka ntɨ̧ɨ̧ abot, à ka ndzɔ̀ bɨ wòt. Bɨ wòt è ka nkàànè ànəê adù̧ mbɨ̧te Musì. Mènəè ngaa wu mènəè àku, kà wua ntɨ̀ŋa bòt.

Ebùlù 10:27

Àghɨa bàa tsiꞋi me chɨ̀Ꞌɨ̀ ne kèbɔɔ la wu èsaꞋa Mbɔ̧ɔ̧mà, nè èwet kekweelè wu àa nga etô̧ bɔmbù̧ Mbɔ̧ɔ̧mà la.

Ebùlù 11:8

Èntɨ̧ɨ̧ wu Abàlàghâm li ndzi ane Mbɔ̧ɔ̧mà la, e li ngɨ̀ tà zə ànəa Mbɔ̧ɔ̧mà shu la, ndzə àlaꞋ zi nga àlaꞋ ako Mbɔ̧ɔ̧mà li nkàꞋ nê yea ŋa abua tò la. Tàà ndzəa ngà ale, tà kà lem nko àdziꞋa ye ghà la.

Ebùlù 5:9

ÀfɨꞋa Mbɔ̧ɔ̧mà li ndzèa tò tà kùꞋ la, tà ghɨ̀ tà tsìꞋi èlu̧ mèmpème kàlìà abua bòt bu bɔ̀ɔ ndzəèa tò la.

Jimsì 3:14

Ka wòt me ghòꞋne bòt a èntɨ̧ɨ̧ vi nyaŋ mè nge ane èghoꞋ, tà ka me ŋeꞋe tèkwȩ ti ègwet ndàꞋà àfɨte ane ànəa è wû nkûŋ la.

Jimsì 3:16

Aa ale nkàà nê, ghòꞋnà nè èghoꞋ àa ngɨ̀ è wu adzìꞋ, bòt e tsiꞋi me tseke a mètsəê tsa tsa, èwuu èbɨꞋte ènəê ègème e mè ngu abot.

1 Pità 3:1

Bɨ̀a wu bɨ̀ wu bèzi nè bèlu̧ la, bɨ̀ me zə bèlu̧ bɨ̧. Bɨ̀ me ghɨ̀ ale, mbɨ̀Ꞌɨ̀ wòt wu ane yɔb kà bɨ̧ɨ̧ne èngǎ̧ Mbɔ̧ɔ̧mà, tà ye mènəè ntsɔ̧̀ mu bɨ̀a ngɨ̀à la ndzì èntɨ̧ɨ̧ vi ane Mbɔ̧ɔ̧mà. Bɨ bakà lem mbɔ̌ ndɨ bɨ̀a làꞋa èngà̧ ka wòt naa kubte la.

1 Pità 4:17

ÀfɨꞋa Mbɔ̧ɔ̧mà naa saꞋa bòt la a kuêꞋ, tà bɔ̂ ngua nga ebùꞋu ane bòt bi. Tè tà wu ebùꞋu ane ya ko àa li ewu na ane bòt bu bɔ ntu̧ ebɨ̧ɨ̧ne Ntu̧ Ntsɔ̧̀ yu è dzə abua Mbɔ̧ɔ̧mà la à?

Ètsə 14:10

tà kò nê ntsǒ Mbɔ̧ɔ̧mà naa nɔ̀ŋke àtsəa tò. Taa nu mèlùꞋ kèkweelè Mbɔ̧ɔ̧mà, è wu ntsǒ tò la. Ntsǒ mbɔŋ naa wu mbɨ̀Ꞌɨ̀ mèlùꞋ kà bɔ fȩ̀ȩ̀tè nè mèleb. Tàa li nyi a èbem èwet àa nkòòla mbɨ̀Ꞌɨ̀ èkem la, e me ye ngoꞋ kèkweelè a mbì bɔntu̧ Mbɔ̧ɔ̧mà nè Wanjɨ̀ wu.

Ètsə 16:19

TaꞋà àpfəèà nɨ̧ yu a li ngàbtè ane èbâ betat, èpfəè nɨ̧ a ngɔ̀ŋ ègème e kwèà. Ale, Mbɔ̧ɔ̧mà kù̧ù̧te àpfəèà nɨ̧ yu bɔ̀ɔ ntɔ ane Babilɔ̀n la, ngɨ̀ ntsǒ zi nɔ̀ŋke a ègwet a yùà tè ngà ndìà. Ntsǒ mbɔŋ wu mbɨ̀Ꞌɨ̀ ndɔŋ mèlùꞋ nàa ndìà, bɔ̀ɔ ŋɨꞋɨ wòt tàa nu la.