Lûm 2:5 - Mundani

⁵ Ka ndɨ̀ wu a kweele èntɨ̧ɨ̧ wê, ntu̧u̧ kubte la, à wua mpàa nkwèꞋnà ntsǒ Mbɔ̧ɔ̧mà a ègwet lè, mbɨ̀Ꞌɨ̀ è li è wu ane àli yu tàa saꞋa waa waa ndɨŋndɨ̀ŋ la, a bê mbɨ̀ àwê.

Lûm 2:5 Iomraidhean Croise

Lûm 1:18

Mbɔ̧ɔ̧mà è tse a ègwet me nyɨꞋte ndɨ yèa ntsòa ane bòt bàgème bɔ tu̧u̧ zə atò, me ghɨ wuê kàbɔ̀ŋ, tè kàbɔ̀ŋ mbɔŋ kele bòt, bɔ̀ ka tsi nko nkûŋ la.

Lûm 11:25

Bɔnyɨ bɔ̧, ànəa ndò̧ àko aa və màa nkɨà bɨa ko la, mbɨ̀Ꞌɨ̀ bɨa baka wua mɨ̀ɨ̀tà nê bɨ ko nyaŋ. Ànəa mbɔŋ wu nê, àtsəa kekweelè Bèjuê à ka li wu àfɨ̀Ꞌ àgème a. Aa li lìa àfɨꞋa kèmpà̧ bòt kà wu Bèjuê bu Mbɔ̧ɔ̧mà làà àwɔb la, è kùꞋù la.

Lûm 9:22

A bê ngu mbɨ̀Ꞌɨ̀ àghɨa Mbɔ̧ɔ̧mà ghɨ̀ la. Mbɔ̧ɔ̧mà nàà nkɨ e nyɨ̀Ꞌte ntsǒ zi, ka mbɔ̂ me kɨ nê bòt è ye mètàŋ mi, ale tà me tsèna nkùùla èntɨ̧ɨ̧ vi adù̧ bòt bu ntsǒ tò è nɔ̀ŋkè a ègwet lɔb, bɔ̀ tsiꞋi e be bɔ̀ɔ liime awɔb la.

2 Kɔlìn 5:10

Waa waa ane ya naa li tɨ̧ɨ̧ a mbì Yesò Klistò bɔɔ saꞋa tò ane mènəè tò. Waa waa naa li ebɔ àbȩ̀ àzi, kò wu ntsɔ̧̀ kò kàbɔ̀ŋ leꞋ, ane ndɨ mèntsèke tò a sitsǎꞋ ŋàa li ngu la.

2 Tèsàlonikà 1:5

NgoꞋ yaa bɨ yea nyaŋ la bê nyɨ̀Ꞌta ndɨ Mbɔ̧ɔ̧mà nàa saꞋa bòt wuê mbɨ̀Ꞌɨ̀ bɔ bɔ ndɨ bɔ̀ɔ saꞋa wɔb la. Ale, bɨa li ekùꞋù èbe bɨa li ewu ne Mbɔ̧ɔ̧mà a kèfɔ̧̀ tò la, nkàà ngoꞋ tu te ye awɨ̧ la.

Ebùlù 3:13

Ka bɨ̀ me tɨŋe bɔnyɨ bɨ̧ àlia àgème, mbɨ̀Ꞌɨ̀ bɨ̀ bela ndzəa èngà̧ wu nê “Laane” la, mbɨ̀Ꞌɨ̀ ka wòt kǒ ghɨ a kàbɔ̀ŋ è kubte èntɨ̧ɨ̧ tò tà tsiꞋi me kweelè àtsəa abua Mbɔ̧ɔ̧mà.

Ebùlù 3:15

Àkata Mbɔ̧ɔ̧mà a laꞋnê, “Bɨ zə ànəa Mbɔ̧ɔ̧mà shu la laane, bɨ̀ ka ngɨ̀ mèntɨ̧ɨ̧ mɨ̧ me kweele mbɨ̀Ꞌɨ̀ bètǎt nyaꞋ bɨ̧ e li ngɨ̀ la. Bɔ li ntù̧u̧ eyute ànəa Mbɔ̧ɔ̧mà shu la.”

Ebùlù 4:7

Ale, Mbɔ̧ɔ̧mà mê nɔ̀ŋè àli ako me tɔ nê “Laane”. MèngùꞋebȩ ko li ntaꞋa tsě, tà ghɨ̀ Dàbid làꞋ mèngà̧ maa ba tɔ a èbem Àkata Mbɔ̧ɔ̧mà tè ndɔ̀Ꞌ la nê, “Bɨ zə ànəa Mbɔ̧ɔ̧mà shu la laane, bɨ̀ ka ngɨ̀ mèntɨ̧ɨ̧ mɨ̧ me kweele.”

Jimsì 5:3

Àwèlàka a baãaã èkab wɨ̧. Àwèlàka mbɔŋ a nyɨꞋtè àlȩê ndɨ àa tô̧ nyaãte ènyit tɨ̧ wuê mbɨ̀Ꞌɨ̀ èwet àa ntò̧à àghɨ la. Bɨ fete èkab nɔŋe àfɨ̀Ꞌ yaa ngɔ̀ŋ tsìꞋa nkɨ elìà la.

2 Pità 2:9

Mènəè maa ègème wua nyɨ̀Ꞌta nê, Mbɔ̧ɔ̧mà ko ndɨ tàa tsǐ bòt bu bɔ̀ɔ ngɨ̀a àghɨa tàa nkɨà la a èbem ngoꞋ tɔb la, mè nko ndɨ tàa nɔ̀ŋe bòt kàbɔ̀ŋ e me chɨ̀Ꞌɨ̀ àlia tàa saꞋa ngɔ̀ŋ e zi àwɔb a èbem ngoꞋ la.

2 Pità 3:7

Mbɔ̧ɔ̧mà li ndàꞋ wuê èngǎ̧ vi mbɔŋ nɔ̀ŋè ègwet làa bɔ̂ sitsǎꞋ yàa àfɨ̀Ꞌ yaa la me chɨ̀Ꞌɨ èwet àa tò̧o̧. Aa li ghɔ̀Ꞌɔ ane àli yu tàa li esaꞋa bòt bu bɔ tu̧u̧ atò la eliime awɔb la.

Jûd 1:6

Bɨ̀ ku̧u̧te ànəa bɔntu̧ Mbɔ̧ɔ̧mà bu bɔ li ngwaꞋa àdziꞋa tà tsia awɔb la ntsiꞋi me ghɨ a èlɨ tsa la. Tà kuule awɔb ane fȩte kà wu li loote, nɔ̀ŋè àwɔb a èbem kèbìꞋà me chɨ̀Ꞌɨ̀ àli yu tàa li saꞋa ngɔ̀ŋ yaa la.

Ètsə 2:21

E ndi ŋǎ atò àfɨ̀Ꞌ nê tà kubte, ka tà tu̧u̧ ekubte ane mènəè kàbɔ̀ŋ mi.

Ètsə 6:17

Àlia bɔ̀ɔ nyɨꞋte ntsǒ yɔb la a kùꞋ. Wòt wu betsiꞋa tà ko ntɨ̀ŋe avi zìambɔŋ ane àli yaa la wu wàà?