Lûm 2:4 - Mundani

⁴ Kò àa mɨ̀ɨ̀tà nê ndɨ̀ wu Mbɔ̧ɔ̧mà bɔ a bɔɔla èntɨ̧ɨ̧ mè me baãaã èntɨ̧ɨ̧ vi nkua tèsȩte bòt la, tàa sà àwê aa ghà àku à? À bakà ko nê ntsɔ̧̀ waa Mbɔ̧ɔ̧mà nyɨ̀Ꞌta la, wua nkɨà mbɨ̀Ꞌɨ̀ aa kubte ane mènəè kàbɔ̀ŋ mê?

Lûm 2:4 Iomraidhean Croise

Lûm 10:12

Bèjuê nè bòt kà wu Bèjuê e wu àghɨ yeamɔꞋ a mbì Mbɔ̧ɔ̧mà, ndɨ̀ wu tà wu Tǎt bòt bàgème, mè me lâ ndɔ̀ɔ̀là bòt bu bàgème bɔ̀ɔ ntɔ atò la.

Lûm 11:22

Baa ye àdziꞋ yaa ndɨ Mbɔ̧ɔ̧mà nàa ngɨ̀a ntsɔ̧̀ la, mè nè ndɨ tàa ngòꞋtà ane èsaꞋa vi la. Tàa ngòꞋtà adù̧ bòt bu bɔ ghɨa kàbɔ̀ŋ la, mbɔ̂ me ghɨa ntsɔ̧̀ abua yɨ̧ na bɨ wu mbɨ̀Ꞌɨ̀ tà kɨa la. Bɨ bakà ghɨ ale, ko taa loo awɨ̧ ewaꞋa mɨ̧̂.

Lûm 11:33

Bɨ̀ ye ndɨ ènɨ̧ Mbɔ̧ɔ̧mà e ghe la! Tà taꞋa bɔ èyì, mè nko mènəè ègème! Wòt wu betsiꞋa tà ko ndɨ tàa ngɨ̀à mènəè mi la wu wàà? BetsiꞋa wàa ko balu̧ tò à?

Lûm 3:25

Mbɔ̧ɔ̧mà li ŋǎ atò tà kɨ̀Ꞌɨ̂ mpfə a mbɨ̧̀ mbasa, àlo̧ atò a tsì ndɔ̀ mènəè kàbɔ̀ŋ, mbɨ̀Ꞌɨ̀ wòt ègème tà zi èntɨ̧ɨ̧ vi ane Yesò Klistò la nàa peme yùà. Mbɔ̧ɔ̧mà li ngɨ̀ àyaa mbɨ̀Ꞌɨ̀ enɨ nyɨꞋte nê yea ngɨ̀à mènəè ndɨŋndɨ̀ŋ. È li ngu àfɨꞋa mbì tà me baãaã èntɨ̧ɨ̧ vi, tà kà wua ndzàŋà ndzìà bòt bu bɔ li ngua ngɨ̀à a kàbɔ̀ŋ la a èbem ngoꞋ.

Lûm 6:1

Bà wu anè e laꞋ nê ghàà? Tè bàa me ghɨa kàbɔ̀ŋ ngà wuê nè mbì mbɨ̀Ꞌɨ̀ Mbɔ̧ɔ̧mà naa me nyɨꞋta ntsɔ̧̀ vi abua ya nɨ̀a ngà nè mbì?

Lûm 6:15

Tè àa wu naa? Tè baa me ghɨ̀ wuê a kàbɔ̀ŋ ndɨ̀ wu è te ntsě ànəa mbɨ̧, è tsìꞋi wuê ànəa ntsɔ̧̀ Mbɔ̧ɔ̧mà la? BetsiꞋa à ka wu ale!

2 Kɔlìn 8:2

NgoꞋtsə te li ntàꞋa nyìꞋì àwɔb, ka bɔ bɔ̂ ntàꞋa wua ngùꞋtà wɔb tè bɔ̀ ka wua nkùꞋta àbu, ka wuê àfɨꞋa mbuŋ ghe ane yɔb la.

Efesɔ̀s 1:18

Maà ntsàꞋtà nê Fo tò neeta ngàꞋte ètsə bɨ̧, mbɨ̀Ꞌɨ̀ bɨa ko èghɨ bu Mbɔ̧ɔ̧mà tɔ awɨ̧ nê bɨ̀ me bɔ bɨ̀ wua nchɨ̀Ꞌà bùà la, mè nko ndɨ̀ èghɨ bu Mbɔ̧ɔ̧mà nàa ŋa abua bòt bu bɔ zì mèntɨ̧ɨ̧ mɔb ane Yesò la e ghe la.

Efesɔ̀s 1:7

Wu Waã tò waa ka tà li nɨ̀ àlo̧ a zi nɨŋ chùꞋù ètsə ba ngɨ̀ Mbɔ̧ɔ̧mà waꞋa bèkàbɔ̀ŋ ba la. Wu taꞋà ntsɔ̧̀ tò wu tàa nyɨ̀Ꞌta abua bòt la,

Efesɔ̀s 2:4

Tèsȩte Mbɔ̧ɔ̧mà teà ndzà̧a nyaŋ, tà kɔ̀ŋkè àwa kwàꞋ ànyaꞋne,

Efesɔ̀s 2:7

Tà li ngɨ̀ àyaa mbɨ̀Ꞌɨ̀ li me tseka nyɨ̀Ꞌta ntsɔ̧̀ vi wu è ghe la. Baa ndzea ntsɔ̧̀ tò waa ane àghɨa Yesò Klistò ghɨ ane ya la.

Efesɔ̀s 3:16

Maà ntsàꞋta Mbɔ̧ɔ̧mà nê tà ghǎ ane èghɨ bi bu a ègwet e ghe la, nɨ Fo zi ngɨ̀ èŋa awɨ̧ mètàŋ mbɨ̀Ꞌɨ̀ mèntɨ̧ɨ̧ mɨ̧ naa me kweele.

Efesɔ̀s 3:8

Mâ batè nkuà nè kwèn tè ntse a tandiakwèn ane bòt Mbɔ̧ɔ̧mà, ka Mbɔ̧ɔ̧mà li nkɔ̀ŋkè am, ŋà am àfàꞋ yaa nê, è me tsɔ̀te Ntu̧ Ntsɔ̧̀ abua bòt kà wu Bèjuê shua awɔb ànəa èwuu èghɨ ntsɔ̧̀ bu Yesò Klistò nàa ŋǎ la.

Filìpȩ 4:19

Mbɔ̧ɔ̧mà am naa nɨ èghɨ kèfɔ̧̀ vi eŋa èghɨ ègème bɨ̀a nkɨ̀ŋkà la kà kuꞋte àbu, ndɨ̀ wu bɨ Yesò Klistò ba è tsiꞋi àghɨ yeamɔꞋ la.

Kɔ̀losìà 1:27

Mbɔ̧ɔ̧mà kɔ̀ŋkè nê yea tùꞋu ànəa ndò̧ zi yu abua yɔb mbɨ̀Ꞌɨ̀ nɨ enyɨꞋte ndɨ yea mbà̧aã bòt èlaꞋ ègème ntsɔ̧̀, ngɨ̀à bɔ bɔ èghɨ ntsɔ̧̀ bu ègème àa ndzəa ane ntsèm yaa la. Ntsèm mbɔŋ wu nê, Yesò Klistò wu a mèntɨ̧ɨ̧ mɨ̧. Àyaa a wua shua nê, bɨà li ewu ne Mbɔ̧ɔ̧mà a èbem ènɨ̧ tò.

Kɔ̀losìà 2:2

E ngɨ̀à ale mbɨ̀Ꞌɨ̀ enɨ lɔ̀ktè mèntɨ̧ɨ̧ mɨ̧, e ghɨ̌ bɨa tsiꞋi bòt bɔ̀ɔ ndâ nkɔ̀ŋkà bɔnyɨ bɔb tè ntsìꞋi àghɨ yeamɔꞋ la. A wu anè ko bɨa lâ eko nkûŋ ane ànəê yu Mbɔ̧ɔ̧mà li ndò̧, ka me wu àfɨ̀Ꞌ yaa ngɨ̀ ba ko la. Nkûŋ ya wu ane ànəa Yesò Klistò zìambɔŋ.

1 Tɔ̀màtià 1:16

Ka Yesò Klistò li nkù tèsȩ taã, è ngu wòt kàbɔ̀ŋ mbì la, mbɨ̀Ꞌɨ̀ enɨ e nyɨꞋte bɔbȩ ndɨ ye wu mbɔɔlà wòt ane àlia nè àlia la. Tà li ngùa nyɨ̀Ꞌta àyaa ane àlȩê enɨ elɔ̀ktè àtsəa bòt bu bɔ̀ɔ zì mèntɨ̧ɨ̧ mɔb ane tò, taa ŋa awɔb mèmpème kàlìà la.

1 Tɔ̀màtià 6:17

Shu abua bòt bu bɔ bɔ èghɨ ngɔ̀ŋ baa nyaŋ la nê, bɔ̀ ka me ŋeꞋe awɔb a ègwet, mè ndzìà ntɨ̀ yɔb ane èghɨ ngɔ̀ŋ baa àa li elɔ̀Ꞌɔ ebɨɨ la. Bɔ̀ zǐ ntɨ̀ yɔb wuê ane Mbɔ̧ɔ̧mà wu tà taꞋa wua ŋǎ awa èghɨ ègème nê bà me wùꞋtè ènyit ya adù̧ la.

1 Pità 3:20

Èlɨ̀ŋkè baa wu èlɨ̀ŋkè bòt bu bɔ li bɔ̀ ka yute ànəa Mbɔ̧ɔ̧mà li shu àfɨꞋa Noà la. Mbɔ̧ɔ̧mà li ndâ ngua nchɨ̀Ꞌà wɔb bɔɔ kubte ane mènəè kàbɔ̀ŋ mɔb, tè ngà ndzəa àfɨꞋa Noà li mpàa ngɨ̀ ànkànuꞋ yu la. A li ngà me lìa è wu ndàꞋ bòt bafà̧aã bɔ li nyi a èbem ànkànuꞋ yu mèleb ŋeꞋe awɔb ngɨ̀ bɔ pem la.

2 Pità 1:11

tà mè ngu esèè awa ntsɔ̧̀ a kèfɔ̧̀ Lefɨ̀Ꞌ wa. Wu tòà tà wu Mpemnà wa la. Kèfɔ̧̀ tò naa wu ane àlia nè àlia.

2 Pità 3:15

Bɨ̀ ko nê Lefɨ̀Ꞌ wa kuule èntɨ̧ɨ̧ vi me chɨꞋɨ àfɨꞋa yèa kɨꞋɨ la, ale ngua ŋa awɨ̧ èlu̧ bɨa bɔ mèmpème, wuê mbɨ̀Ꞌɨ̀ ngule wanyɨ waa Pɔ̂l li nɨ èyì wu Mbɔ̧ɔ̧mà ŋa abua tò la, shɨ̀ àkatè abua yɨ̧ ane ànəa mbɔŋ la.

2 Pità 3:3

Bɨ̀ bɨa ndzì àyaa a mèntɨ̧ɨ̧ mɨ̧ nê, naa li ngu àfɨꞋa ngɔ̀ŋ tsìꞋa ndɨ̀à lìa la, bòt bɔ̀ɔ nkɨ me ghɨ̀ wuê èghɨ mbɨ̧te ènyit tèa nkɨà la aa kɨꞋɨ e me wȩ̀ȩ̀tè àwɨ̧.

2 Pità 3:9

Mbɔ̧ɔ̧mà nàà kà lȩ̀ȩ̀tè a màngɨa àghɨa tà kàꞋà la mbɨ̀Ꞌɨ̀ bòt ko àa nkwàꞋtà la. Ànəa àa və la wu nê tà kuule èntɨ̧ɨ̧ vi me chɨ̀Ꞌà wɨ̧ nê bɨ̀ waꞋa mènəè kàbɔ̀ŋ mɨ̧, kùŋè àvi, nkàà nê tàa kà kɨ nê wòt kǒ nyɔ.

Ètsə 2:21

E ndi ŋǎ atò àfɨ̀Ꞌ nê tà kubte, ka tà tu̧u̧ ekubte ane mènəè kàbɔ̀ŋ mi.

Ètsə 3:20

Bɨ̀ ye, e ngua ètsələèꞋ mâ tɨ̧ me luꞋte la, wòt zəèa àtɔŋ am ntsɔ̀Ꞌɔ ètsələèꞋ, ko maa nyi a lob e wu ne tò, ba tò àa jɨ èghɨjɨ nɔ̂.