Lûm 2:27 - Mundani

²⁷ Bòt kà wu Bèjuê bu bɔ̀ baka naŋe awɔb, bɔ bɔ̂ me nɔ̀ŋe mbɨ̧ Mbɔ̧ɔ̧mà la aa tsě awɨ̧ bɨ̀a Bèjuê bu bɔ shɨ mbɨ̧ yu a si ŋǎ abua yɨ̧, mbɔ̂ nàŋe awɨ̧ mbɨ̀Ꞌɨ̀ mbɨ̧ mbɔŋ kɨa la, ka bɨ bɔ̂ me pààte mbɨ̧ mbɔŋ la.

Lûm 2:27 Iomraidhean Croise

Matìù 3:15

Yesò shu abua tò nê, “TsiꞋ à wu anè àfɨ̀Ꞌ yaa, nkàà nê ba nè e bɔ ndɨ bàa ghɨ̌ èghɨ ègème Mbɔ̧ɔ̧mà nàa nkɨà la.” Ale, Jɔ̌n bɨ̧ɨ̧ne.

ÀfaꞋa 13:22

Mbɔ̧ɔ̧mà li ntsì atò ndzɔ̀Ꞌɔ a Dàbid ane fɔ̧̀, mbɔ̂ nê, ‘Mâ ye nê Dàbid waã Jesì wu wòt màa nkɔ̀ŋkà la. Tà wu wòt tàa ghɨ̀ àghɨa màa nkɨà la.’

Lûm 13:10

Wòt me kɔ̀ŋkè wanyɨ vi ko tà ka ghɨa kàbɔ̀ŋ ane tò a. Ale, wòt nàa me kɔ̀ŋkè wanyɨ vi tà wua ngɨ̀à àghɨ àgème mbɨ̧ kɨà la.

Lûm 2:15

Èghɨ bɔ̀ɔ ngɨ̀à la e nyɨꞋtè nê Mbɔ̧ɔ̧mà zi mbɨ̧ mbɔŋ a mèntɨ̧ɨ̧ mɔb, nkàà nê bɔ̀ɔ ngɨ̀ bɔ̀ ghɨ̀ àghɨ mbɨ̀Ꞌɨ̀ mbɨ̧ shu la, mèntɨ̧ɨ̧ mɔb ka feele àwɔb, ka bɔ̀ pààte mbɨ̧, mèntɨ̧ɨ̧ mɔb me fèèlè àwɔb.

Lûm 2:20

nê ye wu nyɨꞋtà bòt bu kà ko mènəè Mbɔ̧ɔ̧mà la, mè ngu nyɨꞋtà bòt bu bɔ̀ baka zìꞋì nkwèèle ane mènəè Mbɔ̧ɔ̧mà la. Mè ndâ nko àwɔ̀ mbɔŋ nê ndɨ̀ wu à ko mbɨ̧ la, à ko àghɨ àgème, mè nko nkûŋ.

Lûm 2:25

Bɔ naŋa wòt e nɨ nyɨꞋte nê tà wu wòt Mbɔ̧ɔ̧mà, ko wu ànəa ntsɔ̧̀, na tà me ghɨ̀ àghɨa mbɨ̧ yu Mbɔ̧ɔ̧mà li ŋa abua Musì la nàa shua la. Ka wòt bakà wua ngɨ̀à mbɨ̀Ꞌɨ̀ mbɨ̧ è shu la, ko mànaŋa ŋut bê ngu àku.

Lûm 2:26

Tè bɔ bakà naŋe a wòt mbɨ̀Ꞌɨ̀ mbɨ̧ Musì kɨa la, tà bɔ me ghɨ̀ àghɨa mbɨ̧ nàa nkɨà la, ko Mbɔ̧ɔ̧mà ka nɨ atò mbɨ̀Ꞌɨ̀ wòt bɔ nàŋe atò la a?

Lûm 2:29

Wòt tà wu ngule wòt Juê la wu wu tàa ale ane èntɨ̧ɨ̧ vi la. E lâ naŋe wòt mbɨ̀Ꞌɨ̀ tàa tsiꞋi wòt Mbɔ̧ɔ̧mà, mě ngu ànəa èntɨ̧ɨ̧. Wu Fo Mbɔ̧ɔ̧mà ka tàa nàŋa wòt a èlɨ̀ waa la, è ntsě a màngɨa mbɨ̀Ꞌɨ̀ mbɨ̧ nàa shua la. Wɔ̀bȩ̂ màà mbakà wuꞋte èwuu wòt waa, ko Mbɔ̧ɔ̧mà naa wùꞋtè atò.

Lûm 3:30

ndɨ̀ wu Mbɔ̧ɔ̧mà nàa wemɔ̀Ꞌ la. Tàa nɨ wòt ègème tà zi èntɨ̧ɨ̧ vi ane Yesò la mbɨ̀Ꞌɨ̀ wòt tà tɨ̧ɨ̧ ndɨŋndɨ̀ŋ a mbì li la, kò ŋut wu wòt Juê, kò wòt kà wu Juê leꞋ.

Lûm 8:4

Tà li ngɨ̀ àyaa mbɨ̀Ꞌɨ̀ baa me koa ngɨ̀à èghɨ ntsɔ̧̀ bu ègème mbɨ̧ Mbɔ̧ɔ̧mà nàa shuà nê bà me ghɨ̀ la, ndɨ̀ wu baa tsiꞋa ntsèka mbɨ̀Ꞌɨ̀ Fo Mbɔ̧ɔ̧mà nàa nkɨà la, baa kà tsi ngua ntsèka mbɨ̀Ꞌɨ̀ mbɨ̧te ènyit ta tèa nkɨà la.

1 Kɔlìn 7:19

Kò bɔ naŋe wòt kò bɔ bakà nàŋe leꞋ, ko à yu ntsě ànəa ko. Àyea è wu ànəê la wu mànɔŋe mbɨ̧te Mbɔ̧ɔ̧mà.

2 Kɔlìn 3:6

Tà ghɨ̀ àwa ba kùꞋù èbe bàa me làꞋà ànəa mènkàꞋa kèkweelè fi tò la. Ànəa mènkàꞋa mbɔŋ ntsě a màndzəa mènəè mbɨ̧ bɔ shɨ a si la, wu màndzəa mènəè Fo Mbɔ̧ɔ̧mà nàa shua la. Mènəè mbɨ̧ bɔ shɨ a si la nàà ngɨ̀à bòt e pfəꞋtà, ka mènəè Fo Mbɔ̧ɔ̧mà me ŋa mèmpème.

Gàlashìà 5:14

Bɔ fete mbɨ̧tsə tègème a èbem èngà̧ waa wemɔꞋ la nê, “Me kɔ̀ŋkè wanyɨ wè mbɨ̀Ꞌɨ̀ àwɔ̀ mbɔŋ.”

Efesɔ̀s 2:11

Bɨ̀ ku̧u̧te nê bɔ̀ le kaꞋa bi awɨ̧ a èbem àndǎ̧ Bèjuê. Bèjuê aa nàŋa awɔb e nɨ nyɨꞋte nê bɔ wu bòt Mbɔ̧ɔ̧mà. Bɔɔ shua nê bɨ ntsě bòt Mbɔ̧ɔ̧mà ndɨ̀ wu bɔ̀ɔ ka nàŋe awɨ̧ la. Ka e naŋe wòt bɔ̂ ngu wu àghɨa wɔ̀bȩ̂ è nɨ àbu azi ngɨ̀ a mbɨ̧̀ ènyit la.

2 Tɔ̀màtià 3:15

mè nko ànəa Àkata Mbɔ̧ɔ̧mà a shua la, e bùꞋù tê àfɨ̀Ꞌ yu à li mbèle watèchɨɨle la. Letà waa nàa nyɨ̀Ꞌta ndɨ betsiꞋa à bɔ̌ èyì wu àa ghɨ̌ aa zǐ èntɨ̧ɨ̧ wê ane Yesò Klistò mbɨ̀Ꞌɨ̀ Mbɔ̧ɔ̧mà naa ŋa awê mèmpème mi la.

Ebùlù 11:3

Èntɨ̧ɨ̧ wu ba zi ane Mbɔ̧ɔ̧mà la e ghɨ̂ ba bɨ̧ɨ̧nè nê tà li nɨ èngǎ̧ vi ka nɨŋ ngɨ̀ ngɔ̀ŋ yaa, nko nê ye nɨ àghɨa bɔ̀ɔ ka ye la nɨŋ ngɨ̀ àghɨa bɔ̀ɔ ndzèa la.