Lûm 2:26 - Mundani

²⁶ Tè bɔ bakà naŋe a wòt mbɨ̀Ꞌɨ̀ mbɨ̧ Musì kɨa la, tà bɔ me ghɨ̀ àghɨa mbɨ̧ nàa nkɨà la, ko Mbɔ̧ɔ̧mà ka nɨ atò mbɨ̀Ꞌɨ̀ wòt bɔ nàŋe atò la a?

Lûm 2:26 Iomraidhean Croise

Matìù 15:28

Yesò bɨ̀ɨ̀lè nê, “À lâ ndzì èntɨ̧ɨ̧ wê ane yaã! TsiꞋ à wu mbɨꞋɨ̀ àa nkɨà la.” Yesò laꞋ ale, waã tò wu bê pem kwàꞋ àfɨꞋa mbɔŋ.

Lûm 2:25

Bɔ naŋa wòt e nɨ nyɨꞋte nê tà wu wòt Mbɔ̧ɔ̧mà, ko wu ànəa ntsɔ̧̀, na tà me ghɨ̀ àghɨa mbɨ̧ yu Mbɔ̧ɔ̧mà li ŋa abua Musì la nàa shua la. Ka wòt bakà wua ngɨ̀à mbɨ̀Ꞌɨ̀ mbɨ̧ è shu la, ko mànaŋa ŋut bê ngu àku.

Lûm 2:27

Bòt kà wu Bèjuê bu bɔ̀ baka naŋe awɔb, bɔ bɔ̂ me nɔ̀ŋe mbɨ̧ Mbɔ̧ɔ̧mà la aa tsě awɨ̧ bɨ̀a Bèjuê bu bɔ shɨ mbɨ̧ yu a si ŋǎ abua yɨ̧, mbɔ̂ nàŋe awɨ̧ mbɨ̀Ꞌɨ̀ mbɨ̧ mbɔŋ kɨa la, ka bɨ bɔ̂ me pààte mbɨ̧ mbɔŋ la.

Lûm 3:30

ndɨ̀ wu Mbɔ̧ɔ̧mà nàa wemɔ̀Ꞌ la. Tàa nɨ wòt ègème tà zi èntɨ̧ɨ̧ vi ane Yesò la mbɨ̀Ꞌɨ̀ wòt tà tɨ̧ɨ̧ ndɨŋndɨ̀ŋ a mbì li la, kò ŋut wu wòt Juê, kò wòt kà wu Juê leꞋ.

Lûm 8:4

Tà li ngɨ̀ àyaa mbɨ̀Ꞌɨ̀ baa me koa ngɨ̀à èghɨ ntsɔ̧̀ bu ègème mbɨ̧ Mbɔ̧ɔ̧mà nàa shuà nê bà me ghɨ̀ la, ndɨ̀ wu baa tsiꞋa ntsèka mbɨ̀Ꞌɨ̀ Fo Mbɔ̧ɔ̧mà nàa nkɨà la, baa kà tsi ngua ntsèka mbɨ̀Ꞌɨ̀ mbɨ̧te ènyit ta tèa nkɨà la.

Gàlashìà 6:15

Kò bɔ naŋe wòt kò bɔ bakà naŋe leꞋ, ko àyu ntsě ànəê. NdàꞋ àyea è wu ànəê la wu ndɨ wòt nàa tsiꞋi wòt fi la.

Efesɔ̀s 2:11

Bɨ̀ ku̧u̧te nê bɔ̀ le kaꞋa bi awɨ̧ a èbem àndǎ̧ Bèjuê. Bèjuê aa nàŋa awɔb e nɨ nyɨꞋte nê bɔ wu bòt Mbɔ̧ɔ̧mà. Bɔɔ shua nê bɨ ntsě bòt Mbɔ̧ɔ̧mà ndɨ̀ wu bɔ̀ɔ ka nàŋe awɨ̧ la. Ka e naŋe wòt bɔ̂ ngu wu àghɨa wɔ̀bȩ̂ è nɨ àbu azi ngɨ̀ a mbɨ̧̀ ènyit la.

Filìpȩ 3:3

Bàa ka bà wu ngule bòt Mbɔ̧ɔ̧mà la. Aa anè nkàà nê wu Fo Mbɔ̧ɔ̧mà ka è ŋa awa mètàŋ ba me tsàꞋte atò la, ba mè ngua ngùꞋtà àwa ndɨ̀ wu ba Yesò Klistò ba è tsiꞋi mbɨꞋɨ̀ àghɨ yeamɔꞋ la. Mèntɨ̧ɨ̧ ma ntsě ane èghɨ bu bɔbȩ àa ngɨa ane mɔb ne mètàŋ la.

Kɔ̀losìà 2:11

Mbɨ̀Ꞌɨ̀ bɨ Yesò Klistò ba è tsiꞋi àghɨ yeamɔꞋ la, tà naŋe awɨ̧ ane ènɔ̧̂ bòt Mbɔ̧ɔ̧mà, ka tà kà naŋe ane èwuu èlɨ̀ wu bɔbȩ àa nàŋa bòt la. Tà tsiꞋi naŋe awɨ̧ ane e vi ne èlɨ̀, è wu ndɨ̀ wu bɨ̀a ka tsi ngɨ̀ èbɨꞋte ènəê bu è le wua ndzəa a èbem mèntɨ̧ɨ̧ mɨ̧ la.