Lûm 2:25 - Mundani

²⁵ Bɔ naŋa wòt e nɨ nyɨꞋte nê tà wu wòt Mbɔ̧ɔ̧mà, ko wu ànəa ntsɔ̧̀, na tà me ghɨ̀ àghɨa mbɨ̧ yu Mbɔ̧ɔ̧mà li ŋa abua Musì la nàa shua la. Ka wòt bakà wua ngɨ̀à mbɨ̀Ꞌɨ̀ mbɨ̧ è shu la, ko mànaŋa ŋut bê ngu àku.

Lûm 2:25 Iomraidhean Croise

ÀfaꞋa 7:51

Stifèn làꞋ ale mè nê, “Bɨ ghɨ̀ na ka me kweele àtsə anè à? Mèntɨ̧ɨ̧ mɨ̧ ghɨ̀ na ka nkwèèle tè bɨ bê ntû̧ eyute èngǎ̧ Mbɔ̧ɔ̧mà à? Bɨ bê ngu wuê mbɨ̀Ꞌɨ̀ bètǎt nyaꞋ bɨ̧. Bɨ̀a mbɔŋ e taꞋa wua ntu̧a eyute ànəa Fo Kèfə nàa shua la.

Lûm 2:13

È ntsě bòt bu bɔ̀ɔ ndzəa mènəè mu mbɨ̧ Musì nàa shua la ka bɔ̂ kùꞋu e mbì Mbɔ̧ɔ̧mà la, wu bòt bu bɔ̀ɔ ngɨ̀à àghɨa mbɨ̧ mbɔŋ shua la. Wu bɔ̀ɔ̀ba ka bɔ tɨ̧ɨ̧ ndɨŋndɨ̀ŋ a mbì tò la.

Lûm 2:23

Àwɔ̀ wu àa ngù̧a nkùꞋ yê shua nê ye ko mbɨ̧ Mbɔ̧ɔ̧mà la, àà kà kweele àtsə abua tò e pààte mbɨ̧ mbɔŋ?

Lûm 2:26

Tè bɔ bakà naŋe a wòt mbɨ̀Ꞌɨ̀ mbɨ̧ Musì kɨa la, tà bɔ me ghɨ̀ àghɨa mbɨ̧ nàa nkɨà la, ko Mbɔ̧ɔ̧mà ka nɨ atò mbɨ̀Ꞌɨ̀ wòt bɔ nàŋe atò la a?

Lûm 2:27

Bòt kà wu Bèjuê bu bɔ̀ baka naŋe awɔb, bɔ bɔ̂ me nɔ̀ŋe mbɨ̧ Mbɔ̧ɔ̧mà la aa tsě awɨ̧ bɨ̀a Bèjuê bu bɔ shɨ mbɨ̧ yu a si ŋǎ abua yɨ̧, mbɔ̂ nàŋe awɨ̧ mbɨ̀Ꞌɨ̀ mbɨ̧ mbɔŋ kɨa la, ka bɨ bɔ̂ me pààte mbɨ̧ mbɔŋ la.

Lûm 2:28

È ntsě èghɨ bu wòt nàa ngɨ̀à mbɨ̀Ꞌɨ̀ ndɨ̧ Bèjuê è kɨa la, ka àa ngɨ̀à wòt ane ndâ wòt Juê la. È kà meè ngu a mànaŋa wòt a mbɨ̧̀ ènyit tò ka àa ngɨ̀à Mbɔ̧ɔ̧mà bɨ̧̀ɨ̧̀nâ nê tà wu wòt vi la.

1 Kɔlìn 7:19

Kò bɔ naŋe wòt kò bɔ bakà nàŋe leꞋ, ko à yu ntsě ànəa ko. Àyea è wu ànəê la wu mànɔŋe mbɨ̧te Mbɔ̧ɔ̧mà.

Gàlashìà 6:13

Ka è màà ngu wuê bòt bu bɔ naŋe awɔb la, ko bɔɔ̀ kà lem ngɨ̀ mbɨ̀Ꞌɨ̀ mbɨ̧te Musì te kɨa la, mbɔ̂ bɔ me kɨ nê bɔ̀ naŋe awɨ̧ mbɨ̀Ꞌɨ̀ bɔɔ me wùꞋtè àwɔb ane àghɨa bɨ ghɨ̀ ane mbɨ̧̀ ènyit yɨ̧ la.

Gàlashìà 6:15

Kò bɔ naŋe wòt kò bɔ bakà naŋe leꞋ, ko àyu ntsě ànəê. NdàꞋ àyea è wu ànəê la wu ndɨ wòt nàa tsiꞋi wòt fi la.