Lûm 2:20 - Mundani

²⁰ nê ye wu nyɨꞋtà bòt bu kà ko mènəè Mbɔ̧ɔ̧mà la, mè ngu nyɨꞋtà bòt bu bɔ̀ baka zìꞋì nkwèèle ane mènəè Mbɔ̧ɔ̧mà la. Mè ndâ nko àwɔ̀ mbɔŋ nê ndɨ̀ wu à ko mbɨ̧ la, à ko àghɨ àgème, mè nko nkûŋ.

Lûm 2:20 Iomraidhean Croise

Matìù 11:25

ÀfɨꞋa mbɔŋ Yesò nê, “Tê, Fɔ̧̀ ègwet nè sitsǎꞋ, mâ kɔ̀ŋkè àwê na à lô̧ èghɨ bàa abua bòt èyì nè bòt àkatè, mbɔ̂ nyɨ̀Ꞌte abua bòt kà ko èdziꞋ la.

Lûm 2:19

À lâ nko àwɔ̀ mbɔŋ nê ye wu wòt yèa mbà̧aã àbu a bòt àghɨ àleme la, mè ngu èkaꞋà abua bòt bɔ̀ wu a èbem ndzěm la,

Lûm 3:31

Tè aà anè ngua shua nê mbɨ̧ yu Mbɔ̧ɔ̧mà ŋa la tsiꞋi àku, ndɨ̀ wu è tsìꞋi àyea màndzia èntɨ̧ɨ̧ ane Yesò la à? A mbê ntsě ale! Àghɨa àa və la wu nê baa nɔ̀ŋà mbɨ̧ mbɨ̀Ꞌɨ̀ ba wu nɔ̀ŋè la.

Lûm 6:17

Mâ kɔ̀ŋke a Mbɔ̧ɔ̧mà nê, bɨ̀a wu bɨ̀ le yaã ngu èbùꞋ a màngɨa kàbɔ̀ŋ la, e li mbɨ̧̀ɨ̧̀ne mènəè nkûŋ mu bɔ li nyɨ̀Ꞌte awɨ̧ la nè èntɨ̧ɨ̧ wɨ̧ wemɔꞋ.

1 Kɔlìn 3:1

Bɔnyɨ bɔ̧, e ndi ngu ba nɨ̧̀ ba ale, è nka laꞋa abua yɨ̧ mbɨ̀Ꞌɨ̀ bòt bɔ ko mènəè Mbɔ̧ɔ̧mà ntsɔ̧̀ la. E ndi ndàꞋ abua yɨ̧ mbɨ̀Ꞌɨ̀ e ndàꞋa abua bòt ngɔ̀ŋ, mè ndàꞋ mbɨ̀Ꞌɨ̀ e ndaꞋa abua bɔtechɨɨle ane mènəè Yesò Klistò.

2 Tɔ̀màtià 1:13

Baãaã èngǎ̧ nkûŋ waa mâ laꞋa abua yê la, me làꞋa abua bòt ko mɨ̧̂, me zì wuê èntɨ̧ɨ̧ wê ane Mbɔ̧ɔ̧mà, nkɔ̀ŋkà tò mbɨ̀Ꞌɨ̀ ba wu ba tsiꞋi àghɨ yeamɔꞋ nè Yesò Klistò la àa ngɨ̀à la.

2 Tɔ̀màtià 3:5

Naa li ngu ane èli mbɔŋ, bòt e me shu nê bɔ wu bòt Mbɔ̧ɔ̧mà ka bɔ̀ ka wu eye àghɨa mètàŋ Mbɔ̧ɔ̧mà ghɨ̌ ane yɔb la. À yea èwuu bòt baa, à ka ngà a ngèt yɔb.

Tȩtɔ̀s 1:16

Bɔ̀ɔ ngɨ̀ bɔ me shu nê, bɔ ko a Mbɔ̧ɔ̧mà ka èghɨ bɔ̀ɔ ngɨ̀à la e me nyɨꞋte nê bɔ bakà ko atò. Bèŋût e bê ngɨ̀ àtsəa kekweelè nge, mènəè mɔb mè mbɨ̀ɨ̀ nenkèm, tè ntsɔ̧̀ kà tsi ngu ane yɔb.

Ebùlù 5:13

Wòt ègème tàa nyɔ̌ èbɨ̧ la bele watèchɨɨle kà zìꞋ neete eko àghɨa Mbɔ̧ɔ̧mà nàa nkɨà la.

Jimsì 3:1

Bɔnyɨ bɔ̧, ko mbɨ̀Ꞌɨ̀ waa waa ane yɨ̧ me kɨ ewu nyɨꞋtà nkàà nê, bɔɔ li saꞋa awa wu bà wu bènyɨꞋtà la te tsě ndɨ bɔ̀ɔ saꞋa bòt ko la.

1 Pità 2:2

Bɨ̀ la me nkɨ ngule èghɨjɨ bu Fo Mbɔ̧ɔ̧mà nàà ŋǎ la, wuê mbɨ̀Ꞌɨ̀ bɔkefi àa ngɨ̀ bɔ me kɨ èbɨ̧ bènyɨ̌ bɔb la, mbɨ̀Ꞌɨ̀ me tsə ane mèmpème mu Mbɔ̧ɔ̧mà ŋa abua yɨ̧ la.