Lûm 2:10 - Mundani

¹⁰ Ka Mbɔ̧ɔ̧mà bɔ̂ ngu wùꞋte, e kukte, e mě ŋa àlàŋkà èntɨ̧ɨ̧ abua waa waa tàa ngɨ̀a ntsɔ̧̀ la, ebùꞋu ane Bèjuê bu bɔ li mbɨ̀ ndzə èngǎ̧ Mbɔ̧ɔ̧mà la, eghǎ wu ane bòt kà wu Bèjuê.

Lûm 2:10 Iomraidhean Croise

Matìù 10:13

È wu nê, bɔ sèè àwɨ̧, bɨ tsiꞋ àlàŋkè àyɨ̧ a wu nè nɔ̀b. Ka bɔ̀ bakà sèe awɨ̧, bɨ̀ nɨ àlàŋkè àyɨ̧.

Lûk 1:79

eŋa èkaꞋà ane bòt bu a èbem ndzěm yu è wuê mbɨ̀Ꞌɨ̀ mbàꞋ èvə la, e ghɨ̌ bàa ghȩ̀ȩ̀ne ane alu̧ àlàŋkà èntɨ̧ɨ̧.”

Lûk 12:37

Ntsɔ̧̀ wu bɔfàꞋ bu tǎt wɔb nàa me kua bɔɔ bele àtatsi nchɨ̀Ꞌà atò la. Ane nkûŋ, tsiꞋ è shu awɨ̧ nê tà kɨ̀Ꞌa ko taa kuule àleb azi, ebɔ ghɨ̌ bɔɔ tseke a si, tàa fàꞋa abua yɔb.

Lûk 19:42

Nê è me wu laane waa ale bɨ nchɨɨme nko ndɨ betsiꞋa wòt ghɨ̀ ka mbɔ àlàŋkè la; ka mbɨ̀Ꞌɨ̀ àa si àfɨ̀Ꞌ yaa la betsiꞋa bɨ̀ ka bɔ yùà.

Lûk 22:14

AfɨꞋa mànjɨa èghɨjɨ èpǎ̧ Màntsea a ègwet bu a kɨꞋɨ, Yesò tseke a si bɔ̂ bɔntu̧ bi me jɨ èghɨjɨ.

Lûk 9:48

mbɔ̂ shu abua yɔb nê, “Wòt sèè watèchɨɨle kǒ mbɨ̀Ꞌɨ̀ waa ane èlen laã, tà ko nê ye wua sèè am. Wòt tà sèè am la, ko nê ye sèè wòt wu tà tsàà am la. Ngu nê wòt tà wu a kwèn ane yɨ̧ la è tsě bòt bàgème.”

Jɔ̌n 12:26

Wòt me kɨ ewu wafàꞋ am, tà bɔ̌ ndɨ tàa me kùŋè am la mbɨ̀Ꞌɨ̀ àdziꞋa màa və la, ŋut wu àzi abot mɨ̧̂. Wòt me fàꞋa abua am ko Tǎt am naa me ŋa kènuke abua tò.”

Jɔ̌n 14:27

Mâ sa àlàŋkè abua yɨ̧, mâ ŋa àlàŋkè am abua yɨ̧, ka è nka ŋa mbɨ̀Ꞌɨ̀ bòt ngɔ̀ŋ àa ŋǎ la. Mbɨ̀Ꞌɨ̀ mèntɨ̧ɨ̧ mɨ̧ me bente, bɨ̀ ka mbɔa.

Jɔ̌n 16:33

“E shu awɨ̧ mènəè maa ègème mbɨ̀Ꞌɨ̀ bɨa bɔ àlàŋkè a mèntɨ̧ɨ̧ mɨ̧ ndɨ̀ wu ba nɨ̧̀ ba è tsiꞋi àghɨ yeamɔꞋ la. Ngɔ̀ŋ naa ghɨ̌ bɨa ye ngoꞋ kèkweelè. Ka mèntɨ̧ɨ̧ mɨ̧ ka mbèntê nkàà nê mâ nù tè ntsòkè mètàŋ ngɔ̀ŋ yaa.”

ÀfaꞋa 10:35

Waa waa tàa ngùꞋtà atò mè ngɨ̀à àghɨa tàa nkɨà la, ka tà màà ndzəèà wuê a ka àbâ àlaꞋ leꞋ, ko Mbɔ̧ɔ̧mà naa bɨ̧ɨ̧ne atò.

Lûm 14:17

Ànəa nɨ̧ a kèfɔ̧̀ Mbɔ̧ɔ̧mà ntsě mànjɨa èghɨjɨ, kò mànua leꞋ, wu màngɨa àghɨa Mbɔ̧ɔ̧mà kɨa la, nè màntseka ane àlàŋkè nè bòt, mè nè màngua ane mèngùꞋte, è wu èghɨ Fo Kèfə nàa ŋa la.

Lûm 15:13

Maà ntsàꞋta Mbɔ̧ɔ̧mà wu tàa ngɨ̀à bòt e chɨ̀Ꞌà àghɨa tà kàꞋà la nê, tà ghɨa Fo Kèfə ghɨa mèntɨ̧ɨ̧ mɨ̧ mu bɨ zi ane tò la lu̧u̧ nê mèngùꞋte nè àlàŋkè.

Lûm 2:7

È me wu bòt bu bɔ̀ɔ nkùùla mèntɨ̧ɨ̧ mɔb ngɨ̀à mènəè ntsɔ̧̀, nkɨà ènɨ̧, nkɨà kènùke, mè me kɨ e li tseke ane àlia nè àlia la, ko Mbɔ̧ɔ̧mà nàa ŋa awɔb mèmpème kàlìà.

Lûm 2:9

Bòt bu bɔ̀ɔ ngɨ̀a kàbɔ̀ŋ la bàgème aa li nyi a èbem ngoꞋ kèkweelè, e me ye ngɨ̧̀ɨ̧̀nè, ebùꞋu ane Bèjuê bu bɔ li mbɨ̀ ndzə èngǎ̧ Mbɔ̧ɔ̧mà la, eghǎ wu ane bòt kà wu Bèjuê.

Lûm 5:1

Ndɨ̀ wu Mbɔ̧ɔ̧mà nɨ awa mbɨ̀Ꞌɨ̀ bòt bɔ tɨ̧ɨ̧ ndɨŋndɨ̀ŋ a mbì li nkàà ndɨ̀ wu baa zì mèntɨ̧ɨ̧ ma ane tò la, baa bɔ àlàŋkè nè Mbɔ̧ɔ̧mà nkàà àghɨa Yesò Klistò Lefɨ̀Ꞌ wa ghɨ ane ya la.

Lûm 8:6

Wòt me mɨ̀ɨ̀tè wuê ànəa èghɨ mbɨ̧̀ ènyit nàa nkɨà la, ko tàa pfə. È we tàa mɨ̀ɨ̀tà ànəa èghɨ bu Fo Mbɔ̧ɔ̧mà nàa nkɨà la, naa bɔ mèmpème nè àlàŋkà èntɨ̧ɨ̧.

Lûm 9:21

Tè ntsě àdziꞋa wòt wu tàa ngɨ̀à bakɨ̀ŋ la tàa nɨ ambòꞋtsǎꞋ wemɔ̀Ꞌ e ghɨ bakɨ̀ŋ babe, è we bɔ̀ɔ mbà̧à̧ta wuê ane àlia nɨ̧ la, nè wê bɔ̀ɔ mbà̧à̧ta àlia àgème la a?

Lûm 9:23

Mbɔ̧ɔ̧mà li ngɨ̀ anè mbɨ̀Ꞌɨ̀ nyɨꞋte ènɨ̧ vi wu e ghe la abua bòt bu tàa nkua tèsȩ tɔb, è wû bòt bu tà li ndzaŋe taŋke nê bɔɔ li bɔ ènɨ̧ la.

Gàlashìà 5:22

Ka èghɨ Fo Mbɔ̧ɔ̧mà nàa ŋǎ la wu èkɔŋ, nè mèngùꞋte, nè àlàŋkè, nè màmbɔɔla èntɨ̧ɨ̧, mànkua tèsȩ nè màngɨa ntsɔ̧̀, nè màndaꞋa nkûŋ,

Gàlashìà 5:6

Ndɨ̀ wu bà wu bòt Yesò Klistò la, ba bakà tsi mbɔ̌ ndɨ bàa me lȩ̂ nê bɔ naŋe wòt kò bɔ bakà nàŋe atò leꞋ la. Àghɨa bɔ kɨa la wu èntɨ̧ɨ̧ wu wòt zi ane Yesò Klistò la, e wu bɔ̀ɔ ndzèa ane èkɔŋ wu ŋut bɔ ane bɔbȩ la.

Filìpȩ 4:7

Bɨ ghɨ̀ ale ko Mbɔ̧ɔ̧mà naa ŋa awɨ̧ àlàŋkè a tsè ayea betsiꞋa wɔ̀bȩ̂ koê la, aa kaba mèntɨ̧ɨ̧ mɨ̧, nè mèmɨ̀ɨ̀te mɨ̧ mbɨ̀Ꞌɨ̀ àghɨa ko a ghɨ̀ adù̧, ndɨ̀ wu bɨ Yesò Klistò ba è tsiꞋi àghɨ yeamɔꞋ la.

1 Tɔ̀màtià 1:17

TsiꞋ bòt è wùꞋte a Mbɔ̧ɔ̧mà wu tà wu Fɔ̧̀ mè ngu wòt tàa mbà̧aã ngɔ̀ŋ àfɨ̀Ꞌ àgème la. Tà wu ndàꞋ Mbɔ̧ɔ̧mà wu tàa ka pfə, bɔ ka meè ngua dzea tò la. TsiꞋ mèngùꞋte wu abua tò ane àlia nè àlia. Àmèn.

Ebùlù 2:7

A shuke atò a si ane àtem àfɨ̀Ꞌ àko tè ntsè bɔntu̧ bê, àfɨ̀Ꞌ a tsekè me wu à ghɨ̀ tà bɔ̀ ènɨ̧ tè waa waa me ŋa kènuke abua tò.

Jimsì 2:22

Bɨ ye nê èntɨ̧ɨ̧ wu tà li ndzi ane Mbɔ̧ɔ̧mà la e li ngua ngȩ̀ȩ̀nà bɔ̂ èfaꞋa tò nɔ̂. Àghɨ yu tà li ngɨ̀ la a li ngɨ̀ èntɨ̧ɨ̧ wu tà li ndzi ane Mbɔ̧ɔ̧mà la e tsiꞋi àghɨ.

Jimsì 3:13

Wòt wu ane yɨ̧ tà bɔ èyì mè me nèèta nkoa mènəè la, ŋut wu nyɨꞋte ane mèntsèke ntsɔ̧̀ mi, nè èfaꞋa ntsɔ̧̀ tò tàa nɨ̀a èyì mbɔŋ mbɔ̀ɔ̀la avi fàꞋà la.

1 Pità 1:7

NgoꞋte mbɔŋ te ye awɨ̧ anè, mbɨ̀Ꞌɨ̀ bɔɔ ye nê bɨ zì mèntɨ̧ɨ̧ mɨ̧ ane Yesò nkûŋ nkûŋ. Ka è màà ngu wuê goêl wu è wù àghɨa betsiꞋa a bɨ la, ko bɔ̀ɔ ngɨ̀ bɔ to̧ a èbem èwet, ngɨ̀ mèkɔb mu adù̧ la dzəè. Mèntɨ̧ɨ̧ mɨ̧ mu bɨ zi ane Yesò la, è taꞋa tsèa goêl. Ale, ngoꞋtsə te bɔ ndɨ tèa nyìꞋì àwɨ̧ mbɨ̀Ꞌɨ̀ bɨa paa ezì mèntɨ̧ɨ̧ mɨ̧ ane Yesò la. A wu ale, ko Mbɔ̧ɔ̧mà naa li ewùꞋtè àwɨ̧, e mèe lɔ̀kè èlen lɨ̧ a ègwet ane àli yu Yesò Klistò nàa li kɨꞋɨ la.

1 Pità 5:4

Bɨ me ghɨ̀ ale, ko naa li ngu àfɨꞋa Yesò Klistò wu tà wù àtsəa bèmbaabà njɨ̀ la è kɨꞋɨ la, tà tsɔ̀Ꞌɔ àfàꞋ àyɨ̧ nè ènɨ̧ vi wu kà wu li elìa la.