Lûm 2:1 - Mundani

¹ Àwɔ̀ wu àa ntsìà mpəèəète bòt la, à ka ghà àku a, ka à màà ngu wuê wà leꞋ. Àa ngɨ̀ a me tsì mpəèəète wòt à wua ndzìà ndɔ̀ àtsəa yê, nkàà nê àwɔ̀ wu ntsìà mpəèəète mbɔŋ la à bela ngɨ̀à wuê èghɨ mbɔŋ mɨ̧̂.

Lûm 2:1 Iomraidhean Croise

Lûk 12:14

Yesò bɨ̀ɨ̀lè nê, “Àwɔ̀ mbê wa, wàà tsàà am nê è nkɨ̀Ꞌɨ̂ sàꞋà àwɨ̧, mè ngàbtè èghɨ pfə tǎt wɨ̧ à?”

Lûk 19:22

“Ŋut wu shu abua wafàꞋ ngaa nê, ‘À wu wafàꞋ kàbɔ̀ŋ. Màa nɨ èngà̧ e dzəâ ètsəê wê la, ka nɨ saꞋa awê adù̧. À li nko nê, e ngu wòt kèkweelè, màa nɨ̀a àdziꞋa kà nɔ̀ŋè, mè fùꞋà àdziꞋa ka liꞋ la,

Lûk 6:37

“À ka me zəâ èfaãnəè bòt mbɨ̀Ꞌɨ̀ Mbɔ̧ɔ̧mà li ndzəèəè è bê mɨ̧̂; à ka nê à ye wòt à bɨ mbɨ̀Ꞌɨ̀ Mbɔ̧ɔ̧mà li nê àyê a bɨ mɨ̧̂; waꞋa kàbɔ̀ŋ bòt mbɨ̀Ꞌɨ̀ Mbɔ̧ɔ̧mà naa li waꞋa è bê mɨ̧̂.

Lûm 14:22

Nɔ̀ŋe àghɨa àa èntɨ̧ɨ̧ wê ane ànəa èghɨ bàa la a kètsìà wɨ̧ bɨ Mbɔ̧ɔ̧mà. Ntsɔ̧̀ wu wòt wu èntɨ̧ɨ̧ tò àa ka feele atò ane àghɨa tà ye nê wu ntsɔ̧̀ la.

Lûm 2:2

Ba ko nê ngoꞋ Mbɔ̧ɔ̧mà naa li nɔ̀ŋke a ègwet bòt bu bɔ̀ɔ ngɨ̀à èghɨ mbɔŋ la.

Lûm 2:3

Tè à mɨɨtè nê, àwɔ̀ wu àa ntsìà mpəèəète bòt bu bɔ̀ɔ ngɨ̀à èghɨ bàà la, à me ghɨ̀ èghɨ mbɔŋ àwɔ̀ mbɔŋ, ko Mbɔ̧ɔ̧mà nàa tseke ka saꞋa awê?

Lûm 3:9

Tè bàà laꞋ nê ghà àfɨ̀Ꞌ yaa? Ndɨ̀ wu Mbɔ̧ɔ̧mà nàa saꞋa bòt bàgème la bàa Bèjuê e tsě bòt koê? ChaꞋ, baa bakà tsě wòt. Mâ yaŋe shu nê kàbɔ̀ŋ kuule bòt bàgème, Bèjuê nè bòt kà wu Bèjuê.

Lûm 9:20

Àwɔ̀ wɔ̀bȩ̂ àa shua anè nko nê yè wu wàa evəèəè èngà̧ a ètsəê Mbɔ̧ɔ̧mà à? Tè betsiꞋa àghɨa wòt ghɨ̀ ane èbu la a shu abua tò wu tà ghɨ̀ la nê, “À ghɨ̀ na ka ngɨ̀ am anè à?”

1 Kɔlìn 4:5

È wu ale, bɨ̀ ka ndzìꞋ mbàŋè wòt kà àfɨ̀Ꞌ a zìꞋ nkùꞋ. Tè Yesò Klistò naa kɨꞋɨ kaa me bàŋe bòt. Taa li ghɨ̌ èghɨ ndò̧ bu bòt àa ngɨa a èbem ndzěm la aa pùùla ayaã, e ghɨ̌ bòt aa ye èghɨ waa waa nàa nkwaꞋta a èntɨ̧ɨ̧ vi la. ÀfɨꞋa mbɔŋ Mbɔ̧ɔ̧mà naa ŋa a waa waa mèngùꞋte è kuꞋu ane tò la.

1 Kɔlìn 7:16

Àwɔ̀ àvi, à bakà ko laꞋ nê betsiꞋa à ghɨ̀ lu̧ wê zì èntɨ̧ɨ̧ vi ane Mbɔ̧ɔ̧mà mpem? Àwɔ̀ mbâ̧ à kà mê nko laꞋ nê betsiꞋa à ghɨ̀ vi wè zì èntɨ̧ɨ̧ vi ane Mbɔ̧ɔ̧mà mpem?

Jimsì 2:20

Àkèghɨ̧̀a wɔ̀bȩ̂, àà nkɨà nè è nyɨꞋte awê nê wòt zìà èntɨ̧ɨ̧ vi ane Mbɔ̧ɔ̧mà tè àfaꞋa tò a bakà wua nyɨ̀Ꞌta, èntɨ̧ɨ̧ mbɔŋ wu àku?

Jimsì 4:11

Bɔnyɨ bɔ̧, bɨ̀ ka me làꞋà kàbɔ̀ŋ adù̧ bɔnyɨ bɨ̧. Wòt me làꞋà kàbɔ̀ŋ adù̧ wanyɨ vi kò saꞋa atò leꞋ, tà ko nê ye wua ndaꞋa kàbɔ̀ŋ ane mbɨ̧ mè ngua saꞋa mbɨ̧ mbɔŋ. À me saꞋa mbɨ̧, à ko nê yea kà ghɨ mbɨ̀Ꞌɨ̀ mbɨ̧ mbɔŋ kɨa la, a bê nko nê ye tsiꞋa wòt tàa sàꞋa mbɨ̧ saꞋa la.