Lûm 16:4 - Mundani

⁴ Bɔ li ntsìꞋa nkɨ epfə ambo yaã. E ntsě wuê ndàꞋà mmɔ̌ màa ŋa mènkɔ̀ŋke abua yɔb ane àghɨa bɔ li ngɨ̀ ane yaã la, bèchɔsì bòt kà wu Bèjuê bu bàgème aà ŋa mènkɔ̀ŋke abua yɔb mɨ̧̂.

Lûm 16:4 Iomraidhean Croise

Jɔ̌n 15:13

BetsiꞋa, wòt kà nyɨꞋte èkɔŋ ane bèshu̧ bi tè ntsè ndɨ tàa ŋǎ àtsəa zi ane yɔb la.

ÀfaꞋa 15:26

wu bɔ ŋa ènyit yɔb ane àfaꞋa Yesò Klistò Lefɨ̀Ꞌ wa la.

ÀfaꞋa 15:41

Pɔ̂l ba e lɔ̀Ꞌ ale, ntsè èlaꞋ Silìà nè Sìlisìà me ghȩ̀ȩ̀na ndɔ̀ktà bèchɔsì bu.

ÀfaꞋa 16:5

A ghɨ̀ bèchɔsì bu e paa nkwèèlê ane èngǎ̧ Mbɔ̧ɔ̧mà, tè bòt nyaŋ e me zì mèntɨ̧ɨ̧ mɔb ane Yesò àli àgème.

ÀfaꞋa 9:31

Eyaa wu ndɨ a li tsè ka chɔsì wu a èlaꞋ a Jùdià, bɔ̂ Galìlî, nè Sàmalìà la e nyaꞋa ntsèke ntsɔ̧̀ la. Bɔ̀ li nkwèèlê, nkwèꞋnê ntàꞋa yaãaã, mbɨ̀Ꞌɨ̀ bɔ li ngua ntsèkâ ntsàꞋta a Tè Yesò la. A li ngu a èlɨ̀ waa nkàà nê Fo Kèfə li ngu ane yɔb.

Lûm 16:3

Bɨ̀ tsàꞋta Plìsilà bɔ̂ Àkwilà, è wu bòt baa tò ba àa fàꞋà nɔ̂ abua Yesò Klistò la.

Lûm 16:5

Bɨ̀ tsàꞋte bòt chɔsì bu bɔ̀ɔ mbù̧ù̧ta a lob yɔb la mɨ̧̂. Bɨ̀ tsàꞋtè ngule shu̧ yaã Èpanetùs. Wu wòt mbì tà li ndzì èntɨ̧ɨ̧ vi ane Yesò Klistò àlaꞋ a Esìà la.

Lûm 5:7

Wu ànəa kekweelè wòt nàa pfə ambo wòt tàa ndzèa tò nê tà tɨ̧ɨ̧ ndɨŋndɨ̀ŋ la, mbɔ̂ a teko betsiꞋa wòt pfəa ambo wòt ntsɔ̧̀.

1 Kɔlìn 16:1

Maà nkɨ làꞋa ane ànəa màfeta èkab e nɨ tɨŋe bòt Mbɔ̧ɔ̧mà bu a Jèlusalèm la, nê, bɨ bɔ ndɨ bɨ̀a ghɨ̀ àghɨa e ndi shu abua bèchɔsì bu a Gàlashìà nê bɔ̀ me ghɨ̀ la.

1 Kɔlìn 7:17

Mbɨ̀Ꞌɨ̀ àa la, waa waa me ghɨ̀ wuê àghɨa Mbɔ̧ɔ̧mà li ŋǎ abua tò la, mè me tseke wuê mbɨ̀Ꞌɨ̀ tà li ngu ka Mbɔ̧ɔ̧mà naa tɔ atò ane wòt vi la. Eyaa wu àghɨa màa nyɨ̀Ꞌta bèchɔsì a èdzìꞋ ègème la.

Filìpȩ 2:30

nkàà nê tà li ndaa epfə ane àghɨa tà li ngua ngɨ̀à ane yaã ane èlen Yesò Klistò la. Tà li ngua ngɨ̀à ale mbɨ̀Ꞌɨ̀ eŋa am ètɨŋe wu bɨ̀ambɔŋ e li ngu eŋa ka bɨ̀ ka wu a si ŋaa la.

1 Tèsàlonikà 2:14

Bɔnyɨ bɔ̧, àghɨ yu a li ngɨ̀ ane bèchɔsì Mbɔ̧ɔ̧mà bu a Jùdià bè wu àghɨ yeamɔꞋ nè Yesò Klistò la, a bê ngɨ ane yɨ̧. Bòt àlaꞋ ayɨ̧ e li ngua nkɨà àtsəa yɨ̧ enɨ wuê mbɨ̀Ꞌɨ̀ Bèjuê e li ngua nkɨà àtsəa bòt Jùdià enɨ la.

1 Jɔ̌n 3:16

Baa me ko àghɨa èkɔŋ è wu yùà la ale, ngu ndɨ̀ wu Yesò Klistò li ŋà àtsəa zi ane ànəa ya la. È wu ale, bàambɔŋ e bɔ ndɨ bàa ŋa ètsə ba ane ànəa bɔnyɨ ba mɨ̧̂ la.

Ètsə 1:4

Àkatè yaa shɨa Jɔ̌n: Abua bèchɔsì bu basà̧à̧mbe àlaꞋ a Esìà la. Maà shù̧ù̧ta nê Mbɔ̧ɔ̧mà nyɨꞋte a ntsɔ̧̀ vi abua yɨ̧, ngɨ̀ àlàŋkè à wua mèntɨ̧ɨ̧ mɨ̧. Wu tòà wu tàa və, tà li ndzaŋe wu, mè ngu li ekɨꞋɨ la. Ntsɔ̧̀ waa nè àlàŋkè yaa a mè ndzəa abua fote Mbɔ̧ɔ̧mà tu tesà̧à̧mbe te tɨ̧ɨ̧te a mbì àtɨ̧a kèfɔ̧̀ a tò la.