Lûm 16:25 - Mundani

²⁵ Bàa ŋa mèngùꞋte abua Mbɔ̧ɔ̧mà! Tà bɔ mètàŋ e ghɨ̌ bɨa me kweele mbɨ̀Ꞌɨ̀ Ntu̧ Ntsɔ̧̀ nàa shua la. Ntu̧ Ntsɔ̧̀ mbɔŋ wu ntu̧ yu màa ndàꞋà ane ànəa Yesò Klistò la, è wu nkûŋ yu bɔ li bɔ̀ ka ko ànəa yùà ane mèngùꞋ nyaŋ è tsè la.

Lûm 16:25 Iomraidhean Croise

Matìù 13:17

Ane nkûŋ, tsiꞋ è shu awɨ̧ nê, bèndàꞋàtɔŋ Mbɔ̧ɔ̧mà nyaŋ, nè bòt mènəè ntsɔ̧̀ e li ngua ntsènà è nkɨ eye àghɨa bɨ̀a ndzèa la ka bɔ̀ ka ye, mè nkɨ ezə àghɨa bɨ̀a ndzəèa la, ka bɔ̀ ka zə.

Matìù 13:35

Tà li ngɨ̀ anè, mbɨ̀Ꞌɨ̀ e ghɨ̌ àghɨa ndàꞋàtɔŋ Mbɔ̧ɔ̧mà li shu la aa wu nkûŋ nê, “Maa me laꞋa abua yɔb ane mèngà̧teme. Maa shu awɔb èghɨ kà bɔ li te mè ko, ebuꞋu tee àfɨꞋa Mbɔ̧ɔ̧mà li ngɨ̀ ngɔ̀ŋ la.”

Matìù 20:7

“Bɔ bɨ̀ɨ̀lè nê, ‘Wu ndɨ wòt tà kɨa waa eŋa awa àfàꞋ la è ntsě la. Tà tsiꞋi shu abua yɔb nê: “ ‘Bɨ̀ ghà yɨ̧ a mbȩ me faꞋa mɨ̧̂.’

ÀfaꞋa 20:32

“Àfɨ̀Ꞌ yaa, mâ zì àwɨ̧ a tèkitebu Mbɔ̧ɔ̧mà me shu̧u̧te nê èngǎ̧ tò wu àa nyɨ̀Ꞌta ndɨ tàa nkɔ̀ŋkà bɔbȩ la è ghɨa bɨ̀ me kweele. Taa ko lɔ̀ktè awɨ̧ e mě ŋà àwɨ̧ èlɔ̂t wu tà paŋe abua bòt bi bàgème la.

ÀfaꞋa 9:20

Tà li ndɔ̀Ꞌɔ abot mbê ngà nè lob Mbɔ̧ɔ̧mà Bèjuê mbùꞋ me làꞋà mènəè Yesò, shua nê, “Tà wu Waã Mbɔ̧ɔ̧mà.”

Lûm 11:25

Bɔnyɨ bɔ̧, ànəa ndò̧ àko aa və màa nkɨà bɨa ko la, mbɨ̀Ꞌɨ̀ bɨa baka wua mɨ̀ɨ̀tà nê bɨ ko nyaŋ. Ànəa mbɔŋ wu nê, àtsəa kekweelè Bèjuê à ka li wu àfɨ̀Ꞌ àgème a. Aa li lìa àfɨꞋa kèmpà̧ bòt kà wu Bèjuê bu Mbɔ̧ɔ̧mà làà àwɔb la, è kùꞋù la.

Lûm 14:4

À wu wà e me bàŋe wafàꞋ wòt tsa à? Wu Mbɔ̧ɔ̧mà tò ka tàa shu laꞋnê tà ghɨ ntsɔ̧̀ kò kàbɔ̀ŋ leꞋ la. Taa tɨ̧ɨ̧, nkàà nê Tǎt wa Mbɔ̧ɔ̧mà bɔ mètàŋ e ghɨ̌ taa tɨ̧ɨ̧.

Lûm 16:24

Maà ntsàꞋtà nê Yesò Klistò Lefɨ̀Ꞌ wa nyɨꞋte a ntsɔ̧̀ vi abua yɨ̧ bɨ̀agème. Àmèn.]

Lûm 2:16

Ntu̧ Ntsɔ̧̀ yu màa ntsɔ̀tà la nàa shua nê, eyaa wu ndɨ bɔ̀ɔ li lo esaꞋa bòt ane àli yu Mbɔ̧ɔ̧mà nàa ghɨ̌ Yesò Klistò naa saꞋa mènəè ndò̧ mu a mèntɨ̧ɨ̧ bòt la.

1 Kɔlìn 1:23

È me wu awa ba me làꞋa ndɨ bɔ wu̧u̧te a Yesò Klistò a mbɨ̧̀ mbasa la, è wu ànəa èbèm lu̧u̧me abua Bèjuê, mè ngu àghɨ̧̀ɨ̧̀nè abua bòt kà wu Bèjuê la.

1 Kɔlìn 2:7

Ba làꞋà ànəa èyǐ Mbɔ̧ɔ̧mà wu tà lè yaã ndò̧ la. Ngɔ̀ŋ li me bùꞋu tà yaŋe taŋke ayaa mbɨ̀Ꞌɨ̀ baa bɔ e waa ne èghàb ane ènɨ̧ tò.

1 Kɔlìn 4:1

Bɨ̀ me nɨ awa mbɨ̀Ꞌɨ̀ bòt Yesò Klistò zì mènəè mi mu è li ngu mènəè ndò̧ la a tèkitebu tɔb nê bɔ̀ me nyɨꞋte la.

2 Kɔlìn 4:3

È wu nê Ntu̧ Ntsɔ̧̀ yaa ba làꞋà la wu mbɨ̀Ꞌɨ̀ ànəa bɔ kaba la abua bòt ko, ko wu ànəa bɔ kaba la abua bòt bu nga eleme la.

2 Kɔlìn 4:5

Èngà̧ waa ba làꞋà la, ba ntsea nkɨ shu àghɨa bà wu yùà la. Ba làꞋà ànəa Yesò Klistò, shua nê tà wu Tǎt àtsəa bòt bàgème, è me wu awa ba wu bɔfàꞋ bɨ̧ nkàà a Yesò Klistò.

Gàlashìà 2:2

Maà ngà ale ngu ndɨ Mbɔ̧ɔ̧mà ghaꞋtè nyɨ̀Ꞌte am nê è nga la. Mâ ghǎ abàꞋ və ale ngàꞋte Ntu̧ Ntsɔ̧̀ yu màa ndaꞋa abua bòt bu bɔ̀ baka ko a Mbɔ̧ɔ̧mà la shu awɔb. Maà ngɨ̀à ale mbɔ̂ ndàꞋà wuê a ntsèm abua bɔɔjuŋ, màa mbɔ̀ɔ mbɨ̀Ꞌɨ̀ àfaꞋa e fàꞋà la, nè àyea e ndi ndzaŋe fàꞋà la a tsè àku la.

Efesɔ̀s 1:9

Tà gha ambo èlɨ̀ wu tà bɔ èyì mè nko àghɨ àgeme la, ngɨ̀ ba koê èghɨ ndò̧ tò bu bòt e li bɔ̀ ka ko la. Tà li ndzaŋe taŋke ndɨ Yesò Klistò nàa ghaꞋa èlu̧ bòt aa ko la.

Efesɔ̀s 3:11

Mbɔ̧ɔ̧mà li ngɨ̀ àyaa wuê mbɨ̀Ꞌɨ̀ tà li ndzaŋe taŋke a mèmbùꞋu la. Tà li ngɨ̀ Yesò Klistò Lefɨ̀Ꞌ wa ghɨ̀ a tsè wuê mbɨ̀Ꞌɨ̀ tà li ntàŋke la.

Efesɔ̀s 3:9

ÀfàꞋ am li mè ngu a màngɨa bòt bàgème aa ye ndɨ Mbɔ̧ɔ̧mà nàa ghɨ̌ ànəa ndò̧ àzi ya aa wu la. Mbɔ̧ɔ̧mà wu tà ghɨ àghɨ àgème la li ndò̧ ànəê yaa abua bòt tê àfɨꞋa mbì.

Efesɔ̀s 6:19

Bɨ̀ me tsàꞋta Mbɔ̧ɔ̧mà ane yaã mɨ̧̂, nê àfɨ̀Ꞌ àgème màa ndàꞋà la Mbɔ̧ɔ̧mà me shu am àghɨa màa me làꞋà la, mbɨ̀Ꞌɨ̀ maa làꞋà kà ye kèbɔɔ e ghɨ̌ bòt aa ko ànəê ndò̧ yu ane Ntu̧ Ntsɔ̧̀ Yesò Klistò la.

Kɔ̀losìà 2:2

E ngɨ̀à ale mbɨ̀Ꞌɨ̀ enɨ lɔ̀ktè mèntɨ̧ɨ̧ mɨ̧, e ghɨ̌ bɨa tsiꞋi bòt bɔ̀ɔ ndâ nkɔ̀ŋkà bɔnyɨ bɔb tè ntsìꞋi àghɨ yeamɔꞋ la. A wu anè ko bɨa lâ eko nkûŋ ane ànəê yu Mbɔ̧ɔ̧mà li ndò̧, ka me wu àfɨ̀Ꞌ yaa ngɨ̀ ba ko la. Nkûŋ ya wu ane ànəa Yesò Klistò zìambɔŋ.

Kɔ̀losìà 4:3

Bɨ̀ me tsàꞋte a Mbɔ̧ɔ̧mà ane ya mɨ̧̂, mbɨ̀Ꞌɨ̀ tà wu ghaꞋa wa èlu̧ baa me làꞋa èngǎ̧ tò wu è wû ànəa ndò̧ ane ànəa Yesò Klistò la abua bòt. Wu ànəa èngǎ̧ mbɔŋ ka a ghɨ̂ e ngu a tèfȩ anè la.

1 Tèsàlonikà 3:13

Bɨ me ghɨ̀ ane ko Mbɔ̧ɔ̧mà naa zì mèntɨ̧ɨ̧ mɨ̧ e mě ghɨ̌ bɨa tsiꞋi bòt tò nènkèm mbɨ̀Ꞌɨ̀ è li e wu ane àli yu Yesò Lefɨ̀Ꞌ wa nàa kɨꞋɨ ne bòt bi bàgème la, bɨ tɨ̧ɨ̧ a mbì Tǎt wa Mbɔ̧ɔ̧mà kà ye àghɨa wòt nàa fèèlè àwɨ̧ adù̧ la.

2 Tèsàlonikà 2:14

Tà li nɨ Ntu̧ Ntsɔ̧̀ zi yu ba li ndaꞋa abua yɨ̧ la, ntɔ awɨ̧ nê bɨ̀ wu bòt bi mbɨ̀Ꞌɨ̀ bɨa bɔ ènɨ̧ wu ane Yesò Klistò Lefɨ̀Ꞌ wa la.

2 Tèsàlonikà 3:3

Tǎt wa Yesò wu wòt betsiꞋa bɨ lɨ̀Ꞌà wɨ̧ ane tò la. Tàà ghɨ̌ mèntɨ̧ɨ̧ mɨ̧ na me kweele e mèe me baabe awɨ̧ abua Satàn wòt kàbɔ̀ŋ.

2 Tɔ̀màtià 1:9

Mbɔ̧ɔ̧mà li ŋà àwa ngule mèmpème mi, mè ndȩ̀ àwa nê, bà wu bòt ebi. Tà li tà kà wua ndȩ̀à àwa nê, ba ghɨ ànəa ntsɔ̧̀ ako. Tà li nkɔ̀ŋkè nê yea lȩ̀ àwa mbɨ̀Ꞌɨ̀ eyɨꞋte a ntsɔ̧̀ vi abua ya. È li ngu àfɨꞋa kà ngɔ̀ŋ ya bùꞋ, tà taŋke nê yea li etsàa Yesò Klistò, taa kɨꞋɨ e ghɨ̌ baa wu bòt tò.

2 Tɔ̀màtià 2:8

Me ku̧u̧te a Yesò Klistò, tà li mpfə mè njù̧ù̧mê la. Tà lè wu wòt àndǎ̧ Fɔ̧̀ Dàbid, mbɨ̀Ꞌɨ̀ Ntu̧ Ntsɔ̧̀ yàa e ntsɔ̀tà la nàa nyɨ̀Ꞌta la.

Tȩtɔ̀s 1:2

e mě zǐ ntɨ̀ yɔb ane Mbɔ̧ɔ̧mà mbɨ̀Ꞌɨ̀ taa ghɨ̌ bɔɔ bɔ mèmpème kàlìà. Ngɔ̀ŋ li me laꞋ nê yeà mbùꞋà, Mbɔ̧ɔ̧mà wu tàa ka fɨ̀te la yaŋe kàꞋà àwa mèmpème màa.

Ebùlù 7:25

Ale, betsiꞋa Yesò ko ngɨ̀ bòt bu tà ghɨ̂ bɔ kɨꞋɨ abua Mbɔ̧ɔ̧mà la, e peme nènkèm nkàà nê, tàà ntsèka ndɨ̀à ànəa yɔb a mbì Mbɔ̧ɔ̧mà àli àgème.

1 Pità 1:20

Mbɔ̧ɔ̧mà li me laꞋnê yea ngɨ̀à ngɔ̀ŋ, ndaa Yesò mbɨ̀Ꞌɨ̀ wòt tàa li kɨꞋɨ e ghɨ̌ bɨa bɔ mèmpème la. Tà li ngua nkɨ̀Ꞌa mbɨ̀Ꞌɨ̀ e ghɨ̌ bɨa bɔ mèmpème àfɨ̀Ꞌ yaa ngɔ̀ŋ tsiꞋa ndìà lìa la.

1 Pità 5:10

Bɨ̀ ko nê ngoꞋ yaa bɨ yea la wu wuê ane àtem àfɨ̀Ꞌ àko, mbɔ̂ Mbɔ̧ɔ̧mà wu tàa ntsèka nkua tèsȩ tɨ̧ la naa tsì àwɨ̧ a èbem tùà. Tà li nɨ̀ àwɨ̧ ngɨ̀ bɨ Yesò Klistò ba e tsiꞋi àghɨ yeamɔꞋ mbɨ̀Ꞌɨ̀ bɨa li ebɔ mèngùꞋte tò mu kà wu li elìa la. Taa ghɨ̌ bɨa kùꞋu ane mènəè tò etɔ̀kè àwɨ̧ bɨa nèète ntɨ̧ɨ̧ me kweele ka wu ekwene.

Ètsə 10:7

ÀfɨꞋa wantu̧ Mbɔ̧ɔ̧mà wu, è wu we basà̧à̧mbe la è tɔ èsɔndɨk li la, mènəè ndò̧ Mbɔ̧ɔ̧mà nàa te, mbɨ̀Ꞌɨ̀ tà li shu bɔfàꞋ bi bu, è wu bèndàꞋàtɔŋ tò la, nê naa wu la.”