Lûm 16:2 - Mundani

² Bɨ̀ sèe atò mbɨ̀Ꞌɨ̀ wòt Yesò, ane èlɨ bòt Mbɔ̧ɔ̧mà àa sèe bɔnyɨ bɔb la, mè ŋa tò àghɨa àgème tàa nkɨ̀ŋkà la, nkàà nê tà taꞋa tɨŋe bòt nyaŋ, è fɔ̀ɔ̀lè am.

Lûm 16:2 Iomraidhean Croise

Matìù 25:40

“Bɔ biite ale ko fɔ̧̀ wu naa bɨ̀ɨ̀le èngǎ̧ wɔb laꞋnê ‘Ane nkûŋ, tsiꞋ è shua wɨ̧ nê mbɨ̀Ꞌɨ̀ bɨ li ngɨ̀ ane we tà lìa à kwèn ane bɔnyɨ bɔ̧ baa la, bɨ li ngua ngɨ̀à abua am’.

ÀfaꞋa 9:13

Ànàniàs bɨ̀ɨ̀lè nê, “Tè Yesò, bòt nyaŋ e taꞋa làꞋa ànəa mbê waa, e dzə. Bɔ shu èwuu èbɨꞋte èghɨ ègème tà ghɨ ane bòt Mbɔ̧ɔ̧mà a Jèlusalèm la mɨ̧̂.

ÀfaꞋa 9:15

Tè Yesò mè shu abua Ànàniàs nê, “Ghà wuê ghǎ, nkàà nê mâ lȩ̀ atò nê tà faꞋa àfàꞋ am. Nê tà tɨŋe bòt kà wu Bèjuê bɔ̂ bèfɔ̧̀ bɔb, nè bòt Izəèlȩê bàgème bɔ ko wòt è ngu wùà la.

ÀfaꞋa 9:36

Àvi kǒ li ngu a Jopà, èlen tò wu Tàbità, tà wu wakatè Yesò la. (Ane ndɨ̧ Glɨ̂k èlen tò lu wu Dɔkàs, ngua shua nê tà wu èmvə.) Tà li ntàꞋa wua ngɨ̀à ntsɔ̧̀ mè ntɨ̀ŋa bòt ntseb àfɨ̀Ꞌ àgème.

ÀfaꞋa 9:39

Pità bê ndɔ̀Ꞌ a si ngà bɔ̂ tò ba. AfɨꞋa tà tà nyi abot la, bɔ nɨ atò nkɔꞋ ngà àtsəa lob a ègwet yu bɔ̀ le nɔŋa mpfəà wu a èbèm la. Bènempfə be li ntaꞋa kɨꞋɨ̀ ngààle atò abot, me dɨ̀a nyɨ̀Ꞌta atò ndìte èten tɔb bɔ̂ te ègwet, è wù te Dɔkàs wu le ghɨ àfɨꞋa tà bele ka pfə la.

ÀfaꞋa 9:41

Pità tsàà àbu azi ntɨ̀ŋe atò, tà lɔ̀Ꞌɔ a si. Tà tɔ bòt Mbɔ̧ɔ̧mà nè bènempfə bu ŋa atò tà yu̧u̧me la abua yɔb.

Lûm 15:7

Ale, bɨ̀ me baãaã bɔnyɨ bɨ̧ ntsɔ̧̀ wuê mbɨ̀Ꞌɨ̀ Yesò Klistò li mbà̧aã àwɨ̧ la, mbɨ̀Ꞌɨ̀ bòt aa me ŋa mèngùꞋte abua Mbɔ̧ɔ̧mà.

Lûm 16:15

Bɨ̀ tsàꞋte Fìlologùs nè Julià nè Nelùs bɔ̂ wanyɨ vi waàvi, nè Olimpàs mè nè bòt Mbɔ̧ɔ̧mà bu bàgème bɔ̀ wu bɔ̂ tò ba la.

Lûm 16:23

Gayɔ̀s wu màa ntsèka a lob tò la nè bòt chɔsì bàgème bɔ̀ɔ mbù̧ù̧tà a lob tò la aà ntsàꞋtà àwɨ̧. Èlastùs wu tà wu wòt tàa mpàŋa èkab àpfəèà nɨ̧ yaa la bɔ̂ wanyɨ wa Kwatùs aà ntsàꞋtà àwɨ̧. [

Lûm 16:6

Bɨ̀ tsàꞋte Màlià wu tà taꞋa fàꞋa abua yɨ̧ la.

Lûm 16:9

Bɨ̀ tsàꞋtè Yubanùs, è wu wòt bàa tò ba àa fàꞋà abua Yesò Klistò nɔ̂ la, mè ntsàꞋtè ngule shu̧ yaã Stachis.

Efesɔ̀s 5:3

Bɨ wu bòt Mbɔ̧ɔ̧mà, è wu ale bɨ̀ ka mbê nkèm ànəa mànkuŋa bèzi kò mbâ̧tsə leꞋ a kètsìà wɨ̧, bɔ̀ ka mè ndàꞋà ànəa kàbɔ̀ŋ kò aghàbà leꞋ a kètsìà la.

Filìpȩ 1:27

Ànəa nɨ̧ àfɨ̀Ꞌ yaa wu nê, bɨ̀ me ghɨ̀ mènəè mɨ̧ ègème wuê mbɨ̀Ꞌɨ̀ Ntu̧ Ntsɔ̧̀ Yesò Klistò nàa nkɨà la. Bɨ̀ ghɨ̀ ale, mbɨ̀Ꞌɨ̀ è nkɨꞋɨ e ndze awɨ̧, kò è mbaka nkɨ̀Ꞌɨ̂ leꞋ, e ndzə ndɨ bɨ̀a nèètà mbǎ̧ èngǎ̧ Yesò Klistò nè èntɨ̧ɨ̧ wɨ̧ wemɔꞋ la. Mè ndzəâ ndɨ bɨ̀a fàꞋà nè ètsəê wemɔꞋ mbɨ̀Ꞌɨ̀ bɨ fɔtà nùà nê Ntu̧ Ntsɔ̧̀ Yesò Klistò me ghà nê mbì la.

Filìpȩ 2:29

È wu ale, taa kɨꞋɨ, bɨ taꞋa sèe atò nè mèngùꞋte, ndɨ̀ wu bɨ tò ba è wu bòt Yesò Klistò la. Bɨ ye a wòt mbɨ̀Ꞌɨ̀ tòà ale, bɨ ŋa kènuke abua tò,

Kɔ̀losìà 4:10

Àlistakùs wu ba tò è wu a tèfȩ nɔ̂ la nàà ntsàꞋtà wɨ̧. Mak wu tà wù waã wanyɨ Bànabasì la nàà ntsàꞋtà wɨ̧ mɨ̧̂. Bɨ ko nê mâ yaŋe shua wɨ̧ ndɨ bɨ yea Mak bɨ ghɨ̀ la. Ale, taa kɨꞋɨ bɨ sèe atò.

1 Tɔ̀màtià 2:10

Ka bɔ me ghɨ̌ wuê mènəè ntsɔ̧̀ nàa nyɨ̀Ꞌte nê bɔ wu bèzi bɔ̀ɔ ngùꞋtà a Mbɔ̧ɔ̧mà la.

2 Tɔ̀màtià 1:18

Maà shù̧ù̧ta nê Tǎt wa Yesò li nkù tèsȩte tò ane àli yu Tǎt wa mbɔŋ nàa li mě ekɨꞋɨ la. Àwɔ̀ mbɔŋ à ko nê, Ònesìfolùs li ntàꞋa tɨŋe am àfɨ̀Ꞌ yu e ndi ngu a Efesɔ̀s la.

Tȩtɔ̀s 2:3

Shu abua bèzi juŋ mɨ̧̂ nê, bɔ̀ me ghɨ̀ mènəè mɔb wuê mbɨ̀Ꞌɨ̀ Mbɔ̧ɔ̧mà nàa nkɨ̀a la. Bɔ̀ ka me tsòkè tèlente bòt, kò ngu èbaala mèlùꞋ leꞋ. Bɔ bɔ ndɨ bɔ̀ɔ me nyɨꞋte mènəè ntsɔ̧̀ la,

Fȩlemùn 1:12

E ngua anè mvəèà tò wu tà tsiꞋi kwàꞋ èntɨ̧ɨ̧ am la abua yê.

Fȩlemùn 1:17

À yea nê ba nè e wu bɔfàꞋ Mbɔ̧ɔ̧mà, à nɨ atò mbɨ̀Ꞌɨ̀ ndɨ nàà ngu mmɔ̌ ko à nɨ am la.

2 Jɔ̌n 1:10

È wu ale, wòt kɨ̀Ꞌɨ̂ a lob yê me làꞋa èngǎ̧ ko tsa ka nè è waa Yesò li nyɨ̀Ꞌte la, à ka sèè atò. À ka ndem ntsàꞋte atò.