Lûm 16:18 - Mundani

¹⁸ Èwuu bòt mbɔŋ è ka faꞋa abua Yesò Klistò Lefɨ̀Ꞌ wa, bɔ fàꞋà wuê abua tèbêm tɔb. Bɔɔ nɨa mèngǎ̧ ntsɔ̧̀ nè àvəèəèlè fɨ̀ta bòt bu bɔ̀ɔ ka kwaꞋte mènəè ntsɔ̧̀ la.

Lûm 16:18 Iomraidhean Croise

Matìù 24:11

Bòt nyaŋ aa li lɔ̀Ꞌte a si àfɨꞋa mbɔŋ e me fɨta shua nê bɔ wu bèndàꞋàtɔŋ Mbɔ̧ɔ̧mà, ngɨ̀à bòt e fà̧à̧tà èka bɔb.

Matìù 24:24

Bòt aa li lɔ̀Ꞌte a si me fɨta shua nê bɔ wu Fɔ̧̀ mbɔŋ e mě me fɨta shua nê, bɔ wu bèndàꞋàtɔŋ Mbɔ̧ɔ̧mà. Bɔɔ li ghɨ̀ èghɨ a nyɨ̀Ꞌta mètàŋ Mbɔ̧ɔ̧mà la, e mě lute tèkaŋtsə mbɨ̀Ꞌɨ̀ efɨte banɔ̧̀, te e me nyɔ̀Ꞌte a màfɨta bòt Mbɔ̧ɔ̧mà na èlu̧ e wuà la.

Matìù 6:24

“BetsiꞋa wòt kà ko fàꞋ abua bètǎt àfàꞋ babe, nkàà nê tà bakà wua mpààbà wekǒ, nkɔ̀ŋkà wekǒ, ko taa me zə wekǒ ngwàa wekǒ. BetsiꞋa wòt kà me kùŋe a Mbɔ̧ɔ̧mà mè nkùŋà èkab.

Matìù 7:15

“Bɨ̀ me ko awɨ̧ mbɨ̀Ꞌɨ̀ bèndàꞋàtɔŋ Mbɔ̧ɔ̧mà fɨte e nyi ayɔɔ yɨ̧. Bɔ̀ɔ ngɨ̀ bɔ me nyɨꞋte nê bɔ̀ɔ njùa ane mènəè mɔb mbɨ̀Ꞌɨ̀ njɨ̀tsə, ka mbɔ̂ ngu a èbem mbɨ̀Ꞌɨ̀ ngwitenyà̧.

Jɔ̌n 12:26

Wòt me kɨ ewu wafàꞋ am, tà bɔ̌ ndɨ tàa me kùŋè am la mbɨ̀Ꞌɨ̀ àdziꞋa màa və la, ŋut wu àzi abot mɨ̧̂. Wòt me fàꞋa abua am ko Tǎt am naa me ŋa kènuke abua tò.”

Lûm 14:18

Wòt tàa fàꞋà abua Yesò Klistò a èlɨ̀ waa la, wu wòt èntɨ̧ɨ̧ Mbɔ̧ɔ̧mà àa mbɔ̀ ane tò la, bɔbȩ e mè ngu me làꞋa a ntsɔ̧̀ adù̧ tò.

Lûm 16:19

Wòt ègème è zə ndɨ bɨ̀a ngɨ̀à àghɨa Ntu̧ Ntsɔ̧̀ Mbɔ̧ɔ̧mà shu la, tè a taꞋa bɔ̀ am mɨ̧̂. Maà nkɨà nê bɨ̀ bɔ èyì a mànkoa àghɨa àa mbɔ̀ la, mè ngu mbɨ̀Ꞌɨ̀ bòt kà ko àghɨ a màngɨa kàbɔ̀ŋ.

2 Kɔlìn 11:3

Maà mbɔ̀ɔ nê bòt ko aa fɨte awɨ̧ mbɨ̀Ꞌɨ̀ Satàn nyà̧kàbɔ̀ŋ li nɨ̀ àŋɔꞋte fɨ̀te a Ive la, etsòkè ètsə bɨ̧, bɨa baka tsi ŋà wɨ̧ nè èntɨ̧ɨ̧ wemɔꞋ abua Yesò Klistò.

2 Kɔlìn 2:17

È me wu awa ko ba ntsě mbɨ̀Ꞌɨ̀ bòt ko bɔ̀ɔ ndàꞋà èngǎ̧ Mbɔ̧ɔ̧mà wuê ambo èkab la. Ka ndɨ̀ wu è wu Mbɔ̧ɔ̧mà ka tà tsàà àwa baa mè ngu a mbì tò la, baa ndàꞋà èngǎ̧ tò nè èntɨ̧ɨ̧ kèfə, mbɨ̀Ꞌɨ̀ bɔfàꞋ Yesò Klistò.

2 Kɔlìn 4:2

Ba tu̧u̧ mènəè àtsəa kɔꞋɔ mu bɔ̀ɔ ngɨa a ntsèm la. Ba tu̧u̧ e ghɨ mènəè nè àfɨte adù̧, bà ka mê ngu enəèꞋə èngǎ̧ Mbɔ̧ɔ̧mà. Ka Mbɔ̧ɔ̧mà ko nê baa ndâ ndzààtà mènəè nkûŋ tò maà ndàꞋà ane ndɨ waa waa nàa ko àghɨa bà wu yùà la.

Gàlashìà 1:10

Tè e ngua àfɨ̀Ꞌ yaa nkɨ èghɨ àghɨa bɔbȩ àa nkɨà la, kò wuê àyea Mbɔ̧ɔ̧mà nàa nkɨà la à? Kò e ngua nkɨ e ghɨ̀ àyea àa bɔ̌ abua wɔ̀bȩ̂ la leè? E ngua ngɨ̀à àghɨa àa mbɔ̀ bɔbȩ la, ko e nte ntsě wafàꞋ Yesò Klistò.

Filìpȩ 2:21

Bòt ko nyaŋ mâ ye la bɔɔ ndzəèa wuê mɔb nè mènəè, wòt kà wuê ane yɔb tàa nkwàꞋtà ànəa Yesò Klistò la.

Filìpȩ 3:19

Bɔɔ li nyɔ, nkàà bɔ nɨ èghɨ mbɨ̧te ènyit tɔb tèa nkɔ̀ŋkà la ngɨ̀ e tsiꞋi mbɨ̀Ꞌɨ̀ mbɔ̧ɔ̧mà. Bɔɔ ngɨ̀à tè ngù̧a nkùꞋ tɔb ane àghɨa ètsə bɔb e wu me kɔꞋɔ adù̧ la. Bèŋût aà nkwàꞋtà wuê èghɨ ngɔ̀ŋ yaa.

Kɔ̀losìà 2:4

E shua wɨ̧ àyaa mbɨ̀Ꞌɨ̀ ka wòt kǒ nɨ ètsəê nendɨ̧ fɨ̀te awɨ̧ ngɨ̀ bɨ fà̧à̧tè èka bɨ̧.

Kɔ̀losìà 3:24

Bɨ̀ me ghɨ ale ndɨ̀ wu bɨ ko nê, Tè Yesò naa li eŋa wɨ̧ àghɨa tà paŋe abua bòt bi la ane àbȩ̀ a yɨ̧, nkàà nê wu Tè Yesò Klistò ka tà wu ngule wòt bɨ faꞋa abua tò la.

2 Tèsàlonikà 2:10

Taa kɨꞋɨ enɨ àbɨꞋta èntɨ̧ɨ̧ efɨte bòt bu nga bê eleme la ane balu̧ bàgème. Bɔ gha eleme nkàà nê, bɔ li bɔ̀ ka wua nkɔ̀ŋkà nkûŋ yu nàa ghɨ̌ bɔɔ peme la.

1 Tɔ̀màtià 6:5

Àyaa aà mè ngɨ̀à bòt bu mèyǐ mɔb nàa ka tsi efàꞋ ntsɔ̧̀, ànəa nkûŋ à ka tsi ngu a èbem lɔb la, e tseka nkàànà wuê mènəè, mɨ̀ɨ̀tà nê e wu wòt Mbɔ̧ɔ̧mà wu alu̧ màmbɔ èkab nè èghɨ ko tsa nyaŋ.

Jimsì 1:1

Letà Jimsì wafàꞋ Mbɔ̧ɔ̧mà bɔ̂ Yesò Klistò Lefɨ̀Ꞌ, Abua bòt Mbɔ̧ɔ̧mà bu bɔ taatè me tseke a èdziꞋ èdziꞋ a ngɔ̀ŋ ŋaa la. Maà ntsàꞋtà àwɨ̧.

2 Pità 2:3

BènyɨꞋtà fɨte bàa aa gha ambo èlɨ̀ wu bɔ̀ɔ nkɨ me nɨ nɨ la, me dèbè mètaã mɔb mènəè kɔ̀Ꞌa bɔ shua mbɨ̀Ꞌɨ̀ enɨ èghɨ àku abua yɨ̧. Bɔ li mbê ndzaŋe saꞋa awɔb tè ndɔ̀Ꞌ, tè Mbɔ̧ɔ̧mà wu tàa eliime awɔb la tsiꞋì àtatsi nchɨ̀Ꞌà.

Jûd 1:1

Letà Juêd, wɔ̀fàꞋ Yesò Klistò, wanyɨ Jimsì, Abua bòt bu bàgème Tǎt waa Mbɔ̧ɔ̧mà làà àwɔb ane bòt bi me nèèta nkɔ̀ŋkè àwɔb, Yesò Klistò mè me baabe awɔb la.

Jûd 1:12

Bòt ba aà ndòa mèkù mɨ̧ ndɨ̀ wu bɔ̀ɔ njɨ̀a bɨ tò ba àdziꞋa bɨ bù̧ù̧te ane èkɔŋ me jɨ èpǎ̧ wɨ̧ la, nkàà nê bɔɔ ngɨ̀à mènəè àtsəa kɔꞋɔ a kètsìà wɨ̧ mè ndzəa wuê è tɔb nè tèbèm. Bɔ wu mbɨ̀Ꞌɨ̀ mbɨ̀ŋ è kɨɨlà àfeme àa nɨa ndèa la, mè ngu mbɨ̀Ꞌɨ̀ èyɨt kà wua nkɔ̀ɔ̀la àfɨꞋa èyɨt àa nkɔ̀ɔ̀la la. Bɔ pfəꞋte nenkèm wuê mbɨ̀Ꞌɨ̀ èyɨt bɔ tsɔꞋte ne tèghàŋtsə la.

Jûd 1:16

Bòt baa aà ntsèka ndèmà a tèbèm tɔb, fèèlà bòt. Bɔɔ ngɨ̀à mènəè wuê mbɨ̀Ꞌɨ̀ mbɨ̧te ènyit tɔb tèa nkɨà la, ngwàbta mètsəê mɔb ngù̧a nkùꞋ tɔb. Bɔɔ fɨ̀ta bòt mɨ̧̂ mbɨꞋɨ ejɨ àbȩ̀ akwen yɔb.

Ètsə 1:1

Àkatè yaa a làꞋà ànəa ètsə Yesò Klistò li nyɨ̀Ꞌte abua bɔfàꞋa Mbɔ̧ɔ̧mà, ane èghɨ è bele yaŋe e ghɨ̀ la. Wu Mbɔ̧ɔ̧mà ka tà li ngɨ̀ Yesò koê èghɨ ngaa la. Yesò li ntsàa wantu̧ vi, tà nyɨ̀Ꞌte èghɨ ngaa abua wɔ̀fàꞋ vi Jɔ̌n.