Lûm 16:13 - Mundani

¹³ Bɨ̀ tsàꞋte Lufùs wu Mbɔ̧ɔ̧mà tɔ atò a màfaꞋa abua Tè Yesò, bɔ̂ nyɨ̌ vi wu, tà wu nyɨ̌ am mɨ̧̂ la.

Lûm 16:13 Iomraidhean Croise

Matìù 20:16

Yesò ghɨ̀ ale, ndìà èngà̧ waa nê “Wu wuê a èlɨ mbɔŋ bòt bɔ̀ɔ ndzea wɔb nê bɔ wu a mbì àfɨ̀Ꞌ yaa la àa li tsiꞋi akwèn, èbe bɔ̀ wu akwèn la e tsiꞋi a mbì la.”

Ntu̧ Ntsɔ̧̀ MAK 15:21

Bɔ li ndzèa Simùn wòt Silenè, tǎt Àlèkzandà bɔ̂ Lufùs alu̧ tà dzəa àbâ àlaꞋ àko me kɨꞋɨ àpfəèà nɨ̧ la. Bèshujà bu e baãaã atò, ŋɨ̀Ꞌa tò tà ŋèꞋe mbasa Yesò.

Ntu̧ Ntsɔ̧̀ MAK 3:35

Wòt ègème tàa ngɨ̀à àghɨa Tǎt am a ègwet nàa nkɨà la wu wòt tà wu nyɨ̌ am mè ngu wanɔ̧ la.”

Jɔ̌n 15:16

È ntsě bɨa ka bɨ li ndȩ̀ am la, wu mmɔ̌ mbɔŋ ka e ndi ndȩ̀ awɨ̧ ntsàà nê, bɨ̀ ghǎ ngɨ̀ mènəè ntsɔ̧̀, è wù mènəè ntsɔ̧̀ mu nàa taꞋa tseke la. Bɨ ghɨ̀ ale, ko Tǎt am naa ŋa awɨ̧ àghɨ àgème bɨ lo̧ abua tò ane èlen laã la.

Jɔ̌n 19:27

Mbɔ̂ mè shu abua wakatè wu nê, “Eyaa wu nyɨ̌ wè.” E bùꞋu àfɨꞋa mbɔŋ me ghà ne mbì, wakatè wu nɨa tò, bɔ̂ tò e tsiꞋi me tseke nɔ̂.

Lûm 16:12

Bɨ̀ tsàꞋte Tȩ̀fenà bɔ̂ Tȩ̀fosà, è wu bòt bɔ̀ɔ fàꞋà abua Yesò Klistò la. Bɨ̀ tsàꞋtè ngule shu̧ yaã Pesìs wu tàa ndâ fàꞋa abua Yesò Klistò la.

Lûm 16:14

Bɨ̀ tsàꞋte Àsinklitùs bɔ̂ Flegòn nè Emès nè Pàtèlobàs, nè Emàs mè nè bɔnyɨ ba bu bɔ̀ wu bɔ̂ tò ba nɔ̂ la.

Efesɔ̀s 1:4

Ngɔ̀ŋ li me laꞋ nê nàà mbùꞋà, Mbɔ̧ɔ̧mà lȩ̀a wa mbɨ̀Ꞌɨ̀ baa tsiꞋi àghɨ yeamɔꞋ nè Yesò Klistò, ngɨ̀ àwa ane bòt mènəè ntsɔ̧̀ kà ye àghɨa ko bɔ̀ɔ fèèlè àwa adù̧ la a mbì li.

2 Tèsàlonikà 2:13

Bɔnyɨ, bɨ̀a wu Mbɔ̧ɔ̧mà nàa nkɔ̀ŋkà àwɨ̧ la, ba bɔ ndɨ bàa me kɔ̀ŋka Mbɔ̧ɔ̧mà ane ànəa yɨ̧ àfɨ̀Ꞌ àgème la. Aa ale nkàà nê Mbɔ̧ɔ̧mà li me laꞋ nê yea ngɨ̀à ngɔ̀ŋ, ndàà àwɨ̧ tè ndɔ̀Ꞌ, mbɨ̀Ꞌɨ̀ e ghɨ̌ bɨa peme. Mbɔ̧ɔ̧mà li ngɨ̀ ayaa ane Fo zi yu tà li ngɨ̀ è ghɨ̀ àwɨ̧ bɨ tsiꞋi mbɨ̀Ꞌɨ̀ tòà la, mè nè ndɨ bɨ li ndzì èntɨ̧ɨ̧ ane èngà̧ wu è wu nkûŋ la.

1 Tɔ̀màtià 5:2

mbà̧aã bèzi juŋ mbɨ̀Ꞌɨ̀ bènyɨ̌ bê, mbà̧à̧ bɔɔ̀zi techɨɨle mbɨ̀Ꞌɨ̀ bɔnyɨ bè, à kà bɔ mèmɨ̀ɨ̀te ko tsa.

2 Jɔ̌n 1:1

Letà Wajûŋ ayɔɔ bòt Yesò, Abua Mè wu Mbɔ̧ɔ̧mà làà atò la bɔ̂ bɔ̧ bi. Maà ndâ nkɔ̀ŋkà àwɨ̧ ane nkûŋ yu ane ànəa Mbɔ̧ɔ̧mà la. È ntsě wuê ndàꞋà mmɔ̌ màa nkɔ̀ŋkà àwɨ̧ la, waa waa tà ko èngǎ̧ nkûŋ la nàà nkɔ̀ŋkà àwɨ̧ mɨ̧̂.