Lûm 16:10 - Mundani

¹⁰ Bɨ̀ tsàꞋte Apelès wu tà lâ nyɨ̀Ꞌte nê yeà ndzəèa Yesò Klistò la. Bɨ̀ tsàꞋte bòt lob Alistobulùs.

Lûm 16:10 Iomraidhean Croise

Lûm 14:18

Wòt tàa fàꞋà abua Yesò Klistò a èlɨ̀ waa la, wu wòt èntɨ̧ɨ̧ Mbɔ̧ɔ̧mà àa mbɔ̀ ane tò la, bɔbȩ e mè ngu me làꞋa a ntsɔ̧̀ adù̧ tò.

Lûm 16:3

Bɨ̀ tsàꞋta Plìsilà bɔ̂ Àkwilà, è wu bòt baa tò ba àa fàꞋà nɔ̂ abua Yesò Klistò la.

Lûm 16:7

Bɨ̀ tsàꞋte Àndòlonikùs bɔ̂ Junìàs, è wu bòt àlaꞋ bɔ̧, bàà tò ba e li ngua tèfȩ nɔ̂ la. Bòt e ko awɔb ntsɔ̧̀ ayɔɔ bɔntu̧ Yesò Klistò, bɔ mè ngu bòt bɔ li mbɨ̀ ndzì mèntɨ̧ɨ̧ mɔb ane Yesò ka maa zì èwɔ̧ la.

Lûm 8:11

Fo Mbɔ̧ɔ̧mà wu tà li njù̧ù̧me a Yesò la wu ane yɨ̧, ko Mbɔ̧ɔ̧mà wu tà li njù̧ù̧me a Yesò Klistò la, naa li nɨ Fo zi yu nàa ntsèka ane yɨ̧ la, e ghɨ̌ mbɨ̧te ènyit tɨ̧ tu tèa mpfəèa la, tea yu̧u̧me mɨ̧̂.

1 Kɔlìn 11:19

Ka àghàbtè wu ànəa ntsɔ̧̀ ndɨ̀ wu betsiꞋa a ghɨ̀ bɔ ko bòt nkûŋ ayɔɔ yɨ̧ la.

2 Kɔlìn 12:2

Mâ ko wòt kǒ tà wu wòt Yesò Klistò la. Bɔ li nɨ atò àfɨ̀Ꞌ àko ngà tè ntsè ègwet nga a ègwet àdziꞋa Mbɔ̧ɔ̧mà wù la. Kò ŋut li ngà nè nkèm zi, kò wu wuê àlɨ̀ŋka tò ka a li ngà la leꞋ, ko e mbakà koê, wu Mbɔ̧ɔ̧mà ka tà ko la. Àfɨ̀Ꞌ ya wu èngùꞋebȩ ntsɔ̀b yekwì mbɨ̀Ꞌɨ̀ àyaa a tsè la.

2 Kɔlìn 2:9

E ndi me shɨ awɨ̧ ale ngua nkɨ enyɔ̀Ꞌtè àwɨ̧ eye nê kò bɨ bela ndzə am leꞋ.

2 Kɔlìn 5:17

Ale, wòt nàa ntsìꞋa àghɨ yeamɔꞋ nè Yesò Klistò, tà tsiꞋi wòt fi. Mènəè nyǎꞋ tà li ngua ngɨ̀à la è tsê, mènəè tàa ngɨ̀à la tsiꞋi me fi.

2 Kɔlìn 8:22

Ba wua mè ntsàà wanyɨ wa wòt Mbɔ̧ɔ̧mà ko bɔ̂ tò ba aa kɨꞋɨ nɔ̂. Ba ye ngò̧ nyaŋ nyaŋ nê tà lâ ŋà àvi ane àfaꞋa Mbɔ̧ɔ̧mà. Tàà nkɨ eŋa avi àfɨ̀Ꞌ yaa te tsè ale, nkàà nê tà lâ nko nê, bɨa ghɨ̀ àghɨa bɔ̀ kɨꞋɨ adù̧ la.

Gàlashìà 1:22

È me wu àfɨꞋa mbɔŋ ale, bòt bèchɔsì Yesò bu a Jùdià la è ka lem nko am ane èsi.

Filìpȩ 2:22

È me wu Tɔ̀màtià, ko tà nyɨꞋte mènəè ntsɔ̧̀ mi tè bɨ̀ambɔŋ e ye. Ba tò e li ngua fàꞋà nɔ̂ wuê mbɨ̀Ꞌɨ̀ wòt bɔ̂ waã vi a màntsɔta Ntu̧ Ntsɔ̧̀ Yesò.

1 Tɔ̀màtià 3:10

Bɨ me kɨ ezǐ bòt ane bèdikɨ̀n, bɨ bàŋè àwɔb, bɨ̀ ye nê bɔ kuêꞋ, ka bɨ zì àwɔb.

2 Tɔ̀màtià 4:19

TsàꞋte a Plìsilà bɔ̂ Àkwilà, nè bòt lob Ònesìfolùs ŋa abua am.

1 Pità 1:7

NgoꞋte mbɔŋ te ye awɨ̧ anè, mbɨ̀Ꞌɨ̀ bɔɔ ye nê bɨ zì mèntɨ̧ɨ̧ mɨ̧ ane Yesò nkûŋ nkûŋ. Ka è màà ngu wuê goêl wu è wù àghɨa betsiꞋa a bɨ la, ko bɔ̀ɔ ngɨ̀ bɔ to̧ a èbem èwet, ngɨ̀ mèkɔb mu adù̧ la dzəè. Mèntɨ̧ɨ̧ mɨ̧ mu bɨ zi ane Yesò la, è taꞋa tsèa goêl. Ale, ngoꞋtsə te bɔ ndɨ tèa nyìꞋì àwɨ̧ mbɨ̀Ꞌɨ̀ bɨa paa ezì mèntɨ̧ɨ̧ mɨ̧ ane Yesò la. A wu ale, ko Mbɔ̧ɔ̧mà naa li ewùꞋtè àwɨ̧, e mèe lɔ̀kè èlen lɨ̧ a ègwet ane àli yu Yesò Klistò nàa li kɨꞋɨ la.