Lûm 15:30 - Mundani

³⁰ Bɔnyɨ bɔ̧, maà shù̧ù̧ta wɨ̧ ndɨ̀ wu bàa tsiꞋi àghɨ yeamɔꞋ ane Yesò Klistò Lefɨ̀Ꞌ wa la, mè nè ndɨ̀ wu Fo Mbɔ̧ɔ̧mà è ghɨ̂ baa me kɔ̀ŋkè àwa la nê bɨ̀ fɔte nê nà̧ me lâ ntsàꞋta Mbɔ̧ɔ̧mà ane yaã.

Lûm 15:30 Iomraidhean Croise

2 Kɔlìn 1:11

Bɨ̀a mbɔŋ è me tɨŋe awa mɨ̧̂ ntsàꞋta Mbɔ̧ɔ̧mà. Bɨ̀ ghɨ̀ ale, mbɨ̀Ꞌɨ̀ bòt nyaŋ è dɨ̂ abua Mbɔ̧ɔ̧mà ane ànəa ya, Mbɔ̧ɔ̧mà zəè àtɔŋ èdɨ̂ àyɔb ngɨ̀ ba zə a ntsɔ̧̀. Tà ghɨ̀ ale, bòt nyaŋ e kɔ̀ŋkè atò ane àghɨa tà ghɨ ane ya la.

2 Kɔlìn 12:10

Maà ngùꞋtè am àfɨꞋa è mbaka bɔ mètàŋ la, nè àfɨꞋa bòt àa ntsò̧ò̧tà am la, nè àfɨꞋa màà ndzea ngoꞋ la, nè àfɨꞋa bòt àa nkɨà àtsə am enɨ la, nkàà ànəa Yesò Klistò. Aà ale nkàà nê nàa ngɨ̀ è wu àfɨꞋa è mbaka bɔ mètàŋ la ka Yesò ŋà mètàŋ abua am.

2 Kɔlìn 4:11

Èvə aa ntsèka àfɨ̀Ꞌ àgème nəèꞋa a tèdzi ta mbɨ̀Ꞌɨ̀ bà bela a ngɔ̀ŋ la nkàà ànəa Yesò, mbɨ̀Ꞌɨ̀ bòt aa ye Yesò è faꞋa ane mbɨ̧te ènyit ta bàa bɔbȩ.

2 Kɔlìn 4:5

Èngà̧ waa ba làꞋà la, ba ntsea nkɨ shu àghɨa bà wu yùà la. Ba làꞋà ànəa Yesò Klistò, shua nê tà wu Tǎt àtsəa bòt bàgème, è me wu awa ba wu bɔfàꞋ bɨ̧ nkàà a Yesò Klistò.

Gàlashìà 5:22

Ka èghɨ Fo Mbɔ̧ɔ̧mà nàa ŋǎ la wu èkɔŋ, nè mèngùꞋte, nè àlàŋkè, nè màmbɔɔla èntɨ̧ɨ̧, mànkua tèsȩ nè màngɨa ntsɔ̧̀, nè màndaꞋa nkûŋ,

Efesɔ̀s 6:19

Bɨ̀ me tsàꞋta Mbɔ̧ɔ̧mà ane yaã mɨ̧̂, nê àfɨ̀Ꞌ àgème màa ndàꞋà la Mbɔ̧ɔ̧mà me shu am àghɨa màa me làꞋà la, mbɨ̀Ꞌɨ̀ maa làꞋà kà ye kèbɔɔ e ghɨ̌ bòt aa ko ànəê ndò̧ yu ane Ntu̧ Ntsɔ̧̀ Yesò Klistò la.

Filìpȩ 2:1

Mâ ko nê ndɨ̀ wu bɨ Yesò Klistò ba è tsiꞋi àghɨ yeamɔꞋ la, tàà ndɔ̀ktà mèntɨ̧ɨ̧ mɨ̧, mèntɨ̧ɨ̧ mɨ̧ mè me fi nkàà nê tàà nkɔ̀ŋkà àwɨ̧. Mâ ko mɨ̧̂ nê bɨ Fo Mbɔ̧ɔ̧mà ba e tsiꞋi àghɨ yeamɔꞋ, bɨ mè me kɔ̀ŋkè bɔnyɨ bɨ̧ ndɔ̀Ꞌ nkua tèsȩte waa waa.

Kɔ̀losìà 1:8

Tà li shu awa ndɨ Fo Mbɔ̧ɔ̧mà ghɨ̂ bɨ me kɔ̀ŋkè bòt la.

Kɔ̀losìà 2:1

Maà nkɨà bɨa ko ndɨ màa ndèbà ènyit yaã mbɨ̀Ꞌɨ̀ è ngu etɨŋe awɨ̧ nè bòt Làoêdisìà, nè bòt ko bu bàgème kà li tè mè ye am la.

Kɔ̀losìà 4:12

Èpaflàs wu tà wu wòt kǒ ayɔɔ yɨ̧, mè ngu wafàꞋ Yesò Klistò la nàà ntsàꞋtà wɨ̧. Tà taꞋa wua ntsàꞋta Mbɔ̧ɔ̧mà ane yɨ̧ nè èntɨ̧ɨ̧ vi ègème. Tàa ngɨ̀ tà me tsàꞋte nê Mbɔ̧ɔ̧mà ghɨa mèntɨ̧ɨ̧ mɨ̧ kweele ane ànəa Yesò Klistò, tè àghɨ à ka tsi mbû ane yɨ̧, bɨ̀ mèe nko ndɨ bɨ̀a me ghɨ̌ àghɨ àgème Mbɔ̧ɔ̧mà nàa nkɨà la.

1 Tèsàlonikà 5:25

Bɔnyɨ ba, bɨ̀ me tsàꞋte a Mbɔ̧ɔ̧mà ane ya.

2 Tèsàlonikà 3:1

Bɔnyɨ, enɨ lìa, bɨ̀ me tsàꞋte a Mbɔ̧ɔ̧mà ane ya nê, èngǎ̧ Tǎt wa Yesò è gha àdzìꞋ àgème, bòt è me bɨ̧ɨ̧ne wùà nè mèngùꞋte, mbà̧aã mbɨ̀Ꞌɨ̀ bɔ bɔ ndɨ bɔ̀ɔ baãaã la, mbɨ̀Ꞌɨ̀ e li nkɨ̀Ꞌɨ̂ abua yɨ̧ ngu la.

2 Tɔ̀màtià 4:1

TsiꞋ è neeta shu awê ànəê yaa a mbì Mbɔ̧ɔ̧mà bɔ̂ Yesò Klistò wu tàa li mě ekɨꞋɨ tseke a ègwet atɨ̧ kèfɔ̧̀ vi, esaꞋa bòt, èbe be pfəꞋte la, nè èbe be bele yû̧ la.