Lûm 15:26 - Mundani

²⁶ Bòt Mbɔ̧ɔ̧mà bu a Màsèdonìà la, nè è bu a Akayà la e li ŋa èghɨ abua bòt ntseb bu ayɔɔ bòt Mbɔ̧ɔ̧mà bu a Jèlusalèm la nè mèngùꞋte.

Lûm 15:26 Iomraidhean Croise

Matìù 25:40

“Bɔ biite ale ko fɔ̧̀ wu naa bɨ̀ɨ̀le èngǎ̧ wɔb laꞋnê ‘Ane nkûŋ, tsiꞋ è shua wɨ̧ nê mbɨ̀Ꞌɨ̀ bɨ li ngɨ̀ ane we tà lìa à kwèn ane bɔnyɨ bɔ̧ baa la, bɨ li ngua ngɨ̀à abua am’.

Matìù 26:11

Bɨa me bɔ̂ bòt mbuŋ bɨ tò ba àfɨ̀Ꞌ àgème, ka è nka wu ewu ba nɨ̧̀ ba àfɨ̀Ꞌ àgème.

Lûk 14:13

Ka à me ghɨ̌ èpǎ̧ wè, à kàꞋà wuê bòt ntseb, bɔ̂ bòt bɔ̀ɔ ŋɔ̧̀ɔ̧̀mà la, nè bòt èka bɔb e ŋɔꞋte la, nè bòt àghɨ ayɔb a leme la,

Lûk 6:20

Yesò lɔ̀kè àvi shu abua bɔkatè bi bu nê, “Ntsɔ̧̀ wu bɨ̀a bòt mbuŋ, kèfɔ̧̀ Mbɔ̧ɔ̧mà wu abua yɨ̧.

ÀfaꞋa 16:12

Ndɔ̀Ꞌɔ abàꞋ və, ngȩ̀ȩ̀ne a si nga a Filìpȩ, è wu àpfəèà nɨ̧ a kekweelè àbâ àlaꞋ a Màsèdonìà, mbɔ̂ mè ngu a èten àlaꞋ a bòt Luêm la. Ba ghà ale ntsèke abàꞋ və ane èli nyaŋ.

ÀfaꞋa 16:9

Pɔ̂l lɔꞋ a nyèmtèsi ndzě ndzò̧ me ko, wòt àlaꞋ a Màsèdonìà kǒ tɨ̧̂ me tɔ atò, shua nê, “Tu̧ nkɨ̀Ꞌɨ̂ a Màsèdonìà ntɨ̀ŋe awa.”

ÀfaꞋa 18:12

È li ngu àfɨꞋa bòt Luêm e yɔꞋɔ a Galiò ane gɔvanɔ̀ bòt àlaꞋ a Akayà la, Bèjuê e bù̧ù̧tè mbǎ̧ a Pɔ̂l nɨŋ nga a mbì èsaꞋa.

ÀfaꞋa 19:21

Mbɨ̀Ꞌɨ̀ mènəè maa è tsè la, Pɔ̂l è kwàꞋtè nê yea ghǎ a Màsèdonìà, nga àlaꞋ Akayà, mbɔ̂ ntsè ngà nè mbì tè ngu a Jèlusalèm. Tà ghɨ̀ ale, tà mè nkwàꞋtè nê, ye ghà tè ngu abàꞋ və, ko yea ghà tê wu a Luêm.

ÀfaꞋa 9:13

Ànàniàs bɨ̀ɨ̀lè nê, “Tè Yesò, bòt nyaŋ e taꞋa làꞋa ànəa mbê waa, e dzə. Bɔ shu èwuu èbɨꞋte èghɨ ègème tà ghɨ ane bòt Mbɔ̧ɔ̧mà a Jèlusalèm la mɨ̧̂.

1 Kɔlìn 16:15

Bɔnyɨ bɔ̧, bɨ ko nê Stefanàs bɔ̂ bòt lob zi wu bòt mbì a èbem Akayà bɔ li ndzì mèntɨ̧ɨ̧ mɔb ane Yesò, mè ŋà wɔb e me faꞋa ntɨ̀ŋa bòt Mbɔ̧ɔ̧mà la.

1 Kɔlìn 16:5

Maa li ntse a Màsèdonìà nkɨ̀Ꞌɨ̂ ndzè àwɨ̧. E shua ale nkàà nê, maa nkɨ tsě a èlu̧ Màsèdonìà ka kɨꞋɨ.

2 Kɔlìn 1:16

E ndi ntàŋke nê maa me tsea nga a Màsèdonìà eye awɨ̧, è me kua e mè ndzè àwɨ̧, mbɨ̀Ꞌɨ̀ è me gha a Jùdià bɨ tɨŋe am.

2 Kɔlìn 11:9

E ndi nguê màa ngɨ̀ è me kɨ̀ŋke àghɨ, è nka lɨŋkè wòt kǒ ane yɨ̧ nkàà nê, bɔnyɨ ba bu bɔ dzə a Màsèdonìà la e li ngua ŋǎ èghɨ màa nkɨ̀ŋkà la. Maa me ghɨ̀ wuê a èlɨ̀ waa ngà nè mbì. E nka me lɨ̀ŋke wòt kǒ ane yɨ̧ a ebàꞋa àghɨa ko a.

2 Kɔlìn 2:13

Mbàte ngàꞋa ale ka èntɨ̧ɨ̧ am è ka nɔ̀ŋke a èbèm laã ntsɔ̧̀ nkàà nê e ndi è nka ye wanɔ̧ Tȩtɔ̀s abàꞋ və. Ale, e ndàꞋnè àwɔb ntsiꞋi ghà ne Màsèdonìà.

2 Kɔlìn 7:5

È li ngu àfɨꞋa bà wu a Màsèdonìà la, wòt kǒ ane ya ka bê ndzètè. Ba li ndzě ngoꞋ ane èbâ ègème, me ntàktè nè bòt, kèbɔɔ ke mè ngu a mèntɨ̧ɨ̧ ma.

2 Kɔlìn 9:12

Bɨ ŋa èghɨ bàa bɨ kɨ eŋa la ko aa tɨŋe bòt Mbɔ̧ɔ̧mà bu bɔ̀ɔ nkɨ̀ŋkà la. Àyea mbɔŋ a wuê ghɨ̌ bòt aa mě taꞋa ekɔ̀ŋke a Mbɔ̧ɔ̧mà.

2 Kɔlìn 9:2

Mâ ko nê bɨ yaŋe wua nkɨ eŋa, tè e me ghàꞋtà am ane ànəa yɨ̧ abua bòt Màsèdonìà. E ndi shu abua yɔb nê, “Bɔnyɨ ba bòt Mbɔ̧ɔ̧mà a Akayà e li ndzaŋe taŋke a màŋa tè èŋubȩ̂.” Èntɨ̧ɨ̧ waa bɨ bɔ a màŋa la e lɔ̀ktè mèntɨ̧ɨ̧ bòt nyaŋ ane yɔb.

2 Kɔlìn 9:4

Bɨ bakà ghɨ anè e me kɨꞋɨ bòt Màsèdonìà ko e kɨꞋɨ ba tò ba me ye bɨ bakà taŋke tê e lɔ̀Ꞌɔ ko bɨa ghɨ̌ baa bɔ àtsəa kɔꞋɔ, nkàà nê ba li ndzaŋe shu nê bɨa ghɨ̌. Mâ mɨ̀ɨ̀tè nê àyea mbɔŋ aa ghɨ̌ bɨa bɔ àtsəa kɔꞋɔ mɨ̧̂.

Filìpȩ 4:15

Bɨ̀a bòt Filìpȩ e ko nê, e ndi sà àbâ àlaꞋ a Màsèdonìà ane èli mbì bu màa ntsɔ̀tà Ntu̧ Ntsɔ̧̀ yu la ale, bɨ wu ndàꞋà chɔsì è li ntɨ̀ŋe am la. Wu wuê ba nɨ̧̀ ba, ba li ngua ngàbtà èghɨ bàa nkɨ̀ŋkà la.

1 Tèsàlonikà 1:7

Bɨ li ngɨ̀ a èlɨ̀ waa ale a nyɨꞋte ndɨ bòt Yesò bàgème a Màsèdonìà bɔ̂ Akayà e bɔ ndɨ bɔ̀ɔ me tseke la.

1 Tèsàlonikà 1:8

Ntu̧ Ntsɔ̧̀ Yesò yaa lè kaꞋa dzə abua yɨ̧ e ghà wuê ndaꞋa Màsèdonìà bɔ̂ Akayà. Bòt èdziꞋ ègème e zə fɔ̀ɔ̀le ndɨ bɨ zì mèntɨ̧ɨ̧ mɨ̧ ane Mbɔ̧ɔ̧mà la, tè ànəa ko à ka tsi ngu bàa mě shu awɔb la.

1 Tèsàlonikà 4:10

Bɨa ngɨa a èlɨ waa adù̧ bòt Yesò bàgème a Màsèdonìà ale à bɔnyɨ ba, baa shù̧ù̧ta awɨ̧ nê bɨ̀ me paa ngɨ̀à ale nɨa ngà nè mbì.

1 Tɔ̀màtià 1:3

Maà nkɨà nê, à tseke a Efesɔ̀s wuê mbɨ̀Ꞌɨ̀ e ndi shu awê àfɨ̀Ꞌ yu e ndi ngu alu̧ ngà a Màsèdonìà la. Tseke abàꞋ və mbɨ̀Ꞌɨ̀ e kele bòt bu bɔ̀ɔ nyɨ̀Ꞌta bòt mènəè fɨ̀te la.

Fȩlemùn 1:5

Màa ngɨ̀ e ngua ngɨ ale nkàà nê, mâ zə ndɨ àa nkɔ̀ŋkà bòt Mbɔ̧ɔ̧mà bàgème la, mè ndzə ndɨ à zi èntɨ̧ɨ̧ wê ane Yesò Lefɨ̀Ꞌ la.