Lûm 14:22 - Mundani

²² Nɔ̀ŋe àghɨa àa èntɨ̧ɨ̧ wê ane ànəa èghɨ bàa la a kètsìà wɨ̧ bɨ Mbɔ̧ɔ̧mà. Ntsɔ̧̀ wu wòt wu èntɨ̧ɨ̧ tò àa ka feele atò ane àghɨa tà ye nê wu ntsɔ̧̀ la.

Lûm 14:22 Iomraidhean Croise

ÀfaꞋa 24:16

È wu ale, màa ngɨ̀ e me nyɔ̀Ꞌte àfɨ̀Ꞌ àgème ebɔ èntɨ̧ɨ̧ kà wua fèèlè am a mbì Mbɔ̧ɔ̧mà bɔ̂ wɔ̀bȩ̂.

Lûm 14:14

Mâ lâ nko, ndɨ̀ wu è ntsiꞋi àghɨ yeamɔꞋ nè Yesò Lefɨ̀Ꞌ la nê àghɨa jɨ ako àa mbɨ̀a a mànjɨa la a ntsě, ka wòt yèa nê àghɨa ko bɔ̀ɔ njɨ̀a la wu àghɨa kàbɔ̀ŋ, mbɔ̂ njɨ, ko wu kàbɔ̀ŋ tà ghɨ̀ la.

Lûm 14:2

Èntɨ̧ɨ̧ wòt kǒ tà zi ane Yesò la aà ngɨ̀à tà jɨa àghɨ àgème, ka wòt è we tò nè èntɨ̧ɨ̧ ane Yesò è bela njùa la me jɨ wuê mbɨ̀btsə.

Lûm 14:23

Wòt me jɨ àghɨ me màkè, ko Mbɔ̧ɔ̧mà naa fèèle atò, nkàà nê tà ko nê Mbɔ̧ɔ̧mà bakà bɨ̧̀ɨ̧̀ne àghɨa yè ghɨa la. Wòt ghɨ̀ àghɨa tà bakà lâ nko a èntɨ̧ɨ̧ vi nê Mbɔ̧ɔ̧mà bɨ̧ɨ̧ne la, ko wu kàbɔ̀ŋ.

Lûm 14:5

Wòt kǒ nàa ngɨ̀ tà me nɨ àlia ko nê wu àlia nɨ̧, ka wekǒ me nɨ èli ègème nê aà ndɨŋndɨ̀ŋ. Ka tsiꞋ waa waa lâ nko nê àyea àa èntɨ̧ɨ̧ vi la wu ndɨ a bɔ ndɨ àa wu la.

Lûm 2:1

Àwɔ̀ wu àa ntsìà mpəèəète bòt la, à ka ghà àku a, ka à màà ngu wuê wà leꞋ. Àa ngɨ̀ a me tsì mpəèəète wòt à wua ndzìà ndɔ̀ àtsəa yê, nkàà nê àwɔ̀ wu ntsìà mpəèəète mbɔŋ la à bela ngɨ̀à wuê èghɨ mbɔŋ mɨ̧̂.

Lûm 7:15

E mbakà ko ndɨ màa ngɨ̀à mɔ̧ ne mènəè la, nkàà nê maa kà ghɨ àghɨa màa nkɨ e ghɨ̀ la, maà ngɨ̀à wuê àyea màa mpààbà e ghɨ̀ la.

Lûm 7:24

Wòt chɨ̀ŋkè mbɨ̀Ꞌɨ̀ mmɔ̌! Wòt wu tàa tsǐ am a èbem mbɨ̧̀ ènyit yaa nàa ŋwèèlà am ntsàà wuê a èbem èvə la wu wàà?

1 Kɔlìn 8:7

Ka è ntsě wòt ègème tà ko nkûŋ yaa la. Bòt ko e li ngua nkùkta bènàmbəa tè bɔ̀ɔ ngɨ̀ bɔ me kɔ̀ŋkè èjɨ èghɨjɨ bɔ nɨŋ njɨ̀a nàmbəa la. Bɔ̀ɔ ngɨ̀ bɔ̀ jɨ ale, mèntɨ̧ɨ̧ mɔb ka lem fèèlè àwɔb ndɨ̀ wu bɔ̀ɔ njùa la.

2 Kɔlìn 1:12

Àghɨa betsiꞋa ba me ghàꞋtè àwa adù̧ la wu nê, mèntɨ̧ɨ̧ ma nàà shua wa nê baa ngɨ̀à mènəè ma a sitsǎꞋ ŋàa fɔɔle a mbì lɨ̧ àfɨ̀Ꞌ àgème mbɨ̀Ꞌɨ̀ bòt Mbɔ̧ɔ̧mà nè nkûŋ. È ntsě èyǐ wɔ̀bȩ̂ ka ba nɨŋ me ghɨ̀ mènəè maa la. Ba ghɨa ane ntsɔ̧̀ Mbɔ̧ɔ̧mà wu tà nyɨꞋte abua ya la.

Gàlashìà 6:1

Bɔnyɨ bɔ̧, bɨ̀a wu bɨa ngȩ̀ȩ̀nà mbɨ̀Ꞌɨ̀ Fo Mbɔ̧ɔ̧mà nàa nkɨà la, bɨ yea wòt ngɨa kàbɔ̀ŋ la, bɨ bɔɔle awɨ̧ nkɨ̀ɨ̀te atò bò̧ bò̧. Ka bɨ̀ me ghɨ̀ ale bɨ me baabe awɨ̧ mbɨ̀Ꞌɨ̀ ka bɨ kwen a èbem kàbɔ̀ŋ mɨ̧̂.

Jimsì 3:13

Wòt wu ane yɨ̧ tà bɔ èyì mè me nèèta nkoa mènəè la, ŋut wu nyɨꞋte ane mèntsèke ntsɔ̧̀ mi, nè èfaꞋa ntsɔ̧̀ tò tàa nɨ̀a èyì mbɔŋ mbɔ̀ɔ̀la avi fàꞋà la.

1 Jɔ̌n 3:21

Ngule bèshu̧ bɔ̧, è wu ale mèntɨ̧ɨ̧ ma bakà saꞋa wa nê ba ngɨa kàbɔ̀ŋ, ba ko nê ba tɨ̧ɨ̧ e mbì Mbɔ̧ɔ̧mà kà bɔ àtsəa kɔꞋɔ.