Lûm 14:13 - Mundani

¹³ Mbɨ̀Ꞌɨ̀ àa anè la à ka ntsì mpəəte wanyɨ wè, ka la nɔ̀ŋe a èntɨ̧ɨ̧ wê nê à ka ghɨ̀ àghɨa àa ghɨ̌ wanyɨ wè nàa sèmne ko e kwene a èbem kàbɔ̀ŋ la a.

Lûm 14:13 Iomraidhean Croise

Matìù 16:23

Ka Yesò ghèble avi shu abua Pità nê, “LɔꞋ a ngèt yaã à Satàn! Àà nkèla alu̧ am. Mènəè maà à mɨ̀ɨ̀tà la ka dzəa abua Mbɔ̧ɔ̧mà, è dzəè nè abua bɔbȩ.”

Matìù 18:7

“Aa bɨɨ àbâ bòt ngɔ̀ŋ yaa. Èghɨ e taꞋa wu àa ngɨ̀à bòt e tsìà mèntɨ̧ɨ̧ mɔb ane Mbɔ̧ɔ̧mà la. A bɔ ndɨ àa wu ale la, ka ngoꞋ wu ye wòt wu tàa ngɨ̀à bòt e tsìà mèntɨ̧ɨ̧ mɔb a èlɨ mbɔŋ la.

Matìù 7:1

“À ka me zəâ èfaãnəè bòt mbɨ̀Ꞌɨ̀ Mbɔ̧ɔ̧mà li ndzəèəè èbê mɨ̧̂.

Lûk 12:57

“Tè betsiꞋa bɨ̀ambɔŋ è ka ko nkwàꞋtè àghɨa è wù àghɨa ntsɔ̧̀ la ngɨ̀?

Lûk 17:2

Tà tsiꞋi te ghɨ̌ è weko ane ebe techɨɨle bàa naa ghɨa kàbɔ̀ŋ, a bɔ̂ŋ nê bɔ sèlè taꞋa èti àmî a tò, màꞋa atò a èbem *èdzî.

Lûm 11:9

Fɔ̧̀ Dàbid mè ndàꞋ àzi nê, “Màa ntsàꞋta Mbɔ̧ɔ̧mà nê, tà ghɨa mèpà̧ mɔb è wu mbɨ̀Ꞌɨ̀ àtaã bɔ̀ɔ kwene a èbèm la. Nê tà ghɨa bɔ̀ kwen, mè ndze ngoꞋ,

Lûm 14:10

À ghɨ̀ na ka me tsǐ mpəəte wanyɨ wè à? À ghɨ̀ na mè me waa wanyɨ wè à? À ka ngɨ̀ ale ndɨ̀ wu bàagème àa li tɨ̧ɨ̧ a mbì èsaꞋa Mbɔ̧ɔ̧mà la.

Lûm 14:3

Wòt wu tàa njɨ̀a àghɨ àgème la ka me waa wòt wu kà wua njɨ̀a la, wòt wu tàa njɨ̀a wuê mbɨ̀btsə la ka mè me tsi mpəèəète wòt wu tàa njɨ̀a àghɨ àgème la, nkàà nê Mbɔ̧ɔ̧mà nɨ atò mbɨ̀Ꞌɨ̀ wòt vi.

Lûm 14:4

À wu wà e me bàŋe wafàꞋ wòt tsa à? Wu Mbɔ̧ɔ̧mà tò ka tàa shu laꞋnê tà ghɨ ntsɔ̧̀ kò kàbɔ̀ŋ leꞋ la. Taa tɨ̧ɨ̧, nkàà nê Tǎt wa Mbɔ̧ɔ̧mà bɔ mètàŋ e ghɨ̌ taa tɨ̧ɨ̧.

Lûm 16:17

Bɔnyɨ bɔ̧, e ngua shù̧ù̧ta wɨ̧ nê bɨ̀ me ko awɨ̧ ane bòt bu bɔ̀ɔ ndzìà àghàbtè a kètsìà wɨ̧, ntàa bòt, mè nyɨ̀Ꞌta èghɨ ko tsa kà wu èghɨ bu bɔ li nyɨ̀Ꞌte awɨ̧ la. Bɨ̀ ka mbɔ̀ àghɨa ko a màngɨa nê èwuu bòt mbɔŋ.

1 Kɔlìn 10:32

Bɨ̀ me tseke ntsɔ̧̀ ane ndɨ bɨ̀ ka ghɨ̌ ngoꞋ ane wòt Juê, kò wòt kà wu Juê, kò bòt chɔsì Mbɔ̧ɔ̧mà la leꞋ.

1 Kɔlìn 11:13

Bɨ̀ lȩ̂ bɨ̀ambɔŋ ndze nê tè wu ànəa ntsɔ̧̀ abua àvi taa me tsàꞋta Mbɔ̧ɔ̧mà kà kabta àtsəa zi leꞋ.

2 Kɔlìn 5:14

Èkɔŋ wu Yesò Klistò bɔ ane ya la àà ŋwètà wa ba ghɨ̀à àghɨa baa ngɨ̀à la. Mbɨ̀Ꞌɨ̀ ba ye àfɨ̀Ꞌ yaa nê wòt wemɔ̀Ꞌ li mpfə ane ànəa bòt bàgème la, a tsiꞋi nê waa waa li mpfə.

2 Kɔlìn 6:3

Baa kà tɨ̧ɨ̧ alu̧ wòt, mbɨ̀Ꞌɨ̀ wòt kǒ fèèlè awa ane àfàꞋ àya mbɨ̀Ꞌɨ̀ bɔntu̧ Mbɔ̧ɔ̧mà.

Filìpȩ 1:10

A wu ale, ko bɨa me ntsèka nkoa àghɨa è wù àyea ntsɔ̧̀ la. Ko bɨa tsiꞋi bòt mèntɨ̧ɨ̧ kèfə, kà wòt wuê ko eshu nê bɨ ghɨa kàbɔ̀ŋ te eghǎ edzə ane àli yu Yesò Klistò nàa li e mě ekɨꞋɨ la.

1 Tɔ̀màtià 5:14

Mbɨ̀Ꞌɨ̀ àa ale la, è wu nè mmɔ̌, ko bènempfə bu bɔ̀ bele bɔɔ̀zi techɨɨle la e mě ndzɔ̀Ꞌɔ bèlu̧, mbì bɔ̧ bɔb, mè ntsèke a si me taŋke lob tɔb. Bɔ ghɨ̀ ale, ko bɔmbù̧ ba è ka ye èlu̧ elàꞋa mènəè kàbɔ̀ŋ adù̧ ya a.

Jimsì 2:4

Bɨ ghɨ̀ ale, ko aa wua nyɨ̀Ꞌta nê, bɨa mbà̧à̧ta bòt a kètsìà wɨ̧ ndȩ̀à mèsi, mè sàꞋa bòt ane èlɨ kàbɔ̀ŋ.

Jimsì 4:11

Bɔnyɨ bɔ̧, bɨ̀ ka me làꞋà kàbɔ̀ŋ adù̧ bɔnyɨ bɨ̧. Wòt me làꞋà kàbɔ̀ŋ adù̧ wanyɨ vi kò saꞋa atò leꞋ, tà ko nê ye wua ndaꞋa kàbɔ̀ŋ ane mbɨ̧ mè ngua saꞋa mbɨ̧ mbɔŋ. À me saꞋa mbɨ̧, à ko nê yea kà ghɨ mbɨ̀Ꞌɨ̀ mbɨ̧ mbɔŋ kɨa la, a bê nko nê ye tsiꞋa wòt tàa sàꞋa mbɨ̧ saꞋa la.

1 Jɔ̌n 2:10

Wòt ègème tàa nkɔ̀ŋkà wanyɨ vi la nàà ntsèka a èbem èkaꞋà, tè àghɨa ko à ka wuê ane tò betsiꞋa a ghɨ̀ tà ghɨ a kàbɔ̀ŋ la.

Ètsə 2:14

“ ‘Ka èghɨ ko aa və bɨ̀a ngɨ̀à màa ka kɔ̀ŋkè la. Bòt ko aa ayɔɔ yɨ̧ bɔ̀ɔ ngɨ̀à èghɨ bu Balààm li ngua nyɨ̀Ꞌta la. Tà li nkɨ̀ɨ̀te a Balàk tà fɨte bòt Izəèlȩê bɔ ghɨa kàbɔ̀ŋ. Balàk li ngɨ̀ bɔ me paꞋte àbɨ̧ mè njɨ̀a èghɨ bɔ nɨŋ ntsì mèpɨ̧̀ la.