Lûm 13:8 - Mundani

⁸ À ka mbèà njû wòt a èbèm lê, kà wu wuê ndɨ àa me kɔ̀ŋke waa waa la, nkàà nê wòt tàa nkɔ̀ŋkà wanyɨ vi la è ghɨ̀ àghɨa mbɨ̧ kɨà la.

Lûm 13:8 Iomraidhean Croise

Matìù 7:12

Ale, àghɨa àa nkɨà nê bòt è ghɨ̌ abua yê la, ghɨ̌ abua yɔb mɨ̧̂, nkàà nê eyaa wu àghɨa mbɨ̧te Musì nè bèndàꞋàtɔŋ Mbɔ̧ɔ̧mà e shuà la.

Jɔ̌n 13:34

“Mâ ŋa awɨ̧ mbɨ̧ fi nê, bɨ̀ me kɔ̀ŋkè bɔnyɨ bɨ̧. Mbɨ̀Ꞌɨ̀ ndɨ maa wua nkɔ̀ŋkà àwɨ̧ la, bɨ̀ me kɔ̀ŋkè bɔnyɨ bɨ̧ mɨ̧̂.

Lûm 13:10

Wòt me kɔ̀ŋkè wanyɨ vi ko tà ka ghɨa kàbɔ̀ŋ ane tò a. Ale, wòt nàa me kɔ̀ŋkè wanyɨ vi tà wua ngɨ̀à àghɨ àgème mbɨ̧ kɨà la.

Lûm 13:7

Ŋa àghɨa à bɔ ndɨ àa ŋa abua yɔb la. Ŋa èkab bètaksì tsa tsa abua bòt à bɔ ndɨ àa ŋa la, mè me kukte bòt à bɔ ndɨ àa kukte awɔb la.

Gàlashìà 5:14

Bɔ fete mbɨ̧tsə tègème a èbem èngà̧ waa wemɔꞋ la nê, “Me kɔ̀ŋkè wanyɨ wè mbɨ̀Ꞌɨ̀ àwɔ̀ mbɔŋ.”

Kɔ̀losìà 3:14

Waa waa me kɔ̀ŋkè wanyɨ vi nɨ̀a nkweꞋna ane èghɨ bàa ègème, nkàà nê èkɔŋ aa fèta bòt ngɨ̀à bɔ tsiꞋa àghɨ yeamɔꞋ, wuê mbɨ̀Ꞌɨ̀ a wu ewu la.

1 Tɔ̀màtià 1:5

E shua nê kele awɔb anè mbɨ̀Ꞌɨ̀ bɔɔ me kɔ̀ŋkè bɔnyɨ bɔb nè èntɨ̧ɨ̧ kà wua fèèlè àwɔb, mè me ghɨ̀ wuê èghɨ bɔ ko nê e kùꞋù la, mè me nèèta ndzìà mèntɨ̧ɨ̧ mɔb ane Mbɔ̧ɔ̧mà.

Jimsì 2:8

È wu nê bɨà nchɨɨma ngɨ̀à àghɨa mbɨ̧ Kèfɔ̧̀ Mbɔ̧ɔ̧mà nàa shua la, mbɨ̀Ꞌɨ̀ Àkata Mbɔ̧ɔ̧mà a nyɨꞋte la nê, “Me kɔ̀ŋkè wanyɨ wè mbɨ̀Ꞌɨ̀ àwɔ̀ mbɔŋ”, ko bɨà ngɨ̀à ntsɔ̧̀.

1 Jɔ̌n 3:10

Ngule àghɨa àa ghɨ̌ bòt aa lȩ̀ bɔ̧ Mbɔ̧ɔ̧mà ane bɔ̧ Satàn wòt kàbɔ̀ŋ la wu nê, waa waa tàa ka ghɨ àghɨa Mbɔ̧ɔ̧mà nàa nkɨà la, nè waa waa tàa ka kɔ̀ŋkè wanyɨ vi la, ntsě Waã Mbɔ̧ɔ̧mà.