Lûm 12:2 - Mundani

² Bɨ̀ ka me fɨŋe bòt ngɔ̀ŋ ngɨ̀à èghɨ bɔ̀ɔ ngɨ̀à la, ka tsiꞋ mèmɨ̀ɨ̀te fi mɨ̧ kubte mènəè mɨ̧. Bɨ ghɨ̀ ale, ko bɨa me ghɨ̀ àghɨa Mbɔ̧ɔ̧mà nàa nkɔ̀ŋkà la, è wù àghɨa è wu àyea ntsɔ̧̀ la, nè àyea àa mbɔ̀ atò la, mè nè àyea a lâ nkùꞋu a mbì tò la.

Lûm 12:2 Iomraidhean Croise

Matìù 13:22

Èsaãaãme wu e kwente a èbèm àdzɔ̧ la, e wu mbɨ̀Ꞌɨ̀ bòt bu bɔ zə èngà̧ waa ka ndɨ̀ wu bɔ̀ɔ ndèbà ènyit yɔb ane èghɨ sitsǎꞋ nè èkɔŋ èghɨ èkab nyaŋ la, èngǎ̧ mbɔŋ è ka tsi mbɔ̌ àdziꞋ a èntɨ̧ɨ̧ wɔb, e tsiꞋi tsè àku.

Ntu̧ Ntsɔ̧̀ MAK 4:19

ka ndɨ̀ wu bɔ̀ɔ ndèbà ènyit yɔb ane èghɨ sitsǎꞋ nè èkɔŋ èghɨ èkab, mè ndzì mèntɨ̧ɨ̧ mɔb ane èghɨ tsa la, ekuule èngà̧ wu tè èngǎ̧ mbɔŋ e tsiꞋi tsè àku.

Jɔ̌n 14:30

È nka tsi làꞋà ba nɨ̧̀ ba ane àfɨ̀Ꞌ à seè à, nkàà nê Satàn wu, tà wu àtsəa ngɔ̀ŋ yaa la nàà nkɨ̀Ꞌa. Tà bakà bɔ mètàŋ a ègwet laã.

Jɔ̌n 15:19

Bɨ ghɨ̀ ale ngu àghɨ yeamɔꞋ nè bòt ngɔ̀ŋ yaa, ko bòt ngɔ̀ŋ mbɔŋ aa me kɔ̀ŋkè àwɨ̧, mbɨ̀Ꞌɨ̀ bòt bɔb. Ka ndɨ̀ wu bɨ ntsě bòt ngɔ̀ŋ yaa, e mbɔ̂ ndàà àwɨ̧ ntsì a kètsìà wɔb la, bɔ tsiꞋa mpààbà àwɨ̧ pààbe.

Jɔ̌n 17:14

Mâ shua wɔb èngǎ̧ wê ale, bòt ngɔ̀ŋ e me pààbè àwɔb ndɨ̀ wu bɔ ntsě àghɨ yeamɔꞋ nè bòt ngɔ̀ŋ wuê mbɨ̀Ꞌɨ̀ e ntsě àghɨ yeamɔꞋ nè bòt ngɔ̀ŋ la.

Jɔ̌n 7:7

BetsiꞋa bòt ngɔ̀ŋ è ka ye àghɨa bɔ̀ɔ me pààbè àwɨ̧ adù̧ la, ka mbɔ̂ me pààbè am, nkàà nê maa shua àghɨa mâ ye mè nko ane yɔb la, nê mènəè mɔb nàà kàbɔ̀ŋ.

Lûm 12:1

Ale, bɔnyɨ bɔ̧, màa shù̧ù̧ta wɨ̧ nê ndɨ̀ wu Mbɔ̧ɔ̧mà ku tèsȩ tɨ̧ la, bɨ̀ ŋa awɨ̧ abua Mbɔ̧ɔ̧mà mbɨ̀Ꞌɨ̀ nkɔ̀Ꞌ èpɨ̧̀, àghɨa èpɨ̧̀ à wu yu̧, bɔ ŋa abua Mbɔ̧ɔ̧mà nènkèm àa mbɔ̌ atò la. Eyaa lâ ngu èlɨ wòt bɔ ndɨ tàa me wùꞋte a Mbɔ̧ɔ̧mà la.

Lûm 13:14

Ka bɨ̀ wèà àwɨ̧ nè mààlà Yesò Klistò Lefɨ̀Ꞌ, bɨ̀ ka me mɨ̀ɨ̀tè èghɨ mbɨ̧̀ ènyit, e me ghɨ̀ àghɨa è kɨa la.

Lûm 7:12

Ale, mbɨ̧ wu àghɨa ntsɔ̧̀, ànəa ègème Mbɔ̧ɔ̧mà shu la a mè nkùꞋ, mè me bɔ̌.

Lûm 7:14

Baà ko nê mbɨ̧ yaa dzəa abua Mbɔ̧ɔ̧mà, ka e ngu wuê wɔ̀bȩ̂, mè ngu àbùꞋ abua kàbɔ̀ŋ.

Lûm 7:22

Maà ndâ nkɔ̀ŋkà mbɨ̧ Mbɔ̧ɔ̧mà a èbem èntɨ̧ɨ̧ am.

1 Kɔlìn 3:19

Nkàà nê, àghɨa bòt ngɔ̀ŋ àa ntɔ nê wu èyì la, Mbɔ̧ɔ̧mà nàà nɨa nê wu àghɨ̧̀ɨ̧̀nè. Àkata Mbɔ̧ɔ̧mà a laꞋnê, “Mbɔ̧ɔ̧mà nàà nɨa bèyuŋ bòt èyì nɨa ntà̧aã awɔb.”

2 Kɔlìn 4:4

Bòt ngaa e tu̧u̧ bɨ̧ɨ̧ne nkàà nê, Satàn wu tà wu mbɔ̧ɔ̧mà ngɔ̀ŋ yaa la, è kɔke mbàꞋ a mèntɨ̧ɨ̧ mɔb. Tà kabte àghɨ ayɔb mbɨ̀Ꞌɨ̀ ka bɔ ye èkaꞋà wu è wu Ntu̧ Ntsɔ̧̀ yu nàa ndàꞋà ànəa ènɨ̧ Yesò Klistò wu tà wù mbɨ̀Ꞌɨ̀ Mbɔ̧ɔ̧mà la.

2 Kɔlìn 5:17

Ale, wòt nàa ntsìꞋa àghɨ yeamɔꞋ nè Yesò Klistò, tà tsiꞋi wòt fi. Mènəè nyǎꞋ tà li ngua ngɨ̀à la è tsê, mènəè tàa ngɨ̀à la tsiꞋi me fi.

Gàlashìà 1:4

Yesò waa li ŋa àtsəa zi ane mènəè kàbɔ̀ŋ ma mbɨ̀Ꞌɨ̀ etsì àwa a èbem mènəè kàbɔ̀ŋ ngɔ̀ŋ laane, mbɨ̀Ꞌɨ̀ Mbɔ̧ɔ̧mà li ntsia nê aa li wu la.

Efesɔ̀s 1:18

Maà ntsàꞋtà nê Fo tò neeta ngàꞋte ètsə bɨ̧, mbɨ̀Ꞌɨ̀ bɨa ko èghɨ bu Mbɔ̧ɔ̧mà tɔ awɨ̧ nê bɨ̀ me bɔ bɨ̀ wua nchɨ̀Ꞌà bùà la, mè nko ndɨ̀ èghɨ bu Mbɔ̧ɔ̧mà nàa ŋa abua bòt bu bɔ zì mèntɨ̧ɨ̧ mɔb ane Yesò la e ghe la.

Efesɔ̀s 2:2

È li ngu àfɨꞋa mbɔŋ bɨ me tseke mbɨꞋɨ̀ bòt ngɔ̀ŋ àa ntsèka ngɨ̀a èbɨte mènəê la. Bɨ li ngua ndzəa wòt kàbɔ̀ŋ wu tà wu àtsəa fote kàbɔ̀ŋ tu a ègwet la. Eyaa wu wòt kàbɔ̀ŋ wu tàa ngɨ̀à bòt e kweela àtsə abua Mbɔ̧ɔ̧mà la.

Efesɔ̀s 5:17

È wu ale, bɨ̀ ka me ghɨ̀ mènəè mbɨ̀Ꞌɨ̀ èkèghɨ̧̀, ka bɨ̀ nyɔꞋta nko àghɨa Tè Yesò nàa nkɨà nê bɨ̀ me ghɨ̀ la.

Kɔ̀losìà 1:9

Mènəè maa ègème ghɨ̂ ba me tseka ntsàꞋta Mbɔ̧ɔ̧mà ane yɨ̧ àfɨ̀Ꞌ àgème, ebùꞋù tê ane àlia mbì yu ba li ndzə ànəa yɨ̧ la. Baa ndzìa ntsàꞋta Mbɔ̧ɔ̧mà nê Fo tò ghɨa bɨ̀ bɔ èyì, mè nko mènəè, mbɨ̀Ꞌɨ̀ eko àghɨa Mbɔ̧ɔ̧mà nàa nkɨà nê bɨ̀ me ghɨ̀ la.

Kɔ̀losìà 3:10

Bɨ tsiꞋi bòt fi. Mbɔ̧ɔ̧mà wu tà ghɨ̀ àwɨ̧ ale la nàà ntsèka àfɨ̀Ꞌ àgème ngɨ̀à a èlɨ bɨ̀a tsiꞋi mbɨꞋɨ̀ zìambɔŋ, mbɨ̀Ꞌɨ̀ eko avi te paa la.

Kɔ̀losìà 4:12

Èpaflàs wu tà wu wòt kǒ ayɔɔ yɨ̧, mè ngu wafàꞋ Yesò Klistò la nàà ntsàꞋtà wɨ̧. Tà taꞋa wua ntsàꞋta Mbɔ̧ɔ̧mà ane yɨ̧ nè èntɨ̧ɨ̧ vi ègème. Tàa ngɨ̀ tà me tsàꞋte nê Mbɔ̧ɔ̧mà ghɨa mèntɨ̧ɨ̧ mɨ̧ kweele ane ànəa Yesò Klistò, tè àghɨ à ka tsi mbû ane yɨ̧, bɨ̀ mèe nko ndɨ bɨ̀a me ghɨ̌ àghɨ àgème Mbɔ̧ɔ̧mà nàa nkɨà la.

1 Tèsàlonikà 4:3

Àghɨa Mbɔ̧ɔ̧mà nàa nkɨà la wu nê bɨ̀ bɔ èntɨ̧ɨ̧ kèfə mbɨ̀Ꞌɨ̀ zìa, wòt ka nɔ̀ŋkè nè àvi kà wu ewe tò.

Tȩtɔ̀s 3:5

ngɨ̀ ba pem, kà wu nê bàambɔŋ e ghɨ̀ àghɨa tàa nkɨà la. Tà li ngua ngɨ̀à ale ane tèsȩ ti. Fo Kèfə li shùù mènəè kàbɔ̀ŋ ma, mè ŋà àwa mèmpème fi tè ba tsiꞋi mbɨ̀Ꞌɨ̀ bòt bɔ mè mbì àwɔb la.

Jimsì 1:27

Wòt Tǎt wa Mbɔ̧ɔ̧mà nɨa tò mbɨ̀Ꞌɨ̀ wòt tà nèètè nko avi la, wu wòt tàa ntɨ̀ŋa batsi bɔ̂ bènempfə a èbem ngoꞋ tɔb, mè me baabe avi mbɨ̀Ꞌɨ̀ ngɔ̀ŋ zi a kàbɔ̀ŋ ane zi la.

Jimsì 4:4

Bɨ wu mbɨ̀Ꞌɨ̀ bòt mànjɨa àbȩ. Bɨ bakà ko laꞋ nê wòt nàa me kɔ̀ŋkè èghɨ sitsǎꞋ tà tsiꞋi wɔ̀mbù̧ Mbɔ̧ɔ̧mà à? Ale, wòt me kɨ me kɔ̀ŋkè èghɨ sitsǎꞋ tà ko nê ye wu wɔ̀mbù̧ Mbɔ̧ɔ̧mà.

1 Pità 1:14

Bɨ̀ me zə wuê a Mbɔ̧ɔ̧mà mbɨ̀Ꞌɨ̀ bɔ̧ tò, bɨ̀ ka tsi ngɨ̀ mènəè kàbɔ̀ŋ mu mèntɨ̧ɨ̧ mɨ̧ li ndzaã ngua nùà nkɨà àfɨꞋa kà bɨ ko a Mbɔ̧ɔ̧mà la.

1 Pità 1:18

Bɨ ko àghɨa Mbɔ̧ɔ̧mà li ŋa nɨŋ nchùꞋù àtsəa yɨ̧ ngɨ̀ bɨ peme ane èbɨꞋte ènəê bu bètǎt nyaꞋ bɨ̧ e li sa abua yɨ̧ la. È li è kà wu àghɨa ko mbɨ̀Ꞌɨ̀ silbà kò goêl leꞋ, betsiꞋa a bɨ la.

1 Pità 2:3

Eyaa wu àghɨa bɨ bɔ ndɨ̀ bɨ̀a me kɨ la, ndɨ̀ wu bɨ yute tê ndzě ndɨ Yesò Klistò nàa nkɔ̀ŋkà àwɨ̧ la.

1 Pità 4:2

Bɨ ghɨ̀ ale, ko bɨ̀ ka tsi me tseke a sitsǎꞋ ŋàa ngɨ̀à àghɨa mbɨ̧te ènyit tɨ̧ te kɨa la, ko bɨa tsiꞋi me ghɨ̀ àghɨa Mbɔ̧ɔ̧mà nàa nkɨà la.

2 Pità 1:4

Eyaa wu ndɨ Mbɔ̧ɔ̧mà tse ngɨ̀ ba bɔ ngule èghɨ ntsɔ̧̀ bu tà li ndzàŋe kàꞋà la. BetsiꞋa ba peme àfɨ̀Ꞌ yaa ane èbɨꞋte ènəê bu mèntɨ̧ɨ̧ bòt nàa ŋwèèlà wɔb bɔ ghɨa a ngɔ̀ŋ ŋaa la, tè ntsìꞋa ntsèka ndzəa wuê a Mbɔ̧ɔ̧mà ngɨ̀à mènəè mbɨ̀Ꞌɨ̀ tòà.

2 Pità 2:20

Wòt bùꞋà tè me ko a Lefɨ̀Ꞌ wa wu tà wu Mpemnà la, tè me luula èbɨꞋte èghɨ bu e li ngua ntsòka tò a ngɔ̀ŋ ŋaa la, mbɔ̂ mè nkua akwèn ngwènè a èbem èbɨꞋte èghɨ mbɔŋ, e mè nkùùle atò, ko mèntsèke tò naa bɨɨ te tsě ndɨ è li ndzaãaã ngu ka tà ko a Yesò la.

1 Jɔ̌n 3:13

Bɔnyɨ bɔ̧, è wu ale, bòt ngɔ̀ŋ yaa e me pààbè àwɨ̧, ànəa mbɔŋ à kâ ntsè àwɨ̧.

1 Jɔ̌n 5:19

Ngɔ̀ŋ yaa è batè ngu a tèkitebu Satàn wòt kàbɔ̀ŋ, ka baa koê nê ba wu bɔ̧ Mbɔ̧ɔ̧mà.

Ètsə 12:9

Bɔ ghɨ̀ ale, màꞋà taꞋà dlagɔ̀n wu a sitsǎꞋ. Wu dlagɔ̀n wu è li ndzaŋe wu bɔ̀ɔ ntɔ ane fɔ̧̀ fote kàbɔ̀ŋ nè Satàn la, tà mè me fɨte bòt ngɔ̀ŋ bàgème la. Bɔ li màꞋà atò a sitsǎꞋ bɔ̂ bɔntu̧ bi.

Ètsə 13:8

Waa waa a sitsǎꞋ bɔ̀ le kaꞋa shɨ èlen tò a èbem àkata mèmpème ka ngɔ̀ŋ naa li bùꞋu la naa wùꞋte atò. Àkata mbɔŋ wu àkata Wanjɨ̀ wu bɔ li mbùŋe atò la.