Lûm 12:17 - Mundani

¹⁷ Wòt ka mvəèa kàbɔ̀ŋ ane kàbɔ̀ŋ, ka me ghɨ̌ wuê àghɨa waa waa nàa ye nê aà mbɔ̀ la.

Lûm 12:17 Iomraidhean Croise

Matìù 5:24

tà tɔɔ àghɨa mbɔŋ abot mbɨ̀ ngà bɔ wanyɨ vi e làŋkè ka tà bɔ̂ nkɨ̀Ꞌɨ̂ ŋa.

Matìù 5:39

Ka e ngua shua wɨ̧ nê, wòt ka mvəè èsiꞋ ane wòt tà ghɨ atò a kàbɔ̀ŋ la. Wòt dèbè ngòꞋ àbâ àbualu̧ ayê à gheble ye kǒ tà dèb.

Lûm 12:19

Bɔnyɨ bɔ̧, wòt ghɨa kàbɔ̀ŋ ane wòt, tà ka mvəèəè, tà sàŋ Mbɔ̧ɔ̧mà nɨ ntsǒ zi ngɨ̀, wuê mbɨ̀Ꞌɨ̀ Mbɔ̧ɔ̧mà shu bɔ shɨ a èbem Àkata tò la nê, “Wòt tàa vəèəè la wu mmɔ̌. Maa ŋa àbȩ̀ yɔb. Wu Tǎt wa Mbɔ̧ɔ̧mà shua la.”

Lûm 14:16

Ale, à ka ngɨ̀ àghɨa àa mbɔ̀ abua ye la, a bɔ èlen kàbɔ̀ŋ abua bòt ko.

Kɔ̀losìà 4:5

Bɨ̀ me ghɨ̀ mènəè mɨ̧ a mbì bòt bu kà zi mèntɨ̧ɨ̧ mɔb ane Yesò la nè èyì. Àfɨ̀Ꞌ àgème èlu̧ e dzəâ a si la, bɨ nyɔ̀Ꞌtè ndze nê, bɨ ghɨ̂ bɔ ko nê bɨ wu bòt Yesò. Àfɨ̀Ꞌ a dzə a si, bɨ nyɔ̀Ꞌtè ndaꞋa abua bòt mbɔŋ.

1 Tèsàlonikà 4:12

Bɨ me ghɨ̀ anè, ko bòt kà zi mèntɨ̧ɨ̧ mɔb ane Yesò aa me kukte awɨ̧, bɨ̀ ka mê ngu me lȩ̂ wòt kǒ ane àghɨa bɨ̀a nkɨ̀ŋkà la.

1 Tèsàlonikà 5:15

Ko mbɨ̀Ꞌɨ̀ bɨ bɨ̧ɨ̧nè wòt kǒ vəə a kàbɔ̀ŋ ane kàbɔ̀ŋ, ka bɨ̀ me nyɔ̀Ꞌte àfɨ̀Ꞌ àgème ngɨ̀à a ntsɔ̧̀ a kètsìà wɨ̧ fɔɔle abua waa waa.

1 Tèsàlonikà 5:22

Bɨ̀ tsì àbu ayɨ̧ ane kàbɔ̀ŋ ègème.

1 Tɔ̀màtià 5:14

Mbɨ̀Ꞌɨ̀ àa ale la, è wu nè mmɔ̌, ko bènempfə bu bɔ̀ bele bɔɔ̀zi techɨɨle la e mě ndzɔ̀Ꞌɔ bèlu̧, mbì bɔ̧ bɔb, mè ntsèke a si me taŋke lob tɔb. Bɔ ghɨ̀ ale, ko bɔmbù̧ ba è ka ye èlu̧ elàꞋa mènəè kàbɔ̀ŋ adù̧ ya a.

1 Pità 2:12

Bɨ̀ wu bòt mènəè ntsɔ̧̀ ayɔɔ bòt bu kà ko a Mbɔ̧ɔ̧mà la, mbɨ̀Ꞌɨ̀ bɔ̀ me shu nê bɨ wu bòt kàbɔ̀ŋ, bɔ ye mènəè ntsɔ̧̀ mu bɨ̀a ngɨ̀à la, ngùꞋtè a Mbɔ̧ɔ̧mà ane àli yu tàa li esaꞋa ngɔ̀ŋ la.

1 Pità 3:16

Bɨ̀ ka ngɨ̀ àghɨa èntɨ̧ɨ̧ wɨ̧ àa fèèlè awɨ̧ la, mbɨ̀Ꞌɨ̀ wòt tsɔ̧̀ awɨ̧ nkàà mènəè ntsɔ̧̀ mu bɨa ngɨ̀à mbɨ̀Ꞌɨ̀ bòt Yesò Klistò la, ŋut bɔ wuê àtsəa kɔꞋɔ.

1 Pità 3:9

Wòt ghɨa kàbɔ̀ŋ ane yê, à ka mvəèəè ane kàbɔ̀ŋ. Wòt tsɔ̧̀ɔ̧̀ àwê, à ka mvəèəè ane kèntsɔ̧̀ɔ̧̀mè. Ka wòt ghɨ̀ ànəa kàbɔ̀ŋ ane yê, à tsàꞋtè nê Mbɔ̧ɔ̧mà nyɨ̀Ꞌte a ntsɔ̧̀ vi abua tò. Bɨ̀ ko nê, Mbɔ̧ɔ̧mà li ngua ntɔ awɨ̧ mbɨ̀Ꞌɨ̀ e ghɨ̌ bɨa zə a ntsɔ̧̀.