Lûm 12:16 - Mundani

¹⁶ Bɨ̀ me tseke ane ètsəê wemɔꞋ nè bɔnyɨ bɨ̧, bɨ̀ ka me ŋeꞋe tèkwȩ tɨ̧ a ègwet, mè me ghɨ̀ èshu̧ nè bòt bɔ̀ wu ne si la. Bɨ̀ ka me mɨ̀ɨ̀te nê bɨ bɔ èyì nyaŋ.

Lûm 12:16 Iomraidhean Croise

Matìù 11:5

Bòt àghɨ àleme e ye èdziꞋ, bòt èka bɔb e ŋɔꞋte la, e lɔ̀Ꞌ tè ntsìꞋa ngȩ̀ȩ̀nà ndɨŋndɨ̀ŋ, bòt àghɔ̧atsɔꞋɔ e pem, mbûꞋtsə te zə èdziꞋ, bèmpfəà be yu̧u̧mè, bɔ mè tsɔ̀tè Ntu̧ Ntsɔ̧̀ Mbɔ̧ɔ̧mà abua bòt ngoꞋ.

Matìù 26:11

Bɨa me bɔ̂ bòt mbuŋ bɨ tò ba àfɨ̀Ꞌ àgème, ka è nka wu ewu ba nɨ̧̀ ba àfɨ̀Ꞌ àgème.

Lûk 14:13

Ka à me ghɨ̌ èpǎ̧ wè, à kàꞋà wuê bòt ntseb, bɔ̂ bòt bɔ̀ɔ ŋɔ̧̀ɔ̧̀mà la, nè bòt èka bɔb e ŋɔꞋte la, nè bòt àghɨ ayɔb a leme la,

Lûk 6:20

Yesò lɔ̀kè àvi shu abua bɔkatè bi bu nê, “Ntsɔ̧̀ wu bɨ̀a bòt mbuŋ, kèfɔ̧̀ Mbɔ̧ɔ̧mà wu abua yɨ̧.

ÀfaꞋa 4:32

Bòt bu bɔ zì mèntɨ̧ɨ̧ mɔb ane Yesò la e li ngua fɔ̀ta ngɨ̀à àghɨ àgème nè èntɨ̧ɨ̧ wɔb wemɔꞋ. Wòt kǒ ane yɔb li tà kà shuê nê àghɨa ye bɔ la a wu abua zi zìa ndziꞋne. Waa waa li ngua ngàbtà àghɨa ye bɔ la, ŋǎ àyea wanyɨ vi.

Lûm 11:20

Àyea mbɔŋ wu nkûŋ. Bɔ li ndòòte àwɔb ndɨ̀ wu bɔ li bɔ̀ ka zǐ èntɨ̧ɨ̧ wɔb ane Yesò la, ka bɔ zì àwɨ̧ a mbɨ̧̀ àyɨt yu nkàà mèntɨ̧ɨ̧ mɨ̧ mu bɨ zi ane Yesò la. Ale, bɨ̀ ka me ŋeꞋe tèkwȩ tɨ̧ a ègwet, bɨ̀ me ko awɨ̧ mbɨ̀Ꞌɨ̀ bɔ tsì àwɨ̧.

Lûm 11:25

Bɔnyɨ bɔ̧, ànəa ndò̧ àko aa və màa nkɨà bɨa ko la, mbɨ̀Ꞌɨ̀ bɨa baka wua mɨ̀ɨ̀tà nê bɨ ko nyaŋ. Ànəa mbɔŋ wu nê, àtsəa kekweelè Bèjuê à ka li wu àfɨ̀Ꞌ àgème a. Aa li lìa àfɨꞋa kèmpà̧ bòt kà wu Bèjuê bu Mbɔ̧ɔ̧mà làà àwɔb la, è kùꞋù la.

Lûm 12:3

E ngua ndàꞋà ane àtɔŋ yu Mbɔ̧ɔ̧mà ŋa abua am mbɨ̀Ꞌɨ̀ wantu̧ Yesò nkàà ntsɔ̧̀ vi la shua abua wòt ègème ane yɨ̧ nê, wòt ka mɨ̀ɨ̀te nê ye wu àghɨa kà wu yùà. Ka wòt ègème me nɨ avi mbɨ̀Ꞌɨ̀ tàa la, nkoa è vi ne èghab Mbɔ̧ɔ̧mà è ŋa ndɨ̀ wu tà zi èntɨ̧ɨ̧ vi ane Yesò Klistò la.

Lûm 15:5

Maà ntsàꞋta Mbɔ̧ɔ̧mà wu tàa ngɨ̀à baa kuula mèntɨ̧ɨ̧ ma, tà mè ndzìà mèntɨ̧ɨ̧ ma la nê, tà ghɨa bɨ̀ me tseke ane ètsəê wemɔꞋ nè bɔnyɨ bɨ̧, wuê ane èlɨ Yesò Klistò li ngua ntsèka la.

Lûm 6:2

BetsiꞋa à ka wu ale! Bàa wu bàà tsiꞋi mbɨ̀Ꞌɨ̀ bèmpfəà tè kàbɔ̀ŋ kà tsi mbɔ̀ mètàŋ a ègwet la la, bàa ghɨ̀ na e mě me ghɨa kàbɔ̀ŋ à?

1 Kɔlìn 1:10

Bɔnyɨ bɔ̧, e ngua shù̧ù̧ta wɨ̧ ane èlen Yesò Klistò Lefɨ̀Ꞌ wa nê, bɨ̀ wu ane ètsəê wemɔꞋ, mbɨ̀Ꞌɨ̀ àyɔ̀ŋ a wu a kètsìà wɨ̧. Bɨ̀ wu àghɨ yeamɔꞋ ane ndɨ bɨ̀a nkwàꞋtà mènəè la.

1 Kɔlìn 3:18

Ko mbɨ̀Ꞌɨ̀ wòt fɨ̀te avi. Wòt kǒ ane yɨ̧ me mɨ̀ɨ̀te nê ye bɔ èyì ane ndɨ bòt ngɔ̀ŋ àa mɨ̀ɨ̀tà la, tà tsiꞋi nɨ avi mbɨ̀Ꞌɨ̀ àkèghɨ̧̀ mbɨ̀Ꞌɨ̀ lâ bɔ èyì.

1 Kɔlìn 4:10

Bòt aa nɨa wa ane èkèghɨ̧̀ nkàà ndɨ bà wu bɔfàꞋ Yesò Klistò la, ka bɨ bɔ̂ me mɨ̀ɨ̀te nè bɨ bɔ èyì, ndɨ̀ wu bɨ̀ tsiꞋi àghɨ yeamɔꞋ nè Yesò Klistò la. Baà njùa àghɨ a bɔbȩ, ka è me wu awɨ̧ bɨ me kweele. Bòt e me kukte awɨ̧, ka è wu awa, bɔ me waa.

1 Kɔlìn 6:5

Bɨ bɔ ndɨ bɨ̀a bɔ àtsəa kɔꞋɔ la. BetsiꞋa bɨ̀ ka buŋ wòt èyì wemɔ̀Ꞌ a kètsìà wɨ̧ tàa saꞋa ànəê à kètsìà wòt bɔ̂ wanyɨ vi la.

1 Kɔlìn 8:2

Wòt mɨ̀ɨ̀tà nê ye ko àghɨ, ko tà bakà ko mbɨ̀Ꞌɨ̀ tà wuê ko la.

2 Kɔlìn 13:11

Bɔnyɨ bɔ̧, enɨ lìa e ngua shua nê bɨ̀ tseke ntsɔ̧̀. Bɨ̀ kubte mènəè mɨ̧, mè me zə ànəa mâ shu la, ngɨ̀à mènəè mɨ̧ nè èntɨ̧ɨ̧ wemɔꞋ, mè ntsèka ane àlàŋkè bɨ bɔnyɨ bɨ̧. Bɨ me ghɨ̀ anè ko Mbɔ̧ɔ̧mà èkɔŋ nè àlàŋkè èntɨ̧ɨ̧ naa wu ne nɨ̧̀.

Filìpȩ 1:27

Ànəa nɨ̧ àfɨ̀Ꞌ yaa wu nê, bɨ̀ me ghɨ̀ mènəè mɨ̧ ègème wuê mbɨ̀Ꞌɨ̀ Ntu̧ Ntsɔ̧̀ Yesò Klistò nàa nkɨà la. Bɨ̀ ghɨ̀ ale, mbɨ̀Ꞌɨ̀ è nkɨꞋɨ e ndze awɨ̧, kò è mbaka nkɨ̀Ꞌɨ̂ leꞋ, e ndzə ndɨ bɨ̀a nèètà mbǎ̧ èngǎ̧ Yesò Klistò nè èntɨ̧ɨ̧ wɨ̧ wemɔꞋ la. Mè ndzəâ ndɨ bɨ̀a fàꞋà nè ètsəê wemɔꞋ mbɨ̀Ꞌɨ̀ bɨ fɔtà nùà nê Ntu̧ Ntsɔ̧̀ Yesò Klistò me ghà nê mbì la.

Filìpȩ 3:16

A màà ngu wuê nà leꞋ, ko bɨ̀ tsiꞋ bà ghȩ̀ȩ̀nè wuê ane alu̧ wu baa wua ndzìà ngȩ̀ȩ̀nà te kɨꞋɨ ewu àfɨ̀Ꞌ yaa la.

Filìpȩ 4:2

Maà shù̧ù̧ta awê à Èyodià bɨ Sintichè nê, bɨ̀ wu ane ètsəê wemɔꞋ ndɨ̀ wu bɨ̀ wu bòt Yesò la.

Ebùlù 13:5

Bɨ̀ ka ndzì èntɨ̧ɨ̧ wɨ̧ nyaŋ ane ànəa èkab. Àghɨa wòt bɔ la à kùꞋa abua tò, nkàà nê, Mbɔ̧ɔ̧mà zìambɔŋ laꞋnê, “È nka waꞋa awɨ̧ a, è nka wu elèènè àwɨ̧.”

1 Pità 3:8

Enɨ lìà àyaa nè ànəê, tsiꞋ è shu abua yɨ̧ bɨ̀agème nê, bɨ̀ wu ane ètsəê wemɔꞋ, me ku tèsȩte bɔnyɨ bɨ̧, mè nkɔ̀ŋkà wɔb. Bɨ̀ me yu ane mènəè mɨ̧, mè mbɔ̌ èntɨ̧ɨ̧ ntsɔ̧̀ ane bòt.

1 Pità 5:3

Bɨ̀ ka me tseke a ègwet bòt bu bɔ̀ wu a èten lɨ̧ la. Bɨ̀ me ghɨ̀ wuê èghɨ bɔ̀ɔ ye e me kùŋe teka tɨ̧ la.

3 Jɔ̌n 1:9

E ndi shɨ àkatè abua bòt chɔsì bu abàꞋ ŋu la, ka Dìòtèlefès tù̧u̧ eyute ànəa e shua la, ndɨ̀ wu tàa nkɨà nê ye wu ewu àtsəa waa waa la.