Lûm 12:11 - Mundani

¹¹ Bɨ̀ ka me lȩ̀ȩ̀te ane àfàꞋ àyɨ̧ ane Mbɔ̧ɔ̧mà, bɨ̀ me fàꞋa ntsɔ̧̀ abua tò nè èntɨ̧ɨ̧ wɨ̧ ègème.

Lûm 12:11 Iomraidhean Croise

Matìù 24:12

Kàbɔ̀ŋ naa li ghe, te e ghɨ̌ èkɔŋ bòt nyaŋ ane Mbɔ̧ɔ̧mà aa yu,

Matìù 25:26

“Tǎt àfàꞋ tò wu bɨ̀ɨ̀lè nê, ‘Ye àlȩȩta wafàꞋ kǒ kà ye àtsə ànəê àzi. À li nko nê maa fuꞋa àdziꞋa kà liꞋ, mè nɨ̀a àdziꞋa kà nɔ̀ŋè,

ÀfaꞋa 18:25

Tà li nko mènəè Yesò mbɨ̀Ꞌɨ̀ bɔ nyɨꞋte atò la, tè me nèèta ndàꞋà mènəè mbɔŋ mbɨ̀Ꞌɨ̀ wòt tà ko nê ànəa ye làꞋà la wu ngule ànəê la. Mbàte ngɨ̀ ale, ka nko wuê mènəè mu Jɔ̌n li ngua ndaꞋa ane Yesò àfɨ̀Ꞌ yu tà li ngua ndzìà bòt a èdzî la.

ÀfaꞋa 20:19

E ndi ngua ngɨ̀à àfàꞋ am mbɨ̀Ꞌɨ̀ wɔ̀fàꞋ Mbɔ̧ɔ̧mà àfɨ̀Ꞌ àko nè mèsi, kà wua ŋèꞋa tèkwȩ taã a ègwet. È ghɨ̀ è wu àfɨ̀Ꞌ àko, Bèjuê ko e taꞋa ŋa ngoꞋ abua am, e mbɔ̂ me ghɨ̌ àfàꞋ yu nga wuê nè mbì.

1 Kɔlìn 7:22

Bɨ̀ ko nê Mbɔ̧ɔ̧mà me tɔ wòt tà wua àbùꞋ, ko Yesò Klistò yaa tò tè sàŋ. We Mbɔ̧ɔ̧mà me tɔ atò tà kà wu àbùꞋ la è tsìꞋi àbùꞋ a Yesò.

Efesɔ̀s 4:28

Wòt tàa ntsɔa la ka te ntsɔŋ, ka tà me nɨ èbu bi fàꞋà àfaꞋa àa tɨŋe atò, taa mèe ko etɨŋe bòt bu bɔ̀ɔ nkɨ̀ŋkà la.

Kɔ̀losìà 4:1

Bɨ̀a wu bɨ̀ wu bètǎt a ègwet èbùꞋ la, bɨ̀ me baãaãte èbùꞋ bɨ̧ ntsɔ̧̀. Bɨ̀ ka ndèènè nê bɨ bɔ a Tǎt a ègwet mɨ̧̂.

1 Tɔ̀màtià 5:13

Lə kǒ kà à wu shɨ tèlen tɔb wu nê, bɔɔ tsiꞋa nkua èlɔŋ, mè me nyi a lob a lob ndzəèà. Ànəa ko a mê mbɨ ntsè la wu nê, bɔɔ tseke tê mbùꞋ me ghɨ̀ mènàŋ, ndzìà mètsəê mɔb ane mènəè kà wu mɔb, mèà ndàꞋà mènəè bɔɔ bɔ̀ ka wu làꞋà la.

Ebùlù 12:28

Ndɨ̀ wu Mbɔ̧ɔ̧mà ŋa awa àdziꞋ a èbem kèfɔ̧̀ vi wu kà bɔ wu ko enyiꞋi la, bɨ̀ tsiꞋ bà me ŋa kènuke abua Mbɔ̧ɔ̧mà, ngùꞋtà tò mè mbɔ̀ɔ atò ane ndɨ àa bɔ̌ atò la.

Jimsì 5:16

È wu ale, bɨ̀ me shu mènəè kàbɔ̀ŋ mɨ̧ abua bɔnyɨ bɨ̧, mè ntsàꞋta Mbɔ̧ɔ̧mà àtsəa waa waa mbɨ̀Ꞌɨ̀ ekweele. Wòt wu tà tɨ̧ɨ̧ ndɨŋndɨ̀ŋ e mbì Mbɔ̧ɔ̧mà la nàa ngɨ̀ tà tsàꞋte atò, mèntsàꞋte mu bɔ mètàŋ, ànəa tà kɨa la a bê mè ngu wuê yùà.

1 Pità 1:22

Àfɨ̀Ꞌ yaa bɨ tsiꞋa ngɨ̀à mbɨ̀Ꞌɨ̀ nkûŋ yu è dzə abua Mbɔ̧ɔ̧mà la nàa shua la, bɨ bɔ mèntɨ̧ɨ̧ kèfə tè ntsìꞋa ndâ nkɔ̀ŋkà bɔnyɨ bɨ̧ bòt Mbɔ̧ɔ̧mà. È wu ale, bɨ̀ me kɔ̀ŋkè bɔnyɨ bɨ̧ nɨa ngà nè mbì nè èntɨ̧ɨ̧ wɨ̧ ègème.

1 Pità 4:8

Ànəa mbì wu nê bɨ̀ me kɔ̀ŋkè bɔnyɨ bɨ̧ nè èntɨ̧ɨ̧ wɨ̧ ègème, nkàà nê èkɔŋ e taꞋa wua nkàba mènəè nyaŋ bòt e fà̧à̧tè la.

Ètsə 2:4

“ ‘Ka àghɨ aà yeamɔꞋ bɨ̀a ngɨ̀à àa ka bɔŋ am la. Bɨà kà tsi nkɔ̀ŋkè am mbɨ̀Ꞌɨ̀ bɨ li mbɨ̀ ngua nkɔ̀ŋkà am la.