Lûm 12:10 - Mundani

¹⁰ Bɨ̀ me kɔ̀ŋkè bɔnyɨ bɨ̧ nɨa ngà nè mbì nè èntɨ̧ɨ̧ wɨ̧ ègème, mè ngu bòt mbì a mànkukta bɔnyɨ bɨ̧.

Lûm 12:10 Iomraidhean Croise

Matìù 20:26

À bakà bɔ ndɨ àa wu anè a kètsìà wɨ̧ la, ka wòt me kɨ ewu wɔ̀jûŋ ayɔɔ yɨ̧ tà bɔ ndɨ tàa wu mbɨꞋɨ̀ wafàꞋ abua ebeko la,

Lûk 14:10

Ka wòt kàꞋà àwê, à kɨꞋɨ, à ghà ntsèke ane atɨ̧ elìa akwèn la, mbɨ̀Ꞌɨ̀ tǎt èpà̧ ekɨꞋɨ tà shu abua ayê nê, ‘Ewuɔ, kɨꞋɨ ntsèke adzìꞋa ntsɔ̧̀’. Tà ghɨ̀ ale, ko na wu nê tà ŋa kènuke abua yê a mbì bòt bàgème abot.

Jɔ̌n 15:17

Àghɨa e shua nê bɨ̀ me ghɨ̀ la wu nê, bɨ̀ me kɔ̀ŋkè bɔnyɨ bɨ̧.

Jɔ̌n 17:21

Lefɨ̀Ꞌ, e ntsàꞋtà anè mbɨ̀Ꞌɨ̀ bɔ̀ɔgème aa tsiꞋi àghɨ yeamɔꞋ wuê mbɨ̀Ꞌɨ̀ à wu àghɨ yeamɔꞋ nè nà̧ e mè ngu àghɨ yeamɔꞋ nè nè la. Ghɨa bɔ̀ wu àghɨ yeamɔꞋ nè nà mbɨ̀Ꞌɨ̀ bòt ngɔ̀ŋ aa bɨ̧ɨ̧ne nê, àwɔ̀ ka à tsàà am la.

ÀfaꞋa 4:32

Bòt bu bɔ zì mèntɨ̧ɨ̧ mɔb ane Yesò la e li ngua fɔ̀ta ngɨ̀à àghɨ àgème nè èntɨ̧ɨ̧ wɔb wemɔꞋ. Wòt kǒ ane yɔb li tà kà shuê nê àghɨa ye bɔ la a wu abua zi zìa ndziꞋne. Waa waa li ngua ngàbtà àghɨa ye bɔ la, ŋǎ àyea wanyɨ vi.

Lûm 13:7

Ŋa àghɨa à bɔ ndɨ àa ŋa abua yɔb la. Ŋa èkab bètaksì tsa tsa abua bòt à bɔ ndɨ àa ŋa la, mè me kukte bòt à bɔ ndɨ àa kukte awɔb la.

Gàlashìà 5:13

Bɔnyɨ bɔ̧, Fo Mbɔ̧ɔ̧mà tɔ awɨ̧ nê bɨ̀ ka tsi mbɨ̧̀ɨ̧̀ne èbùꞋ abua mbɨ̧te Musì, wuê nê bɨ̀ ka nɨ àyea mbɔŋ mbɨ̀Ꞌɨ̀ alu̧ a màngɨa àghɨa mbɨ̧te ènyit tɨ̧ tèa nkɨà la, ka bɨ̀ me kɔ̀ŋkè bɔnyɨ bɨ̧ mbɔ̂ ntɨ̀ŋe awɔb.

Gàlashìà 5:22

Ka èghɨ Fo Mbɔ̧ɔ̧mà nàa ŋǎ la wu èkɔŋ, nè mèngùꞋte, nè àlàŋkè, nè màmbɔɔla èntɨ̧ɨ̧, mànkua tèsȩ nè màngɨa ntsɔ̧̀, nè màndaꞋa nkûŋ,

Gàlashìà 5:6

Ndɨ̀ wu bà wu bòt Yesò Klistò la, ba bakà tsi mbɔ̌ ndɨ bàa me lȩ̂ nê bɔ naŋe wòt kò bɔ bakà nàŋe atò leꞋ la. Àghɨa bɔ kɨa la wu èntɨ̧ɨ̧ wu wòt zi ane Yesò Klistò la, e wu bɔ̀ɔ ndzèa ane èkɔŋ wu ŋut bɔ ane bɔbȩ la.

Filìpȩ 2:3

Wòt ka me ghɨ̌ àghɨ nkɨà nê bɔ̀ me ye wuê avi kò shua nè ye ghe leꞋ. Ka waa waa nɨ avi a si a mbì bɔnyɨ bi, mè me nɨ awɔb mbɨ̀Ꞌɨ̀ bòt bɔ tsè àvi la.

Kɔ̀losìà 1:4

Bàa ngɨ̀ ba wua ngɨ̀à ale nkàà nê ba zə ndɨ bɨ zi èntɨ̧ɨ̧ wɨ̧ ane Yesò Klistò, mè me kɔ̀ŋkè bòt Mbɔ̧ɔ̧mà bàgème la.

1 Tèsàlonikà 4:9

Ba bakà tsi mbɔ̌ ndɨ bàa mě eshɨ àkatè abua yɨ̧ eshu awɨ̧ ndɨ bɨ̀a me kɔ̀ŋkè bɔnyɨ bɨ̧ bòt Yesò la. Mbɔ̧ɔ̧mà zìambɔŋ è nyɨꞋte awɨ̧ ndɨ bɨ̀a me kɔ̀ŋkè bɔnyɨ bɨ̧ la.

2 Tèsàlonikà 1:3

Bɔnyɨ, ba bɔ ndɨ bàa me kɔ̀ŋka Mbɔ̧ɔ̧mà àfɨ̀Ꞌ àgème ane ànəa yɨ̧ la. A bɔ̂ŋ nê bà me ghɨ̀ ale, nkàà nê, bɨa mpaa ndzìà èntɨ̧ɨ̧ wɨ̧ ane Yesò Klistò nɨa ngà nè mbì, èkɔŋ wɨ̧ ane bɔnyɨ bɨ̧ e mè me ghà ne mbì.

Ebùlù 13:1

Bɨ̀ me kɔ̀ŋkè bɔnyɨ bɨ̧ bu è wu bòt Yesò la nɨa ngà wuê nè mbì.

1 Pità 1:22

Àfɨ̀Ꞌ yaa bɨ tsiꞋa ngɨ̀à mbɨ̀Ꞌɨ̀ nkûŋ yu è dzə abua Mbɔ̧ɔ̧mà la nàa shua la, bɨ bɔ mèntɨ̧ɨ̧ kèfə tè ntsìꞋa ndâ nkɔ̀ŋkà bɔnyɨ bɨ̧ bòt Mbɔ̧ɔ̧mà. È wu ale, bɨ̀ me kɔ̀ŋkè bɔnyɨ bɨ̧ nɨa ngà nè mbì nè èntɨ̧ɨ̧ wɨ̧ ègème.

1 Pità 2:17

Bɨ̀ me kukte a waa waa mè nkɔ̀ŋkà bɔnyɨ bɨ̧ bu bɔ̀ wu bòt Yesò la. Bɨ̀ me mbɔ̀a Mbɔ̧ɔ̧mà mɨ̧̂, ndɔ̀Ꞌ nkùkta Fɔ̧̀ nɨ̧.

1 Pità 5:5

È me wu awɨ̧ wu bɨ̀ bele e be techɨɨle la, e me shu abua yɨ̧ nê, bɨ̀ me zə bɔɔjuŋ. E mè ntsiꞋa shua abua bòt bàgème àfɨ̀Ꞌ yaa nê bɨ̀ me nɨ awɨ̧ a si ane ndɨ bɨ̀a mbà̧à̧ta bɔnyɨ bɨ̧ la, nkàà nê Àkata Mbɔ̧ɔ̧mà a laꞋnê, “Mbɔ̧ɔ̧mà nàà shuka bòt bu bɔ̀ɔ ŋèꞋa tèkwȩ tɔb ègwet la a si, mbɔ̂ me tɨŋe bòt bu bɔ̀ɔ nɨa wɔb a si la.”

2 Pità 1:7

mbà̧à̧ta bɔnyɨ bɨ̧ nè èkɔŋ, mè me kɔ̀ŋkè bòt bàgème.

1 Jɔ̌n 4:11

Ngule bèshu̧ bɔ̧, ndɨ̀ wu Mbɔ̧ɔ̧mà li ntaꞋa nkɔ̀ŋkè àwa anè la, bà me kɔ̀ŋkè bɔnyɨ ba mɨ̧̂.

1 Jɔ̌n 4:20

Wòt nê yeà nkɔ̀ŋkà Mbɔ̧ɔ̧mà mbɔ̂ me pààbè wanyɨ vi, ŋut ko nê ye wu wòt mèfà̧. BetsiꞋa wòt ghɨ̀ nà me kɔ̀ŋke a Mbɔ̧ɔ̧mà wu tàa ka ye atò la, mbɔ̂ me pààbè wanyɨ vi wu tàa ndzèa atò la à?