Lûm 11:36 - Mundani

³⁶ Èghɨ ègème e li ngu nkàà mètàŋ tò, èghɨ ègème e mè ngu nkàà atò, mè ngu abua tò. TsiꞋ mèngùꞋte wu abua Mbɔ̧ɔ̧mà ane àlia nè àlia. Àmèn.

Lûm 11:36 Iomraidhean Croise

Matìù 6:13

À ka ntsàà àwa a èbem àtaãaãte. Ka ntsì àwa a èbem kàbɔ̀ŋ.’ [Ngu nê kèfɔ̧̀ wu wê, mètàŋ nè mèngùꞋte mè ngu mê ane àlia nè àlia. Àmèn.]

Lûk 19:38

“TsiꞋ Mbɔ̧ɔ̧mà lɔ̀ɔ̀le a fɔ̧̀ wu nkɨ̀Ꞌa ane èlen tò la; Àlàŋkè a wu a kèfɔ̧̀ Mbɔ̧ɔ̧mà, mèngùꞋte wu abua Mbɔ̧ɔ̧mà wu a ègwet la.”

Lûk 2:14

“TsiꞋ mèngùꞋte wu abua Mbɔ̧ɔ̧mà wu a ègwet la. Tà ŋa àlàŋkè abua bòt sitsǎꞋ bàgème nkàà nê tàà nkɔ̀ŋkà àwɔb.”

ÀfaꞋa 17:28

wuê mbɨ̀Ꞌɨ̀ wòt kǒ è làꞋà la nê: ‘Wu mètàŋ tò ka è ghɨ̂ ba wu yû̧, mè me ghȩ̀ȩ̀nè la.’ A wu mbɨ̀Ꞌɨ̀ bɔ̧ màshɨa bɨ̧ ko, e shɨ a si la nê, ‘Bàa mɨ̧̂ e wu bɔ̧ tò.’

Lûm 16:27

Wu ndàꞋà Mbɔ̧ɔ̧mà tà bɔ èyì la. MèngùꞋte wu abua tò ane àlia nè àlia, nkàà àghɨa Yesò Klistò li ngɨ̀ la! Àmèn.

1 Kɔlìn 11:12

Mbɨ̀Ꞌɨ̀ bɔ li nɨ mbâ̧ ka ngɨ̀ àvi la, wu ndɨ àvi nàa mbia mbâ̧ àfɨ̀Ꞌ yaa la. Èghɨ bàagème e dzəa abua Mbɔ̧ɔ̧mà.)

1 Kɔlìn 8:6

ko abua ya, ba bɔ wuê a Mbɔ̧ɔ̧mà wemɔ̀Ꞌ, tà wu Tǎt wa la. Èghɨ ègème ghɨ̀à tòà, è mè ngu tòà ka tà ghɨ̀ àwa mbɨ̀Ꞌɨ̀ baa wu bòt tò la, ba mè mbɔ a Lefɨ̀Ꞌ wuê wemɔ̀Ꞌ, wù Yesò Klistò la. Tà wu wòt Mbɔ̧ɔ̧mà ghɨ̂ tà nɨ̀ èbu bi ngɨ̀ èghɨ ègème la, è mè ngu tòà ka tà ghɨ̂ baa me ko tseka mbɨ̀Ꞌɨ̀ bòt Mbɔ̧ɔ̧mà la.

Gàlashìà 1:5

TsiꞋ mèngùꞋte wu abua Mbɔ̧ɔ̧mà àlia nè àlia. Àmèn.

Efesɔ̀s 3:21

TsiꞋ Mbɔ̧ɔ̧mà bɔ mèngùꞋte nkàà bòt chɔsì nè Yesò Klistò àfɨ̀Ꞌ àgème ane àlia nè àlia. Àmèn.

Filìpȩ 4:20

TsiꞋ mèngùꞋte wu abua Tǎt wa Mbɔ̧ɔ̧mà ane àlia nè àlia. Àmèn.

1 Tɔ̀màtià 1:17

TsiꞋ bòt è wùꞋte a Mbɔ̧ɔ̧mà wu tà wu Fɔ̧̀ mè ngu wòt tàa mbà̧aã ngɔ̀ŋ àfɨ̀Ꞌ àgème la. Tà wu ndàꞋ Mbɔ̧ɔ̧mà wu tàa ka pfə, bɔ ka meè ngua dzea tò la. TsiꞋ mèngùꞋte wu abua tò ane àlia nè àlia. Àmèn.

1 Tɔ̀màtià 6:16

Tà wu ndàꞋà wòt kà wu li epfə, mè me tsèke a kètsìà èkaꞋa vi wu betsiꞋa wòt kà ko ntsě abot la. Wɔ̀bȩ̂ bakà li mè ye atò, wòt kà mè ngu eko eye atò. TsiꞋ bɔbȩ è wùꞋte atò mè ŋeꞋe atò a ègwet tè ndɨ ngɔ̀ŋ naa li ghǎ elìa la. Àmèn.

2 Tɔ̀màtià 4:18

Mâ ko nê, Mbɔ̧ɔ̧mà wu naa tsì am a èbem èghɨ kàbɔ̀ŋ ègème, e mě mbaabe am tè maa ghǎ enyi a èbem kèfɔ̧̀ tò a ègwet. TsiꞋ mèngùꞋte wu abua tò àfɨ̀Ꞌ àgème! Àmèn.

Ebùlù 13:21

ŋà àwɨ̧ àghɨa ntsɔ̧̀ àgème mbɨ̀Ꞌɨ̀ bɨa me ghɨ̀ àghɨa tàa nkɨà la. TsiꞋ tà tsě ane Yesò ngɨ̀ àghɨa àa mbɔ̂ atò la. MèngùꞋte wu abua tò ane àlia nè àlia! Àmèn.

Ebùlù 2:10

Mbɔ̧ɔ̧mà wu wòt tà li ngɨ̀ ka àghɨ àgème a wu la, mè ngua ngɨ̀à èghɨ mbɔŋ ègème abua zi. Tà li ngua nkɨà nê bòt nyaŋ è wu bɔ̧ bi mbɨ̀Ꞌɨ̀ èghɨ bɔɔ bɔ ènɨ̧. A li mbɔ̀ŋ nê tà ghɨa wòt wu tàa ghɨ bòt aa bɔ mèmpème la ye ngoꞋ mbɨ̀Ꞌɨ̀ ewu àghɨa tà bɔ ndɨ tàa wu yùà la.

1 Pità 4:11

ÀfaꞋa wòt wu màndaꞋa èngǎ̧ Mbɔ̧ɔ̧mà, tà làꞋà wuê mbɨ̀Ꞌɨ̀ e dzə abua Mbɔ̧ɔ̧mà la. Àyea wòt wu màntɨŋa banɔ̧̀, tà me tɨŋe wuê ane mètàŋ mu è dzə abua Mbɔ̧ɔ̧mà la. Bɨ̀ me ghɨ̀ ale mbɨ̀Ꞌɨ̀ waa waa naa wùꞋte Mbɔ̧ɔ̧mà ane àghɨ àgème bɨ̀a ngɨ̀à la ane èlen Yesò Klistò. MèngùꞋte nè mètàŋ è wu abua Yesò Klistò ane àlia nè àlia. Àmèn.

1 Pità 5:11

Wu tòà ka tà bɔ mètàŋ ègème ane àlia nè àlia la. Àmèn.

2 Pità 3:18

È me wu awɨ̧ ko bɨ̀ tsiꞋ èkɔŋ wɨ̧ ane Yesò Klistò Lefɨ̀Ꞌ wu tà wu Mpemnà wa la è me tsə, bɨ̀ mèe me ko atò nɨa ngà nè mbì. TsiꞋ mèngùꞋte wu abua Yesò Klistò ebùꞋu àfɨ̀Ꞌ yaa egha wu ane àlia nè àlia. Àmèn.

Jûd 1:25

Maà shù̧ù̧ta nê Yesò Klistò Lefɨ̀Ꞌ wa ghɨa bòt è ŋa mèngùꞋte abua tò wu tà wu ndàꞋ Mbɔ̧ɔ̧mà mè ngu Mpemnà wa la. Ètɨ̧̂ ègème, nè mètàŋ ègème e wu abua tò. Kèfɔ̧̀ wu we tò, e bùꞋù tê àfɨꞋa mbì, mè mbèle àfɨ̀Ꞌ yaa, mè ngu ewu ane àlia nè àlia. Àmèn.

Ètsə 19:1

Mbɨ̀Ꞌɨ̀ àyaa a tsè la, e ndzə àghɨa ko a nɔ̀ŋkè mbɨ̀Ꞌɨ̀ àtɔŋ ènɔ̧̂ bòt a ègwet, ŋȩ̀a shua nê, “Alèluyà! Mèmpème nè ènɨ̧ nè mètàŋ wu abua Tǎt wa Mbɔ̧ɔ̧mà.

Ètsə 21:6

Tà ghɨ̀ ale, mè shu abua am nê, “A mî, E ngu mbì nè kwèn, MèmbùꞋu nè Mèndìa. Maa ŋa mèleb è dzəâ a èbem adzì wu nàa ŋa mèmpème la, àku, abua waa waa àtɔŋ tò a yu̧ la.

Ètsə 7:10

Bɔ me ŋȩa shua nê, “Wu Mbɔ̧ɔ̧mà wa wu a ègwet àtɨ̧a kèfɔ̧̀ yu la, bɔ̂ Wanjɨ̀ wu ka bɔ̀ɔ ŋa awa mèmpème la.”

Ètsə 7:12

Bɔ bɔ̀tè ale, me shu nê, “Àmèn! MèngùꞋte wu abua Tǎt wa Mbɔ̧ɔ̧mà, nè ènɨ̧, nè èyì, nè mènkɔ̀ŋke, nè kènùke nè mètàŋ ane àlia nè àlia! Àmèn.”