Bìoball air-loidhne

Lûm 11:25 - Mundani

²⁵ Bɔnyɨ bɔ̧, ànəa ndò̧ àko aa və màa nkɨà bɨa ko la, mbɨ̀Ꞌɨ̀ bɨa baka wua mɨ̀ɨ̀tà nê bɨ ko nyaŋ. Ànəa mbɔŋ wu nê, àtsəa kekweelè Bèjuê à ka li wu àfɨ̀Ꞌ àgème a. Aa li lìa àfɨꞋa kèmpà̧ bòt kà wu Bèjuê bu Mbɔ̧ɔ̧mà làà àwɔb la, è kùꞋù la.

Faic an caibideil Dèan lethbhreac

dol air ais ⬆

Lûm 11:25
41 Iomraidhean Croise

Matìù 13:11

Yesò bɨ̀ɨ̀lè nê “Bɔ ŋa wɨ̧ èyì a mànkoa ènəê ndô̧ kèfɔ̧̀ Mbɔ̧ɔ̧mà, ka bɔ̀ ka ŋa abua bòt ngɔ̀ŋ yaa,

Faic an caibideil

Lûk 21:24

Bɔɔ li kɨ̧ɨ̧me bòt ko, mbà̧à̧ èbeko ane èbùꞋ nɨŋ nga èlaꞋ tsa tsa. Naa li ngu àfɨꞋa mbɔŋ bòt kà wu Bèjuê e tɔ̀Ꞌtè a Jèlusalèm ndàŋkè a si, tè àfɨꞋa mètàŋ bèŋût nàa li mǐ la a kùꞋ.”

Faic an caibideil

Jɔ̌n 10:16

Mâ bɔ njɨ̀te ko kà zìꞋ ngu a èbem àlaã yàa. Mâ bɔ ndɨ màa fete tùà mɨ̧̂ la. Tea zə àtɔŋ am ekɨꞋɨ, àlaã njɨ̀ yu aa tsiꞋi yeamɔꞋ e mě bɔ a mbaabà wemɔ̀Ꞌ.

Faic an caibideil

Lûm 1:13

Bɔnyɨ bɔ̧, bɨ̀ ko nê mâ taŋke ngò̧ nyaŋ nê e nkɨ kɨꞋɨ e ye awɨ̧ (ka àghɨa ko a kele am e kɨꞋɨ e dzə àfɨ̀Ꞌ yaa). E nkɨ kɨꞋɨ mbɨ̀Ꞌɨ̀ ghɨ̌ bòt ko aa zì mèntɨ̧ɨ̧ mɔb ane Yesò, mbɨ̀Ꞌɨ̀ mâ ghɨ̌ ayɔɔ bòt kà wu Bèjuê a èdzìꞋ èko la.

Faic an caibideil

Lûm 11:12

Bòt Izəèlȩê e li ngɨ̀ a kàbɔ̀ŋ è ghɨ̌ bòt ngɔ̀ŋ e bɔ èghɨ ntsɔ̧̀ nyaŋ. Ndɨ̀ wu bɔ li bɔ̀ ka ghɨ̂ mbɨ̀Ꞌɨ̀ Mbɔ̧ɔ̧mà kɨa la, a mè ngɨ̀ bòt kà wu Bèjuê e bɔ èghɨ ntsɔ̧̀ nyaŋ. A wu wu anè ko èghɨ ntsɔ̧̀ bu aa paa ghe, àfɨꞋa bòt Izəèlȩê bu bàgème àa paa me zə a Mbɔ̧ɔ̧mà la.

Faic an caibideil

Lûm 11:24

Bɨ̀a bòt kà wu Bèjuê aa mbɨ̀Ꞌɨ̀ èntaãaã olìf èbemebàꞋ bɔ loo ngà ndzì adù̧ àyɨt olìf bɔ liꞋ la, è wu àghɨa a ghɨ̂ à ka wuê wu ale la. Bèjuê beà mbɨ̀Ꞌɨ̀ mèntaãaã àyɨt yaa bɔ liꞋi la, ale a wu me yu abua Mbɔ̧ɔ̧mà e nɨ mèntaãaã àyɨt a mbɔŋ bɔ yaã ndòòte la e kɨꞋɨ zǐ adzìꞋ azi.

Faic an caibideil

Lûm 12:16

Bɨ̀ me tseke ane ètsəê wemɔꞋ nè bɔnyɨ bɨ̧, bɨ̀ ka me ŋeꞋe tèkwȩ tɨ̧ a ègwet, mè me ghɨ̀ èshu̧ nè bòt bɔ̀ wu ne si la. Bɨ̀ ka me mɨ̀ɨ̀te nê bɨ bɔ èyì nyaŋ.

Faic an caibideil

Lûm 16:25

Bàa ŋa mèngùꞋte abua Mbɔ̧ɔ̧mà! Tà bɔ mètàŋ e ghɨ̌ bɨa me kweele mbɨ̀Ꞌɨ̀ Ntu̧ Ntsɔ̧̀ nàa shua la. Ntu̧ Ntsɔ̧̀ mbɔŋ wu ntu̧ yu màa ndàꞋà ane ànəa Yesò Klistò la, è wu nkûŋ yu bɔ li bɔ̀ ka ko ànəa yùà ane mèngùꞋ nyaŋ è tsè la.

Faic an caibideil

Lûm 9:18

Ale, Mbɔ̧ɔ̧mà nàa nkɔ̀ŋkà e ku tèsȩte wòt, tà ku. Tà mèe tà me kɨ e ghɨ̌ wòt naa bɔ àkweela èntɨ̧ɨ̧, tà ghɨ̀.

Faic an caibideil

1 Kɔlìn 10:1

Bɔnyɨ bɔ̧, maà nkɨà bɨa ku̧u̧te nê, è li ngu àfɨ̀Ꞌ yu bètǎt nyaꞋ ba àa nkuŋa Musì àbâ àlaꞋ àyuube la, mbàꞋ me nyɨꞋte awɔb alu̧, bɔ mè ntsè a èbem *Èdzî Mèmbaŋ wu kà àghɨ a ghɨ̀ àwɔb.

Faic an caibideil

1 Kɔlìn 12:1

Bɔnyɨ bɔ̧, maà nkɨà bɨa ko nkûŋ ane ànəa mèghàb mu Fo Mbɔ̧ɔ̧mà nàa ŋǎ la.

Faic an caibideil

1 Kɔlìn 2:7

Ba làꞋà ànəa èyǐ Mbɔ̧ɔ̧mà wu tà lè yaã ndò̧ la. Ngɔ̀ŋ li me bùꞋu tà yaŋe taŋke ayaa mbɨ̀Ꞌɨ̀ baa bɔ e waa ne èghàb ane ènɨ̧ tò.

Faic an caibideil

1 Kɔlìn 4:1

Bɨ̀ me nɨ awa mbɨ̀Ꞌɨ̀ bòt Yesò Klistò zì mènəè mi mu è li ngu mènəè ndò̧ la a tèkitebu tɔb nê bɔ̀ me nyɨꞋte la.

Faic an caibideil

Efesɔ̀s 1:9

Tà gha ambo èlɨ̀ wu tà bɔ èyì mè nko àghɨ àgeme la, ngɨ̀ ba koê èghɨ ndò̧ tò bu bòt e li bɔ̀ ka ko la. Tà li ndzaŋe taŋke ndɨ Yesò Klistò nàa ghaꞋa èlu̧ bòt aa ko la.

Faic an caibideil

Efesɔ̀s 3:9

ÀfàꞋ am li mè ngu a màngɨa bòt bàgème aa ye ndɨ Mbɔ̧ɔ̧mà nàa ghɨ̌ ànəa ndò̧ àzi ya aa wu la. Mbɔ̧ɔ̧mà wu tà ghɨ àghɨ àgème la li ndò̧ ànəê yaa abua bòt tê àfɨꞋa mbì.

Faic an caibideil

Efesɔ̀s 4:18

ÀkwàꞋte àyɔb a kwene ndzěm. Bɔ bakà bɔ mèntsèke fi mu Mbɔ̧ɔ̧mà nàa ŋǎ abua bòt la, nkàà nê bɔɔ ngɨ̀à mèntɨ̧ɨ̧ mɔb kweelà, bɔ̀ ka ko àghɨ, bɔ̀ ka mê ngua nkɨ eyute ànəa Mbɔ̧ɔ̧mà shua la.

Faic an caibideil

2 Pità 3:8

Bèshu̧ bɔ̧, bɨ̀ ka ndèènè ànəê yaa yeamɔꞋ la nê, aa abua Mbɔ̧ɔ̧mà àliabȩ yeamɔꞋ à ka kubte ane èngùꞋebȩ tɔsì. Àliabȩ ngaa yeamɔꞋ la, nè èngùꞋebȩ ngaa tɔsì la abua tò bê ngu wuê àghɨ yeamɔꞋ.

Faic an caibideil

Ètsə 1:20

È me wu ànəa ndò̧ yu ane těnto̧ tu tesà̧à̧mbe mâ bèa àbualu̧ am la, nè èghɨ bu besà̧à̧mbe bɔ̀ɔ ntsìta mèkàꞋà adù̧, bɔ ghɨ ane goêl la, ko tsiꞋ è shu awê lə èghɨ mbɔŋ. Těnto̧ tu tesà̧à̧mbe la wu bɔntu̧ bu basà̧à̧mbe bɔ̀ɔ ndȩ̀à bèchɔsì bu basà̧à̧mbe la. Èghɨ bu bɔ̀ɔ ntsìta mèkàꞋa adù̧ besà̧à̧mbe la, è wu bèchɔsì ngaa basà̧à̧mbe la.

Faic an caibideil

Ètsə 10:7

ÀfɨꞋa wantu̧ Mbɔ̧ɔ̧mà wu, è wu we basà̧à̧mbe la è tɔ èsɔndɨk li la, mènəè ndò̧ Mbɔ̧ɔ̧mà nàa te, mbɨ̀Ꞌɨ̀ tà li shu bɔfàꞋ bi bu, è wu bèndàꞋàtɔŋ tò la, nê naa wu la.”

Faic an caibideil

Ètsə 11:15

ÀfɨꞋa mbɔŋ we basà̧à̧mbe ane bɔntu̧ Mbɔ̧ɔ̧mà bu è tɔ è li ne èsɔŋ, ètɔŋ e ŋȩ a ègwet me shu nê, “Mbɔ̧ɔ̧mà Lefɨ̀Ꞌ wa bɔ̂ Fɔ̧̀ tò wu tà li ndzɔꞋ ntsà la, e tsiꞋa mbà̧aã bèlèfɔ̧̀ sitsǎꞋ àfɨ̀Ꞌ yaa. Tàa li wu fɔ̧̀ ane àlia nè àlia.”

Faic an caibideil

Ètsə 7:9

Àyaa a tsè ale, e mè ndȩ̀ me ye ndze mènɔ̧̂ bòt kwàꞋ ànyaꞋne, kà wòt wu ko e pà̧aã. Bòt ngaa e li ndzəèa èlaꞋ ègème, nè èndà̧ ègème nè tèwuute bòt tègème, mè nè ndɨ̧ tègème. Bɔ li nkwaãaã ndìte kèfə mè mbèà èwumaŋ àbu bɔb, ntɨ̧̀ɨ̧̀te a mbì àtɨ̧a kèfɔ̧̀ yu nè Wanjɨ̀ wu a ngèt la.

Faic an caibideil

Lean sinn:

Ceanglaichean taic

Sanasan

Sanasan