Lûm 10:4 - Mundani

⁴ Yesò Klistò li nkɨ̀Ꞌɨ̂ ale, àfaꞋa mbɨ̧ à ka tsi nguê, mbɨ̀Ꞌɨ̀ naa tsiꞋi wòt ègème tà zi èntɨ̧ɨ̧ vi ane Yesò Klistò la, ka Mbɔ̧ɔ̧mà nàa nɨa tò mbɨ̀Ꞌɨ̀ wòt tà tɨ̧ɨ̧ ndɨŋndɨ̀ŋ a mbì li la.

Lûm 10:4 Iomraidhean Croise

Matìù 3:15

Yesò shu abua tò nê, “TsiꞋ à wu anè àfɨ̀Ꞌ yaa, nkàà nê ba nè e bɔ ndɨ bàa ghɨ̌ èghɨ ègème Mbɔ̧ɔ̧mà nàa nkɨà la.” Ale, Jɔ̌n bɨ̧ɨ̧ne.

Jɔ̌n 1:17

È wu nè ànəê mbɨ̧te Mbɔ̧ɔ̧mà ko Mbɔ̧ɔ̧mà li ndzi a tèkitebu Musì ka tà ŋǎ abua bɔbȩ, è me wu èkɔŋ nè nkûŋ, ta tsaa a Yesò Klistò ka tà kɨ̀Ꞌɨ̂ nyɨ̀Ꞌte awa.

Lûm 3:22

Èlɨ mbɔŋ wu nê bòt àa ngɨ̀ bɔ̀ zì mèntɨ̧ɨ̧ mɔb ane Yesò Klistò, Mbɔ̧ɔ̧mà nɨ awɔb bàgème mbɨ̀Ꞌɨ̀ bòt bɔ tɨ̧ɨ̧ ndɨŋndɨ̀ŋ a mbì li la. Mbɔ̧ɔ̧mà a nɨ bòt bàgème mbɨ̀Ꞌɨ̀ àghɨ yeamɔꞋ,

1 Kɔlìn 1:30

Wu Mbɔ̧ɔ̧mà ka tà ghɨ̂ ba tsiꞋi àghɨ yeamɔꞋ nè Yesò Klistò la. Yesò Klistò wu mbɨ̀Ꞌɨ̀ èyǐ Mbɔ̧ɔ̧mà abua ya. Tà ghɨ̂ ba tsiꞋi bòt mènəè ntsɔ̧̀ e mbì Mbɔ̧ɔ̧mà, mè ntsìꞋi bòt bɔ ŋa wɔb abua Mbɔ̧ɔ̧mà la. Wu tòa tà tsì àwa a èbem kàbɔ̀ŋ la mɨ̧̂.

Gàlashìà 3:24

Ale, mbɨ̧tsə te li ngu àghɨa àa me baabe awa la te egha wu àfɨ̀Ꞌ yu Yesò Klistò li nkɨ̀Ꞌɨ̂ la, mbɨ̀Ꞌɨ̀ baa tɨ̧ɨ̧ ndɨŋndɨ̀ŋ e mbì Mbɔ̧ɔ̧mà nkàà èntɨ̧ɨ̧ wu ba zi ane Yesò Klistò la.

Gàlashìà 4:5

Tà li ntsaa atò mbɨ̀Ꞌɨ̀ taa kɨꞋɨ echùꞋù ètsə bòt bu bɔ̀ wu mbɨ̀Ꞌɨ̀ èbùꞋ a èten mbɨ̧tsə la e ghɨ̌ baa tsiꞋi bɔ̧ Mbɔ̧ɔ̧mà.

Kɔ̀losìà 2:10

Mbɔ̧ɔ̧mà mè ŋa wɨ̧ ngule mèmpème ndɨ̀ wu bɨ tò ba è tsiꞋi àghɨ yeamɔꞋ la. Tà tsě fo tègème tèa mbà̧aã èlaꞋ mè ntsìta mènəè la.

Kɔ̀losìà 2:17

Èwuu èghɨ mbɔŋ li ngu wuê àlɨ̀ŋka èghɨ nga li ekɨꞋɨ la. Nkûŋ yu ane èghɨ mbɔŋ la wu Yesò Klistò à.

Ebùlù 10:14

Tà ŋà àtsəa zi ngò̧ yemɔ̀Ꞌ ale, ngɨ̀ bòt bu Mbɔ̧ɔ̧mà shùù mènəè kàbɔ̀ŋ mɔb la e tsiꞋi àghɨa bɔ wu ewu yùà la ane àlia nè àlia.