Lûm 10:2 - Mundani

² BetsiꞋa e ndàꞋa nkûŋ ane ànəa yɔb nê bɔ batè ndâ mbɔ̂ èntɨ̧ɨ̧ a mànkuŋa Mbɔ̧ɔ̧mà, ka bɔ̀ ka ko ntsɔ̧̀ ndɨ bɔ wu me kùŋe atò la.

Lûm 10:2 Iomraidhean Croise

Jɔ̌n 16:2

Bòt aa kɨ̀ŋè àwɨ̧ a èbem lobte Mbɔ̧ɔ̧mà etsǎ àbȩ. Ane nkûŋ, àfɨ̀Ꞌ àko aa nkɨ̀Ꞌa wòt bùŋà wɨ̧ ko taa mɨ̀ɨ̀te nê ye wua nkùkta Mbɔ̧ɔ̧mà ane àghɨa ye ghɨ̀à la.

ÀfaꞋa 21:20

Mbɨ̀Ꞌɨ̀ bɔ zə èngǎ̧ tò la, bɔ wùꞋte a Mbɔ̧ɔ̧mà bàgème, mbɔ̂ shu abua Pɔ̂l nê, “Wanyɨ wa, à ye àwɔ̀ mbɔŋ ndɨ Bèjuê mbɔ̀ŋè bètɔsì kà pà̧ be zì mèntɨ̧ɨ̧ mɔb ane Yesò mbɔ̂ mbèla nkùŋà mbɨ̧ ta ntsɔ̧̀ la.

ÀfaꞋa 21:28

Bɔ baãaã atò ale, me ŋȩa shua nê, “Bòt Izəèlȩê, bɨ̀ tɨ̀ŋe awa. Eyaa wu mbê wu tàa ngȩ̀ȩ̀nà nyɨ̀Ꞌta bòt bàgème nê bòt Izəèlȩê, nè mbɨ̧te Musì, fɔ̀ɔ̀lè ne lob nɨ̧ Mbɔ̧ɔ̧mà a Jèlusalèm wu èghɨ aku la. Ye atò àfɨ̀Ꞌ yaa tà chɨɨmè nɨ bòt ko kà wu Bèjuê nyi a èbem lob nɨ̧ Mbɔ̧ɔ̧mà a Jèlusalèm tè ntsòkè lob ngaa la.”

ÀfaꞋa 22:22

Bòt bu e buŋ me yute tê Pɔ̂l è làꞋ ànəê yaa, bɔ bùꞋ me ŋȩ ane ètɨ̧̂ shua nê, “Bɨ̀ tsi atò a sitsǎꞋ ŋàa. Bɨ̀ bùŋe atò. Tà bakà kùꞋu wòt tàa me tseke a ngɔ̀ŋ ŋaa la.”

ÀfaꞋa 22:3

Nê “E ngu wòt Juê bɔ bi am Tasɔ̀s àbâ àlaꞋ a Sìlisìà la. Mbɔ̂ e ndi ntsə a Jèlusalèm ŋaa mbɨ̀Ꞌɨ̀ wakatè Gàmalìà. Bɔ li nèètè nyɨ̀Ꞌte am ndɨ màa me kùŋe mbɨ̧te bètǎt nyaꞋ ba la. E mè ŋà ènyit yaã abua Mbɔ̧ɔ̧mà wuê mbɨ̀Ꞌɨ̀ bɨ̀agème wàà bɨ tɨ̧ɨ̧ a si ŋàa laane la.

Lûm 10:1

Bɔnyɨ bɔ̧, àghɨa èntɨ̧ɨ̧ am àa nkɨà la, nè àtsàꞋtè am abua Mbɔ̧ɔ̧mà wu nê bòt bɔ̧ bòt Izəèlȩê e wu bɔ mèmpème.

Lûm 10:3

Ndɨ̀ wu bɔ li bɔ̀ ka ko ntsɔ̧̀ ndɨ Mbɔ̧ɔ̧mà nàa nɨa wòt mbɨ̀Ꞌɨ̀ wòt tà tɨ̧ɨ̧ ndɨŋndɨ̀ŋ a mbì li la, mè ntsiꞋi me kɨ wuê wɔb ne alu̧ la, a ghɨ̀ bɔ̀ ka bɨ̧ɨ̧nè ane we ne alu̧ Mbɔ̧ɔ̧mà wu tàa nɨa bòt mbɨ̀Ꞌɨ̀ bòt bɔ tɨ̧ɨ̧ ndɨŋndɨ̀ŋ a mbì li la.

2 Kɔlìn 4:4

Bòt ngaa e tu̧u̧ bɨ̧ɨ̧ne nkàà nê, Satàn wu tà wu mbɔ̧ɔ̧mà ngɔ̀ŋ yaa la, è kɔke mbàꞋ a mèntɨ̧ɨ̧ mɔb. Tà kabte àghɨ ayɔb mbɨ̀Ꞌɨ̀ ka bɔ ye èkaꞋà wu è wu Ntu̧ Ntsɔ̧̀ yu nàa ndàꞋà ànəa ènɨ̧ Yesò Klistò wu tà wù mbɨ̀Ꞌɨ̀ Mbɔ̧ɔ̧mà la.

2 Kɔlìn 4:6

Mbɔ̧ɔ̧mà wu tà li shu nê “ÈkaꞋà è beꞋe a èbem ndzěm la”, wu tòà tà li ngɨ̀ èkaꞋà vi e beꞋe a mèntɨ̧ɨ̧ ma la. Tà li ngɨ̀ anè mbɨ̀Ꞌɨ̀ baa ye èkaꞋa tò mbèꞋa a èsi Yesò Klistò e ko ndɨ ènɨ̧ Mbɔ̧ɔ̧mà àa la.

2 Kɔlìn 8:3

TsiꞋ è shu awɨ̧ nkûŋ nê, bɔ li ŋà àghɨa betsiꞋa bɔ ko eŋa la tè mè ntsè fɔɔle ale, kà wòt wu̧u̧ awɔb,

Gàlashìà 1:14

E ndi ngɨ̀ mènəè mbɨ̧te Bèjuê tèa nkɨà la tè ntɨ̧ a mbì nkàŋè taã ko nyaŋ àlaꞋ a ya. E ndi mbê nge màa nkùŋà mènəè bètǎt nyaꞋ ba la.

Gàlashìà 4:15

Bɨ li ngùꞋtè àwɨ̧ ale eghǎ tseke tè ngɨ̀ à? Mâ bê ndâ nko nê è lè ghɨ̂ ale nguê àghɨa betsiꞋa wɔ̀bȩ̂ koê ngɨ̀ la ko bɨ tsɔꞋte àghɨ ayɨ̧ ŋa abua am.

Filìpȩ 1:9

Maà ntsàꞋtà Mbɔ̧ɔ̧mà àtsəa yɨ̧ nê, èkɔŋ wɨ̧ è me tsəa ngà wuê nè mbì, a màmbɔ èyì, e mě lâ eko ndɨ bɨ̀a me ghɨ̌ àghɨ àgème la.

Filìpȩ 3:6

Ànəa mbɨ̧te Bèjuê a li ngu àtsə am tè e me gheeba nkɨà àtsəa bòt chɔsì enɨ. È wu ànəa màntɨ̧a ndɨŋndɨ̀ŋ a mbì Mbɔ̧ɔ̧mà mbɨ̀Ꞌɨ̀ mbɨ̧te Bèjuê tèa nkɨà la, ko e ndi è nka ghɨ̂ àghɨa ko bòt àa fèèlè am adù̧ la.

Kɔ̀losìà 4:13

Mmɔ̌ mbɔŋ mâ ye ndɨ tà lâ fàꞋ a màntɨŋa wɨ̧ bɨ bòt bu a Làoêdisìà la, nè èbu a Èlapolìs la.