Lûm 10:18 - Mundani

¹⁸ Ka tsiꞋ è mbììtè nê tè bɔ bakà zəəè? Ane nkûŋ, bɔ zə, nkàà nê Àkata Mbɔ̧ɔ̧mà a laꞋnê, “Ànəa bɔ̀ làꞋà la, a gha a èdziꞋ ègème a sitsǎꞋ, Mèngǎ̧ mɔb mè nga a bètɔ̀Ꞌa ngɔ̀ŋ bàgème.”

Lûm 10:18 Iomraidhean Croise

Matìù 24:14

Bɔɔ li tsɔ̀te Ntu̧ Ntsɔ̧̀ kèfɔ̧̀ Mbɔ̧ɔ̧mà yaa a èlaꞋ ègème a sitsǎꞋ mbɨ̀Ꞌɨ̀ waa waa naa zə, ka ngɔ̀ŋ naa lìa.

Matìù 26:13

Ane nkûŋ, tsiꞋ è shua wɨ̧ nê, àdziꞋ àgème a sitsǎꞋ ŋaà bɔ̀ɔ me tsɔ̀te Ntu̧ Ntsɔ̧̀ kèfɔ̧̀ Mbɔ̧ɔ̧mà yaa la, bɔɔ me làꞋa ànəa àvi wàa ghɨ la nɨa nkù̧ù̧ta tò.”

Matìù 28:19

È wu ale, bɨ̀ ghǎ ngɨ̀ bòt èlaꞋ ègème è tsiꞋi bɔkatè bɔ̧, ngɨ̀ bɔ zì àwɔb a èdzî ane èlen Mbɔ̧ɔ̧mà, nè èlen Waã, nè èlen Fo Kèfə,

Matìù 4:8

Satàn mè nɨa Yesò nkɔꞋ ngà a ègwet taꞋà èbȩ ko, nyɨ̀Ꞌte atò èlaꞋ sitsǎꞋ ègème nè ènɨ̧ awɔb.

Ntu̧ Ntsɔ̧̀ MAK 16:15

Tà li shu abua yɔb nê, “Bɨ̀ ghǎ a ngɔ̀ŋ ègème ntsɔ̀tè Ntu̧ Ntsɔ̧̀ abua waa waa.

Ntu̧ Ntsɔ̧̀ MAK 16:20

Bɔkatè Yesò e li ngà èdzìꞋ ègème ntsɔ̀te Ntu̧ Ntsɔ̧̀. Lefɨ̀Ꞌ me fàꞋa bɔ̂ tò ba, ngɨ̀à bɔ ghɨ̀à èghɨ àa nyɨ̀Ꞌta mètàŋ tò la, nɨa nyɨ̀Ꞌta nê èngà̧ wu bɔ làꞋà la wu nkûŋ.]

ÀfaꞋa 1:8

È me wu awɨ̧ ko Fo Kèfə naa zǐ mètàŋ ane yɨ̧, bɨa ghǎ e me shu ànəa bɨ ye mè nko ane yaã la abua bòt Jèlusalèm, nè bòt àlaꞋ a Jùdià nè Sàmalìà, mè nè bòt èlaꞋ ko tsa a sitsǎꞋ ŋàa.”

ÀfaꞋa 26:20

E ndi mbɨ̀ ndàꞋ èngǎ̧ Yesò a Dàmaskɔ̀s, me tsɔꞋɔ ndaꞋa a Jèlusalèm, mè ndaꞋa àlaꞋ a Bèjuê àgème, ka mbɔ̂ ndaꞋa abua bòt kà wu Bèjuê. E ndi ngua ndaꞋa shua nê, bɔ̀ ghɨ̀ mènəè mu è nyɨꞋtè nê, bɔ waꞋa mènəè kàbɔ̀ŋ mɔb la, mbɨ̀Ꞌɨ̀ etsiꞋi bòt bɔ̀ɔ nkuŋa a Mbɔ̧ɔ̧mà la.

ÀfaꞋa 28:23

Ale, bɔ̂ Pɔ̂l ba e kàꞋà àlia, tè bòt e kɨꞋɨ kwàꞋ ànyaꞋne ane àlia mbɔŋ àdzìꞋa tàa ntsèka la. Bɔ kɨꞋɨ ale, tà bùꞋ a ntɔtetsɔ̌Ꞌ eghǎ ewu ètsəꞋ me yààte ànəa Kèfɔ̧̀ Mbɔ̧ɔ̧mà, è shua awɔb. Tà ghɨ̀ ale, tà me wȩȩte mènəè kǒ adù̧ mbɨ̧te Musì nè àkatè yu bèndàꞋàtɔŋ Mbɔ̧ɔ̧mà e li shɨŋ la shua awɔb, è nkɨ enyɔ̀Ꞌte e ghɨ̌ bòt ko ane yɔb aa zì mèntɨ̧ɨ̧ mɔb ane Yesò.

Lûm 1:8

Maà mbɨ̌ kɔ̀ŋke a Mbɔ̧ɔ̧mà am ane èlen Yesò Klistò ane yɨ̧ bɨ̀agème, ane ndɨ bòt a èdziꞋ ègème aà ndàꞋà ndɨ bɨ zi mèntɨ̧ɨ̧ mɨ̧ ane Yesò Klistò la.

Lûm 15:19

Mâ ghɨ̂ èlȩê e ghe la, nè mènəè ngɨŋa Fo Kèfə è ŋa mètàŋ e ngɨ̀ la. Ale, ebuꞋu a Jèlusalèm e ghǎ wua Èlikùm, mâ tsɔ̀te Ntu̧ Ntsɔ̧̀ Yesò Klistò a èdziꞋ ègème.

Kɔ̀losìà 1:23

Aa wu anè, ane yɨ̧ na bɨ me zì mèntɨ̧ɨ̧ mɨ̧ ane Ntu̧ Ntsɔ̧̀ yu, me kweele mbɨꞋɨ̀ àtetsi àkekweelè, mè mbakà sàŋ àghɨa ko aa nyìꞋì ntɨ̀ yu bɨ li mbɔŋ àfɨ̀Ꞌ yu bɨ li mbɨ̀ ndzəâ Ntu̧ Ntsɔ̧̀ yu la. Bɔ li ntsɔ̀tè Ntu̧ Ntsɔ̧̀ ya abua waa waa a sitsǎꞋ ŋàa. Mmɔ̌ Pɔ̂l e ndi ntsìꞋi wafàꞋ Yesò Klistò mbɨ̀Ꞌɨ̀ me tsɔ̀te Ntu̧ Ntsɔ̧̀ yaa, abua waa waa.

Kɔ̀losìà 1:6

Ntu̧ Ntsɔ̧̀ yaa bɔ tsɔte abua yɨ̧ la nàà ngà̧aã a èdzìꞋ ègème a ngɔ̀ŋ ŋaa mɨ̧̂, ngɨ̀à bòt e zəa ntsɔ̧̀, wuê mbɨ̀Ꞌɨ̀ nàa ngɨ̀à èghɨ ngaa ègème a kètsìà wɨ̧ la. E li ngua ngɨ̀à anè e bùꞋù tê ane àlia mbì yu bɨ li ndzə ànəa ntsɔ̧̀ Mbɔ̧ɔ̧mà ndɔ̀Ꞌ a me lìa bɨ mè ndâ nko ndɨ nàa la.

1 Tèsàlonikà 1:8

Ntu̧ Ntsɔ̧̀ Yesò yaa lè kaꞋa dzə abua yɨ̧ e ghà wuê ndaꞋa Màsèdonìà bɔ̂ Akayà. Bòt èdziꞋ ègème e zə fɔ̀ɔ̀le ndɨ bɨ zì mèntɨ̧ɨ̧ mɨ̧ ane Mbɔ̧ɔ̧mà la, tè ànəa ko à ka tsi ngu bàa mě shu awɔb la.