Lûm 1:9 - Mundani

⁹ Mbɔ̧ɔ̧mà wu mâ ŋa am nènkèm abua tò a mànstsɔta Ntu̧ Ntsɔ̧̀ waã tò la, è koê nê ànəa e ndàꞋà la wu nkûŋ nê, màa ngɨ̀ e me tsàꞋte atò àfɨ̀Ꞌ àgeme e me làꞋà ànəa yɨ̧ abua tò,

Lûm 1:9 Iomraidhean Croise

Ntu̧ Ntsɔ̧̀ MAK 1:1

Eyaa wu Ntu̧ Ntsɔ̧̀ ane ànəa Yesò Klistò Waã Mbɔ̧ɔ̧mà.

Lûk 18:1

Yesò ghɨ̀ ale, shu bɔkatè bi èngà̧teme wàa nɨŋ nyɨ̀Ꞌte awɔb nê, bɔ bɔ̂ ndɨ bɔ̀ɔ me dɨ̀a abua Mbɔ̧ɔ̧mà àfɨ̀Ꞌ àgème kà kaã la.

ÀfaꞋa 12:5

Mbɨ̀Ꞌɨ̀ Pità wu a tèfȩ la, bòt chɔsì e me ntsàꞋta Mbɔ̧ɔ̧mà àtsə atò kwàꞋ ànyaꞋne.

ÀfaꞋa 19:21

Mbɨ̀Ꞌɨ̀ mènəè maa è tsè la, Pɔ̂l è kwàꞋtè nê yea ghǎ a Màsèdonìà, nga àlaꞋ Akayà, mbɔ̂ ntsè ngà nè mbì tè ngu a Jèlusalèm. Tà ghɨ̀ ale, tà mè nkwàꞋtè nê, ye ghà tè ngu abàꞋ və, ko yea ghà tê wu a Luêm.

ÀfaꞋa 24:14

TsiꞋ è mbɨ̧ɨ̧ne abua yê nê, maà ngùꞋtà a Mbɔ̧ɔ̧mà bètǎt nyaꞋ ba ane Alu̧ Yesò wu bɔ shua nê wu we fɨ̀te la. Mâ mê mbɨ̧ɨ̧nê mènəè ègème nàà a èbem àkata mbɨ̧te Musì, nè me nàa a èbem èkatè bèndàꞋàtɔŋ Mbɔ̧ɔ̧mà la.

ÀfaꞋa 27:23

Aa wu ale nkàà nê, nàà wu ètsəꞋ Mbɔ̧ɔ̧mà wu è ngu waã tò mè me wùꞋte atò la, tsàà wantu̧ vi tà kɨ̀Ꞌɨ̂ èshu abua am nê,

ÀfaꞋa 3:26

È wu ale, bɨ̀ ko nê, bɨ wu bòt mbì Mbɔ̧ɔ̧mà li ndȩ̀ Waã vi ntsaa abua yɨ̧ la. Tà li ntsaa atò nê tà ghɨa bɨ̀ sà mènəè kàbɔ̀ŋ mɨ̧ mbɨ̀Ꞌɨ̀ yea lɔ̀ɔ̀lè àwɨ̧.”

Lûm 9:1

Ànəa e shua la wu nkûŋ, ndɨ̀ wu è ntsiꞋi àghɨ yeamɔꞋ nè Yesò Klistò la. È nka laꞋà mèfà̧. Mèmɨ̀ɨ̀te mɔ̧ ane ndɨ Fo Kèfə nàa nyɨ̀Ꞌta la, è shu am nê è nka fɨta fɨte.

2 Kɔlìn 1:23

E ndi me tu̧u̧ e kɨꞋɨ a Kɔlìn ale ngua mbɔ̀ɔ̀ mbɨ̀Ꞌɨ̀ mèntɨ̧ɨ̧ mɨ̧ paà me ghò̧ò̧ne. Tè e me làꞋa anè ngua fɨ̀ta fɨte Mbɔ̧ɔ̧mà ghɨ̀ e ndze ngoꞋ.

2 Kɔlìn 11:31

Mbɔ̧ɔ̧mà Tǎt Yesò Lefɨ̀Ꞌ ko nê ànəa mâ shu la wu nkûŋ. Bà me wùꞋte atò ane àlia nè àlia.

Gàlashìà 1:20

Ane nkûŋ, a mbì Mbɔ̧ɔ̧mà, ànəê yaa e shɨa abua yɨ̧ la, ntsě àfɨte.

Efesɔ̀s 6:18

Bɨ̀ me tsàꞋte a Mbɔ̧ɔ̧mà mbɨ̀Ꞌɨ̀ Fo tò nàà ŋwèta àwɨ̧ la, ndò̧a ètɨŋe abua tò. Bɨ̀ me tsàꞋta Mbɔ̧ɔ̧mà ane èghɨ ègème bɨ baãaã me ghɨ̀ la. Bɨ̀ ka ngwàꞋà ndo̧o̧na bɨ̀ ka nkaã. Bɨ̀ me tsaꞋta Mbɔ̧ɔ̧mà àfɨ̀Ꞌ àgème ane bòt tò bàgème.

Filìpȩ 1:3

Màa ngɨ̀ è mɨ̀ɨ̀tè àwɨ̧ àfɨ̀Ꞌ àgème, e ntaꞋa kɔ̀ŋke a Mbɔ̧ɔ̧mà am.

Filìpȩ 1:4

Màa ngɨ̀ è me tsàꞋte a Mbɔ̧ɔ̧mà àtsəa yɨ̧ bɨ̀agème, èntɨ̧ɨ̧ am e lu̧u̧ ne kèŋwaŋ,

Filìpȩ 2:22

È me wu Tɔ̀màtià, ko tà nyɨꞋte mènəè ntsɔ̧̀ mi tè bɨ̀ambɔŋ e ye. Ba tò e li ngua fàꞋà nɔ̂ wuê mbɨ̀Ꞌɨ̀ wòt bɔ̂ waã vi a màntsɔta Ntu̧ Ntsɔ̧̀ Yesò.

Filìpȩ 3:3

Bàa ka bà wu ngule bòt Mbɔ̧ɔ̧mà la. Aa anè nkàà nê wu Fo Mbɔ̧ɔ̧mà ka è ŋa awa mètàŋ ba me tsàꞋte atò la, ba mè ngua ngùꞋtà àwa ndɨ̀ wu ba Yesò Klistò ba è tsiꞋi mbɨꞋɨ̀ àghɨ yeamɔꞋ la. Mèntɨ̧ɨ̧ ma ntsě ane èghɨ bu bɔbȩ àa ngɨa ane mɔb ne mètàŋ la.

1 Tèsàlonikà 1:2

Bàa ngɨ̀ bà me tsàꞋte a Tǎt wa Mbɔ̧ɔ̧mà àfɨ̀Ꞌ àgème, ba me ku̧u̧te awɨ̧, mè nkɔ̀ŋka tò ane ànəa yɨ̧ bɨ̀agème.

1 Tèsàlonikà 3:10

Baa shù̧ù̧ta Mbɔ̧ɔ̧mà ètsəꞋ nè nèngû̧ nè èntɨ̧ɨ̧ wa ègème nê, tà ŋa awa èlu̧ bàambɔŋ è kɨꞋɨ mè ngu nè nɨ̧̀, mbɨ̀Ꞌɨ̀ enyɨꞋte awɨ̧ ndɨ bɨ̀a paa me nèèta ndzìà mèntɨ̧ɨ̧ mɨ̧ ane Mbɔ̧ɔ̧mà la.

1 Tèsàlonikà 5:17

mè ntsàꞋta a Mbɔ̧ɔ̧mà àfɨ̀Ꞌ àgème.

1 Tɔ̀màtià 2:7

Eyaa wu lə Mbɔ̧ɔ̧mà li ndzì am ane wantu̧ vi nê, è me tsɔ̀te ntu̧ yaa abua bòt kà wu Bèjuê la. Tà li nê, è nyɨꞋte èngǎ̧ vi wu è wû nkûŋ la abua bòt, mbɨ̀Ꞌɨ̀ bɔɔ la ebɨ̧ɨ̧ne. È nka laꞋà mèfà̧. E shua nkûŋ.

2 Tɔ̀màtià 1:3

Maa ŋa mènkɔ̀ŋke abua Mbɔ̧ɔ̧mà wu màa faꞋa abua atò nè èntɨ̧ɨ̧ kà wua fèèlè am mbɨ̀Ꞌɨ̀ bètǎt nyaꞋ bɔ̧ è le wua ngɨ̀à la. Màa ngɨ̀ e me tsàꞋte atò nèngû̧ nè ètsəꞋ, è mɨ̀ɨ̀tè àwê, e me kɔ̀ŋkè atò.

Fȩlemùn 1:4

Màa ngɨ̀ e me tsàꞋte Mbɔ̧ɔ̧mà am àfɨ̀Ꞌ àgème, è ku̧u̧te awê, e ŋa mènkɔ̀ŋke abua tò.