Lûm 1:8 - Mundani

⁸ Maà mbɨ̌ kɔ̀ŋke a Mbɔ̧ɔ̧mà am ane èlen Yesò Klistò ane yɨ̧ bɨ̀agème, ane ndɨ bòt a èdziꞋ ègème aà ndàꞋà ndɨ bɨ zi mèntɨ̧ɨ̧ mɨ̧ ane Yesò Klistò la.

Lûm 1:8 Iomraidhean Croise

Matìù 24:14

Bɔɔ li tsɔ̀te Ntu̧ Ntsɔ̧̀ kèfɔ̧̀ Mbɔ̧ɔ̧mà yaa a èlaꞋ ègème a sitsǎꞋ mbɨ̀Ꞌɨ̀ waa waa naa zə, ka ngɔ̀ŋ naa lìa.

Lûk 2:1

È li ngu àfɨꞋa èghɨ bàa e ghɨ̀ la, Empelɔ̀ Sisà Àgɔstɔ̀s saꞋ nê, bòt bàgème bɔ̀ pà̧à̧ àwɔb a èbem èlaꞋ bu a èten li la ègème.

ÀfaꞋa 11:28

Bɔ ghà ale, Fo Mbɔ̧ɔ̧mà ghɨ̀ wòt kǒ ane yɔb èlen etò wu Àgabùs la lɔ̀Ꞌɔ a si nê, èchɨɨ kekweelè aà nkɨ ekɨꞋɨ a èlaꞋ ègème. (Èchɨɨ mbɔŋ e li ngɨ̀ ale nkɨ̀Ꞌɨ̂ àfɨꞋa Klɔdìàs lè wu empelɔ̀ a Luêm la).

ÀfaꞋa 28:22

Ka baa nkɨ ezə ànəa à wu a èntɨ̧ɨ̧ wê la, mbɨ̀Ꞌɨ̀ nê bòt aà ntsìà mpəəte ènɔ̧̂ bòt bu à wu bɨ tò ba la, adzìꞋ àgème.”

Lûm 10:18

Ka tsiꞋ è mbììtè nê tè bɔ bakà zəəè? Ane nkûŋ, bɔ zə, nkàà nê Àkata Mbɔ̧ɔ̧mà a laꞋnê, “Ànəa bɔ̀ làꞋà la, a gha a èdziꞋ ègème a sitsǎꞋ, Mèngǎ̧ mɔb mè nga a bètɔ̀Ꞌa ngɔ̀ŋ bàgème.”

Lûm 16:19

Wòt ègème è zə ndɨ bɨ̀a ngɨ̀à àghɨa Ntu̧ Ntsɔ̧̀ Mbɔ̧ɔ̧mà shu la, tè a taꞋa bɔ̀ am mɨ̧̂. Maà nkɨà nê bɨ̀ bɔ èyì a mànkoa àghɨa àa mbɔ̀ la, mè ngu mbɨ̀Ꞌɨ̀ bòt kà ko àghɨ a màngɨa kàbɔ̀ŋ.

Lûm 6:17

Mâ kɔ̀ŋke a Mbɔ̧ɔ̧mà nê, bɨ̀a wu bɨ̀ le yaã ngu èbùꞋ a màngɨa kàbɔ̀ŋ la, e li mbɨ̧̀ɨ̧̀ne mènəè nkûŋ mu bɔ li nyɨ̀Ꞌte awɨ̧ la nè èntɨ̧ɨ̧ wɨ̧ wemɔꞋ.

1 Kɔlìn 1:4

Maà nkɔ̀ŋkà Mbɔ̧ɔ̧mà àfɨ̀Ꞌ àgème ane àghɨa tà ghɨ ane yɨ̧ la. Tà nyɨꞋte a ntsɔ̧̀ vi abua yɨ̧, ndɨ̀ wu bɨ̀ tsiꞋi àghɨ yeamɔ̀Ꞌ nè Yesò Klistò la.

2 Kɔlìn 2:14

Ka mèngùꞋte wu abua Mbɔ̧ɔ̧mà. Tà gha ambo èlɨ̀ wu bà tsiꞋi àghɨ yeamɔꞋ nè Yesò Klistò la ntse a mbì la me ghaꞋa èlu̧ ba me nû a Satàn ntsèà. Tà ghɨ̂ ba wu mbɨ̀Ꞌɨ̀ mèwet àghaa ntsɔ̧̀ bàa ntsèà àdziꞋ àgème ngɨ̀à bòt e koa àghɨa Yesò Klistò wu yùà la.

Efesɔ̀s 1:15

Èghɨ baa ègème Mbɔ̧ɔ̧mà lɔ̀ɔ̀là wa adù̧ la e ghɨ̂ e me tseke àfɨ̀Ꞌ àgeme nkɔ̀ŋkà Mbɔ̧ɔ̧mà ane ànəa yɨ̧, ebùꞋù tê àfɨ̀Ꞌ yu e ndi ndzə nê bɨa ndzìà mèntɨ̧ɨ̧ mɨ̧ ane Yesò Lefɨ̀Ꞌ mè nèètà nkɔ̀ŋkà bòt Mbɔ̧ɔ̧mà la.

Efesɔ̀s 1:16

Màa ngɨ̀ è me tsàꞋte a Mbɔ̧ɔ̧mà àfɨ̀Ꞌ àgème, e me làꞋa ànəa yɨ̧ abua tò,

Efesɔ̀s 3:21

TsiꞋ Mbɔ̧ɔ̧mà bɔ mèngùꞋte nkàà bòt chɔsì nè Yesò Klistò àfɨ̀Ꞌ àgème ane àlia nè àlia. Àmèn.

Efesɔ̀s 5:20

Bɨ̀ me kɔ̀ŋka Tǎt wa Mbɔ̧ɔ̧mà àfɨ̀Ꞌ àgème ane àghɨ àgème a ghɨ̀ la ane èlen Yesò Klistò Lefɨ̀Ꞌ wa.

Filìpȩ 1:11

A wu anè, ko bɨa tsiꞋa ngɨ̀à wuê mènəè Mbɔ̧ɔ̧mà nàa nkɨà la, ye mu Yesò Klistò nàa ŋǎ bòt bi mètàŋ bɔ ghɨ̀à la. Bɨ me ghɨ̌ ko bòt aa lɔ̀kè èlen Mbɔ̧ɔ̧mà etsàa ègwet e mě ewùꞋte atò.

Filìpȩ 1:3

Màa ngɨ̀ è mɨ̀ɨ̀tè àwɨ̧ àfɨ̀Ꞌ àgème, e ntaꞋa kɔ̀ŋke a Mbɔ̧ɔ̧mà am.

Kɔ̀losìà 1:3

Bàa ngɨ̀ bà me tsàꞋte a Mbɔ̧ɔ̧mà wu tà wu Tǎt Yesò Klistò Lefɨ̀Ꞌ wa la ane ànəa yɨ̧ àfɨ̀Ꞌ àgème, ba me kɔ̀ŋke atò.

1 Tèsàlonikà 1:2

Bàa ngɨ̀ bà me tsàꞋte a Tǎt wa Mbɔ̧ɔ̧mà àfɨ̀Ꞌ àgème, ba me ku̧u̧te awɨ̧, mè nkɔ̀ŋka tò ane ànəa yɨ̧ bɨ̀agème.

1 Tèsàlonikà 2:13

Lə kǒ bàa mè ntsèka nkɔ̀ŋkà a Mbɔ̧ɔ̧mà la wu nê, ba li ndàꞋà èngà̧ wu e dzə abua Mbɔ̧ɔ̧mà la abua yɨ̧ ale, bɨ zə mbɨ̧̀ɨ̧̀nê. Bɨ li mbɨ̧̀ɨ̧̀nê nê, è ntsě èngǎ̧ wɔ̀bȩ̂, nê wu èwe Mbɔ̧ɔ̧mà, è bɔ̂ ngu kwàꞋ èngǎ̧ Mbɔ̧ɔ̧mà. Wu èngǎ̧ mbɔŋ Mbɔ̧ɔ̧mà nɨŋ me fàꞋa ane yɨ̧ wu bɨ zì mèntɨ̧ɨ̧ mɨ̧ ane tò la.

2 Tèsàlonikà 1:3

Bɔnyɨ, ba bɔ ndɨ bàa me kɔ̀ŋka Mbɔ̧ɔ̧mà àfɨ̀Ꞌ àgème ane ànəa yɨ̧ la. A bɔ̂ŋ nê bà me ghɨ̀ ale, nkàà nê, bɨa mpaa ndzìà èntɨ̧ɨ̧ wɨ̧ ane Yesò Klistò nɨa ngà nè mbì, èkɔŋ wɨ̧ ane bɔnyɨ bɨ̧ e mè me ghà ne mbì.

2 Tɔ̀màtià 1:3

Maa ŋa mènkɔ̀ŋke abua Mbɔ̧ɔ̧mà wu màa faꞋa abua atò nè èntɨ̧ɨ̧ kà wua fèèlè am mbɨ̀Ꞌɨ̀ bètǎt nyaꞋ bɔ̧ è le wua ngɨ̀à la. Màa ngɨ̀ e me tsàꞋte atò nèngû̧ nè ètsəꞋ, è mɨ̀ɨ̀tè àwê, e me kɔ̀ŋkè atò.

Fȩlemùn 1:4

Màa ngɨ̀ e me tsàꞋte Mbɔ̧ɔ̧mà am àfɨ̀Ꞌ àgème, è ku̧u̧te awê, e ŋa mènkɔ̀ŋke abua tò.

Ebùlù 13:15

Ale, bɨ̀ tsiꞋ bà me nɨ èlen Yesò ŋǎ mèngùꞋte abua Mbɔ̧ɔ̧mà àfɨ̀Ꞌ àgème. Eyaa wu èwuu àghɨa betsiꞋa ba ko ŋa abua Mbɔ̧ɔ̧mà la. Èghɨ bàa ŋǎ abua Mbɔ̧ɔ̧mà la wu mèngǎ̧ mu bàa ndàꞋà nɨa shua nê tà wu Tǎt wa la.

1 Pità 2:5

Bɨ̀a anè ntsìꞋi àti a yu̧ mɨ̧̂. È wu ale, bɨ̀ səèꞋtè àwɨ̧ ngà mbɨ̧̀ tò tà nɨ awɨ̧ mvəèəè lob Mbɔ̧ɔ̧mà, è wu ye Fo tò yu ane yɨ̧ la. À wu ale mbɨ̀Ꞌɨ̀ bɨa me fàꞋa a èbèm mbɨ̀Ꞌɨ̀ bèntsìà mèpɨ̧̀ èntɨ̧ɨ̧ kèfə, e me tsì mèpɨ̧̀ Fo Mbɔ̧ɔ̧mà, è kùꞋu a mbì tò nkàà àghɨa Yesò Klistò è ghɨ̀ la.

1 Pità 4:11

ÀfaꞋa wòt wu màndaꞋa èngǎ̧ Mbɔ̧ɔ̧mà, tà làꞋà wuê mbɨ̀Ꞌɨ̀ e dzə abua Mbɔ̧ɔ̧mà la. Àyea wòt wu màntɨŋa banɔ̧̀, tà me tɨŋe wuê ane mètàŋ mu è dzə abua Mbɔ̧ɔ̧mà la. Bɨ̀ me ghɨ̀ ale mbɨ̀Ꞌɨ̀ waa waa naa wùꞋte Mbɔ̧ɔ̧mà ane àghɨ àgème bɨ̀a ngɨ̀à la ane èlen Yesò Klistò. MèngùꞋte nè mètàŋ è wu abua Yesò Klistò ane àlia nè àlia. Àmèn.