Lûm 1:7 - Mundani

⁷ Tà shɨ abua bòt Mbɔ̧ɔ̧mà bu bàgème a Luêm, Mbɔ̧ɔ̧mà nàa nkɔ̀ŋkà àwɔb mè ntɔ awɔb ane bòt bi la. Maà shù̧ù̧ta Tǎt wa Mbɔ̧ɔ̧mà bɔ̂ Yesò Klistò Lefɨ̀Ꞌ nê bɔ̀ nyɨꞋte a ntsɔ̧̀ wɔb abua yɨ̧, ngɨ̀ bɨ̀ bɔ àlàŋkè a mèntɨ̧ɨ̧ mɨ̧.

Lûm 1:7 Iomraidhean Croise

Matìù 5:16

È wu ale, bɨ tsiꞋ èkaꞋà wɨ̧ e beꞋè a mbì bòt mbɨ̀Ꞌɨ̀ bɔɔ ye èfàꞋa ntsɔ̧̀ bɨ̧ e ŋa mèngùꞋte abua tǎt wɨ̧ a ègwet.

Jɔ̌n 20:17

Yesò shu abua tò nê, “Ka mbà̧à̧te am nkàà nê e mbakà ziꞋ nkɔꞋɔ te ghǎ ekwene ane Tǎt am. Ghǎ shu abua bɔnyɨ bɔ̧ nê, e ngua nga ekwene ane Tǎt am wu tà wu Tǎt wɨ̧ mɨ̧̂ la, ye wu tà wu Mbɔ̧ɔ̧mà am mè ngu Mbɔ̧ɔ̧mà wɨ̧ la.”

ÀfaꞋa 15:23

Bɔ li ntsàà àkatè yaa abua yɔb nê, Bàa bòt Yesò nè bɔɔjuŋ ayɔɔ aya nè bɔntu̧ tò, aà ntsàꞋtà awɨ̧ bɨ̀a bòt Yesò bu bɨ̀ wu bɔnyɨ ba a Antìɔ̀k, nè Silìà, nè Sìlisìà kà wu Bèjuê la.

ÀfaꞋa 9:13

Ànàniàs bɨ̀ɨ̀lè nê, “Tè Yesò, bòt nyaŋ e taꞋa làꞋa ànəa mbê waa, e dzə. Bɔ shu èwuu èbɨꞋte èghɨ ègème tà ghɨ ane bòt Mbɔ̧ɔ̧mà a Jèlusalèm la mɨ̧̂.

Lûm 1:6

Fɔɔle awɨ̧ wu bɨ̀ wu ayɨ̧ ayɔɔ bòt bu Mbɔ̧ɔ̧mà tɔ awɔb nê bɔ̀ wu bòt Yesò Klistò la.

Lûm 5:1

Ndɨ̀ wu Mbɔ̧ɔ̧mà nɨ awa mbɨ̀Ꞌɨ̀ bòt bɔ tɨ̧ɨ̧ ndɨŋndɨ̀ŋ a mbì li nkàà ndɨ̀ wu baa zì mèntɨ̧ɨ̧ ma ane tò la, baa bɔ àlàŋkè nè Mbɔ̧ɔ̧mà nkàà àghɨa Yesò Klistò Lefɨ̀Ꞌ wa ghɨ ane ya la.

Lûm 5:5

Mbɨ̀Ꞌɨ̀ baa ko ale la, baa ntsèa nchɨ̀Ꞌà àku, nkàà nê Fo Kèfə yu tà ŋa abua ya la è ghɨ̂ èkɔŋ tò e lu̧u̧ a mèntɨ̧ɨ̧ ma.

Lûm 8:28

Baà ko nê Mbɔ̧ɔ̧mà nàa ngɨ̀à àghɨa àgème wuê ane ntsɔ̧̀ bòt bu bɔ̀ɔ nkɔ̀ŋkà tò la, bòt bu tà tɔ awɔb mbɨ̀Ꞌɨ̀ tà li nɔ̀ŋè la.

Lûm 8:39

kò ngɔ̀ŋ yu a ègwet la, kò ye si leꞋ, kò àghɨa ko tsa ane èghɨ bu ègème Mbɔ̧ɔ̧mà ghɨ̀ la leꞋ, à ka tsì èkɔŋ Mbɔ̧ɔ̧mà bɔ ane ya nkàà Yesò Klistò Lefɨ̀Ꞌ wa la.

Lûm 9:25

A bê ngu wuê mbɨ̀Ꞌɨ̀ tà shua a èbem àkata Osìà la nê, “Maa tɔ bòt bu bɔ li bɔ̀ ka wu bòt bɔ̧ la, ane ‘Bòt bɔ̧.’ Maa tɔ àlaꞋ yu e ndɨ e nka wua nkɔ̀ŋkà la, ane ‘ÀlaꞋ a èkɔŋ am.’

1 Kɔlìn 1:24

Ka è me wu bòt Mbɔ̧ɔ̧mà tɔ la, Bèjuê nè bòt ka wu Bèjuê èngǎ̧ waa ba làꞋà la wu ànəa Yesò Klistò wu tà wù mètàŋ Mbɔ̧ɔ̧mà mè ngu èyǐ tò la.

1 Kɔlìn 16:23

Maà shù̧ù̧ta nê Yesò Lefɨ̀Ꞌ nyɨꞋte a ntsɔ̧̀ vi abua yɨ̧.

2 Kɔlìn 13:14

Maà ntsàꞋtà nê Lefɨ̀Ꞌ Yesò Klistò nyɨꞋte a ntsɔ̧̀ vi abua yɨ̧, bɨ̀ mě ndzè èkɔŋ Mbɔ̧ɔ̧mà, Fo Kèfə e ghɨa bɨ̀ wu ane ètsəê wemɔꞋ bɨ̀agème.

Gàlashìà 6:18

Bɔnyɨ bɔ̧, maà ntsàꞋtà nê Yesò Klistò Lefɨ̀Ꞌ wa è me nyɨꞋte a ntsɔ̧̀ vi abua yɨ̧, mè baabe awɨ̧. Àmèn.

Efesɔ̀s 1:2

Maà ntsàꞋtà nê Tǎt wa Mbɔ̧ɔ̧mà bɔ̂ Yesò Klistò Lefɨ̀Ꞌ è me nyɨꞋte a ntsɔ̧̀ wɔb abua yɨ̧ mè ngɨ̀ bɨ̀ bɔ àlàŋkè a mèntɨ̧ɨ̧ mɨ̧.

Efesɔ̀s 6:23

Maà ntsàꞋtà nê, Tǎt wa Mbɔ̧ɔ̧mà bɔ̂ Yesò Klistò Lefɨ̀Ꞌ è ghɨa bɔnyɨ ba è me tseke ane àlàŋkè, nkɔ̀ŋkà wɔb bɔ̀ɔ mbɔŋ, mè ndzìà mèntɨ̧ɨ̧ mɔb ane Tǎt wa Mbɔ̧ɔ̧mà bɔ̂ Yesò Klistò Lefɨ̀Ꞌ.

Filìpȩ 1:2

Baa shù̧ù̧ta Tǎt wa Mbɔ̧ɔ̧mà bɔ̂ Yesò Klistò Lefɨ̀Ꞌ nê bɔ̀ me nyɨꞋte a ntsɔ̧̀ wɔb abua yɨ̧ mè ngɨ̀ bɨ̀ bɔ àlàŋkè.

Filìpȩ 4:13

BetsiꞋa e nko ngɨ̀ àghɨ àgème, nkàà mètàŋ mu Yesò Klistò nàa ŋǎ abua am la.

Filìpȩ 4:20

TsiꞋ mèngùꞋte wu abua Tǎt wa Mbɔ̧ɔ̧mà ane àlia nè àlia. Àmèn.

Filìpȩ 4:23

Maà ntsàꞋtà nê, Yesò Klistò Lefɨ̀Ꞌ è me nyɨꞋte a ntsɔ̧̀ vi abua yɨ̧ bɨ̀agème mè ngu nè nɨ̧̀.

Kɔ̀losìà 1:2

Abua bɔnyɨ ba bòt Mbɔ̧ɔ̧mà bu a Kɔ̀losìà, bɔ zì mèntɨ̧ɨ̧ mɔb ane Yesò Klistò, ntsiꞋi àghɨ yeamɔꞋ nè tò. Baa ntsàꞋtà nê Tǎt wa Mbɔ̧ɔ̧mà è me nyɨꞋte a ntsɔ̧̀ vi abua yɨ̧, mè ngɨ̀ bɨ̀ bɔ àlàŋkè a mèntɨ̧ɨ̧ mɨ̧.

Kɔ̀losìà 3:12

Ale, ndɨ̀ wu bɨ̀ wu bòt Mbɔ̧ɔ̧mà tà kɔ̀ŋkà wɨ̧ ndàà àwɨ̧ la, bɨ̀ me ku tèsȩte bòt, mè ngɨa ntsɔ̧̀ abua bòt ko. Bɨ̀ me nɨ awɨ̧ a si, njùa ane mènəè mɨ̧, bɨ̀ ka mè me yàŋa ntsòa ane bòt.

Kɔ̀losìà 3:15

Bɨ me kɨ èghɨ àghɨ, bɨ ye nê bɨ ghɨ̀ ne àlàŋkè yu a kètsìà wɨ̧ a dzə abua Yesò Klistò la. Mbɔ̧ɔ̧mà lâ ntɔ awɨ̧ nê bɨ̀ kɨꞋɨ ntsìꞋi mbɨ̧̀ ènyit yemɔ̀Ꞌ mbɨ̀Ꞌɨ̀ ebɔ èwuu àlàŋkè yaa. È wu ale bɨ me ŋa mènkɔ̀ŋke abua Mbɔ̧ɔ̧mà.

1 Tèsàlonikà 1:1

Letà Pɔ̂l bɔ̂ Silvanùs nè Tɔ̀màtià, Abua bòt chɔsì wu a Tèsàlonikà, bɔ̀ wu bòt Tǎt wa Mbɔ̧ɔ̧mà bɔ̂ Yesò Klistò Lefɨ̀Ꞌ la. Baa ntsàꞋtà nê Tǎt wa wu me nyɨꞋte a ntsɔ̧̀ vi abua yɨ̧ mè ngɨ̀ bɨ̀ bɔ àlàŋkè.

1 Tèsàlonikà 1:3

Bàa ngɨ̀ baa me ku̧u̧te mènəè mu bɨ̀a ngɨ̀à ndɨ̀ wu bɨ zì mèntɨ̧ɨ̧ mɨ̧ ane Yesò la. Baa nkù̧ù̧ta mɨ̧̂ ndɨ bɨ taꞋa wua fàꞋà nkàà nê bɨ̀a nkɔ̀ŋkà tò la, mè me ku̧u̧te ndɨ bɨ nɔ̀ŋe ntɨ̀ yɨ̧ ane Yesò Klistò Lefɨ̀Ꞌ wa la.

1 Tèsàlonikà 1:4

Bɔnyɨ ba, ba ko nê Mbɔ̧ɔ̧mà nàà nkɔ̀ŋkà àwɨ̧, mè ndàà àwɨ̧ nê bɨ̀ wu bòt bi.

1 Tèsàlonikà 4:7

Mbɔ̧ɔ̧mà li tà kà wua ntɔ̂ awa nê wòt me nɔ̀ŋkè ne àvi kà wu we tò. Tà li ngua ntɔ̂ awa nê bà ŋa awa nènkèm abua zi.

1 Tèsàlonikà 5:28

Maà ntsàꞋtà nê, tsiꞋ Yesò Klistò Lefɨ̀Ꞌ wa me kɔ̀ŋkè àwɨ̧ mè nyɨ̀Ꞌta a ntsɔ̧̀ vi abua yɨ̧.

2 Tèsàlonikà 1:2

Baa ntsàꞋtà nê, Tǎt wa Mbɔ̧ɔ̧mà bɔ̂ Yesò Klistò Lefɨ̀Ꞌ è nyɨꞋte a ntsɔ̧̀ wɔb abua yɨ̧ mè ngɨ̀ bɨ̀ bɔ àlàŋkè a mèntɨ̧ɨ̧ mɨ̧.

2 Tèsàlonikà 3:16

Baa ntsàꞋtà nê, Tǎt wa Yesò zìambɔŋ, wu tàa ngɨ̀à bòt e bɔ àlàŋkè la, ghɨa bɨ̀ bɔ àlàŋkè a mèntɨ̧ɨ̧ mɨ̧ ane balu̧ bàgème àfɨ̀Ꞌ àgeme. Baa ntsàꞋtà nê, Tè Yesò wu ne nɨ̧̀ bɨ̀agème.

2 Tèsàlonikà 3:18

Baa ntsàꞋtà nê, Yesò Klistò Lefɨ̀Ꞌ wa me nyɨꞋte a ntsɔ̧̀ vi abua yɨ̧ bɨ̀agème.

1 Tɔ̀màtià 1:2

Abua Tɔ̀màtià, ngule waã am ane Yesò. Maà shù̧ù̧ta nê Tǎt wa Mbɔ̧ɔ̧mà bɔ̂ Yesò Klistò Lefɨ̀Ꞌ wa è me nyɨꞋte a ntsɔ̧̀ wɔb abua yê, nkua tèsȩ tê, mè ngɨ̀ à bɔ àlàŋkè a èntɨ̧ɨ̧ wê.

1 Tɔ̀màtià 6:2

ÈbùꞋ bu bètǎt bɔb è wu bòt Yesò la, è ka ngà a mbɔ ndɨ bɔ̀ tsiꞋi mbɨ̀Ꞌɨ̀ bɔnyɨ bɔb la me ghɨ àtsə àkekweelè abua bèŋût. Bɔ bɔ ndɨ bɔɔ me zə bètǎt bɔb bu tè ntsèà ale la, nkàà nê bòt bɔ̀ɔ njɨ̀a àbȩ̀ àfàꞋ yɔb la wu bòt bu bɔ̂ tò ba e zi èntɨ̧ɨ̧ wɔb ane Yesò me kɔ̀ŋkè awɔb la. À bɔ ndɨ àa nyɨꞋte mènəè maa e kɨɨte bòt bɔɔ me ghɨ la.

2 Tɔ̀màtià 1:2

Abua Tɔ̀màtià waã èkɔŋ am. Maà shù̧ù̧ta Tǎt wa Mbɔ̧ɔ̧mà bɔ̂ Yesò Klistò Lefɨ̀Ꞌ wa nê bɔ̀ me nyɨꞋte a ntsɔ̧̀ wɔb abua yê, nkua tèsȩ tê, mè ngɨ̀ à bɔ àlàŋkè a èntɨ̧ɨ̧ wê.

2 Tɔ̀màtià 4:22

Maà shù̧ù̧ta Mbɔ̧ɔ̧mà nê tà wu ne nè, mè me nyɨꞋte a ntsɔ̧̀ vi abua yɨ̧ bɨ̀agème.

Tȩtɔ̀s 1:4

E shɨa letà waa abua Tȩtɔ̀s, ngule waã am, ba tò e zì mèntɨ̧ɨ̧ ma ane wòt wemɔ̀Ꞌ la. Maà shù̧ù̧ta Tǎt wa Mbɔ̧ɔ̧mà bɔ̂ Yesò Klistò Mpemnà wa nê bɔ̀ me nyɨꞋte awê a ntsɔ̧̀ wɔb, mè ngɨ̀ à bɔ àlàŋkè a èntɨ̧ɨ̧ wê.

Fȩlemùn 1:25

Maà ntsàꞋtà nê Yesò Klistò Lefɨ̀Ꞌ me nyɨꞋte a ntsɔ̧̀ vi abua yɨ̧ mè ngu nè nɨ̧̀ bɨ̀agème.

Fȩlemùn 1:3

Nê, Tǎt waa Mbɔ̧ɔ̧mà bɔ̂ Yesò Klistò Lefɨ̀Ꞌ è me nyɨꞋte a ntsɔ̧̀ wɔb abua yɨ̧ mè ngɨ̀ bɨ̀ bɔ àlàŋkè a mèntɨ̧ɨ̧ mɨ̧.

Jimsì 1:1

Letà Jimsì wafàꞋ Mbɔ̧ɔ̧mà bɔ̂ Yesò Klistò Lefɨ̀Ꞌ, Abua bòt Mbɔ̧ɔ̧mà bu bɔ taatè me tseke a èdziꞋ èdziꞋ a ngɔ̀ŋ ŋaa la. Maà ntsàꞋtà àwɨ̧.

1 Pità 1:15

Bɨ̀ tɨ̧ɨ̧ wuê ndɨŋndɨ̀ŋ ane mènəè ègème bɨ̀a ngɨ̀à la, mbɨ̀Ꞌɨ̀ Mbɔ̧ɔ̧mà wu tà nɨ awɨ̧ ane bòt bi la nàa ndɨŋndɨ̀ŋ la.

1 Jɔ̌n 3:1

Bɨ̀ ye èwuu èkɔŋ ko Tǎt wa Mbɔ̧ɔ̧mà bɔ ane ya la! Tà kɔ̀ŋkè àwa nyaŋ tè bɔ ntsiꞋa ntɔ awa ane bɔ̧ tò, ba bɔ mbê ngù bùà. Àghɨa a ghɨ̂ ka bòt ngɔ̀ŋ yaa è ka ko èwuu bòt bà wu bùà la, wu ndɨ̀ wu bɔ̀ bakà ko wòt Tǎt wa Mbɔ̧ɔ̧mà wu wùà la.

2 Jɔ̌n 1:3

Maà shù̧ù̧ta Tǎt wa Mbɔ̧ɔ̧mà bɔ̂ Waã vi Yesò Klistò nê bɔ̀ nyɨꞋte a ntsɔ̧̀ wɔb abua ya, nkù tèsȩ ta mè ngɨ̀ bà bɔ àlàŋkè. Èghɨ baa è wu abua ya wu ba ko nkûŋ mè me kɔ̀ŋkè bɔnyɨ ba la.

Ètsə 2:1

“Shɨa àkatè abua wantu̧ Mbɔ̧ɔ̧mà wu tàa ndȩ̀a chɔsì wu a Efesɔ̀s la nê, ‘Mèngà̧ maa è dzəa abua wòt wu tà bèa těnto̧ tu tesà̧à̧mbe àbualu̧ azi, mè me ghȩ̀ȩ̀nè a kètsìà èghɨ bu besà̧à̧mbe bɔ̀ɔ ntsìta mèkàꞋà adù̧, bɔ ghɨ ane goêl la.

Ètsə 2:12

“Shɨa àkatè abua wantu̧ Mbɔ̧ɔ̧mà wu tàa ndȩa chɔsì wu a Pegamùm la nê: ‘Eyaa mèngǎ̧ wòt wu tà bɔ nyi yu nàa ntɔa èbâ bebe la.

Ètsə 2:18

“Shɨa àkatè abua wantu̧ Mbɔ̧ɔ̧mà wu tàa ndȩa chɔsì wu a Tȩ̀tilà la nê: ‘Eyaa mèngǎ̧ Waã Mbɔ̧ɔ̧mà wu àghɨ atò àa mbèꞋa mbɨ̀Ꞌɨ̀ èwet nkòòla la, èka tò e mè me beꞋe mbɨ̀Ꞌɨ̀ àtɨ̧ɨ̧na bɔ to̧a èwet la.

Ètsə 2:29

Wòt bɔ ètû̧, tà yùte ànəa Fo Mbɔ̧ɔ̧mà wua shua abua bèchɔsì bu la.”

Ètsə 2:8

“ ‘Shɨa àkatè abua wantu̧ Mbɔ̧ɔ̧mà wu tàa ndȩa chɔsì wu a Sìmȩnà la nê: ‘Eyaa mèngǎ̧ wòt wu tà wù MèmbùꞋu nè Mèndìa la. Wu tòà wu tà li mpfə mè njù̧ù̧me la.

Ètsə 22:21

Maà shù̧ù̧ta nê Yesò Lefɨ̀Ꞌ nyɨꞋte a ntsɔ̧̀ vi abua bòt Mbɔ̧ɔ̧mà bàgème. Àmèn.

Ètsə 3:14

“ ‘Shɨa àkatè abua wantu̧ Mbɔ̧ɔ̧mà wu tàa ndȩa chɔsì wu a Làoêdisìà la nê: ‘Eyaa wu mèngǎ̧ wòt wu bɔ̀ɔ ntɔ atò nê Àmèn, mè ngu wòt nkûŋ, mèngǎ̧ tò è kùꞋu me bòt àa bɨ̧ɨ̧ne la. Mbɔ̧ɔ̧mà li ngɨ̀ àghɨ àgème a bùꞋ ane tò.

Ètsə 3:22

Wòt bɔ ètû̧, tà yùte ànəa Fo Mbɔ̧ɔ̧mà nàa shu abua bèchɔsì bu la.”

Ètsə 3:7

“ ‘Shɨa àkatè abua wantu̧ Mbɔ̧ɔ̧mà wu tàa ndȩa a chɔsì wu a Fìlàdefìà la nê: ‘Eyaa wu mèngǎ̧ Ngule Waã Mbɔ̧ɔ̧mà, tà mèe ngu wòt nkûŋ la. Nkȩte fɔ̧̀ Dàbid te wu abua tò. Tàa ngɨ̀ tà kȩ ètsələèꞋ, wòt kà ko ntsɔꞋ; tà ntsɔꞋ ètsələèꞋ, wòt kà ko nkȩ̀.